DYFI Kozhikode

29/10/2026

ജനാധിപത്യം സംരക്ഷിക്കാൻ,
വോട്ട് കൊള്ള അവസാനിപ്പിക്കാൻ
'KICK OUT GYANESH KUMAR'
ഗ്യാനേഷ് കുമാറിനെ പുറത്താക്കുക
-ജന്തർ മന്ദർ കോഴിക്കോട് ബീച്ച്-

29/10/2026

ആദരാഞ്ജലികൾ 🌹

29/10/2026

സംസ്ഥാന സ്കൂൾ കായിക മേളയിലെ പിഴവ് ചൂണ്ടിക്കാണിച്ച കൈരളി ന്യൂസ് മാധ്യമപ്രവർത്തകരെ മർദ്ദിച്ച സംഘാടകരുടെ നടപടി അപലപനീയവും പ്രതിഷേധാർഹവുമാണ്. കൈരളി ന്യൂസ് റിപ്പോർട്ടർ അമൽനാഥ് പാടിച്ചാലിനെയാണ് മർദിച്ചത്.

വനിതാ മാധ്യമപ്രവർത്തകരെ ഉൾപ്പെടെ കൈയേറ്റം ചെയ്തു. ഭക്ഷണം കഴിക്കാനായി എത്തിയ കൈരളി ന്യൂസ് മാധ്യമ പ്രവർത്തകർക്ക് നേരെയാണ് സംഘം ചേർന്നെത്തിയ കോൺഗ്രസ്- ലീഗ് അനുകൂല അധ്യാപക സംഘടന പ്രവർത്തകർ ഉൾപ്പെടെ അസഭ്യ വർഷം നടത്തിയതും കൈയേറ്റം ചെയ്തതും. ഭക്ഷണത്തിൽ പുഴുവിനെ കണ്ടെത്തിയ വാർത്തയും കായികമേളയിലെ മറ്റു പിഴവുകളും കഴിഞ്ഞ ദിവസങ്ങളിൽ മാധ്യമങ്ങൾ റിപ്പോർട്ട് ചെയ്തിരുന്നു.
ഇതിൽ അരിശം പൂണ്ടാണ് സംഘാടകർ ഈ രീതിയിൽ അഴിഞ്ഞാടിയത്.
മാതൃകാപരമായ രീതിയിൽ കേരളത്തിൽ നടന്നു വന്നിരുന്ന സംസ്ഥാന സ്കൂൾ കായികമേളയെ കെടുകാര്യസ്ഥത കൊണ്ടും സംഘാടന പിഴവ് കൊണ്ടും കായികരംഗത്തെ ചരിത്രത്തിലെ മോശം കായിക മേളയാക്കി മാറ്റിയ യുഡിഎഫ് സർക്കാർ തങ്ങളുടെ പ്രവർത്തകരെ കൊണ്ട് മാധ്യമപ്രവർത്തകരെ ആക്രമിച്ച സംഭവം ഗുരുതരമാണ്.
കുറ്റക്കാര്‍ക്കെതിരെ കർശന നടപടി സ്വീകരിക്കണം.
സംഭവത്തിൽ ഡിവൈഎഫ്ഐ സംസ്ഥാന സെക്രട്ടേറിയറ്റ് ശക്തമായ പ്രതിഷേധം രേഖപ്പെടുത്തുന്നു.

28/10/2026

DYFI കോഴിക്കോട് ജില്ലാ കമ്മിറ്റിയുടെ "സ്നേഹധമനി" ക്യാമ്പയിന്റെ ഭാഗമായി കോഴിക്കോട് മെഡിക്കൽ കോളേജിൽ കൊയിലാണ്ടി ബ്ലോക്കിലെ കാരയാട് മേഖലയിലെ രക്തദാനം ചെയ്ത സഖാക്കൾ

അഭിവാദ്യങ്ങൾ

26/10/2026

DYFI കോഴിക്കോട് ജില്ലാ കമ്മിറ്റിയുടെ "സ്നേഹധമനി" ക്യാമ്പയിന്റെ ഭാഗമായി 26/10/2026 ന് കോഴിക്കോട് മെഡിക്കൽ കോളേജിൽ ബാലുശ്ശേരി ബ്ലോക്കിലെ കാവുന്തറ മേഖലയിലെ രക്തദാനം ചെയ്ത സഖാക്കൾ

അഭിവാദ്യങ്ങൾ

25/10/2026

പി എസ് സി ചെയർമാനെയും അംഗങ്ങളെയും പുറത്താക്കണമെന്ന് ആവശ്യപ്പെട്ട് മുൻ ഗവർണർ രാഷ്ട്രപതിക്ക് നൽകിയ ശുപാർശ ജനാധിപത്യവിരുദ്ധവും ആർഎസ്എസ്- കോൺഗ്രസ് ഡീലിന്റെ ഭാഗവുമാണ്.

ഗവർണർ സ്ഥാനം ഒഴിയുന്നതിൻ്റെ തൊട്ടുമുമ്പാണ് മുൻ ഗവർണർ രാജേന്ദ്ര ആർലേക്കർ ഇത്തരമൊരു ശുപാർശ നൽകിയത്.പിഎസ് സിയുടെ മൂല്യനിർണയവുമായി ബന്ധപ്പെട്ട കേസിൽ ക്രൈംബ്രാഞ്ച് അന്വേഷണം നടക്കുകയാണ്.
സാധാരണഗതിയിൽ ഒരു അന്വേഷണം നടക്കുമ്പോൾ അന്വേഷണ റിപ്പോർട്ട് ലഭിച്ചശേഷം മന്ത്രിസഭയുടെ ശുപാർശയോടു കൂടിയാണ് ഇത്തരത്തിലുള്ള നടപടി സ്വീകരിക്കുക.എന്നാൽ ഗവർണർ സ്വമേധയാ ഈ ശുപാർശ നൽകുകയായിരുന്നു.
മുഖ്യമന്ത്രിയുടെ കീഴിലുള്ള വകുപ്പായ പി എസ് സിയുമായി ബന്ധപ്പെട്ട കാര്യം ആയതിനാൽ ഇത് മുഖ്യമന്ത്രി അറിഞ്ഞു കൊണ്ട് ഗവർണർ നൽകിയിരിക്കുന്ന ശുപാർശ ആണെന്ന് ഉറപ്പാണ്.
നിലവിൽ
നടക്കുന്ന അന്വേഷണത്തിന്റെ റിപ്പോർട്ട് വന്നിട്ടുമില്ല അന്വേഷണത്തിൽ നിലവിൽ എവിടെയെങ്കിലും പ്രഥമദൃഷ്ട്യാ എന്തെങ്കിലും കുറ്റം ചെയ്തതായി തെളിവുമില്ല. അങ്ങനെയിരിക്കെ ധൃതി പിടിച്ചു ഇത്തരം ഒരു ശുപാർശ നൽകിയതിൽ പിറകിൽ ആർഎസ്എസ് കോൺഗ്രസ് ഡീലാണെന്നും വ്യക്തമാണ്.
സർവ്വകലാശാലകളിലെ സെനറ്റ്,സിൻഡിക്കേറ്റ്, വിസി നിയമനങ്ങളിൽ ഗവർണർ ഉപയോഗിച്ച അമിതാധികാരപ്രയോഗം തന്നെയാണ് ഇവിടെയും ഉണ്ടായിരിക്കുന്നത്.
പി എസ് സിയിലും സംഘപരിവാറുകാരെ തിരുകി കയറ്റാനുള്ള ശ്രമമാണ് നടക്കുന്നത്.
അതിനെ മുഖ്യമന്ത്രിയും പിന്തുണയ്ക്കുന്ന സമീപനം നിഗൂഢവും സുതാര്യമായ ഒരു സംവിധാനത്തെ തകർക്കാനുള്ള രാഷ്ട്രീയ ഗൂഢാലോചനയുടെ ഭാഗവുമാണ്.
അതീവ രഹസ്യ സ്വഭാവമുള്ള പരീക്ഷകളും മൂല്യനിർണ്ണയവും നടത്തി നിയമന പ്രക്രിയ പൂർത്തിയാക്കുന്ന കേരളത്തിലെ പി എസ് സിയുടെ വിശ്വാസ്യത തകർത്ത് താറടിക്കാനുള്ള ശ്രമമാണ് ഇതിന് പിറകിൽ.
തികച്ചും ജനാധിപത്യ വിരുദ്ധമായി അമിതാധികാര പ്രയോഗത്തിലൂടെ പി എസ് സി ചെയർമാനെയും അംഗങ്ങളെയും പുറത്താക്കാൻ രാഷ്ട്രപതിക്ക് ശുപാർശ നൽകിയ ഗവർണറുടെ നടപടിക്കെതിരെ ഡിവൈഎഫ്ഐ സംസ്ഥാന സെക്രട്ടേറിയറ്റ് ശക്തമായ പ്രതിഷേധം രേഖപ്പെടുത്തുന്നു.

25/10/2026

നാളെ വൈകിട്ട് 5 മണിക്ക് 🔥

22/10/2026

സ്പൈനൽ മസ്കുലർ അട്രോഫി (SMA) രോഗം ബാധിച്ച കുട്ടികൾക്ക് പരീക്ഷണ ലേബലുള്ള മരുന്നുകൾ നൽകി മരുന്ന് പരീക്ഷണം നടത്തിയ നടപടി ഞെട്ടിക്കുന്നതാണ്.

തിരുവനന്തപുരത്തെ എസ്.എ.ടി. (SAT) ആശുപത്രി വഴി വിതരണം ചെയ്ത മരുന്നുകളിൽ ‘Physician Sample’ എന്നും ‘For Clinical Trials Only’ എന്നും രേഖപ്പെടുത്തിയിട്ടുണ്ട്.
ഇത്തരം മരുന്നുകൾ രക്ഷിതാക്കളുടെ സമ്മതം പോലും ഇല്ലാതെ രോഗബാധിതരായ കുട്ടികളിൽ പരീക്ഷിക്കുന്ന സമീപനം അത്യന്തം ഗൗരവതരമാണ്.
ഇതുമായി ബന്ധപ്പെട്ട് വലിയ രീതിയിലുള്ള നുണകളാണ് ആരോഗ്യ വകുപ്പ് മന്ത്രി പറയുന്നത്.
മരുന്നു കമ്പനി പ്രതിനിധികളുമായി മന്ത്രി കൂടിക്കാഴ്ച നടത്തിയ ദൃശ്യങ്ങൾ നിലവിൽ പുറത്തു വന്നിട്ടുണ്ട്.
പുതിയ യുഡിഎഫ് സർക്കാർ അധികാരത്തിൽ വന്നശേഷം ഈ മരുന്ന് കമ്പനിയുമായി ഉണ്ടാക്കിയ ധാരണ മറച്ചുവെച്ച് കഴിഞ്ഞ സർക്കാരിൻ്റെ കാലത്താണ് ഇത് ആരംഭിച്ചത് എന്ന് പച്ച കള്ളം പറയുകയാണ് ആരോഗ്യവകുപ്പ് മന്ത്രി.
ആരോഗ്യവകുപ്പും സർക്കാറും മരുന്നു കമ്പനിക്ക് വേണ്ടി ഒളിച്ചു കളിക്കുകയാണ്.
ഈ വിഷയത്തിൽ സമഗ്രമായ അന്വേഷണം നടത്തി കുറ്റക്കാർക്ക് എതിരെ കർശനമായ നിയമനടപടി സ്വീകരിക്കണമെന്ന് ഡിവൈഎഫ്ഐ സംസ്ഥാന സെക്രട്ടേറിയറ്റ് ആവശ്യപ്പെട്ടു.

22/10/2026