31/05/2025
👵👴 𝐈𝐍𝐀𝐔𝐆Ú𝐑𝐀𝐒𝐄 𝐄𝐍 𝐍𝐈𝐆𝐑Á𝐍 𝐔𝐍 𝐍𝐎𝐕𝐎 𝐂𝐄𝐍𝐓𝐑𝐎 𝐃𝐄 𝐃Í𝐀 𝐏𝐀𝐑𝐀 𝐎 𝐂𝐎𝐈𝐃𝐀𝐃𝐎 𝐃𝐀𝐒 𝐏𝐄𝐑𝐒𝐎𝐀𝐒 𝐌𝐀𝐈𝐎𝐑𝐄𝐒.
👵👴 NIGRÁN conta desde onte cun novo recurso para o coidado das persoas maiores: o Centro de Día “Val Miñor”, que foi inaugurado oficialmente nun acto no que participaron representantes institucionais, profesionais do ámbito sociosanitario, familiares e veciños da comarca.
👵👴 Ao evento asistiron Ana Ortiz, delegada da Xunta en Vigo, o alcalde de Nigrán e Baiona; Juan A. González e Jesús Vázquez Almuíña respectivamente, a Concelleira de asuntos sociais Bibiana Peixoto e tamén a portavoz do Partido Popular en Nigrán, María José Pino. Todos eles destacaron a importancia de contar cun servizo deste tipo para mellorar a calidade de vida da poboación maior e facilitar a conciliación familiar.
👵👴 Situado nun espazo accesible e moderno, o centro nace co obxectivo de ofrecer atención diúrna personalizada ás persoas maiores, favorecendo a súa autonomía, benestar emocional e integración social. As instalacións dispoñen de comedor, sala de estimulación cognitiva, zona de descanso, enfermaría, actividades terapéuticas e servizos adaptados a cada usuario.
👵👴 Baixo o lema “Un fogar para ti cada día”, o novo centro aposta por un modelo de atención centrado na persoa, ofrecendo acompañamento profesional, trato digno e actividades que promoven o envellecemento activo.
👵👴 Desde a dirección destacaron a boa acollida do servizo, que xa conta con numerosas solicitudes de praza, e o compromiso de seguir medrando para dar resposta á crecente demanda dunha poboación cada vez máis envellecida.
👵👴 A apertura do Centro de Día “Val Miñor” supón un importante reforzo na rede de coidados do municipio e da comarca
