04/14/2025
عندما ظن أنه فى قبر ظل يصيح ولم يستجيب له أحد وبدأ يصحو بصوت عال ولم ينتبه له أحد .الجزء الاول
انا اكرم من محافظه الاقصر 32 عام متجوز وعندى 3 اطفال هم كل حياتى شغال على باب الله زى اى حد مش عنده وظيفه ثابته زى معظم مدن الصعيد من النادر لما تلاقى حد كمل تعليمه
كل يوم فى حال بشغل جديد
تلفونى رن الصبح لقيته متولى ابن اختى هو ابن اختى اها بس اكبر منى بسنه
ايوه يا متولى ايوه يا اكرم انت لسه نايم قوم فز عندنا مصلحه حلوه المهم قومت غيرت هدومى وعملت كوباية الشاى المعتادة بتاعت كل يوم مع السيجاره وخدت بعضى ومشيت قابلت ابن اختى العزيز متولى قالى بس بقا ياخالى ياوش السعد عندنا طالعه فى معبد الأقصر قولتله هنعمل اى هناك قالى هنوضب المعبد عشان الصيف داخل علينا وكمان هنظبطه للسياح ويوميتك ياخال مش هقولك 300جنيه دا غير اللى هيطلعلنا من السياح المهم قولتله معاك يابن اختى طالما فيها رزق لينا ولعيالنا اتكلنا على الله وروحنا المعبد لقينا اتنين عمال ورئيس العمال كمان بقينا كدا اربع عمال واللى. ماسك الشغل دخلنا المعبد الجو عندنا فى الأقصر بيبقا حر اوووى بس اول ما دخلنا حسينا كلنا ببرد شديد لدرجة اننا كلنا قولنا فى وقت واحد اى السقعه دى المهم كلنا نفس الحال محدش همه غير اليوميه اللى هيطلع بيها اخر اليوم الشغل كان عباره عن تنضيف الأرضيات وتنضيف التماثيل والمسلات حبه كدا ولقينا الساعه 10 السواح ابتدوا يهلوا علينا كان مجموعه من الناس النضيفه بتاعت بلاد برا وكان معاهم الواد محمود ابن الحاج السباعى كبير النجع بتاعنا هو اللى بيرشدهم المهم فضل يهلفط بكلام من بتوع الناس اللى برا دول ومحدش فاهم منه حاجه
المهم طلب منه واحد منهم أنهم يقعدوا على ملايه بيضا ويربعوا أيديهم كدا ويعملوا حركه غريبه زى اللى كان محمد صلاح بيعملها لما بيجيب جون وفضلوا على الحال دا بتاع ساعتين بحالهم مش بيتحركوا زى التماثيل لقيت واحد كدا واقف على جنب قربت منه قولتله محتاج حاجه اعملهالك يابيه مردش عليا بصيت لقيت معاه سلسه دهب بيلمع كدا وحاطتهها جنب رجله استغليت أنهم غمضوا عينهم وقولت لازم اخدها طب من حدك ونصيبك يااض يا اكرم المهم روحت واخدها وحاطتها فى جيب البنطلون وكملت تنضيف المعبد وعلى اخر اليوم الواحد طلع بيوميه حلوه وكمان شوية بقشيش حلوين اكلت لقمه ومددت على السرير من تعب اليوم وعينى راحت فى النوم حلمت أن واحد بعين واحده بيجرى ورايا وبيقولى هات السلسلة ياحرامى ملمحه مخيفه شكله مطموس وعينه مسخ شكله ولا شكل الشيطان ووقعت فى الحلم ولقيته فضل يخنق فيا يخنق يخنق لحد ماروحى كانت هتطلع صحيت مفزوع بقوله سيبنى هتموتنى بصيت فى الساعه لقيت الساعه 4 الفجر ياه هو. انا نمت كل دا بس اى الكابوس الوحش دا الواحد بعد كدا مايكولش وينام علشان الاكل بيكتم برضو المهم طلعت السلسلة من جيب البنطلون وفضلت ابص عليها بانتباه كدا وشكلها الغالى اللى يوم ماابعها تجبلى. مبلغ كويس ودا رزق العيال بقا طلعت على المصطبه قدام الدار وانا ماسكها فى ايدى عمال احلم باليوم اللى أبيعها فيه وإذ فجأة اسمع وحده بتنادى عليا يا اكرم يااكرم قولت بس اكيد ام العيال قلقت لما ملقتنيش دخلت جوا لقيتها نايمه والعيال نايمين 🥹 طلعت تانى الصوت بيقرب لمحت واحده واقفه من بعيد بتشاورلى روحت بسرعه اشوفها مالها كان كل مااقرب ليها المسافه هى هى مش بتقل اكنها بتبعد بنفس الخطوه اللى بقدمها فضلت ماشى لحد ما وصلت الغيطان بعد دوار الحاج السباعى وهناك كان مدافن عيلتهم بعيد عن مدافن البلد و لقيتها قاعده على مدفن منهم ندهت عليها بصوت عال انت مين ياست وعايزه اى ومرات مين ولا بنت مين انا قربت منها لقيت حاجه عمرى ماشوفتها غير فى التلفزيون شكل غريب حلو اووووى بصيتلها كدا وانا مندهش من الجمال وقعدت اقول سبحان الخالق انت مين وعايزه اى اللى لا يسيئك قالتله انت اخدت السلسلة بتاعتى انا عيزاها انا سمعت كدا قولت بس دى عايزه تقلبنى انا مخدتش منك حاجه قالتلى سلسلتى فى جيبك لو عايزها متغلاش عليك بس عشان تاخدها لازم تصحى عشانها قالها عايزه اى يعنى عيل من عيالى يعنى ولا اى التضحيه دى قالتله لا لازم تفضل معايا يوم فى القبر عشان تكون ملكك وحلال عليك انا سكت كدا لوهله وقولت ياض خد بعضك وامشى قبل ماحد يشوفك وتحصل مشكله قولتلها لا واحدا بعضى ومشيت روحت نمت بقا وصحيت على رنة تلفون متولى بيقولى أن لقوا سائح من اللى كانوا موجدين امبارح ميت فى المعبد والدنيا مقلوبه وسين وجيم ولازم يستجوبونا المهم عدى عليا الواد متولى وروحنا سوا المعبد كانوا مغطينه بجرايد وورق والحكومه ماليه المكان .
بقلم
