မန်ယူနေ့စဉ်

မန်ယူနေ့စဉ် ယူနိုက်တက်ပရိတ်သတ်စစ်စစ်များအတွက်ယူနိုက်တက်သတင်းများအစုံလင်ဆုံးနေရာ

လာမဲ့ရာသီပက်ထရစ်ဒေါဂူကိုယူနိုက်တက်ဘယ်လိုအသုံးချမလဲ❓✅ လောလောဆယ် ပက်ထရစ် ဒေါဂူ ဟာ မန်ချက်စတာယူနိုက်တက် ပရိသတ်များနှင့် ဝေဖ...
02/06/2026

လာမဲ့ရာသီပက်ထရစ်ဒေါဂူကိုယူနိုက်တက်ဘယ်လိုအသုံးချမလဲ❓

✅ လောလောဆယ် ပက်ထရစ် ဒေါဂူ ဟာ မန်ချက်စတာယူနိုက်တက် ပရိသတ်များနှင့် ဝေဖန်ရေးသမားများအကြား အမြင်ကွဲပြားမှု အများဆုံးဖြစ်စေတဲ့ ကစားသမားတစ်ဦး ဖြစ်နေပါတယ်။ မိုက်ကယ် ကားရစ် အသင်းကို စတင်ကိုင်တွယ်ကတည်းက ဒေါဂူရဲ့ အချက်အလက်ကိန်းဂဏန်းတွေ အလွန်ကောင်းမွန်လာခဲ့ပေမဲ့ ကွင်းအတွင်း လက်တွေ့ကစားပြမှု (Eye Test) အရတော့ ထင်သလောက် မရိုးရှင်းပါဘူး။ သူဟာ မန်ချက်စတာယူနိုက်တက်အတွက် အမှန်တကယ် လိုအပ်နေတဲ့ကစားသမားမျိုး ဟုတ်မဟုတ် ဆိုတာကိုလူအများ ယုံကြည်လာအောင် သက်သေပြဖို့ ရုန်းကန်နေရဆဲဆိုရမှာပါ။

✅ ယူနိုက်တက်အနေနဲ့အသင်းကိုတဆင့်ပြီးတဆင့်သာမြှင့်တင်ဖို့ဆန္ဒရှိတယ်ဆိုရင်..ကွင်းလယ်ကိုအဓိကအားဖြည့်ပြီးကမ္ဘာ့အဆင့်မီဘယ်တောင်ပံကစားသမားတစ်ယောက်မဝယ်​ဖြစ်ခဲ့ရင်ဒေါဂူကိုဘယ်တောင်ပံမှာထားကစားနိုင်မလားကျွန်တော်တို့ဆနိးစစ်ကြရအောင်။

⭐ ယူနိုက်တက်၏ ဘယ်နောက်ခံလူ အခန်းကဏ္ဍ

✅ နည်းပြ မိုက်ကယ်ကားရစ်ရဲ့စနစ်အောက်မှာ ဘယ်နောက်ခံလူတစ်ဦးအတွက် လိုအပ်ချက်တွေကအောက်ပါအတိုင်းဖြစ်ပါတယ်။

⚡ ခန္ဓာကိုယ်အနေအထား ဖွင့်၍ ဘောလုံးလက်ခံခြင်း : ပြိုင်ဘက်က တဦးချင်း ဖိအားပေးမှု မြှင့်လာချိန်မှာ နောက်တန်းကနေ ကစားကွက် တည်ဆောက်ရာ၌ ကွင်းလယ်မှာ စွန့်စားခြင်းထက် ပိုမိုဘေးကင်းသည့် ဘေးတောင်ပံဇုန်များကို အသုံးပြုရသည်။ ထို့ကြောင့် ဂိုးသမား သို့မဟုတ် ဗဟိုနောက်ခံလူထံမှ လာသည့် ပေးပို့မှုများကို ဘယ်နောက်ခံလူတစ်ယောက်အနေနဲ့ ခန္ဓာကိုယ်အနေအထား လှည့်၍ ဖွင့်ပြီး လက်ခံနိုင်ဖို့လိုပါတယ်။ ဒီလိုလက်ခံပြီးတာနဲ့ ကွင်းအတွင်းသို့ မျက်နှာမူကာပွဲကို ဖတ်နိုင်စွမ်းရှိရန် အလွန်အရေးကြီးသည်။

⚡ ပေးပို့မှု လမ်းကြောင်းများ ရှာဖွေနိုင်ခြင်း : ယူနိုက်တက်ရဲ့ဘယ်နောက်ခံလူတစ်ယောက်အနေနဲ့ ဖိအားအောက်မှာ ဘောလုံးလက်ခံပြီး ကွင်းအတွင်းဘက်သို့ ပြန်လည်ပေးနိုင်ရပမယ်။ဘာကြောင့်လည်းဆိုရင်ယူနိုက်တက်ဟာကွင်းရဲ့ တစ်ဖက်ခြမ်းမှာ လူအင်အားစုဖွဲ့မှု (Overload) လုပ် ပြီး အခြားတစ်ဖက်ခြမ်းသို့ ကူးပြောင်းကစားခြင်း (Switch Play) ကို ကြိုက်တာကြောင့်ပါ။

⚡ တောင်ပံကစားသမားနှင့် နားလည်မှု : မိမိရှေ့က တောင်ပံကစားသမားဆီဘောလုံးတိုက်ရိုက်ပေးတာမျိုး သို့မဟုတ် တောင်ပံကစားသမားပြေးဖို့ ပြိုင်ဘက်နောက်တန်းကိုကျော်ပြီးလမ်းကြောင်းခင်းပေးတာမျိုးလုပ်နိုင်ရပါမယ်။

⚡ ဘောလုံးဆွဲတက်ခြင်း : တဦးချင်း ဖိအားပေးမှုကို ကျော်ဖြတ်နိုင်ရမယ်။ ဖိအားပေးမှုကြားကနေဘောလုံးကို့ပိုင်ဘက်ကွင်းဘက်ခြမ်းဆီဘောလုံးနဲ့အတူဆွဲတက်နိုင်တဲ့ကြံ့ခိုင်မှုမျိုးရှိရပါမယ်

⚡ တိုက်စစ်ကိုတောင်ပံတစ်လျှောက်လိုက်ပါပူးပေါင်းခြင်း : လက်ရှိ ဘယ်တောင်ပံမှာကစားနေတဲ့ ကူညာက အတွင်းထဲသချိုးဝင်ကစားရတာပိုကြိုက်တဲ့ကစားသမားမျိုးပါ။ ဒါကြောင့် သူ့ရဲ့ ဗီဇအရ အတွင်းဝင်ချိန်မှာဘယ်နောက်ခံလူက အပြင်ဘက်မှ Overlap လိုက်ပါနိုင်ဖို့လိုပါတယ်။

⭐ ယူနိုက်တက်၏ ဘယ်တောင်ပံကစားသမားအခန်းကဏ္ဍ

✅ အကယ်၍ ဒေါဂူကို ဘယ်တောင်ပံမှာ ထားမယ်ဆိုရင်တော့လိုအပ်ချက်တွေကအောက်ပါအတိုင်းဖြစ်ပါတယ်။

⚡ ဂိုးပေါက်ကို ကျောပေး၍ ဘောလုံးလက်ခံခြင်း : ဥပမာ လုခ်ရှော က နောက်မှ လိုင်းအတိုင်း တည့်တည့်ပေးလိုက်သည့် ဘောလုံးကို လက်ခံရာတွင် ပြိုင်ဘက်၏ ဖိအားကို ကျောနဲ့ကာထားပြီးဘောလုံးမပျပ်အောင်အောင် ထိန်းနိုင်ရပါမယ်။အသင်းအတွက် စိတ်ချရသည့် ဘောလုံးလက်ခံသူတစ်ယောက်ဖြစ်ရပါမယ်။

⚡ အနီးကပ် ပူးပေါင်းကစားခြင်း : တောင်ပံမှာ ဘောလုံးရတာနဲ့ အနီးအနားရှိ ကစားသမားတွေနဲ့ ပူးပေါင်းရပါမယ်။ ဘရူနိုဖာနန်ဒက်စ်လိုကစားသမားဆီဘောလုံးပေးပြီးတာနဲ့ နေရာလွတ်တွေက်ုတက်ထောက်ပေးရပါမယ်။

⚡ တိုက်ရိုက်ပြေးထွက်ပြီးတိုက်စစ်ဆင်ခြင်း : ကားရစ်ဟာသူ့ရဲ့ တောင်ပံလူတွေကို ပိုမိုတိုက်ရိုက်ကျကျ ကစားစေချင်တာတွေ့ရပါတယ်။ နောက်တန်းက မာတီနက်ဆို ပေးပို့နိုင်တဲ့ အကွာအဝေး(Passing range) တော်တော်လေးကျယ်သလို ဘရူနိုဆိုရင်လည်း ဖန်တီးပေးဖို့ကွင်းကိုအမြဲဖတ်နေတဲ့သူဖြစ်တာကြောင့်တောင်ပံကစားသမားအနေဖြင့် ပြိုင်ဘက်ခံစစ်လိုင်းနောက်က နေရာလွတ်တွေကို ပြေးဝင်အသုးချနိုင်သူဖြစ်ရပါမယ်။

⚡ တစ်ဦးချင်းအရည်အသွေး : အသင်းကအသာစီးရနေပြီး ပြိုင်ဘက်က low block ကစားနေချိန်မျိုးမှာ တစ်ဦးချင်းရင်ဆိုင်ဖြတ်ကျော်မှုများဖြင့် ပြိုင်ဘက်ခံစစ်ကိုထိုးခွဲနိုင်တဲ့နည်းစနစ်အရည်အသွေးရှိရပါမယ်။

⭐ ဒေါဂူ၏ပင်ကိုယ်အရည်အသွေး

✅ အားသာချက်များ

✅ သူ့ရဲ့ကြံ့ခိုင်မှု၊ ခန္ဓာကိုယ် တည်ဆောက်ပုံနှင့် ပြေးအားတွေကတော်တော်လေးကောင်းပါတယ်။လက်ရှိယူနိုက်တက်ရဲ့လူစာရင်းမှာ ကာယပိုင်းအကောင်းဆုံး၊ အမြန်ဆုံးနှင့် လုပ်အားနှုန်းအကောင်းဆုံးစာရင်းဝင်ဖြစ်သည်။

✅ ဘောစထုတ်ပြီးတာဝေးပြေးတဲ့နေရာမှာအရမ်းမကောင်းပေမဲ့ ပြိုင်ဘက်ဖိအားအောက်မှာ ပြိုင်ဘက်ကို ခန္ဓာကိုယ်နဲ့ကာပြီးဆွဲထွက်ပုံတော့တေယ်တော်လေးကောင်းတဲ့အထဲပါပါတယ်။

✅ ကွင်းလယ်က ကိုဘီမီနူး၊ ဘရူနိုတို့လိုခြေနှုတ်ခြေသိမ်းမြန်တာမျိုး၊စကေးကြွယ်တာမျိုးမရှိသော်လည်း နေရာကျဉ်းကျဉ်းလေးမှာကောင်းကောင်းကစားနိုင်ပါတယ်။ အာဆင်နယ်နဲ့ပွဲမှ ဘရူနဲ့ အနီးကပ်တွဲပြီး သွင်းသွားတဲ့ဂိုးကသက်သေပါဘဲ။ ဒီဂိုးကိုကြည့်ရင်ဒေါဂူဟာ ကွင်းလယ်ကို ချိုးဝင်ကာ ကစားဖော်များနှင့် ပူးပေါင်းရတာကို သဘောကျသူလည်းဖြစ်ပါတယ်။

⭐အားနည်းချက်များ

✅ ဒေါဂူကြည့်ရတာ တစ်ဦးချင်း ကျော်ဖြတ်ဖို့ ကိုယ့်ကိုယ်ကိုယ် ယုံကြည်မှုအားနည်းနေသေး ပုံရပြီး ပြိုင်ဘက်ကိုကျော်ပြီးဆွဲထွက်နိုင်ရင်တောင်မကျွတ်ဘဲပြစ်ဒဏဘောဘဲရတာများပါတယ်။ ဒါကြောင့်ဘဲ သူဟာ ပြီးခဲ့တဲ့ရာသီ မိနစ် ၉၀ အလိုက် ယူနိုက်တက်မှာ ပြစ်ဒဏ်ဘောအကျူးလွန်ခံရဆုံးကစားသမား ဖြစ်နေပါတယ်။

✅ တစ်ယောက်ချင်းကောင်းကောင်းမကျော်နိုင်သလို ဖြတ်တင်ဘောတွေကလည်းမတည်ငြိမ်ပါဘူး။ ပြီးခဲ့တဲ့ရာသီအတွင်း ဂိုးဖန်တီးမှုအချို့ ရှိပေမဲ့ ပျမ်းမျှ ဖြတ်တင်ဘော ၇ ကြိမ်မှာ ၁ ကြိမ်၊ ၂ ကြိမ်လောက်ဘဲထိရောက်တာတွေ့ရတယ်။

✅ကြံ့ခိုင်မှု၊မြန်နှုန်းကြောင့် တိုက်စစ်ဆင်တဲ့နေရာမှာကောင်းပေမဲ့ လုခ်ရှောတို့လိုပြိုင်ဘက်အသင်းရဲ့ဖိအားကြားကနေတိုက်စစ်ကိုတိုက်ရိုက်ပေးပို့နိုင်စွမ်းမရှိဘဲသာမန်ပေးပို့မှုများသာအများဆုံးလုပ်လေ့ရှိတာတွေ့ရပါတယ်။

⭐ နိဂုံးချူပ်

✅ ယူနိုက်တက်ဟာ ဒေါဂူကို တောင်ပံနောက်ခံလူ (Wing-back) အနေနဲ့ခေါ်ယူခဲ့တာဖြစ်လို့ လောလောဆယ် ကားရစ်ရဲ့လက်အောက်မှာ ဘယ်နောက်ခံလူအဖြစ်လည်း မပြည့်စုံ၊ ဘယ်တောင်ပံလူအဖြစ်လည်း မပြည့်စုံဆိုတာမျိုး ဖြစ်နေပါတယ်။

✅ ဒါပေမဲ့ သူဟာ အသက်ငယ်သေးပြီး အမြင့်စွမ်းခြေစွမ်းမရောက်သေးသလိုအလားအလာကောင်းတွေပိုင်ဆိုင်ထားတဲ့ကစားသမားဖြစ်တာကြောင့်အရောင်းစာရင်းမှာတော့ပါမှာမဟုတ်ပါဘူး။ ဒါ့အပြင် နှစ်နေရာလုံးမှာအကောင်းဆုံးကစားသမားမဟုတ်ပေမဲ့ ဒီနှစ်နေရာလုံးမှာအလုပ်ဖြစ်အောင်ကစားနိုင်သူဖြစ်တာကြောင့် လာမည့်ရာသီအသင်းလူစာရင်းကိုကောင်းကောင်းအားဖြည့်ပေးနိုင်သူဖြစ်မှာသေချာပါတယ်။

✅ ဒေါဂူဘက်ကပြန်ကြည့်ရင်တော့ ၂ နေရာလုံးမှာအကောင်းဆုံးကစားသမားမဟုတ်တဲ့အတွက်ချက်လုခ်ရှောကိုမကျော်နိုင်တာမျိုးနဲ့ ယူနိုက်တက်လူအင်အားဖြည့်ခဲ့လို့တောင်ပံကစားသမားစစ်စစ်ရောက်လာတာမျိုးတို့ဆိုရင်တေရာပျောက်သွားနိုင်ပါတယ်။

✅ ဒါကြောင့်ဒေါဂူအနေနဲ့ နောက်ခံလူ ဖြစ်ချင်တယ်ဆိုရင်ပေးပို့မှုစွမ်းရည်အဆင့်မြှင့်ရပါမယ်။ တောင်ပံလူ ဖြစ်ချင်ရင်တော့ အသင်းငယ်များနှင့် ကစားရာတွင် မရှိမဖြစ်လိုအပ်တဲ့တစ်ယောက်ချင်းကျော်ဖြတ်နိုင်စွမ်းတိုးတက်လာဖို့လိုပါတယ်။

✅ ယူနိုက်တက်နဲ့ကားရစ်ဘက်ကကြည့်ရင်တော့ ပြိုင်ဘက်က ဖွင့်ကစားပြီး နေရာလွတ်တွေပေါ်လာတဲ့အခါမျိုးမှာ ဒေါဂူကို ဘယ်တောင်ပံမှာထားရင် သူ့ရဲ့ခံစစ်လိုက်ပါနိုင်မှုနှင့် အရှိန်ကောင်းကောင်းနဲ့ပြေးထွက်နိုင်မှုတို့ကြောင့် အသင်းအတွက်လက်နက်ကောင်းတစ်ခုဖြစ်ှာအမှန်ပါ။

✅ အသင်းငယ်တွေနဲ့တွေ့တဲ့အခါ ပြိုင်ဘက်က ပိတ်ဆို့ထားချိန်မျိုးမှာ ဒေါဂူကို ဘယ်နောက်ခံလူအဖြစ် ထားပြီး နောက်ကနေ Overlap လိုက်စေခြင်းကတိုက်စစ်မှာလူအင်အားသာစေပြီးအသင်းရဲ့တိုက်စစ်ပိုင်းကိုအခွင့်အရေးပိုရစေနိုင်ပါတယ်။

✅ ကားရစ်လက်ထက်မှာအချက်အလက်ပိုင်းအရ ဒေါဂူရဲ့စွမ်းဆောင်ရည်ကကောင်းတဲ့အနေအထားမှာရှိသလိုအကယ်၍အသင်းကဘယ်တောင်ပံကစားသမားစစ်စစ်မဝယ်ဖြစ်ခဲ့ရင်သူ့ကိုအတိုင်းအတာတစ်ခုအထိဘယ်တောင်ပံမှာမြင်ရနိုင်မယ်လို့သုံးသပ်ရပါတယ်။

❌မန်ယူနေ့စဉ်စာမျက်နှာအား credit မပေးဘဲပြန်လည်ကူးယူဖော်ပြခြင်းများအားခွင့်မပြုပါ။❌

ပို့စ်ကို like & share လုပ်ပြီး page ကိုအားပေးဖို့ယူနိုက်တက်ဖန်ညီအကိုတို့ကိုတောင်းဆိုချင်ပါတယ်ဗျ။

မန်ယူနေ့စဉ်ကိုအားပေးလိုတဲ့ယူနိုက်တက်ပရိတ်သတ်ညီအကိုမောင်နှမတွေအနေနဲ့page ကို Subscribe လုပ်ပြီးအားဖြည့်ပေးနိုင်ပါတယ်ဗျ။

#မန်ယူနေ့စဥ်

ယူနိုက်တက်အပြောင်းအရွှေ့ဈေးကွက်အတွင်းတောင်ပံကစားသမားဖြည့်တင်းသင့်သလား✅ မန်ချက်စတာယူနိုက်တက်ဟာပြီးခဲ့နွေကတိုက်စစ်ပိုင်းကိ...
02/06/2026

ယူနိုက်တက်အပြောင်းအရွှေ့ဈေးကွက်အတွင်းတောင်ပံကစားသမားဖြည့်တင်းသင့်သလား

✅ မန်ချက်စတာယူနိုက်တက်ဟာပြီးခဲ့နွေကတိုက်စစ်ပိုင်းကို မြှင့်တင်ရန်အတွက် အားသွန်ခွန်စိုက် ကြိုးပမ်းခဲ့ပြီး အမ်ဘူမို၊ ကူညာနှင့် ရှက်စကိုတို့ကို ခေါ်ယူခဲ့ပါတယ်။အဆိုပါကစားသမားတွေကဘဲအသင်းရဲ့အဆင့်အတန်းကိုပြီးခဲ့တဲ့ရာသီမှာမြှင့်တင်ပေးနိုင်ခဲ့ပါတယ်။

✅ သို့သော်လည်းလက်ရှိတိုက်စစ်ဟာဖြည့်တင်းဖို့လိုအပ်နေဆဲဖြစ်ပါတယ်။ ကွင်းလယ်ပိုင်းနှင့်မတူတဲ့အချက်က တိုက်စစ်အတွက် လိုအပ်သည့် Profile ကအလွန်ထင်ရှားပြီး ဘယ်တောင်ပံ တိုက်စစ်ကစားသမား (Left-sided attacker) နေရာလိုအပ်နေခြင်းဖြစ်ပါတတယ်။

✅ လက်ရှိအသင်းမှာအဆိုပါနေရာအတွက် ကူညာ သို့မဟုတ် ပက်ထရစ် ဒေါဂူ တို့ ရှိသော်လည်း ပုံစံမတူသည့် Profile တစ်ခု လိုအပ်နေသည်မှာအမှန်ပင်ဖြစ်သည်။ မိုက်ကယ်ကာရစ်၏ လက်အောက်တွင် အသင်းသည် ကွင်းလယ်၊ တောင်ပံနှင့် နောက်တန်းရဲ့ ပေးပို့မှုများမှတစ်ဆင့် ပြိုင်ဘက်ကို ဘက်စုံခြိမ်းခြောက်နိုင်ခဲ့သော်လည်း ဘယ်တောင်ပံတွင်မူ အမြဲလိုလိုရုန်းကန်ရလေ့ရှိပါတယ်။

✅ အသင်းအနေဖြင့် ကွင်းလယ်သို့ ဆွဲမဝင်ဘဲ ကွင်းဘေးစည်းတောင်ပံတစ်လျှောက် ဆွဲတက်နိုင်သူ၊ fullback နောက်ခံလူများကို တိုက်ရိုက်ရင်ဆိုင်ကျော်ဖြတ်နိုင်သည့် Dribbler (ဘောလုံးဆွဲပြေးသူ) နှင့် ကွင်းအကျယ်ကို အသုံးချနိုင်သူ လိုအပ်နေပါတယ်။ ဒီလိုကစားသမားမျိုးက ကာရစ်အတွက် ကစားကွက်ဖွဲ့စည်းပုံကို ပိုမိုပြောင်းလွယ်ပြင်လွယ်ရှိစေမည်မှာလည်းဖြစ်ပါတယ်။

⭐ ထိပ်သီးအဆင့်ရွေးချယ်မှု ၁ - ရာဖာအဲလ် လီယာအို (အေစီမီလန်)

✅ လီယာအိုက ယူနိုက်တက်ဟာ သူအကြိုက်ဆုံး အင်္ဂလန်ကလပ်ဖြစ်ကြောင်း မကြာသေးမီက ပြောကြားခဲ့ပြီး အေစီမီလန်မှ ထွက်ခွာရန် ကြိုးပမ်းနေတယ်လို့လည်းသတင်းထွက်နေပါတယ်။

✅ လက်ရှိဈေးကွက်တန်ဖိုးအရ ပေါင် သန်း ၄၀ဝန်းကျင် ဖြင့် ရနိုင်ခြေရှိပြီး၊ သူ့ရဲ့အရည်အသွေးနှင့် ယှဉ်လျှင် အလွန်သက်သာတယ်ဆိုရမှာပါ။

✅ အချက်အလက်တွေအရ လီယာအိုဟာ ခြေစွမ်းပိုင်းမတည်ငြိမ်မှုများ ရှိပေမဲ့ သူ့ရဲ့အကောင်းဆုံးအချိန်ကခြေစွမ်းအရတော့ ကမ္ဘာ့အကောင်းဆုံး တိုက်စစ်ကစားသမားတစ်ဦးဖြစ်ပါတယ်။ ယူနိုက်တက်ဟာ ပွဲကြီးတွေမျှာ ခံစစ်အနိမ့် ပိတ်ဆို့ကစားပြီး တန်ပြန်တိုက်စစ် ကစားတဲ့အခါ လီယာအိုကလက်နက်ကောင်းတစ်ခုဖြစ်လာနိုင်ပါတယ်။ တစ်ဦးတည်းဖြင့် တိုက်စစ်တစ်ခုလုံးကို သယ်ဆောင်နိုင်လောက်အောင် မြန်ဆန်၊ သန်မာ၊ ကစားပုံတိုက်ရိုက်ကျပြီး နည်းစနစ်ပိုင်းလည်းမြင့်မားတဲ့သူဖြစ်ပါတယ်။

✅ ပြိုင်ဘက်ရဲ့ကစားကွက် ပိတ်ဆို့မှုကြောင့်အသင်းက နှေးကွေးသွားတဲ့ အခိုက်အတန့်များမှာလီယာအိုလိုကစားသမားမျိုးဟာ အလှည့်အပြောင်းတွေဖန်တီးနိုင်သူပါ။ ပြိုင်ဘက် တောင်ပံနောက်ခံလူတွေကို တစ်ဦးချင်းဖြတ်ကျော်ရာမှာလည်းနာမည်ကျော်သူဖြစ်တာကြောင့်ယူနိုက်တက်လိုချင်နေတဲ့အချက်အလက်တော်တော်များများနဲ့ကိုက်ညီသူဖြစ်ပါတယ်။

✅ လက်ရှိအသင်းမှာဆို ကူညာဟာကွင်းလယ်ကို ဆွဲဝင်ရာမှာ ပိုကောင်းပြီး၊ အမ်ဘူမိုဟာလည်း Dibbler စစ်စစ်မဟုတ်သလို၊ အာမက် ဒိုင်ယာလို (Amad Diallo) မှာလည်း ကမ္ဘာ့အဆင့် တိုက်စစ်မှူးကစားသမားမျိုး၏ နည်းစနစ်ပိုင်နိုင်မှုမျိုးမရှိသေးပေ။ လီယာအိုသည် ခံစစ်အနိမ့်ပိတ်ဆို့ထားသည့် အသင်းများကို ဖြိုခွဲရာတွင် အလွန်ခန့်မှန်းရခက်ပြီး လျင်မြန်မှုအပြည့် ရှိတဲ့ကစားသမားပါ။

✅ လီယာအိုလိုကစားသမားမျိုး ဘောလုံးရချိန်မှာ ပြိုင်ဘက်ခံစစ်မှူးတစ်ဦးတည်း ရင်ဆိုင်ရန် မဖြစ်နိုင်သဖြင့် အခြားကစားသမားတွေကကူရပါတယ်။ ဒါကြောင့်ဘဲအခြားအသင်းဖော်တွေအတွက် နေရာလွတ်တွေပွင့်သွားစေပါတယ်။

✅ ဒါ့အပြင်ပြီးခဲ့တဲ့ရာသီယူနိုက်တက်အများဆုံးလုပ်လေ့ရှိတဲ့ ကွင်းရဲ့ ညာဘက်ခြမ်းမှာ ကစားသမားအများအပြားဖြင့် စုပြုံကစားကာ (Overload) ပြိုင်ဘက်ကို ဆွဲထုတ်ပြီးနောက်၊ ဘယ်ဘက်ခြမ်းရှိ နေရာလွတ်သို့ ဘောလုံးအမြန် ပြောင်းပေးသည့် ကစားကွက် (Switch) နဲ့လီယာအိုဟာ လုံးဝ ကိုက်ညီပါတယ်။

✅ လီယာအိုနဲ့ပတ်သက်ပြီးစိုးရိမ်စရာနဲ့အားနည်းချက်လို့ဆိုရမဲ့အချက်တွေကတော့ သူ့ရဲ့စိတ်ဓာတ်ပိုင်း၊ အမူအရာ၊လုပ်အားနှုန်း နဲ့ ခံစစ်ကူညီမှု (Defensive work) တို့ဖြစ်ပါတယ်။ အသင်းအနေနဲ့သူ့ကိုခေါ်ရမယ်ဆိုရင်စွန့်စားရမှာဖြစ်ပြီးအသင်းအတွက်ကမ္ဘာ့ထိပ်သီးကစားသမားတစ်ယောက်ပိုင်ဆိုင်သွားနိုင်သလိုသူ့ရဲ့အားနည်းချက်တွေအရမအောင်မြင်တဲ့ခေါ်ယူမှုတစ်ခုလည်းဖြစ်သွားနိုင်ပါတယ်။

⭐ ထိပ်သီးရွေးချယ်မှု ၂ - ဘရက်ဒ်လေ ဘာကိုလာ (ပီအက်စ်ဂျီ)

✅ ဘာကိုလာရဲ့အကောင်းဆုံးအရည်အသွေးက တောင်ပံတစ်လျှောက် ပြိုင်ဘက် fullback များကို ကျော်ဖြတ်ပြီး ဂိုးဧရိယာထဲ ဘောလုံးပေးပို့မှုဖြစ်ပါတယ်။ သူ့ရဲ့အမြန်နှုန်းကိုထိန်းချုပ်နိုင်ပုံကကြောက်စရာကောင်းပါတယ်။

✅ ရုပ်ပိုင်ူဆိုင်ရာသန်မာပြီး င်းတွင် သန်မာပြီး ပရီမီးယားလိဂ်မှာ လိုအပ်တဲ့ Shoulder-to-shoulder ကစားနိုင်စွမ်းရှိသူဖြစ်တာကြောင့် လိဂ်နဲ့အမြန်ဆုံးအသားကျနိုင်ခြေရှိပါတယ်။

✅ တစ်ယောက်ချင်ရင်ဆိုင်ရခက်လွန်းတဲ့ကစားသမားရှိပါက ကွင်းလယ် သို့မဟုတ် တောင်ပံတွင် လူအင်အား အများအပြားဖြင့် စုပြုံရန် (Tactical Overload) မလိုတော့သဖြင့် ကာရစ်အတွက် နည်းဗျူဟာ ပြောင်းလဲကစားရန် ပိုမိုလွယ်ကူစေမှာပါ။

✅ ကွင်းလယ်မှာ ဘရူနို ဖာနန်ဒက်စ် ဘောလုံးရချိန်ညာဘက်က အမ်ဘူမို၊ ဘယ်ဘက်က ဘာကိုလာ၊ အလယ်မှာ ရှက်ရှ်ကို သို့မဟုတ် False 9 အဖြစ် ကူညာ တို့ ရှိနေမည့် တန်ပြန်တိုက်စစ်ပုံစံဟာမြင်ကြည့်ရုံနဲ့တင်အတော်လေးပြည့်စုံနေပါတယ်။

✅ အားနည်းချက်ကတော့အဆုံးသတ်ပိုင်းနဲ့ အပြီးသတ် ဆုံးဖြတ်ချက်ချမှုတွေဖြစ်ပြီးပြီးခဲ့တဲ့ချန်ပီယံလိဂ်ဗိုလ်လုပွဲမှာဂိုးသမားနဲ့ တစ်ယောက်ချင်းတွေ့တဲ့ဘောလုံးကိုဖြုန်းတီးလိုက်တာမျိုးပေါ့။ ဒါ့အပြင်ဒီကစားသမားရဲ့ပြောင်းရွှေ့ကြေးဟာ ရာဖာအဲလ် လီယာအိုထက် နှစ်ဆလောက်ရှိနိုင်ပါတယ်။

⭐ ပရီမီယံ ရွေးချယ်မှု ၃ - Yan Diomande

✅ ဒီကစားသမားအကြောင်းကျွန်တော်တို့ page မှာအသေးစိတ်ဆောင်းပါးတစ်ပုဒ်တင်ထားခဲ့ဘူးပါတယ်။ Diomande ရဲ့အဓိကအားသာချက်က ဘယ်၊ညာတောင်ပံနှစ်ဖက်လုံးမှာအကောင်းဆုံးကစားနိုင်တယဖြစ်ပါတယ်။လက်ရှိအသင်းမှာဆိုကူညာဟာဘယ်တောင်ပံမှာကောင်းကောင်းကစားနိုင်ပေမဲ့ညယခြမ်းကိုပို့လိုက်ချိန်မှာတော်တော်ရုန်ူကန်ခဲ့ရတာတွေ့ရပါတယ်။

✅ Diomande နဲ့ လီယာအို သို့မဟုတ် ဘာကိုလာတို့ကွာတဲ့အချက်က Diomande ဟာ ဘောလုံးကိုအစထုတ်ပြီးတာဝေးပြေးရတဲ့ပုံစံမျိုးမှာလီယာအိုနဲ့ဘာကိုလာတို့လောက်မမြန်ပေမဲ့ ဘောလုံးကို ခြေထောက်မှာကပ်ထားပြီးဆွဲပြေးတဲ့အရှိန် (Dribbling speed) ကတော်တော်လေးကောင်းပြီးပြိုင်ဘက်ကဘဒ်လောက်ဖိအားပေးပေးဘောလုံးမပျက်ဘဲအရှိန်နဲ့ဆွဲပြေးနိုင်စွမ်းရှိသူပါ။

✅ ရပ်နေရာကနေ ဘောလုံးနှင့်အတူ ရုတ်တရက် အရှိန်မြှင့်နိုင်တဲ့အတွက် ခံစစ်အနိမ့်( low block) ပိတ်ထားတဲ့ပြိုင်ဘက်ခံစစ်စနစ်ကိုပျက်ပြားစေပြီး ကစားကွက်၏ အရှိန်နှင့် ပြင်းအားကို မြှင့်ပေးနိုင်ပါတယ်။

✅ Diomande ကစားတာကရှင်းတယ်။ ဘောလုံးရတာနဲ့ အချိန်ဆွဲမနေဘဲ အနီးဆုံး ခံစစ်မှူးကိုဝင်တိုးတော့တာပါဘဲ။သူ့ရည်ရွယ်ချက်က ခံစစ်သမားဆီက တုန့်ပြန်မှု တစ်ခုခု ထွက်လာအောင် ဆွပေးတာပါ။ ပြိုင်ဘက်ကို နေရာယူထားတာကနေ ကျွံထွက်လာအောင် ဒါမှမဟုတ် ဖျက်ထုတ်လာတဲ့အခါကျော်ဖြတ်ပြီးပြိုင်ဘက်ရဲ့ကစားဟန်ကိုဖရိုဖရဲဖြစ်အောင်လုပ်ချင်တာပါ။

✅ ခန္ဓာကိုယ်တည်ဆောက်ပုံအရ ပရီမီးယားလိဂ်ရဲ့ ကြံ့ခိုင်မှုတောင်းဆိုချက်ကိုရင်ဆိုင်ဖို့ အောက်ပိုင်းသန်မာသော်လည်း အပေါ်ပိုင်းကတော့ စိုးရိမ်ရပါတယ်။ ဒါ့အပြင် သူ့ရဲ့သွင်းဂိုးတွေကတစ်ပုံစံထဲလိုဖြစ်နေပြီး ဒါဟာ ဘွန်ဒီလီဂါမှာတော့အစဉ်ပြေပေမဲ့ ရီမီးယားလိဂ်လိုနေရာမျိုးမှာ ပိုမို ခန့်မှန်းရခက်တဲ့ဂိုးသွင်းပုံစံမျိုးတွေရှိဖို့လိုနေပါသေးတယ်။

✅ ဒါ့အပြင်လိုက်ဇီအသင်းရဲ့ဈေးခေါ်မှုအရ အလားအလာကောင်းတဲ့လူငယ်တိုက်စစ်ကစားသမားတစ်ယောက်အတွက် ယူရိုသန်း ၉၀ ဝန်းကျင်ဆိုတာအတော်လေးများလွန်းပါတယ်။

⭐ နိဂုံးချုပ်သုံးသပ်ချက်

✅ ယူနိုက်တက်အနေနဲ့ အထက်က ထိပ်တန်းကစားသမားတွေခေါ်ဖို့ဆို ငွေကြေးအမြောက်အမြား ကုန်ကျမည်ဖြစ်သော်လည်း ပရီမီးယားလိဂ်နှင့် ချန်ပီယံလိဂ်တို့တွင် အောင်မြင်မှုရဖို့အတွက်ရင်းနှီးမြှုပ်နှံရမှာပါ။

✅ ပြီးခဲ့UCL ဗိုလ်လုပွဲမှာ ပီအက်စ်ဂျီဟာ ခွာရတ်စခေလီယာ (Kvaratskhelia) ကို လူစားလဲပြီး ဘာကိုလာကို ကွင်းထဲထည့်နိုင်တဲ့တိုက်စစ်အင်အားမျိုးပေါ့။

✅ ယူနိုက်တက်အတွက် ဒီနွေရာသီဟာ ကွင်းလယ်ပိုင်း ပြန်လည်တည်ဆောက်မှုက ပထမဦးစားပေးအဖြစ် ပိုမိုအရေးကြီးနေသေးသော်လည်း၊ ချန်ပီယံလိဂ် ဝင်ခွင့်ရထားချိန်တွင် ထိပ်တန်း ဘယ်တောင်ပံကစားသမားတစ်ဦး ခေါ်ယူထားသင့်တယ်လို့မြင်ပါတယ်။

✅ ပရီမီးယားလိဂ်ပွဲစဉ်တွေရဲ့ ၆၀ ရာခိုင်နှုန်းက အသင်းငယ်များတွေနဲ့ ကစားရတာဖြစ်ပြီး low block ကိုပိုင်ပိုင်နိုင်နိုင်ကစာဟနိုင်တဲ့အသင်းငယ်၊အသင်းလတ်တွေများလာပါတယ်။ အဲလိုပွဲမျိုးတွေမှာ ယူနိုက်တက်ဟာဘောလုံးကိုင်ထယးပြီးတိုက်စစ်ဆင်ချိန်မှာ ပြိုင်ဘက်ခံစစ်ကို ဖြိုခွဲရန်အတွက် အပေါ်ကကျွန်တော်တို့ဆွေးနွေးခဲ့တဲ့ထိပ်သီးတောင်ပံကစားသမား Profile မျိုးဘယ်တောင်ပံမှာ မဖြစ်မနေ ဖြည့်တင်းရမှာပါ။

✅ အသင်းအနေနဲ့ပရီးမီးယားလိဂ်ဟာတစ်ရာသီလုံးကစားရတဲ့အမှတ်ပေးပြိုင်ပွဲဖြစ်တာကြောင့်အသင်းကြီးတွေနဲ့တွေ့တဲ့အချိန်ရလဒ်ကောင်းဖို့ထက် ၆၀ ရာခိုင်နှုန်းသောအသင်းငယ်တွေနဲ့ပွဲစဉ်တွေမှာရမှတ်ပိုစုဆောင်းနိုင်ရင်အခြေအနေပိုကောင်းနိုင်တဲ့အချက်ကိုလည်း ထည့်သွင်းစဉ်းစားပြီးလူအင်အားဖြည့်တင်းသင့်ပါကြောင်းသုံးသပ်ရပါတယ်။

❌မန်ယူနေ့စဉ်စာမျက်နှာအား credit မပေးဘဲပြန်လည်ကူးယူဖော်ပြခြင်းများအားခွင့်မပြုပါ။❌

ပို့စ်ကို like & share လုပ်ပြီး page ကိုအားပေးဖို့ယူနိုက်တက်ဖန်ညီအကိုတို့ကိုတောင်းဆိုချင်ပါတယ်ဗျ။

မန်ယူနေ့စဉ်ကိုအားပေးလိုတဲ့ယူနိုက်တက်ပရိတ်သတ်ညီအကိုမောင်နှမတွေအနေနဲ့page ကို Subscribe လုပ်ပြီးအားဖြည့်ပေးနိုင်ပါတယ်ဗျ။

#မန်ယူနေ့စဥ်

မားကပ်စ်ရက်ရှ်ဖို့ဒ်ကိုကျော်ပြီးအန်တိုနီဂေါ်ဒွန်ကိုဘာစီလိုနာဘာလို့ရွေးသွားသလဲ✅ စပိန်နိုင်ငံရဲ့ အပြောင်းအရွှေ့ဈေးကွက်ဟာ ဇ...
30/05/2026

မားကပ်စ်ရက်ရှ်ဖို့ဒ်ကိုကျော်ပြီးအန်တိုနီဂေါ်ဒွန်ကိုဘာစီလိုနာဘာလို့ရွေးသွားသလဲ

✅ စပိန်နိုင်ငံရဲ့ အပြောင်းအရွှေ့ဈေးကွက်ဟာ ဇူလိုင်လ ၁ ရက်နေ့မှ တရားဝင်ဖွင့်လှစ်မှာ ဖြစ်ပေမယ့် ဘာစီလိုနာကတော့ ပရီးမီးယာူလိဂ်ကလပ် နယူးကာဆယ်ရဲ့ တောင်ပံကစားသမား အန်တိုနီ ဂေါ်ဒွန် ကို ယူရို သန်း ၈၀ (ပေါင် ၆၉ သန်း / ဒေါ်လာ ၉၃ သန်း) နဲ့ ခေါ်ယူဖို့ သဘောတူညီမှု ရရှိခဲ့ပြီး ယခုနွေရာသီရဲ့ ပထမဆုံး အဓိက အပြောင်းအရွှေ့တစ်ခုကို ပြုလုပ်လိုက်ပြီ ဖြစ်ပါတယ်။

✅ ဒီအပြောင်းအရွှေ့ကြောင့် အကျိုးဆက်တွေ အများကြီး ရှိလာနိုင်ပြီး၊ အထူးသဖြင့် မန်ချက်စတာယူနိုက်တက်ကနေ ဘာကာဆီ အငှားနဲ့ လာရောက်ကစားနေတဲ့ မားကတ်စ် ရက်ရှ်ဖို့ဒ် အတွက် တစ်ရာသီအကြာမှာပဲ လမ်းခွဲရမယ့် အခြေအနေ ဖြစ်လာစေပါတယ်။

✅ ဘာစီလိုနာနဲ့ရာသီကောင်းတစ်ခုကိုဖြတ်သန်းခဲ့ရတဲ့မားကပ်စ်ရက်ရှ်ဖို့ဒ်အနေနဲ့လာမဲ့ရာသီမှာဘာစီလိုနာနဲ့အပြီူသတ်ပူးပေါင်းနိုင်ဖို့မျှော်လင့်ထားမှာဖြစ်သလိုဘာစီလိုနာနဲ့ယူနိုက်တက်တို့အကြားဆွေးနွေးမှုတွေရှိနေပေမဲ့ဂေါ်ဒွန်ရဲ့အပြောင်းအရွှေ့ကတော်တော်လေးအံ့ဩစရာဖြစ်ခဲ့ရပါတယ်။

⭐ ဘာစီလိုနာက ရက်ရှ်ဖို့ဒ်ထက် ဂေါ်ဒွန်ကို ဘာကြောင့် ရွေးချယ်ခဲ့တာလဲ❓

✅ ပထမဆုံးအချက်အနေနဲ့ စီးပွားရေးဆိုင်ရာ အကြောင်းပြချက်က အလွန်အရေးကြီးပါတယ်။ အသက် ၂၈ နှစ်အရွယ် ရက်ရှ်ဖို့ဒ်နဲ့ ယှဉ်ရင် ဂေါ်ဒွန်က ၃ နှစ် ပိုငယ်တာကြောင့် ဘာစီလိုနာအနေနဲ့ ရက်ရှ်ဖို့ဒ်ကို ပေးချင်တဲ့ သက်တမ်းထက် ဂေါ်ဒွန်ကို စာချုပ်သက်တမ်း ပိုရှည်ရှည်ပေးပြီး အပြောင်းအရွှေ့ကြေး တန်ဖိုးဖြတ်မှုကို ကာလရှည် ခွဲဝေတွက်ချက်သွားနိုင်မှာ ဖြစ်ပါတယ်။

✅ နည်းဗျူဟာပိုင်းအရလည်း ဂေါ်ဒွန်ဟာ ဘာစီလိုနာရဲ့ ဘောလုံးရှိရှိ မရှိရှိ ပြင်းပြင်းထန်ထန် ဖိအားပေးကစားတတ်တဲ့ (High-intensity) ကစားကွက်နဲ့ ပိုမိုကိုက်ညီပါတယ်။ရက်ရှ်ဖို့ဒ်ဟာ ဟန်ဆီ ဖလစ်ခ် ရဲ့ အသင်းမှာ လာလီဂါနဲ့ ချန်ပီယံလိဂ်ပြိုင်ပွဲတွေအတွင်း ၁၃ ဂိုး သွင်း၊ ၁၀ ဂိုး ဖန်တီးပေးနိုင်ခဲ့လို့ တော်တော်လေးအကျိုးပြုခဲ့တယ်လို့ ဆိုရမှာပါ။ ✅ ဒဏ်ရာခဏခဏရတတ်တဲ့ ရာဖင်ညာ နေရာမှာ သူ တာဝန်ကျေခဲ့တယ်လို့ ကိန်းဂဏန်းတွေက ပြနေပေမယ့်၊ တကယ်ကတော့ အဆိုပါ ပြိုင်ပွဲနှစ်ခုစလုံးမှာ ရက်ရှ်ဖို့ဒ် ပွဲထွက်ခွင့်ရတာ ၂၃ ပွဲပဲ ရှိလို့ အသင်းလူစာရင်းမှာ အဆင့် ၁၄ ချိတ်ပြီး ဘရာဇီးသား ရာဖင်ညာရဲ့ ပွဲထွက်ခွင့် ၂၄ ပွဲထက်တောင် နည်းနေခဲ့ပါတယ်။

✅ ရာဖင်ညာဟာ ဘာစီလိုနာအတွက် အဓိကကျတဲ့ အကြောင်းရင်းတစ်ခုကတော့ ဘောလုံးမရှိတဲ့အချိန်မှာ သူ ကစားပေးတဲ့ ပုံစံကြောင့် ဖြစ်ပါတယ်။ ၂၀၂၄-၂၅ ရာသီ၊ လာလီဂါနဲ့ ချန်ပီယံလိဂ်ပွဲစဉ်တွေမှာ ရာဖင်ညာဟာ ပြိုင်ဘက်ရဲ့ဇုံထဲမှာတင် ဘောလုံးပြန်လုယူနိုင်မှု ၁၀၄ ကြိမ်အထိ ပြုလုပ်နိုင်ခဲ့ပြီး၊ ဒါဟာ ပတ်ဒရီ (၁၁၂ ကြိမ်) နဲ့ လာမင်း ယာမားလ် (၁၀၈ ကြိမ်) တို့ပြီးရင် အများဆုံး ဖြစ်ပါတယ်။

✅ ရက်ရှ်ဖို့ဒ်ဟာ ဘောလုံးမရှိတဲ့အချိန်မှာ ပြင်းထန်တဲ့ ရုန်းကန်မှုမျိုးမလုပ်နိုင်ခဲ့သလို၊ ၂၀၂၂-၂၃ ရာသီက ယူနိုက်တက်မှာ အဲရစ် တန်ဟတ်အောက် ကစားခဲ့တုန်းက ပြသခဲ့တဲ့ ပေါက်ကွဲအားမျိုးသိပ်မရှိတော့တာလည်းတွေ့ရပါတယ်။ဒါကိုသူဘောလုံးရထားတဲ့ အချိန်မှာမြင်တွေ့နိုင်ပြီး သူ့ရဲ့သင်္ကေတဖြစ်တဲ့ နေရာလွတ်တွေကတဆင့် တန်ပြန်တိုက်စစ်ဆင်တာ ဒါမှမဟုတ် နောက်တန်းလူတွေရဲ့ အနောက်ဘက်ထဲကို အရှိန်နဲ့ ပြေးဝင်တဲ့ အပိုင်းတွေမှာ အားနည်းသွားခဲ့ပါတယ်။

✅ Skillcorner ရဲ့ အချက်အလက်ဂရပ်ဖ်တွေအရ ဂေါ်ဒွန်ဟာ ဘောလုံးရှိရှိ မရှိရှိ ပြင်းထန်တဲ့ ပေါက်ကွဲအားကို ပေးစွမ်းနိုင်သူဖြစ်သလိုနေရာလွတ်တွေကိုအသုံးချခြင်း၊ပြိုင်ဘက်ခံစစ်တန်းနောက်ကျောကိုဒုက္ခပေးခြင်းတွေမှာရက်ရှ်ဖို့ဒ်ထက် ပိုမိုလုပ်ဆောင်နိုင်မှာ ဖြစ်ပါတယ်။ ဒါ့အပြင်ဂေါ်ဒွန်ဟာ နေရာစုံကစာဟနိုင်ခြင်းနဲ့ ဖြတ်တင်ဘော ပေးပို့မှုတွေမှာ ပိုကောင်းပါတယ်။

✅ ဂိုးသွင်းယူမှုအပိုင်းကိုကြည့်ရင် ဂေါ်ဒွန်ဟာ ပြီးခဲ့တဲ့ ပရီးမီးယားလိဂ် နှစ်ရာသီအတွင်း Opta က သတ်မှတ်တဲ့ အပိုင်ဂိုးသွင်းခွင့် ၂၉ ကြိမ်မှာ ၁၀ ကြိမ်ပဲ ဂိုးသွင်းနိုင်ခဲ့ပါတယ်။ ရက်ရှ်ဖို့ဒ်ကတော့ လာလီဂါမှာ ၁၅ ကြိမ်မှာ ၅ ကြိမ်ပဲ သွင်းနိုင်ခဲ့ပါတယ်။ဒါပေမယ့် ဂေါ်ဒွန်ဟာ ဒီရာသီ ချန်ပီယံလိဂ်မှာတော့ ရရှိတဲ့ အပိုင်အခွင့်အရေး ၁၄ ကြိမ်မှာ ၁၀ ကြိမ်အထိ သွင်းယူပေးနိုင်ခဲ့တဲ့အပြင်ဘာစီလိုနာနဲ့ဆုံတွေ့တဲ့ပွဲမှာလည်းခြေစွမ်းကောင်းပြသထားခဲ့ပါတယ်။

⭐ ရက်ရှ်ဖို့ဒ်ရဲ့ အနာဂတ် ဘာဆက်ဖြစ်မလဲ။

✅ ရက်ရှ်ဖို့ဒ်ရဲ့ လုပ်ခလစာက တချို့ကလပ်တွေအတွက် အဟန့်အတား ဖြစ်နိုင်ပေမယ့်၊ ဘာစီလိုနာကို အငှားပြောင်းတုန်းကလိုမျိုး လုပ်ခလစာ လျှော့ယူမယ်ဆိုရင်တော့ ရွေးချယ်စရာ လမ်းကြောင်းတွေ ရှိလာမှာပါ။ ဘာစီလိုနာကလည်း သူ့ကို ဆက်ထိန်းဖို့ လုံးဝ လက်လျှော့ထားတာ မဟုတ်သေးပေမယ့်၊ လောလောဆယ်မှာတော့ အသင်းက ဂျူလီယန် အယ်လ်ဗာရက်ဇ် ကို ခေါ်ယူဖို့ ကြိုးပမ်းနေတယ်လို့ သတင်းတွေကဖော်ပြလာတာကြောင့် ရက်ရှ်ဖို့ဒ်အတွက် ဘာစီလိုနာတံခါးက ပိတ်သွားနိုင်ပါတယ်။

✅ တကယ်လို့ဘာစီလိုနာနဲ့အပြောင်းအရွှေ့မဖြစ်တော့ဘူးဆိုရင် မန်ချက်စတာယူနိုက်တက်က ရက်ရှ်ဖို့ဒ်ကို နောက်ထပ်တစ်ကြိမ် အငှားချဖို့ လမ်းဖွင့်ပေးထားတာကြောင့် အောက်ပါရွေးချယ်စရာတွေ ရှိလာနိုင်ပါတယ်။

⚡ အက်စတွန်ဗီလာ: ချန်ပီယံလိဂ် ဝင်ခွင့်ရထားတာကြောင့် တိုက်စစ်ပိုင်းအတွက် လူအင်အား ထပ်ဖြည့်ဖို့ လိုအပ်နေပါတယ်။ ဗီလာရဲ့ ပြီးခဲ့တဲ့ ချန်ပီယံလိဂ်ခရီးစဉ်တုန်းက PSG နဲ့ ပွဲမှာ ရက်ရှ်ဖို့ဒ် ပြသခဲ့တဲ့ ခြေစွမ်းက မှတ်မှတ်ရရ ရှိခဲ့ဖူးပြီး၊ အူနိုင်း အမ်မရီ ရဲ့ ကစားကွက်ထဲမှာ ကွင်းကို ချဲ့ပေးနိုင်တဲ့ ဘောလုံးဆွဲပြေးသူ (Ball-carrier) အဖြစ် သူ အံဝင်ခွင်ကျ ဖြစ်နိုင်ပါတယ်။

⚡ နယူးကာဆယ်: ဂေါ်ဒွန် ထွက်ခွာသွားတဲ့အတွက် ဘယ်တောင်ပံနေရာ လိုအပ်ချက် ရှိလာမှာ ဖြစ်ပါတယ်။ ဟာဗေး ဘားန်စ် က ပွဲထွက်ကစားသမား ဖြစ်လာနိုင်သလို ဂျိုးလင်တွန် နဲ့ ဂျေကော့ပ် ရမ်ဆေးတို့လည်း အဲဒီနေရာမှာ ကစားဖူးပါတယ်။ ဥရောပပြိုင်ပွဲ ကစားခွင့်မရတဲ့အတွက် အရေးတကြီး လူအင်အားဖြည့်ဖို့ မလိုဘူးလို့ ထင်ရပေမယ့်၊ ရက်ရှ်ဖို့ဒ်ကို အငှားနဲ့ ခေါ်ယူခြင်းက ဘားန်စ်နဲ့ မတူညီတဲ့ ပုံစံတစ်မျိုးကို ရစေမှာဖြစ်ပြီး ယခုနွေရာသီမှာ အပြောင်းအလဲအများကြီး လုပ်မယ့် နယူးကာဆယ်အသင်းအတွက် ပရီးမီးယားလိဂ် အတွေ့အကြုံကောင်းတွေ ဖြည့်ဆည်းပေးနိုင်မယ်လို့ယူဆရပါတယ်။

⚡ စီးရီးအေ ထိပ်တန်းကလပ်များ: အေစီမီလန် ဒါမှမဟုတ် ဂျူဗင်တပ်စ်တို့လို ငွေကြေးကျပ်တည်းနေပြီး ချန်ပီယံလိဂ် ဝင်ခွင့်လွဲထားတဲ့ အသင်းတွေအနေနဲ့ အဓိက ကစားသမားတွေကို ရောင်းချခဲ့ရရင်၊ ကာလတို အငှားစာချုပ်နဲ့ ရက်ရှ်ဖို့ဒ်ကို ခေါ်ယူပြီး မက်တော်မီနေးလိုမျိုး အသင်းကို ထိပ်တန်းအဆင့် ပြန်ရောက်အောင် တည်ဆောက်မယ့် ပရောဂျက်အတွက်အစိတ်အပိုင်း တစ်ခုအဖြစ် စဉ်းစားမလားဆိုတာ စိတ်ဝင်စားဖို့ကောင်းပါတယ်။

✅ ရက်ရှ်ဖို့ဒ်အနေနဲ့ဘာစီလိုနာကိုပြောင်းချင်ကြောင့်ပုံစံမျိုးစုံနဲ့ပြသခဲ့ပြီးယူနိုက်တက်မှာနဲ့ခြားနားလှတဲ့နေပုံထိုင်ပုံ၊ကြိုးစားပုံတွေနဲ့ဆွဲဆောင်ခဲ့သော်ငြားလည်းဘာစီလိုနာရဲ့တုံ့ပြန်မှုကတော့သူထင်သလိုဖြစ်မလာခဲ့ပါဘူး။ယူနိုက်တက်နဲ့ရက်ရှ်ဖို့ဒ်တို့ကြားအနာဂတ်မရှိတော့ဘူးလို့ယူဆရတာကြောင့်အင်္ဂလန်သားအနေနဲ့အသင်း ၂ သင်းကြားသဘောတူညီထားမှုအရ ဇွန်လ ၁၅ ရက်နေ့အထိသူ့ရဲ့မျှော်လင့်ချက်ဖြစ်တဲ့ဘာစီလိုနာရဲ့စာချုပ်ပါအပြီးသတ်ဝယ်ယူမှုကိုပြုလုပ်မလားစောင့်မျှော်ရမှာဖြစ်ပြီးဖြစ်မလာခဲ့ရင်တော့အသင်းသစ်ရှာဖွေရေးအစီအစဉ်စတင်ရတော့မှာဖြစ်ပါတယ်။

❌မန်ယူနေ့စဉ်စာမျက်နှာအား credit မပေးဘဲပြန်လည်ကူးယူဖော်ပြခြင်းများအားခွင့်မပြုပါ။❌

ပို့စ်ကို like & share လုပ်ပြီး page ကိုအားပေးဖို့ယူနိုက်တက်ဖန်ညီအကိုတို့ကိုတောင်းဆိုချင်ပါတယ်ဗျ။

မန်ယူနေ့စဉ်ကိုအားပေးလိုတဲ့ယူနိုက်တက်ပရိတ်သတ်ညီအကိုမောင်နှမတွေအနေနဲ့page ကို Subscribe လုပ်ပြီးအားဖြည့်ပေးနိုင်ပါတယ်ဗျ။

✅ Assist Record for a single World Cup?✅ Pele's 6 assists at 1970 ✅ Ok. Our Bruno is coming.... 😎😎 #မန်ယူနေ့စဥ်
28/05/2026

✅ Assist Record for a single World Cup?

✅ Pele's 6 assists at 1970

✅ Ok. Our Bruno is coming.... 😎😎

#မန်ယူနေ့စဥ်

အိုးထရက်ဖိုဒ့်ရပ်ဝန်းကအတိတ်ရဲ့အသင်းခေါင်းဆောင်နဲ့လက်ရှိအသင်းခေါင်းဆောင်တို့ရဲ့မုန်တိုင်း✅"ကစားသမားဟောင်း တော်တော်များမျာ...
27/05/2026

အိုးထရက်ဖိုဒ့်ရပ်ဝန်းကအတိတ်ရဲ့အသင်းခေါင်းဆောင်နဲ့လက်ရှိအသင်းခေါင်းဆောင်တို့ရဲ့မုန်တိုင်း

✅"ကစားသမားဟောင်း တော်တော်များများ စကားပြောခန်းအစီအစဉ်တွေ (Talk Shows) နဲ့ အခြားမီဒီယာတွေမှာ လျှောက်လုပ်နေကြတာ ကျွန်တော် မြင်နေရပါတယ်။ ကျွန်တော်နဲ့ အခြားကစားသမားအချို့လိုမျိုး ငွေကြေးအရ အေးအေးဆေးဆေး မနေနိုင်လို့ ပိုက်ဆံလိုချင်လို့ လုပ်ကြတာကို နားလည်ပေးနိုင်ပေမဲ့လို့.ဒါဟာ တကယ်ပဲ ဝမ်းနည်းစရာ ကောင်းပါတယ်။"

✅ ဒါကတော့ ၂၀၀၄ ခုနှစ် ဖီလာဒဲလ်ဖီးယားမှာ လုပ်ခဲ့တဲ့ အင်တာဗျူးတစ်ခုတုန်းက ရွိုင်းကိန်းပြောခဲ့တဲ့ စကားတွေ ဖြစ်ပါတယ်။ ကိန်းဟာ "အသင်းဖော်တွေအပေါ် မျှမျှတတ ပြောရရင်တော့ဗျာ" ဆိုပြီး အမြဲတမ်း တစ်သမတ်တည်း သမားရိုးကျ ပြောလေ့ရှိတဲ့ သူ့ခေတ်ပြိုင် မီဒီယာသမားတွေထက် အများကြီး ပိုပြီး စိတ်ဝင်စားဖို့ ကောင်းခဲ့ပါတယ်။ မန်ချက်စတာ ယူနိုက်တက် ပရိသတ်တွေကလည်း အဲဒီအင်တာဗျူးကို သဘောကျခဲ့ကြပါတယ်။

✅ အဆိုပါအင်တာဗျူးက ကစားသမားတစ်ဦးဖြစ်တဲ့ ကိန်းအနေနဲ့ မီဒီယာလောကထဲ ရောက်နေတဲ့ စီနီယာကစားသမားဟောင်းတွေအပေါ် ဘယ်လိုမြင်လဲဆိုတာကို အရိပ်အမြွက် သိခွင့်ရစေခဲ့ပါတယ်။ အဲ့ဒီတုန်းက OK သို့မဟုတ် Hello မဂ္ဂဇင်းတွေမှာ ပါဝင်ဖို့အတွက် ငွေကြေးအများကြီး ကမ်းလှမ်းခံရတဲ့ ခေတ်ဖြစ်ပြီး အခုခေတ်နဲ့ မီဒီယာအခင်းအကျင်း ချင်းတော့ မတူပါဘူး။ တကယ်လို့ သူ့ကိုသာ အဲ့ဒီလို ကမ်းလှမ်းလာရင် သူလက်ခံမလား?

✅"ကမ်းလှမ်းတဲ့ ဈေးနှုန်းသာ အဆင်ပြေရင်တော့..." ဆိုပြီး သူက ရယ်မောရင်း ပြောခဲ့ပါတယ်။ "မဟုတ်ပါဘူးဗျာ။ တကယ်လို့ ကျွန်တော်သာ အဲ့ဒီလို လက်ခံဖြစ်ခဲ့ရင် သူတို့ကို အင်္ဂါနေ့ ညနေ ၅ နာရီလောက်မှာ ကျွန်တော့်အိမ်ကို လာခိုင်းချင်တယ်။ အဲ့ဒါကို ပိုသဘောကျတယ်။ အိမ်ရောက်ရင် သူတို့ ဘာတွေမြင်ရမလဲဆိုတော့ အိမ်မွေးခွေးတွေ၊ ရွှံ့တွေ၊ ကလေးတွေ အော်ဟစ်ဆော်သြနေတာတွေ မြင်ရမယ်၊ ကျွန်တော့်ဇနီးက ဂျင်းဘောင်းဘီ ဝတ်ထားပြီး ကျွန်တော်ကတော့ အားကစားဝတ်စုံ (Tracksuit) ဝတ်ထားတာမျိုး မြင်ရလိမ့်မယ်။ဒါက ကျွန်တော့်ရဲ့ တကယ့်လက်ရှိဘဝ အစစ်အမှန် ဖြစ်မှာမို့လို့ လူတွေက ပိုပြီး သဘောကျကြလိမ့်မယ်။ ပြီးတော့ ဓာတ်ပုံရိုက်တိုင်း အင်္ကျီတွေ တစ်ထည်ပြီး တစ်ထည် လဲဝတ်ပြီး လှပတဲ့ ဂျင်းဘောင်းဘီတွေနဲ့ မြင်တွေ့ရတတ်တဲ့ ဘောလုံးသမားတွေရဲ့ ပုံစံမျိုးနဲ့ လုံးဝ ခြားနားနေလိမ့်မယ်။ သူတို့ကို ကြည့်လိုက်ရင် မုတ်ဆိတ်မွေး၊ နှုတ်ခမ်းမွေးတွေ သန့်စင်နေပြီး သူတို့ရဲ့ ဇနီးတွေကလည်း အလွန်လှပကာ ကလေးတွေကလည်း စမတ်ကျ သန့်ပြန့်နေတတ်ကြတယ်။ အဲ့ဒါက သူတို့ အပြင်ကို ပြချင်တဲ့ ပုံရိပ်ပေါ့ဗျာ၊ ဘယ်တော့မှ ရန်မဖြစ်ဖူးတဲ့ သာယာစိုပြည်တဲ့ မိသားစုပုံစံမျိုးပေါ့။တကယ်တော့ ကျွန်တော်က ဒီလိုအရာတွေကို ပြင်းပြင်းထန်ထန် ဆန့်ကျင်နေတာမျိုး မဟုတ်ပါဘူး။ ဘာလို့လဲဆိုတော့ တစ်စုံတစ်ယောက်က မတန်တဆ ငွေကြေးအမြောက်အမြား ကမ်းလှမ်းလာရင် လူတွေဘာလို့ လက်ခံကြလဲဆိုတာ ကျွန်တော် နားလည်လို့ပါ။ ပြီးတော့ လွန်ခဲ့တဲ့ နှစ်အနည်းငယ်တုန်းက နိုင်ငံကျော် ဝေါ့ကာစ် (Walkers) အာလူးကြော် ကြော်ငြာမှာ လက်ပရီကွန် (Leprechaun - အိုင်းရစ် ပုံပြင်လာ လူပုလေး) ဝတ်စုံ ဝတ်ပြီး သရုပ်ဆောင်ခဲ့တဲ့ ကျွန်တော်က သူတို့ကို ဘယ်လိုလုပ် သွားဝေဖန်လို့ ရမှာလဲ၊ မဟုတ်ဘူးလား?"

လို့ကိန်းကပြုံးစိစိနဲ့ ပြောသွားတာပါ။

✅ ကိန်းဟာ ဒီလိုမျိုး မကျေနပ်ချင်ယောင်ဆောင်တဲ့ ပုံစံမျိုးကို မကြာခဏ လုပ်လေ့ရှိပါတယ်။ ပြီးတော့ သူတစ်ပါးနဲ့ မတူဘဲ တလွဲဆန့်ကျင်ဘက် ရပ်တည်ချက် ယူတတ်တာမျိုးလည်း ရှိပါတယ်။ ကျွန်တော်တို့စကားနဲ့ပြောရရင်အကန်ပေါ့။ ဒါကြောင့်လည်း သူ့ကို ကွင်းထဲမှာ ကစားတာ တစ်ခါမှ မမြင်ဖူးတဲ့ လူငယ်တွေကအစ သူ့ကို သဘောကျပြီး စွဲလမ်းနေကြတာပါ။ သူဟာ ဆာ အဲလက်စ် ဖာဂူဆန်အပေါ် ဝေဖန်တဲ့ စကားတွေကို ဖြစ်စေ၊ သူ့ကိုယ်သူ ဝေဖန်တဲ့ စကားတွေကို ဖြစ်စေ အေးအေးဆေးဆေးဘဲနားထောင်လေ့ရှိပါတယ်။

✅ ဥပမာဗျာ... ၁၉၉၉ ခုနှစ် ဂျူဗင်တပ်စ်နဲ့ ပွဲတုန်းက သူကစားခဲ့တဲ့ ခြေစွမ်းဟာ ကျွန်တော် မြင်ဖူးသမျှထဲမှာ အကောင်းဆုံးပဲလို့ သူ့ကို သွားပြောရင် သူကခင်ဗျားကိုခပ်တည်တည်နဲ့ "ကျွန်တော် ပုံမှန်ပဲ ကစားခဲ့တာပါ" လို့ မျက်နှာသေနဲ့ ပြန်ဖြေပါလိမ့်မယ်။အဲဒါရွိုင်းကိန်းပါဘဲ။

✅ လွန်ခဲ့တဲ့ နှစ်ပတ်အတွင်းမှာတော့ ရွိုင်းကိန်းဟာ ဘရူနို ဖာနန်ဒက်စ် နဲ့ သူရဲ့ ဂိုးဖန်တီးမှု စံချိန်ကိစ္စကြောင့် ဖြစ်ပေါ်လာတဲ့ မုန်တိုင်းရဲ့ ဗဟိုချက်မ ဖြစ်လာခဲ့ပါတယ်။ ပြီးခဲ့တဲ့ တနင်္ဂနွေနေ့ ဘရိုက်တန်နဲ့ပွဲမှာ ဖာနန်ဒက်စ်က ပက်ထရစ် ဒိုကူရဲ့ ဂိုးအတွက် ဖန်တီးပေးခဲ့ပြီးနောက် တစ်ရာသီအတွင်း ဂိုးဖန်တီးမှု အများဆုံး စံချိန်ဟောင်းကို ချိုးဖျက်နိုင်ခဲ့ပါတယ်။ ဒါဟာ အဆိုပါ ပေါ်တူဂီ လက်ရွေးစင် ကွင်းလယ်လူအတွက် ဒီရာသီရဲ့ ၂၁ ကြိမ်မြောက် ဂိုးဖန်တီးမှု ဖြစ်ပါတယ်။ ဖာနန်ဒက်စ် စံချိန်ဟောင်းကို လိုက်မှီခါစ (မချိုးဖျက်ရသေးခင်) ရက်ပိုင်းအလိုမှာတင် ရွိုင်းကိန်းက ဖာနန်ဒက်စ်အနေနဲ့ အဲ့ဒီလို ပုဂ္ဂိုလ်ရေး စံချိန်နောက်ကို တကောက်ကောက် လိုက်နေတာကို သူ လုံးဝ သဘောမတူကြောင်း ရှင်းရှင်းလင်းလင်း ပြောခဲ့ပါတယ်။

✅ "The Overlap Podcast " မှာ ကိန်းက အခုလို ပြောခဲ့ပါတယ်။ "ခင်ဗျားက ကလပ်အသင်းတစ်သင်းရဲ့ အသင်းခေါင်းဆောင် ဖြစ်နေပြီး အသင်းကို ရှေ့ဆက်သွားနိုင်အောင် မောင်းနှင်ပေးရမယ့်သူ ဖြစ်နေတဲ့အချိန်မှာ အသင်းထဲက ခင်ဗျားရဲ့ ကိုယ်ပိုင် အခန်းကဏ္ဍတစ်ခုတည်းဖြစ်တဲ့ 'ဂိုးဖန်တီးမှု' ဆိုတာကြီးထဲမှာတင် စိတ်တွေ နစ်မျောမနေသင့်ဘူး။

ပြီးခဲ့တဲ့ ပိတ်ရက်က ယူနိုက်တက်အသင်းဆီကနေ ကျွန်တော် ကြားလိုက်ရတဲ့ စကားတွေကြောင့် တကယ်ပဲ ဒေါသထွက်မိပါတယ်။ တစ်သင်းလုံးက သူ့ရဲ့ ဂိုးဖန်တီးမှုတွေအကြောင်းပဲ တရစပ်ပြောနေကြတာ... ကစားသမားတွေကလည်း ပြောတယ်၊ ပွဲစဉ်တစ်ခုလုံးကလည်း သူ့ရဲ့ ဂိုးဖန်တီးမှုအကြောင်း ဖြစ်နေခဲ့တယ်။ ဒါက တကယ်ကို မဖြစ်သင့်ဘူး။ပွဲအပြီး အင်တာဗျူးမှာ မန်ချက်စတာ ယူနိုက်တက်ရဲ့ အသင်းခေါင်းဆောင်က 'တချို့အကြိမ်တွေမှာ ကျွန်တော် ကိုယ်တိုင် ကန်သွင်းသင့်တာ မှန်ပေမဲ့ (စံချိန်အတွက်) ပေးပို့မှုတွေပဲ လုပ်ခဲ့ပါတယ်' လို့ ပြောသွားတယ်။ အော်... အံ့သြစရာဗျာ..အသင်းနိုင်ဖို့ကို စိတ်မသွင်းဘဲ ပုဂ္ဂိုလ်ရေးစံချိန် တစ်ခုတည်းကိုပဲ ခေါင်းထဲထည့်ထားတဲ့ စိတ်ဓာတ်မျိုး ဘယ်လိုလုပ် ရှိနေနိုင်ရတာလဲ?"

✅ ပြီးတော့ ကိန်းက ဆက်ပြောပါသေးတယ် - "အဲ့ဒီလို အသင်းအပေါ် ထားတဲ့ စိတ်ဓာတ်မျိုးနဲ့ဆိုရင် သူ ဘယ်တော့မှ ဆုဖလားတွေ ရမှာမဟုတ်ဘူး။ အသင်းက နှစ်ဂိုးလောက် ပေးလိုက်ရတာကို အားလုံးက ဂရုမစိုက်ဘဲ သူ ဂိုးဖန်တီးမှု စံချိန်ဟောင်းကို လိုက်မှီသွားလို့ ဆိုပြီး ပျော်ပါးရူးသွပ်နေကြတယ်။ ဒါဟာ တကယ့်ကို တွေးရခက်စရာကြီးပဲ။ ဆက်ကပ်ပွဲကြည့်နေရတဲ့အတိုင်းပဲ။"

✅ ဒီအပေါ်မှာ ဖာနန်ဒက်စ်က 'The Diary of a CEO Podcast" မှာ ပါဝင်ချိန်မှာ ပြန်လည် တုံ့ပြန်ခဲ့ပါတယ်။ "လူတွေမှာ ကိုယ်ပိုင်အမြင် ရှိကြတာပဲ၊ ကောင်းတယ် ထင်တာရှိသလို၊ ဆိုးတယ် ထင်တာလည်း ရှိမှာပဲ" လို့ သူက ဆိုပါတယ်။ "ဒါပေမဲ့ ဒီကိစ္စမှာတော့ ရွိုင်းကိန်း ပြောသွားတာဟာ မှားနေပါပါတယ်။ ကံကောင်းချင်တော့ ကျွန်တော် ပြောခဲ့သမျှ အရာအားလုံးက မှတ်တမ်းတင်ပြီးသား ဖြစ်နေတာပေါ့။ ကျွန်တော်ပြောခဲ့တာက ပေးပို့မှုလုပ်သင့်ရဲ့သားနဲ့ကန်သွင်းတာမျိုးလုပ်မိခဲ့တယ်လို့ပြောခဲ့တာပါ။တကယ်လို့သာ မှတ်တမ်းတွေ မရှိခဲ့ရင် 'ဘရူနိုက အမြဲတမ်း ဂိုးဖန်တီးမှုရဖို့ပဲ ကြိုးစားနေတဲ့ ကောင်' လို့ လူတွေ ထင်ကုန်ကြတော့မှာ။ သူ့ရဲ့ ဝေဖန်မှုကို ကျွန်တော် လက်ခံပါတယ်၊ သူ ကျွန်တော့်ကို ကစားသမားတစ်ယောက်အနေနဲ့ သဘောကျသည်ဖြစ်စေ၊ မကျသည်ဖြစ်စေ၊ လူတစ်ယောက်အနေနဲ့ သဘောကျသည်ဖြစ်စေ၊ မကျသည်ဖြစ်စေ ကျွန်တော် လက်ခံတယ်။ဒါပေမဲ့ ကျွန်တော် လုံးဝ သဘောမကျတာကတော့ ကျွန်တော် လုံးဝ မပြောခဲ့တဲ့ စကားလုံးတွေကို ကျွန်တော့်ပါးစပ်ထဲ အတင်းထည့်ပြီး စွပ်စွဲပြောဆိုသွားတာပါပဲ။ အဲ့ဒီတစ်ချက်တည်းကိုပဲ ကျွန်တော် သဘောမကျတာ။"

✅ နောက်ဆုံးမှာတော့ ကိန်းက သူ့ရဲ့ Instagram ပို့စ်တစ်ခုကနေတစ်ဆင့် ပြန်လည် တုံ့ပြန်လိုက်ပုံရပြီး အဲ့ဒီပို့စ်မှာ "အာရုံစိုက်မှုတွေ အများကြီး ရလာတဲ့အခါ မြည်းတစ်ကောင်ဟာ သူ့ကိုယ်သူ ခြင်္သေ့လို့ ထင်တတ်ကြတယ်" လို့ ရေးသားထားပါတယ်။

✅ ဖာနန်ဒက်စ်အပေါ် ကိန်း ပြောခဲ့တဲ့ စကားတွေကို ကျွန်တော် မထောက်ခံပေမဲ့ ဘေးထွက်ဆိုးကျိုးဖြစ်တဲ့ 'ဂိုးဖန်တီးမှု စံချိန်' ကိစ္စအပေါ် သူ ဘာကြောင့် အဲ့ဒီလို ပြောရလဲဆိုတဲ့ အရင်းအမြစ်ကိုတော့ ကျွန်တော် နားလည်နိုင်ပါတယ်။ လွန်ခဲ့တဲ့ လအနည်းငယ်တုန်းကဆိုရင် ဂိုးဖန်တီးမှု စံချိန်တွေဟာ အခုလောက် အရေးကြီးတဲ့အရာ မဟုတ်ခဲ့ပေမဲ့ အခုတော့ အရေးပါလာပါပြီ။

✅အကြောင်းကတော့မန်ချက်စတာ ယူနိုက်တက်မှာ လက်ရှိ အောင်ပွဲခံစရာ တကယ့်ဆုဖလား အစစ်အမှန် မရှိတာကြောင့် ဒါကိုပဲ အောင်ပွဲခံနေကြရတာ ဖြစ်သလို၊ မီဒီယာတွေအတွက်လည်း ဆွေးနွေးစရာ အကြောင်းအရာတွေ လိုအပ်နေလို့ပါ။ ဒါပေမဲ့ ဖာနန်ဒက်စ်နဲ့ ယူနိုက်တက်ပရိသတ်တွေ ပျော်ရွှင်နေတာကို လာပြီး ပိတ်ပင်တားဆီးဖို့ ဘယ်သူ့မှာမှအခွင့်အရေးမရှိပါဘူး။ဒါကြောင့်ဘဲ ကိန်းကတော့ လက်ရှိမှာလူထုရဲ့ပြင်းပြင်းထန်ထန် ပြစ်တင်ရှုတ်ချခြင်း ခံနေရပါတယ်။

✅ ဒါဟာ သူ့ရဲ့ အဲ့ဒီစကားကြောင့် တစ်စိတ်တစ်ပိုင်း ပါဝင်သလို၊ ကစားသမားဟောင်းတွေဟာ မန်ချက်စတာ ယူနိုက်တက်အပေါ် အလွန်အကျွံ ဝေဖန်တတ်ကြတယ်ဆိုတဲ့ အမြင်ကြောင့်လည်း ပါဝင်ပါတယ်။ ဒါတွေက ပရိသတ်တွေကြားမှာ မုန်းတီးမှုကို ဖြစ်စေပြီး လက်ရှိ ကစားသမားတွေကိုလည်း စိတ်အနှောင့်အယှက် ဖြစ်စေပါတယ်။ ဖာနန်ဒက်စ်အနေနဲ့ အခုလို ပြန်လည် တုံ့ပြန်ခဲ့တာ မှန်ကန်ပါတယ်။ သူဟာ အလွန်ကောင်းမွန်တဲ့ ရာသီတစ်ခုကို ဖြတ်သန်းခဲ့တာဖြစ်ပြီး ကိန်း စွပ်စွဲသလို စကားမျိုးကိုလည်း ဘယ်တုန်းကမှ မပြောခဲ့ပါဘူး။ ပြီးတော့ သူဟာ စီနီယာ ကစားသမားဟောင်းတွေရဲ့ ဝေဖန်မှုကို လူသိရှင်ကြား ပြန်လည် တွန်းလှန်ခဲ့တဲ့ တစ်ဦးတည်းသော လက်ရှိ ကစားသမားလည်း မဟုတ်ပါဘူး။

✅ လီဆန်ဒရို မာတီနက်ဇ် ဟာ ဇန်နဝါရီလတုန်းက မန်ချက်စတာ ဒါဘီပွဲအပြီးမှာ ပေါလ် စခိုးလ် ကို ပြန်လည် တုံ့ပြန်ခဲ့ပါသေးတယ်။ ပွဲမတိုင်ခင်တုန်းက စခိုးလ်နဲ့ နစ်ကီ ဘတ်တို့ဟာအာလင်း ဟာလန်း နဲ့ ရင်ဆိုင်ရမယ့် အခြေအနေမှာ မာတီနက်ဇ်ရဲ့ အရပ်အမောင်း ပုံစံကို လှောင်ပြောင်ခဲ့ကြတာ ဖြစ်ပါတယ်။ပရိသတ် တော်တော်များများက စခိုးလ်ရဲ့ စကားတွေကို သဘောမကျခဲ့ကြပါဘူး။ ပြီးတော့ ပရိသတ်တွေဟာ ဘယ်လို ကစားသမားဟောင်းကြီးပဲ ဖြစ်ဖြစ် သူတို့ထက်စာရင် လက်ရှိ ကလပ်အသင်းကို ကိုယ်စားပြုပြီး ကစားပေးနေတဲ့သူတွေကိုပဲ ပိုပြီး ကာကွယ် အားပေးကြမယ်ဆိုတဲ့ အသိစိတ်ဓာတ်က ပိုမို ကြီးထွားလာနေပါတယ်။

✅ လူတွေဟာ သူတို့ အသည်းအသန် အားပေးရတဲ့ အသင်းကို ကစားသမားဟောင်းကြီးတွေက တောက်လျှောက် ဖိနှိပ်ဝေဖန်နေကြတာကို ငြီးငွေ့လာကြတာလည်း ဖြစ်နိုင်ပါတယ်။ အထူးသဖြင့် အခုခေတ် လူငယ်ပရိသတ်တွေအတွက်ဆိုရင် အဲ့ဒီဝေဖန်နေတဲ့သူတွေဟာ သူတို့ရဲ့ ဟီးရိုးတွေ မဟုတ်ခဲ့ကြတာကြောင့်လည်း ပါတာပေါ့။

ဒါတွေက အသစ်အဆန်းတော့ မဟုတ်ပါဘူး။ ကစားသမားဟောင်းတွေနဲ့ မန်နေဂျာဟောင်းတွေဟာ "သူတို့ခေတ်တုန်းကမှ ပိုကောင်းတာ" လို့ အမြဲတမ်း ပြောလေ့ရှိကြပါတယ်။

✅ ရှောင်လွှဲလို့မရတာကတော့ ကိန်းလို ဂန္ထဝင်အဆင့်အတန်းမျိုးရှိတဲ့ လူတစ်ယောက်က စကားတစ်ခွန်း ပြောလိုက်ရင် လူတွေက အာရုံစိုက်ကြတာပါပဲ။ ကစားသမားဟောင်းတွေပြောလိုက်တဲ့ စကားလုံးတွေက မီဒီယာတွေအတွက်ကောင်းကောင်း ဂျင်းထည့်ပြီး အမြတ်ထုတ်စရာ သားကောင်ဖြစ်သွားပြီး အသင်းပတ်ဝန်းကျင်ရဲ့စကားဝိုင်းတွေကို လွှမ်းမိုးသွားနိုင်တယ်ဆိုတာကို သတိမပြုမိကြတာ ဒါမှမဟုတ် ဂရုမစိုက်တာ ဖြစ်နိုင်ပါတယ်။ ရေးချင်ရာရေး၊ ပြောချင်ရာပြောပြီး ပျက်စီးချင်ပျက်ပါစေတော့ ဆိုတဲ့ သဘောထားမျိုး ဖြစ်နေတတ်ပါတယ်။

✅သူတို့ဆီကဂျာနယ်လစ်လောကကြီးကလည်းတူတူပါဘဲ။ အခုဆို သတင်းစာရှင်းလင်းပွဲတွေမှာ "ဘယ်သူ (ကစားသမားဟောင်း) က ဘယ်လို ပြောလိုက်ပါတယ်၊ အဲ့ဒါ ဘာပြောချင်လဲ" ဆိုတဲ့ မေးခွန်းမျိုးတွေနဲ့ စတာက ပုံမှန်လို ဖြစ်နေပါပြီ။ လက်ရှိ မန်နေဂျာတွေ ဒါမှမဟုတ် ကစားသမားတွေအနေနဲ့ ဒါကို လျစ်လျူရှုထားနိုင်သလို၊ ပြန်လည် တုံ့ပြန်ပြီး မီးလောင်ရာ လေပင့်ပေးလိုက်တာမျိုးလည်း လုပ်နိုင်ပါတယ်။ဒါပေမဲ့သူတို့ရဲ့တုံပြန်မှုတွေကတဆင့်အသင်းအတွက်ဖိအားတွေဖြစ်စေခဲ့တာကတော့ယူနိုက်တက်ရဲ့နည်းပြအဆက်ဆက်မှာကျွန်တော်တို့ကောင်းကောင်းမြင်တွေ့ခဲ့ရပြီးပါပြီ။

✅ ကိန်းကိုဂန္ထဝင်တစ်ယောက်အနေနဲ့လေးစားပေမဲ့ ဒီလိုအပြုအမူတွေက သူတို့လိုကစားသမားတွေရဲ့ ဂန္ထဝင် ပုံရိပ်တွေကို ထိခိုက်စေသလား? ဖြစ်နိုင်သလို မဖြစ်နိုင်တာလည်း ရှိပါတယ်။ ဘာလို့လဲဆိုတော့ တချို့သော ဂန္ထဝင်ကစားသမားကြီးတွေဟာ ကစားသမားဘဝကနေ အနားယူပြီးနောက်ပိုင်းမှာ ဆိုးရွားတဲ့ အရာတွေကို လုပ်ခဲ့ကြပေမဲ့ သူတို့ကိုတော့ သမိုင်းမှာ ကောင်းမွန်တဲ့ ဘောလုံးသမားကြီးတွေအဖြစ်ပဲ ဆက်ပြီး မှတ်မိနေကြလို့ပါ။

✅ ကိန်းဟာလည်းလက်ရှိအခြေအနေကိုကြည့်ပြီးဆုံးဖြတ်ရရင်အသင်းကိုထင်ရာ​တွေထိုင်ပြောနေတဲ့၊အမှန်တရားကိုလက်မခံ၊ကိုယ့်အမှားကိုသိတာတောင်မတောင်းပန်တဲ့ကလေးဆန်တဲ့သူတစ်ယောက်လို့ထင်စရာရှိပေမဲ့ဒါဟာသူ့အကြောင်းဘယ်လောက်သိလဲဆိုတဲ့အချက်ပေါ်မူတည်ပြီးလူတစ်ဦးချင်းစီရဲ့ထင်မြင်ချက်တွေကွဲပြားသွားစေနိုင်တယ်ဆိုတာတော့သတိချပ်ဖို့လိုပါတယ်။

The Athletic သတင်းဌာနရဲ့ဂျာနယ်လစ်ဖြစ်သူ Andy Mitten ၏ဆောင်းပါးမှအချက်အလက်များအပေါ်အခြေခံ၍ပြန်လည်တင်ပြခြင်းဖြစ်ပါတယ်ဗျ။

ပို့စ်ကို like & share လုပ်ပြီး page ကိုအားပေးဖို့ယူနိုက်တက်ဖန်ညီအကိုတို့ကိုတောင်းဆိုချင်ပါတယ်ဗျ။

မန်ယူနေ့စဉ်ကိုအားပေးလိုတဲ့ယူနိုက်တက်ပရိတ်သတ်ညီအကိုမောင်နှမတွေအနေနဲ့page ကို Subscribe လုပ်ပြီးအားဖြည့်ပေးနိုင်ပါတယ်ဗျ။

#မန်ယူနေ့စဥ်

Address

Jin'an Street
Xinbei
236043

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+959965999289

Website

Alerts

Be the first to know and let us send you an email when မန်ယူနေ့စဉ် posts news and promotions. Your email address will not be used for any other purpose, and you can unsubscribe at any time.

Contact The Business

Send a message to မန်ယူနေ့စဉ်:

Shortcuts

Share