13/08/2026
نصيحة لكل مغترب متزوج وراتبه 2500 أو 3000ريال
الكثير يقول: إذا راتبك 3000 لا تدخل أسرتك معك، وهذا العذر مش دائمًا مقبول.
افترض إنك تقعد سنة أو سنتين بعيد عن زوجتك، وتسافر إجازة. ممكن تخسر أقل شيء 10,000 ريال في الإجازة، وفوقها تخصم من راتبك حق 4 أشهر تقريبًا 12,000 ريال.
نقول هذه حق الإجازة وخليها على جنب.
أما المصروف، والله إن الدنيا فيها تخفيضات، و800 ريال ممكن تكفيك شهر بالراحة إذا رتبت أمورك.
كهرباء نقول 250 ريال بالشهر.
إيجار سكن 1200 ريال.
مصروف 800 ريال.
الإجمالي: 2250 ريال.
إذا راتبك 3000، يبقى معك 750 ريال تخليها للإقامة والطوارئ والمواصلات والبنزين والمرض وأي ظرف يجيك، غير الحوافز والعلاوات إذا كانت موجودة.
أما إذا راتبك 4000 ريال، فبإذن الله تكون أمورك أريح، وتقدر توفر جزء من راتبك.
هذه مجرد حسبة، وكل شخص وظروفه تختلف.
لكن يا مغترب، لا تجعل الراتب وحده سبب إنك تبعد عن زوجتك سنة وسنتين.
إذا قدرت تجمع أسرتك معك وتعيشوا بحدود إمكانياتكم، فوالله إن وجود زوجتك وأسرتك معك نعمة، وقد يكون سببًا للراحة والاستقرار، ومع الأخذ بالأسباب الله يفتح لك أبواب رزقه من حيث لا تحتسب.
زوجتك لها حق عليك، والغربة صعبة، والسنين اللي تمر ما ترجع.
رتّب أمورك، احسبها صح، وخذ بالأسباب… ولا تجعل الخوف من الراتب يحرمك من أهلك.
#المغترب #الغربة
