23/05/2023
رحيم سولنگي جا جئ جهجريندڙ لفظ سلام آ توهان کي ڀاء Copied Raheem
دوستو هي ميلو ڪرڪيٽ جو ميلو آهي جيڪو گذريل 8 سالن کان ڪي جي بي ڪپ جي نالي سان مان ڪرائيندو اچان پيو۔ جنهن ۾ ٺاروشاه، نوشهرو فيروز، ڀورٽي، دليپوٽا، ٺٽ ڳوراهو، خانصاحب ۽ ڪوڙيجا ڀاڻ جون ٽيمون حصو وٺنديون آهن۔ جيڪا سموري ڳوٺ ۽ آس پاس جي ننڍن وڏن لاء تمام تفريح جو سبب بڻجندو آهي۔۔ هر سال پنهنجي مدد پاڻ تهت ڳوٺ جا سرف رانديگر ئي ڊونيشن ڏيندا آهن جيڪا انتهائي ڏک جي ڳالهه آهي۔
هن دور ۾ اهي ميلا، گڏجاڻيون تفريحون دم ٽوڙڻ لڳيون آهن، انسان رڳو خود غرضي ۾ مبتلا آهن۔ دوستو تفريح ڪهڙي به روپ ۾ هجي، انسان لاء انتهائي ضروري آهي ۽ جيڪر اها ڪرڪيٽ جي روپ ۾ هجي ته پوء ته اڃان وڌيڪ دلچسپ ٿئي ٿي ڪرڪيٽ کيڏڻ کان وڌيڪ ڏسڻ ۾ تفريحي آهي ۽ ڪرڪيٽ جي گراؤنڊ ۾ اچڻ سان ڄڻ ته دنيا جا سڀ غم ڪجهه ئي وقت لاء پر دور ٿيو وڃن۔
درياء جو ڪنارو هجي، ڪچي جو علائقو، ڳوٺ جو ماحول هجي ۽ اتي اهڙيون سهڻيون گڏجاڻيون هجن ته باقي ان کان وڌيڪ تفريح ڪهڙي هوندي۔
شهر جو گوڙ، دنيا جا ڪم، گهر جون ذميواريون، مستقبل جون ڳڻتيون جڏهن انسان کي جڪڙينديون آهن ته انسان پاڻ کي دماغي مريض بڻائي ڇڏيندو آهي، اهڙن ئي ڪجهه معاملن ۾ ڪجهه اهڙا تفريحي مراهل وڏي اهميت رکن ٿا، پر افسوس! افسوس! افسوس! اهڙن ميلن کي سجائڻ وارن کي موٽ ڪهڙي ملندي آهي؟
سفا ڪي واندا آهن، ٻاراڻا ڪم آهن، پيسا ٿا ٺاهن، رحيم ڪمائي ٿو وغيره۔۔
پر حقيقت مان هڪ غريب مزدور جو پٽ آهيان، مون وٽ هڪ ننڍڙو دوڪان آهي جنهن تي اسان جو ڏکيو سکيو گذر سفر مس ٿيندو آهي ۽ ان ٽورنامينٽ جي فيسن، چند ڳڻپ وارن ماڻهن جي سهڪار کان علاوه هر دفعي ٿورا ٿورا ڪري پنهنجي گهر جا 10 کان 15 هزار خرچ ٿي ويندا آهن، هزارين ڳالهيون ٻڌي، پنهنجي دڪان کي ڇڏي ڪري به مان وقت ڏيندو آهيان، خرچ ڪندو آهيان۔
ٻين ڳوٺن، شهرن ۾ ماڻهو خوشئ سان ڊونيشن به ڏيندا آهن ۽ ڳوٺ جا وڏا هر سهڪار، سهولتون پڻ مهيا ڪندا آهن ته جيئن مون جهڙن نوجوانن جا حوصلا بلند رهن ۽ اهڙا ميلا سجندا رهن ۽ اها پڻ هڪ ڳوٺ يا وڏڙن جي خود جي عزت هوندي آهي۔۔۔
پر افسوس آهي مونکي اهڙي تفريحي ميلي کي لڳائڻ لاء سڀ ميسيج ۽ ڪالس ته ڪن ٿا پر سهڪار جي لاء لکڻو پوي ٿو، جيڪي دوست سڄي ٽورنامينٽ ۾ چوندا آهن ته ماما *هئ ٽورنامينٽ اسان کي پنهنجي آ* ڪڏهن به سهڪار لاء اڳتي نه آيا۔
