01/05/2025
پریس ریلیز : کھیلوں کی سرگرمیاں
صوبائی حکومت کے عوامی ایجنڈے کے تحت ایم۔پی۔اے جناب اورنگزیب خان اورکزئی ،ڈی جی سپورٹس جناب تا شفین حیدر صاحب، ڈپٹی کمشنر ضلع اورکزئی جناب محمد عرفان الدین صاحب اور ڈائریکٹر سپورٹس مرج ایر یا کی خصوصی ہدایات پر ضلعی سپورٹس آ فیسر محمد حسین اورکزئی نے نوجوانوں میں صحت مند انہ سرگرمیوں اور کھیلوں کے فروغ کے لیے دو محتلف ایونٹ انٹر کلب فٹ بال لیگ اور ایک انٹر ٹرائیبز شاندار فٹبال میچ کا انعقاد کلا یا ہیڈ کوارٹر کے فٹبال گراؤنڈ میں کیا گیا۔ جس میں کھلاڑیوں نے اپنی بھرپور صلاحیتوں، جذبے اور مہارت کا مظاہرہ کیا۔ تقریب کے مہمانِ خصوصی ڈپٹی کمشنر اورکزئی جناب محمد عرفان الدین صاحب تھے، جنہوں نے اپنی خصوصی شرکت سے کھلاڑیوں کا حوصلہ بڑھایا۔ اس موقع پر ایڈیشنل ڈپٹی کمشنر ریلیف جناب نعمت اللہ صاحب ،اسسٹنٹ کمشنر لوئر اورکزئی یونس خان، ایڈیشنل اسسٹنٹ کمشنر ملک ساجد علی خان ،ڈسٹرکٹ سپورٹس آفیسر محمد حسین اور دیگر افسران بھی موجود تھے۔ایونٹ کے اختتام پر ڈپٹی کمشنر اورکزئی نے نمایاں کارکردگی کا مظاہرہ کرنے والے کھلاڑیوں میں نقد انعامات اور ٹرافیاں تقسیم کیں، اور نوجوانوں کو مزید محنت اور مثبت سرگرمیوں میں بڑھ چڑھ کر حصہ لینے کی ترغیب دی۔اس موقع پر ضلعی انتظامیہ کے افسران، مختلف لائن ڈیپارٹمنٹس کے نمائندگان، قبائلی مشران، طلباء اور عوام کی ایک بڑی تعداد موجود تھی، جنہوں نے کھلاڑیوں کی بھرپور حوصلہ افزائی کی اور محکمہ سپورٹس اور ضلعی انتظامیہ کے اس مثبت اقدام کو سراہا۔ڈپٹی کمشنر اورکزئی نے یقین دہانی کرائی کہ آئندہ بھی ایسے صحت مند مقابلے باقاعدگی سے منعقد کیے جائیں گے تاکہ نوجوانوں کو مثبت راہوں پر گامزن رکھا جا سکے اور علاقے میں کھیلوں کا کلچر فروغ پائے۔
