12/05/2026
افضل جبار (ایونٹ مینجر)
چیئرمین لیگ فرحاد اقبال کے ہر اول دستے کے سپہ سالار نے اپنی حکمتِ عملی سے ناممکن کو ممکن کر دکھایا
ایم پی ایل لاہور 2026 کی تاریخی کامیابی محض ایک اتفاق نہیں بلکہ اس کے پیچھے ایک ایسی انتھک محنت , لگن اور جنون کی داستان پوشیدہ ہے جس نے اس ایوان کو چار چاند لگا دیے۔ اس پوری کامیابی کا سہرا بلا شبہ اس ایونٹ مینجر کے سر جاتا ہے جس نے اپنی شب و روز کی تھکا دینے والی کاوشوں سے اس خواب کو حقیقت کا روپ دیا۔ کسی بھی بڑی لیگ کی کامیابی کی ضمانت وہ خاموش جدوجہد ہوتی ہے جو منظرِ عام پر آنے سے بہت پہلے شروع ہو جاتی ہے، اور یہاں بھی ہمہ وقت جتے رہنے والے اسی عزم نے فتح کی بنیاد رکھی۔
ایونٹ کے باقاعدہ آغاز سے چار ماہ قبل ہی جب گراؤنڈ ابھی خالی تھے تب سے آف دا گراؤنڈ ہوم ورک اور ایونٹ سے منسلک پیچیدہ امور پر فل ٹائم کام شروع کر دیا گیا تھا۔ ایک ایک جزئیات کو باریک بینی سے پرکھنا، ہر پہلو کو کئی کئی بار دیکھنا اور پھر اسے حتمی شکل دینا ایک ایسا کٹھن مرحلہ تھا جس نے منتظم کی پیشہ ورانہ مہارت کا ثبوت دیا۔ جیسے ہی لیگ کا میدان سجا، وہ محنت جو اب تک کاغذوں اور میٹنگز تک محدود تھی، آن دا فیلڈ ایک بہترین نظم و ضبط کی صورت میں نظر آنے لگی۔ فیلڈ پر موجود ہر چھوٹے بڑے معمول کو بخوبی نبھانا اور کسی بھی لمحے غفلت نہ برتنا اس بات کی دلیل ہے کہ جب قیادت میں جوش اور کام میں سچائی ہو تو کامیابی قدم چومتی ہے۔ یہ شاندار ایونٹ دراصل اسی بے لوث خدمت اور انتھک جدوجہد کا عکاس ہے جس نے لاہور کے میدانوں میں کرکٹ کی ایک نئی تاریخ رقم کر دی ہے۔
Weldone Afzal Jabbar brother ✅❤️
