Jeelani Cricket Club Badin

Jeelani Cricket Club Badin The team always plays to win. Cricket is not everything, not by any means, but it is a large part of who I am.

شهيد محترمه بينظير ڀٽو ميموريل نائٽ ٽورنامينٽ 9هين ايڊيشن، حضرت پير عاليشاه جي ياد ۾ ٿيندڙ هن شاندار ٽورنامينٽ جو سڀ کان...
29/03/2026

شهيد محترمه بينظير ڀٽو ميموريل نائٽ ٽورنامينٽ 9هين ايڊيشن، حضرت پير عاليشاه جي ياد ۾ ٿيندڙ هن شاندار ٽورنامينٽ جو سڀ کان وڏو سيمي فائينل اڄ رات کيڏيو ويندو.

🔥 اڄ جو وڏو مقابلو:
ٽيم سلطان 🆚 جمالي اليون

گذريل سال جي چيمپين ٽيم سلطان، جنهن ۾ سنڌ جا وڏا برانڊ رضا چانڊيو، ماجد ميو، امتياز لغاري، سني، علي ميمڻ ۽ شاهزيب، اويد پٺاڻ شامل آهن، پنهنجي شاندار فارم سان ميدان ۾ لهندي.

هاڻي ڏسڻو اهو آهي ته ڇا سلطان پنهنجي چيمپين واري روايت برقرار رکي سگهندي يا جمالي اليون سرپرائيز ڏيندي!

🏏 ميچ جو وقت: رات 9:30 بجي
🏆 فائينل مقابلو: 11 بجي

🎉 ميچ کان پوءِ رنگا رنگ تقريب ۽ شاندار آتشبازي، ۽ کٽيندڙ ٽيم لاءِ بائيڪ انعام!

سڀني کي دعوت آهي ته اچي هن زبردست يادگار مقابلي کي ڏسي حقيقي مزو وٺون پنهنجي پسند جي ٽيم کي سپورٽ ڪيون

شهيد محترمه Benazir Bhutto ميموريل نائٽ ٽورنامينٽ 9 ايڊيشن، حضرت پير عاليشاه جي ياد ۾ منعقد ڪرڪيٽ ٽورنامينٽ ۾ اڄ هڪ شاند...
28/03/2026

شهيد محترمه Benazir Bhutto ميموريل نائٽ ٽورنامينٽ 9 ايڊيشن، حضرت پير عاليشاه جي ياد ۾ منعقد ڪرڪيٽ ٽورنامينٽ ۾ اڄ هڪ شاندار ۽ دلچسپ مقابلو ٿيو

اڄ جو ميچ آرمي مل بدين ۽ ڊولفن گولارچي جي وچ ۾ کيڏيو ويو۔ آرمي مل بدين پهرين بيٽنگ ڪندي مقرر 10 اوورن ۾ صرف 2 وڪيٽن جي نقصان تي 200 رنز جو وڏو ٽارگيٽ ڏنو. جواب ۾ ڊولفن گولارچي ڀرپور ڪوشش باوجود 4 وڪيٽن تان ميچ هارائي ويئي ۽ آرمي مل بدين شاندار فتح حاصل ڪري فائينل لا ڪوائليفائي ڪيو.

هي مقابلو ليجنڊ ڪرڪيٽر ۽ ڪمينٽيٽر استاد تنوير خواجه جي ياد ۾ منسوب هو، جنهن ۾ مهمانِ خاص ڊاڪٽر شفقت حسين جعفري، ڊاڪٽر افتخار حسين جعفري، واجد خواجه (برادر استاد تنوير)، جاويد خواجه زوار اليڪٽرڪ، ۽ اياز خواجه شرڪت ڪئي۔

مهمانن سنڌ جي مختلف علائقن مان آيل رانديگرن جي حوصلا افزائي ڪندي بهترين ڪارڪردگي تي سينچري ۽ وڪيٽن وٺڻ تي ڪيش انعام ڏنا، جڏهن ته آرگنائيزنگ ٽيم کي 20,000 رپين جو خصوصي انعام پڻ ڏنو ويو۔ تقريب دوران مهمانن کي سنڌ جي ثقافتي سوکڙي اجرڪن جا تحفا پڻ پيش ڪيا ويا ۽ رانديگرن سان تعارف ڪرايو ويو۔

ڊاڪٽر شفقت حسين جعفري پنهنجي خطاب ۾ رانديگرن ۽ آرگنائيزنگ ٽيم جي ساراهه ڪندي ته تمام خوشي ٿي رانديگر پنهنجي محنت سان ايڏو وڏو ايونٽ ڪيو پوري گرائونڊ ۾ پري پري کان ماڻهو ميچ ڏسڻ آيا آهن اها بهترين ايڪٽوٽي آهي ان سان گڏ افسوس جو اظهار ڪيو ته بدين پير عاليشاه شاھ جو هي وڏو گرائونڊ حڪومتي نااهلي سبب سهولتن کان محروم آهي، ۽ اعليٰ اختيارين کي اپيل ڪئي ته جلد کان جلد اسپورٽس ڪامپليڪس کي بهتر بڻايو وڃي ته جيئن رانديگرن کي مڪمل سهولتون مهيا ٿي سگهن پر سڪون ماحول ۾ راند کيڏي سگهن.

شهيد بينظير ڀٽو ميموريل نائٽ ٽورنامينٽ 9 ايڊيشنحضرت پير عاليشاه جي ياد ۾ ٿيندڙ ڪرڪيٽ ٽورنامينٽ جو وڏو سيمي فائنلڊولفن گو...
28/03/2026

شهيد بينظير ڀٽو ميموريل نائٽ ٽورنامينٽ 9 ايڊيشن
حضرت پير عاليشاه جي ياد ۾ ٿيندڙ ڪرڪيٽ ٽورنامينٽ جو وڏو سيمي فائنل

ڊولفن گولارچي 🆚 آرمي مل بدين

ته پوءِ اچو!
هن زبردست ۽ سنسني خيز مقابلي مان لطف اندوز ٿيون،
پنهنجي پسنديده ٽيم کي سپورٽ ڪيو ۽ ڪرڪيٽ جي خوبصورت راند جو مزو وٺو.

📍 مقام: پير عاليشاه اسٽيڊيم بدين
📅 تاريخ: 28-03-2026
⏰ وقت: رات 09:30 وڳي

اچو ته گڏجي هن شاندار ميچ کي يادگار بڻايون! 🏏

25/03/2026 تي بدين جي پير عاليشاه ڪرڪيٽ ڪامپليڪس ۾ شهيد محترمه بينظير ڀٽو ميموريل نائٽ ٽورنامينٽ (9هين ايڊيشن) حضرت پير ...
26/03/2026

25/03/2026 تي بدين جي پير عاليشاه ڪرڪيٽ ڪامپليڪس ۾ شهيد محترمه بينظير ڀٽو ميموريل نائٽ ٽورنامينٽ (9هين ايڊيشن) حضرت پير عاليشاه جي ياد ۾ منعقد ڪيو ويو.

هن موقعي تي ينگ خاصخيلي ۽ ٽيم سلطان وچ ۾ زبردست مقابلو ٿيو، جنهن ۾ سنڌ جا ناميارا رانديگر واجد مايو، امتياز لغاري، جنيد جعفري، برانڊ رضا چانڊيو، علي ميمڻ، سني ۽ شاهزيب سپر اسٽار شاندار ڪارڪردگي ڏيکاري۔ ميچ انتهائي دلچسپ ۽ مقابلي وارو رهيو.

رانديگرن جي همٿ افزائي لاءِ سنڌ ڪرڪيٽ ڪلب بدين جو ڪپتان شاهد خاصخيلي، خرم شهزاد انصاري (بسمﷲ شوروم آٽوز)، سيٺ مبارڪ علي سومرو (ڪائونسلر بدين) ۽ علم دين سومرو بهترين ڪارڪردگي تي رانديگرن کي ڪيش انعام ڏنا.

ميچ دوران پنهنجي دلڪش آواز سان ڪرڪيٽ شوقينن کي محظوظ ڪندڙ ڪمينٽيٽر ساجد علي رستماڻي کي 2000 رپيا ڪيش انعام ڏنو ويو، جڏهن ته لائيو ميچ هلائيندڙ دلدار بلوچ کي به 2000 رپيا انعام ڏنو ويو۔

ان کان علاوه خرم شهزاد طرفان آرگنائيزنگ مينيجمينٽ کي 50000 رپين جو بپمپر انعام ڏنو ويو، جڏهن ته سيٺ مبارڪ علي سومرو به 20000 رپين جو ڪيش انعام ڏئي جيلاني ڪرڪيٽ ڪلب بدين جي مينيجمينٽ کي ڪامياب ٽورنامينٽ ڪرائڻ تي ڀيٽا پيش ڪئي.

آخر ۾ جيلاني ڪرڪيٽ ڪلب جي آرگنائيزرن سڀني مهمانن ۽ ساٿين جا ٿورا مڃيا ۽ سنڌي روايتن کي برقرار رکندي اجرڪ جا تحفا پيش ڪيا ۽ رانديگرن سان تعارف ڪرايو ويو.

محترم بينظير ڀٽو ميموريل نائٽ ٽورنامينٽ (9هين ايڊيشن) حضرت پير عاليشاه ڪرڪيٽ ڪامپليڪس بدين ۾ رڳو ميچ نه، پر جذبي، محبت ۽...
24/03/2026

محترم بينظير ڀٽو ميموريل نائٽ ٽورنامينٽ (9هين ايڊيشن) حضرت پير عاليشاه ڪرڪيٽ ڪامپليڪس بدين ۾ رڳو ميچ نه، پر جذبي، محبت ۽ ڪرڪيٽ جي جنون جو زبردست ميلو بڻجي ويو!

اڄوڪو يادگار ميچ مرحوم ملڪ لال محمد جي محبت ۽ خدمتن کي ڀيٽا پيش ڪرڻ لاءِ وقف ڪيو ويو، جتي سندس پٽ، بدين جو فخر ۽ ليجنڊ ڪرڪيٽر ملڪ مزمل پنهنجي موجودگي سان تقريب کي چار چنڊ لڳائي ڇڏيا. ساڻس گڏ سينيئر ۽ ليجنڊ ڪرڪيٽرن—دادا حنيف انصاري، استاد غضنفر خواجه، اپي قمبراڻي ۽ اذان ترڪ—جي شرڪت نوجوان رانديگرن لاءِ هڪ وڏي همت ۽ حوصلي جو ذريعو بڻجي وئي.

گرائونڊ تي هر بال، هر شاٽ ۽ هر آواز ۾ جذبو نظر اچي رهيو هو، جڏهن ته ليجنڊ ڪرڪيٽر استاد شفيق ترڪ، استاد تنوير خواجه ۽ ملڪ اويس کي به وڏي عزت سان ياد ڪندي سندن مغفرت لاءِ گڏيل دعا گهري وئي هڪ لمحو جيڪو هر اک کي نمي سان ڀري ويو.

ملڪ مزمل پنهنجي جذباتي ۽ پرجوش خطاب ۾ چيو اڄ منهنجي دل خوشي سان ڀرجي وئي آهي! بدين جا نوجوان ڪرڪيٽ کي نئين زندگي ڏئي رهيا آهن. ڪڏهن اسان هن گرائونڊ جا ستارا هئاسين، اڄ توهان آهيو، ۽ سڀاڻي توهان جا نالا تاريخ ۾ لکبا! ڪرڪيٽ هميشه زنده رهندي روشني، محنت ۽ جذبي سان!

هن جيلاني ڪرڪيٽ ڪلب بدين کي زبردست خراج تحسين پيش ڪندي چيو ته رات جي اونداهي کي روشنين ۾ بدلائي، ڊسيپلين سان اهڙو شاندار ايونٽ ڪرائڻ ڪا معمولي ڳالهه ناهي اهو صرف جنون، محبت ۽ محنت سان ئي ممڪن آهي.

آخر ۾ چيف آرگنائيزر شير علي شاهه مهمانن کي سنڌ جي سڃاڻپ اجرڪن جا خوبصورت تحفا پيش ڪيا، جڏهن ته رانديگرن سان تعارف پڻ ڪرايو ويو

بدين جي ڌرتي هڪ ڀيرو ٻيهر ثابت ڪري ڇڏيو ته ڪرڪيٽ رڳو راند ناهي، پر هڪ جذبو آهي، هڪ سڃاڻپ آهي، هڪ عشق آهي....... !

نياز اسٽيڊيم حيدرآباد ڇا هو ۽ ڇا ٿي ويو!حيدرآباد ۾ ٿڌي سڙڪ تي راڻي باغ لڳو لڳ نياز اسٽيڊيم موجود آهي. مشھور هوٽل انڊس جي...
22/03/2026

نياز اسٽيڊيم حيدرآباد ڇا هو ۽ ڇا ٿي ويو!

حيدرآباد ۾ ٿڌي سڙڪ تي راڻي باغ لڳو لڳ نياز اسٽيڊيم موجود آهي. مشھور هوٽل انڊس جي مُنھَن سامهون. حيدرآباد ڪلب ۾ ايندي ويندي مون ورهين کان هن اسٽيڊيم جي ويراني ڏٺي آهي.

تازوئي اسٽيڊيم جي گيٽ ٻاهران فاسٽ بالر وسيم اڪرم جو مجسمو لڳايو ويو. مون ڏٺو. وسيم اڪرم نہ الائي ڪيرُ پَي لڳو. مرمت جي نانوَ تي اڳڀرائيءَ جو حالُ اِهو هو.

هن اسٽيڊيم بہ ڪي زمانا ڏٺا آهن. هيءُ ملڪ جي پراڻن ڪرڪيٽ اسٽيڊيمن مان هڪ آهي. هِتي پھرين فرسٽ ڪلاس ميچ 1962ع ۾ کيڏي ويئي هئي.

هيءُ اسٽيديم حيدرآباد جي ڪمشنر نياز احمد تيار ڪرايو هو. هُن جو ڍانچو سھڻو آهي. هيءُ ٿنڀن کان سواءِ بيھاريل اسٽيديم آهي. اُهو پنھنجيءَ بيھڪ پنھنجي زماني ۾ منفرد هو ۽ اڄ بہ آهي.

15000 ماڻهن جي ويھڻ جي گنجائش واري هن اسٽيڊيم ۾ پھرين ٽيسٽ ميچ 1973ع ۾ پاڪستان ۽ انگلينڊ وچ ۾ کيڏي ويئي هئي. هن ٽيسٽ ۾ اڳ ۾ کيڏندي پاڪستان 569 رنسون ٺاهيون هيون. مشتاق محمد ۽ انتخاب عالم يادگار سينچريون ٺاهيون. هيءَ ميچ ڪنھن بہ نتيجي کان سواءِ ختم ٿي هئي. پر پاڪستان انگلينڊ جي ٽيم کي فالو آن ۾ وڌو هو.

هن اسٽيڊيم جي يادگار واقعن مان هڪُ هيءُ بہ آهي تہ هِتي ون ڊي انٽرنيشنل ميچن جي پھرين هيٽ ٽرڪ 1982ع ۾ پاڪستاني فاسٽ بالر جلال الدين آسٽريليا خلاف ڪئي. هن روڊ مارش، بروس يارڊي ۽ جيف لاسن کي ٽن لڳاتار بالن تي آئوٽ ڪيو.

هن گرائونڊ سان لاڳاپيل دلچسپ حقيقت هيءَ بہ آهي تہ پاڪستاني ٽيم ڪڏهن بہ هِتي ٽيسٽ يا ون ڊي ميچ نہ هارائي آهي.

هن اسٽيڊيم ۾ 1987ع جي ورلڊ ڪپ جي هڪ ميچ پاڪستان ۽ سريلنڪا وچ ۾ کيڏي ويئي هئي. اسٽيڊيم ماڻهن سان سٿيل هو. هن ميچ ۾ جاويد ميانداد 100 بالن تي 103 رنسن جي يادگار اننگ کيڏي. رميز راجا بہ 76 رنسون ٺاهيون. پاڪستان 267 رنسون ٺاهيون هيون ۽ سريلنڪا 252 رنسن ٺاهي آئوٽ ٿي ويئي هئي.

1997ع ۾ هتي ويسٽ انڊيز کي هڪ فرسٽ ڪلاس ۽ هڪ ون ڊي ميچ کيڏڻي هئي. حبيب بئنڪ خلاف ميچ کان اڳ ويسٽ انڊيز بيڪار رهائشي سھولتن تان احتجاج ڪيو ۽ ٻئي ميچون ملتوي ڪيون ويون. 1997ع ۾ هتي پاڪستاني ٽيم ڀارتي ٽيم کي بہ هارايو هو. ڀارت 170 رنسن تي آئوٽ ٿي ويئي هئي. پاڪستان اُهو هدف 5 وڪيٽن جي نقصان سان ماڻي ورتو هو.

تنھن کان پوءِ هن گرائونڊ جو ڀاڳ ڦِٽو. تنھن کان پوءِ مس مس وڃي 2008ع ۾ هتي پاڪستان ۽ زمبابوي وچ ۾ ون ڊي ميچ ٿي. زمبابوي 238 رنسون ٺاهيون ۽ پاڪستان اهو هدف 47هين اوور ۾ پورو ڪيو. ناصر جمشيد 74 ۽ شاهد آفريدي 43 رنسون ٺاهيون.

10 ورهيہ هيءُ تاريخي ميدان ويران رهيو. اپريل 2018ع ۾ پي سي بيءَ هن کي سنڀاليو. پر ڪم ڪوبہ نہ ٿيو.

هاڻي پي ايس ايل جي نئين ٽيم حيدرآباد ڪنگزمين هن تاريخي ميدان کي پنھنجو مرڪز بڻايو آهي. هن فرينچائز هن ميدان جي مرمت ڪري انهيءَ کي ايندڙ پي ايس ايل - 12 جي ميچن لاءِ تيار ڪرڻ جي ارادي کي اظھاريو آهي.

ڏسجي تہ ڇا ٿو ٿئي.

ڪاپي






تمام ڪرڪيٽ شائقين کي عيد جو ٻيو ڏينهن مبارڪ! 🌙عيد جي هن خوشين ڀريي موقعي تي جيلاني ڪرڪيٽ ڪلب بدين پاران شاندار انٽرٽينمي...
22/03/2026

تمام ڪرڪيٽ شائقين کي عيد جو ٻيو ڏينهن مبارڪ! 🌙

عيد جي هن خوشين ڀريي موقعي تي جيلاني ڪرڪيٽ ڪلب بدين پاران شاندار انٽرٽينمينٽ
اڄ رات کيڏيا ويندا دلچسپ شاندار ميچ، جيڪي اوهان جي عيد جي خوشين کي ٻيڻو ڪري ڇڏيندا!

📢 اڄ رات جا ميچ:
1️⃣ ٽيم سلطان 🆚 جيلاني بليو بادشاہ
2️⃣ آل فرينڊ گرين 🆚 جيلاني ڪرڪيٽ ڪلب
3️⃣ مغل آٽوز 🆚 وائي ڪي اسٽار

اچو ته سڀ گڏجي ميدان تي پهچي رانديگرن کي سپورٽ ڪريون ۽ ڪرڪيٽ جا مزا وٺون! 🏆👏

جيلاني ڪرڪيٽ ڪلب بدين طرفان سڀني دوستن، ڪرڪيٽ جي شوقينن ۽ شهرين کي عيدالفطر جون دل جي گهرائين سان کوڙ ساريون مبارڪون الل...
20/03/2026

جيلاني ڪرڪيٽ ڪلب بدين طرفان سڀني دوستن، ڪرڪيٽ جي شوقينن ۽ شهرين کي عيدالفطر جون دل جي گهرائين سان کوڙ ساريون مبارڪون
الله پاڪ سڀني جي زندگين ۾ خوشيون، امن ۽ برڪتون آڻي آمين ثم آمين.

عيد مبارڪ! 🌙

19/03/2026

رات جي طوفاني برسات سبب هلندڙ ميچون ملتوي (ڊرا) ڪيون ويون، جڏهن ته گرائونڊ مڪمل طور پاڻي سان ڀرجي ويو، جنهن ڪري مالي طور تي به ڪافي نقصان ٿيو.

اڄ جيلاني ڪرڪيٽ ڪلب بدين جي آرگنائيزنگ مينيجمينٽ ٽيم گرائونڊ تي پهچي صفائي ۽ بحالي جو عمل شروع ڪري ڇڏيو آهي.

جيلاني ڪرڪيٽ ڪلب بدين جي چيف آرگنائيزر شير علي شاهه چيو ته: “اسان جي ٽيم ڀرپور ڪوشش ڪري رهي آهي ته گرائونڊ کي جلد کان جلد کيڏڻ لائق بڻايو وڃي. برسات سبب ٿيل نقصان جو ازالو ڪرڻ لاءِ سڀئي ميمبر گڏجي ڪم ڪري رهيا آهن ۽
انشاءَالله جلد ميچون ٻيهر شروع ڪيون وينديون.

شهيد ڊاڪٽر علي لاريجاني ايران جو هڪ عظيم، بهادر ۽ بااصول اڳواڻ هو، جيڪو نه صرف هڪ سياستدان پر هڪ دانشور، فلسفي ۽ بهادر ڪ...
19/03/2026

شهيد ڊاڪٽر علي لاريجاني ايران جو هڪ عظيم، بهادر ۽ بااصول اڳواڻ هو، جيڪو نه صرف هڪ سياستدان پر هڪ دانشور، فلسفي ۽ بهادر ڪمانڊر پڻ رهيو. هن پنهنجي زندگي قوم ۽ ملڪ جي خدمت لاءِ وقف ڪري ڇڏي.

هو قُم جي حلقه انتخاب مان چونڊجي مجلسِ شوراءِ اسلامي ايران جو اسپيڪر رهيو ۽ ڪيترن اهم عهدن تي پنهنجون ذميواريون نهايت ايمانداري ۽ بهادري سان نڀايون. وزيرِ ثقافت، نشرياتي اداري جو سربراهه ۽ سپريم نيشنل سيڪيورٽي ڪائونسل جو سيڪريٽري طور به هن شاندار خدمتون سرانجام ڏنيون.

شهيد علي لاريجاني جي شخصيت بهادري، عزم ۽ اصولن جي علامت هئي. هن هر حال ۾ حق ۽ سچ جو ساٿ پنهنجي ملڪ لاءِ اسرائيل سان وڙهندي شهادت جو جام پيتو ڪربلا جي تاريخ کي دهرايو آهي.

جيلاني ڪرڪيٽ ڪلب بدين شهيد ڊاڪٽر علي لاريجاني کي زبردست خراجِ تحسين پيش ڪري ٿي ۽ سندس خدمتن کي هميشه ياد رکيو ويندو.

Benazir Bhutto جي نالي سان منسوب شهيد محترمه بينظير ڀٽو ميموريل نائٽ ڪرڪيٽ ٽورنامينٽ (9هين ايڊيشن) Pir Alishah Cricket C...
08/03/2026

Benazir Bhutto جي نالي سان منسوب شهيد محترمه بينظير ڀٽو ميموريل نائٽ ڪرڪيٽ ٽورنامينٽ (9هين ايڊيشن) Pir Alishah Cricket Complex ۾ ڪرڪيٽ جو شاندار ميلا جاري آهي، جتي هر رات گرائونڊ جو ماحول جوش، جذبي ۽ تماشائين جي تاڙين سان گونجي رهيو آهي. 🏏

رات جي سنسني خيز ۽ دلچسپ ميچ دوران گرائونڊ تي موجود تماشائين رانديگرن کي ڀرپور سپورٽ ۽ همٿ افزائي ڏني، جنهن سان ماحول وڌيڪ پرجوش بڻجي ويو. هر بال، هر شاٽ ۽ هر وڪيٽ تي گرائونڊ ۾ ويٺل ڪرڪيٽ شوقينن جو جوش ڏسڻ وٽان هو.

ميچ مان لطف اندوز ٿيڻ لاءِ بدين جون اهم سياسي ۽ سماجي شخصيتون پڻ موجود رهيون، جن ۾ مغل آٽوز جا مالڪ نديم مغل، علي مرتضيٰ مغل، سردار ڪامران ڀٽي ۽ ميڊيا ڪوآرڊينيٽر جمشيد ميمڻ شامل هئا، جن نوجوان رانديگرن جي راند کي ساراهيو ۽ سندن حوصلا وڌايا.

ميچ دوران شاندار ۽ جاندار ڪمينٽري ڪرڻ تي ساجد علي رستماڻي کي شوروم ايسوسيئيشن جي صدر علي مرتضيٰ مغل طرفان 2000 رپيا ڪيش انعام ڏنو ويو، جڏهن ته سردار ڪامران ڀٽي پڻ 2000 رپيا انعام ڏئي سندس همٿ افزائي ڪئي. 🎤👏

ان موقعي تي نديم مغل پنهنجي خطاب ۾ چيو ته
پير عاليشاه جيلاني نوجوانن لاءِ هزارين ايڪڙ تي مشتمل گرائونڊ ڏئي نوجوانن لاء وڏو تارصخي ڪم ڪيو آهي جنهن سان نوجوان پنهنجي صحت سڪون حاصل ڪري سگهن ٿا، راند اسان جي صحت لاءِ تمام ضروري. اهڙا ڪرڪيٽ ٽورنامينٽ نوجوانن جي صلاحيتن کي اجاگر ڪرڻ لاءِ اهم ڪردار ادا ڪن ٿا. هن جيلاني اسپورٽس ڪامپليڪس جي بهتري لاءِ به قدم کڻڻ جي اپيل ڪئي ته ھن ڪامپليڪس کي تعمير ڪري مڪمل ڪيو وڃي. اعلان ڪيو ته فائينل ميچ ۾ رنر اپ ۽ ونر ٽيم لاءِ وڏا انعام رکيا ويندا، جڏهن ته ايندڙ سال جي ٽورنامينٽ ۾ رنر اپ ۽ ونر ٽيم لاءِ 70 سي ڊي موٽر سائيڪل جو شاندار انعام پڻ ڏنو ويندو. 🏍️🏆

آخر ۾ جيلاني ڪرڪيٽ ڪلب جي آرگنائيزرن شير علي شاهه ۽ نواز علي چانگ طرفان مهمانن کي سنڌ جي ثقافتي سوکڙين ــ اجرڪ، لونگي ۽ سنڌي ٽوپي جا تحفا پيش ڪيا ويا. مهمانن رانديگرن سان ملاقات ڪري سندن همٿ افزائي ڪئي ۽ ٽورنامينٽ جي بهترين انتظامن کي ساراهيو.

✨ بدين ۾ جاري هي ڪرڪيٽ ٽورنامينٽ نه رڳو راندين جي صحتمند سرگرمين کي فروغ ڏئي رهيو آهي، پر نوجوانن جي ٽيلينٽ کي به روشن مستقبل ڏانهن وٺي وڃڻ جو سبب بڻجي رهيو آهي. 🏏

Address

Badin

Telephone

+923103201694

Website

Alerts

Be the first to know and let us send you an email when Jeelani Cricket Club Badin posts news and promotions. Your email address will not be used for any other purpose, and you can unsubscribe at any time.

Shortcuts

Share

Category