26/05/2026
Masayang nagbabalik ang ating Taguig Sports Clinic 2026, na ginanap kahapon sa iba’t ibang bahagi ng ating siyudad. Opisyal nating sinimulan ang mga programa para sa baseball, pencak silat, taekwondo, arnis, boxing, at softball, kung saan masayang nakilahok ang ating mga kabataang Taguigueño.
Kaakibat ng adbokasiya ng ating Transformative, Lively, and Caring City, patuloy nating pinagtitibay ang larangan ng sports bilang mahalagang bahagi sa paghubog ng disiplina, kumpiyansa, leadership, at malusog na pamumuhay ng ating kabataan. Sa tuloy-tuloy na pagmamahal, suporta, at malasakit ni Mayor Lani Cayetano at ng City Government of Taguig sa kabataang Taguigueño, patuloy na nagbibigay ang lungsod ng mga programa at oportunidad upang mas mapalawak pa ang kakayahan, talento, at disiplina ng mga kabataan sa iba’t ibang larangan ng sports. Layunin nitong hubugin ang mas malusog, aktibo, at inspiradong henerasyon ng mga atletang Taguigueño.
Layunin ng programang ito na hindi lamang mahasa ang talento ng ating mga atleta, kundi makapagbigay rin ng positibong komunidad at inspirasyon para sa susunod na henerasyon ng atletang Taguigueño.
Inaanyayahan ng Taguig Sports Development Office ang lahat ng kabataang Taguigueño na nais mas mapayabong ang kanilang kakayahan sa larangan ng sports na makilahok at mag-register sa ating Taguig Sports Clinic 2026. Sama-sama nating palakasin ang kultura ng palakasan at patuloy na itaas ang bandera ng Lungsod ng Taguig.
Register Here: https://form.jotform.com/taguigsportsdev/taguig-sports-clinic-2026
