San Pedro Sampaguita Festival

19/08/2026

LIVE NOW | KapihangSaysay: San Pedro Oral History Symposium at Archie's Events Place

18/08/2026

ANNOUNCEMENT:

The San Pedro Oral History Symposium is still on!

See you at Archie's Bar and Resto, Narra Road, Barangay San Antonio, from 9:00am-12:00pm

Do you want to join too? Hurry up and register: bit.ly/kapihangsaysaysanpedro26 .

Come and listen to the story of our town from the experience of the previous generations!

PABATID:

Tuloy pa rin po ang KapihangSaysay: San Pedro Oral History Symposium bukas!

Kita kits po sa Archie's Bar and Resto, Narra Road, Barangay San Antonio, mula 9:00am-12:00pm

Gusto mo rin ba sumama? Habol na sa registration: bit.ly/kapihangsaysaysanpedro26 .

Halina't pakinggan ang kuwento ng ating bayan mula sa karanasan ng mga naunang henerasyon!

10/06/2026

TALENTONG SAN PEDRENSE, NAGPAKITANG-GILAS SA AGOS NG MUSIKA 2026

Bumida ang mga local talents ng Lungsod ng San Pedro sa ginanap na Samyo ng Agos ng Musika Concert ng Sampaguita Festival 2026 nitong Biyernes, 29 Mayo 2026 sa Robinsons Galleria South.

Dumalo at nakisaya sa konsiyerto ang mga San Pedrense mula sa iba't ibang panig ng lungsod, maging ang mga opisyal ng Pamahalaang Panlalawigan ng Laguna na pinangunahan ni Gobernadora Sol Aragones.

Nagtanghal sa entablado ng libreng konsiyertong ito ang iba't ibang mga performing acts sa San Pedro, na kinabibilangan nina Gabriel Edang Remoquillo, Shortfilm Music, Zairen Benedicto, Ellie Poliver, Reign Sumabat, Afterfor, Gel Concepcion, ZRow, 7th Street, at Last Sonnet.

Sumama rin sa mga performers ang cast ng Hell University ng VivaOne na sina Keagan de Jesus, Jastine Lim, Aubrey Caraan, Lance Carr, Derick Ong, Jemima Rivera, Mia Bella, Hans Paronda, at Kyle Raphael, gayundin sina Dylan Burton at AJ Colico ng iMe Philippines.

Nagtapos ang konsiyerto sa performance ng main act nito, ang bandang 6cyclemind na pinangungunahan ni Laguna 2nd District Board Member Tutti Caringal.

Sa kanyang mensahe, nagpasalamat si San Pedro City Tourism, Culture, and Arts Office Officer-in-Charge Jhe-Rico Sam Colina sa suporta ng publiko, ng Robinsons Galleria South, ng Provincial Government of Laguna, at ng Pamahalaang Lungsod ng San Pedro sa naging matagumpay na konsiyerto.

09/06/2026

SAN PEDRO DANCE GROUPS, NAGPASIKLABAN SA SAMPAGUITA BLOOMS 2.0

Nagpakitang-gilas ng kanilang mga talento sa pagsayaw ang iba't ibang dance groups sa Lungsod ng San Pedro sa ginanap na Sampaguita Blooms 2.0: Yakap ng Tradisyon, Indak ng Henerasyon noong Sabado, 23 Mayo 2026 sa San Pedro City Plaza.

Walong dance groups mula sa mga paaralan at mga community-based groups ang naglaban-laban sa pagtatanghal ng sampaguita industry ng ating Lungsod sa pamamagitan ng sayaw.

Itinanghal na kampeon ng nasabing kompetisyon ang Salindayog Dance Troupe ng San Pedro Relocation Center National High School. Sinundan sila ng PUP San Pedro Hiyas Dance Troupe bilang 1st Runner-Up at ng PUP San Pedro Dulaang Oyayi Theatre Arts bilang 2nd Runner-Up.

03/06/2026

BALIKAN: Ang naganap na Lusungan 2026: Lakbay-Lawa Fluvial Parade noong nakaraang Biyernes, 29 Mayo 2026.

Ang aktibidad na ito -- kung saan ipinaparada ang pamosong imahen ng Santo Entierro ng Barangay Landayan na si "Lolo Uweng" sa Laguna de Bay -- ang muling pagbabalik ng tradisyong sinimulan noong 2000s ng noo'y Pamahalaang Bayan ng San Pedro at ng noo'y Sto. Sepulcro Parish (ngayo'y Diocesan Shrine of Jesus in the Holy Sepulchre).

Ginagawa ito bilang pagpupugay kay Lolo Uweng, na pinaniniwalaang napulot sa Laguna de Bay noong panahon ng Espanyol at dinala ng mga residente sa noo'y visita (kapilya) ng Landayan.

Sa muling pagsasabuhay nito ngayong taon kasabay ng Kapistahan at ika-190 anibersaryo ng debosyon kay Lolo Uweng ay dinala muna ito ng isang prusisyon sa Barangay Cuyab at mula doon ay isinakay sa bangka upang iparada sa Laguna de Bay pabalik sa kanyang Dambana sa Barangay Landayan.

Ang imahen ni Lolo Uweng, na sinasabing mapaghimala at nakapagpapagaling ng mga maysakit, ay idineklarang City Cultural Treasure ng Lungsod ng San Pedro sa bisa ng City Ordinance No. 2026-08.

01/06/2026

TINGNAN: Ilan pang mga larawan sa mga naganap na ZumbayANN Congresswoman's Night ni Congresswoman Ann Matibag noong nakaraang Miyerkules, 28 Mayo 2026.

Iba't ibang mga grupo mula sa mga barangay ng San Pedro ang sumali sa nasabing Zumba Competition, na dinaluhan rin ni Gobernadora Sol Aragones.

Iniabot rin ng City Government of San Pedro, na kinatawan ni Konsehala Iryne Vierneza, ang PHLPOST commemorative philatelic frame ng Sampaguita Festival 2026 kay Congresswoman Matibag.

Itinanghal na Kampeon ng nasabing kompetisyon ang Team A ng Barangay San Antonio, habang idineklarang 1st Runner-Up ang Team M ng Barangay Pacita II at 2nd Runner-Up naman ang Team A ng Barangay Magsaysay.

01/06/2026

A grand crown deserves a grand congratulations! 🎉👑

Exquisite Advanced Dental Center proudly congratulates our newly crowned Lakambini ng San Pedro 2026, Rose Rya ! 🌟✨ We are honored to provide you with premium dental treatments to keep that winning smile glowing throughout your beautiful reign.

Cheers to a spectacular journey ahead, Queen! 🏆💙🦷

31/05/2026

🌸 Maraming Salamat, San Pedro! 🌸

As we officially close the Sampaguita Festival 2026, our hearts are filled with gratitude for everyone who became part of this meaningful celebration of our culture, heritage, and community.

Sa lahat ng mga dumalo, participants, performers, volunteers, partner agencies, exhibitors, organizers, sponsors, and supporters — thank you for making this year's festival truly memorable. Ang inyong oras, suporta, at pakikiisa ang naging dahilan upang maging matagumpay at makulay ang ating pagdiriwang.

Sa ating festival sponsors and partners, maraming salamat sa inyong tiwala at patuloy na suporta sa mga programa at adhikain ng Lungsod ng San Pedro. Dahil sa inyo, mas naging makabuluhan at masaya ang bawat araw ng ating festival.

Habang nagtatapos ang isang kabanata, dala natin ang mga alaala, pagkakaibigan, at pagmamahal sa ating lungsod na nabuo sa mga nakaraang araw.

Hanggang sa muli, mga ka-Sampaguita! Patuloy nating ipagmalaki ang ating kultura, pahalagahan ang ating pamana, at sama-samang itaguyod ang mas maunlad na San Pedro.

Kita-kits ulit sa susunod na Sampaguita Festival! 🌸💛

30/05/2026

TINGNAN: Nagsisimula na ngayon ang Harana ng Pamana Acoustic Night ng Sampaguita Festival 2026.

Panoorin sila dito sa Lower Ground (malapit aa Giligan’s), SM Center San Pedro.