MDC Costume Rental

25/04/2026

11/04/2026

𝐍𝐀𝐆𝐊𝐀𝐃𝐔𝐆𝐀𝐘, 𝐍𝐀𝐆𝐊𝐀𝐍𝐈𝐍𝐃𝐎𝐓 𝐀𝐍𝐆 𝐒𝐔𝐆𝐀𝐓 𝐒𝐀 𝐌𝐈𝐍𝐆𝐋𝐀𝐍𝐈𝐋𝐋𝐀

Gikan pa sa tuig 2016, sukad nga milingkod ug mikupot ang MDC Productions sa Sugat, matag tuig mas gipabongga ug gipanindot ang pagpasundayag sa panagtagbo sa Nabanhaw nga Hesus ug sa Malipayong Inahan nga si Maria.

Usa ra ang istorya nga gisubay, apan matag tuig lain-laing timpla ug paghulma ang gihatod sa Sugat, matag edisyon adunay kaugalingong pamaagi sa pagpasundayag nga naghatag og bag-ong kahulugan ug kasinatian sa deboto ug manan-away.

Sa ika-10 nga anibersaryo sa MDC sa Sugat, hatod mao ang mensahe sa kahiusahan ug kalinaw sa kalibutan, usa ka pahinumdom taliwala sa nagkalain-laing kagubot nga nasinati karon, ilabi na kabahin sa politika ug teritoryo.

Ang pasundayag sa Sugat, matag tuig gipaningkamotan nga mapakita sa katawhan sa mas nindot ug mas makahuluganon nga paagi. Ilabi na karong tuiga, bisan pa sa mga pagsuway nga giatubang sa Lungsod, wala gayud motugot nga ang mensahe sa paglaum ug gugma mapugngan. Bisan sa kakulang sa pondo, naghiusa ang tanan aron mapadayag gihapon ang usa ka pasundayag nga puno sa kasingkasing ug pagtuo.

Mabuhi ang Sugat sa Minglanilla!
Mabuhi ang MDC Productions!