RMN Iloilo Sports & Entertainment

RMN Iloilo Sports & Entertainment A Sports and Entertainment page of DYRI RMN Iloilo

π—Ÿπ—˜π—•π—₯𝗒𝗑 π—π—”π— π—˜π—¦ π—žπ—”π—š π—”π—‘π—”π—ž π—‘π—šπ—” π—¦π—œ 𝗕π—₯𝗒𝗑𝗑𝗬, π— π—”π—‘π—šπ—œπ—‘ π—™π—”π—§π—›π—˜π—₯𝗦𝗒𝗑 𝗗𝗨𝗒 𝗦𝗔 π—Ÿπ—”π—žπ—˜π—₯𝗦 π—•π—”π—¦π—˜ 𝗦𝗔 π—₯π—˜π—£π—’π—₯𝗧𝗦Magahimo sang maragtas ang mag-amay n...
30/06/2024

π—Ÿπ—˜π—•π—₯𝗒𝗑 π—π—”π— π—˜π—¦ π—žπ—”π—š π—”π—‘π—”π—ž π—‘π—šπ—” π—¦π—œ 𝗕π—₯𝗒𝗑𝗑𝗬, π— π—”π—‘π—šπ—œπ—‘ π—™π—”π—§π—›π—˜π—₯𝗦𝗒𝗑 𝗗𝗨𝗒 𝗦𝗔 π—Ÿπ—”π—žπ—˜π—₯𝗦 π—•π—”π—¦π—˜ 𝗦𝗔 π—₯π—˜π—£π—’π—₯𝗧𝗦

Magahimo sang maragtas ang mag-amay nga sanday Lebron kag Bronny James bilang labing-una nga father-son duo sa NBA.

Base sa reports, ginbuy-an sang four-time NBA champion nga si Lebron ang deal nga magabayad kuntani sa iya sang $51.4 million sa masunod nga season. Ini agud magpirma sia sa bag-o nga deal para makaupod sa paghampang ang iya anak nga si Bronny.

Sang weekend, nabutang sa NBA Draft ang 19 anyos nga si Bronny kag natalana nga maghampang upod ang 39 anyos niya nga amay.

Ginbuyagyag sang Lakers nga pagasuksukon ni Bronny ang Lakers jersey number nine kag pagabutangan sang "James Jr." ang likod sang iya uniform.






By: EPinasas

π—žπ—₯π—œπ—¦ π—”π—€π—¨π—œπ—‘π—’ 𝗠𝗔𝗬 π—•π—”π—š-𝗒 π—‘π—šπ—” π—žπ—”π—₯π—˜π—Ÿπ—”π—¦π—¬π—’π—‘ π—‘π—šπ—” π—œπ—¦π—” π—žπ—” π——π—’π—žπ—§π—’π—₯Ginbuyagyag ni Kris Aquino nga may bag-o na sia karon nga karelasy...
30/06/2024

π—žπ—₯π—œπ—¦ π—”π—€π—¨π—œπ—‘π—’ 𝗠𝗔𝗬 π—•π—”π—š-𝗒 π—‘π—šπ—” π—žπ—”π—₯π—˜π—Ÿπ—”π—¦π—¬π—’π—‘ π—‘π—šπ—” π—œπ—¦π—” π—žπ—” π——π—’π—žπ—§π—’π—₯

Ginbuyagyag ni Kris Aquino nga may bag-o na sia karon nga karelasyon, sa diin iya man kumpirmar nga nagbulagay na sila sang iya anay nobyo nga si Mark Leviste.

Suno kay Kris, malipayon sia karon sa pag-date sa isa ka doktor nga nakabase sa Pilipinas kag indi kabahin sang showbiz.

Paglaragway pa sang anak nga si Bimby, β€œmedyo makulit” apang β€œvery good guy" ang bag-o nga nobyo sang iya iloy nga Queen of All Media.

Samtang angut naman sa breakup nila ni Mark, suno kay Kris, may mga butang nga wala sia nagustuhan sa bahin sang iya ex-boyfriend apang indi na niya luyag pa nga ibuyagyag ini.

"Yes, definitely, walang balikan na mangyayari and ... para lang malaman lang ng tao, nagkalabuan na magmula November. Sinubukang ayusin pero may mga nalaman ako na hindi ko gusto pero ayoko nang magsabi pa ng more than that kasi part of the reason why it didn't work out is that I'm at that stage in my life na mas gusto ko nang tahimik," pahayag ni Kris.

| via ABS-CBN news





By: EPinasas

𝗧𝗨𝗕𝗧𝗒𝗕 $162 π— π—œπ—Ÿπ—Ÿπ—œπ—’π—‘, π—šπ—œπ—‘π—”π—§π—”π—‘π—¬π—”π—š π—¦π—”π—‘π—š π—Ÿπ—”π—žπ—˜π—₯𝗦 π—žπ—”π—¬ π—Ÿπ—˜π—•π—₯𝗒𝗑 π—π—”π— π—˜π—¦ π—”π—šπ—¨π—— π— π—”π—šπ—£π—”π—•π—œπ—Ÿπ—œπ—‘ π—œπ—‘π—œ 𝗦𝗔 π—§π—˜π—”π— Nagahulat karon ang $51.4 millio...
26/06/2024

𝗧𝗨𝗕𝗧𝗒𝗕 $162 π— π—œπ—Ÿπ—Ÿπ—œπ—’π—‘, π—šπ—œπ—‘π—”π—§π—”π—‘π—¬π—”π—š π—¦π—”π—‘π—š π—Ÿπ—”π—žπ—˜π—₯𝗦 π—žπ—”π—¬ π—Ÿπ—˜π—•π—₯𝗒𝗑 π—π—”π— π—˜π—¦ π—”π—šπ—¨π—— π— π—”π—šπ—£π—”π—•π—œπ—Ÿπ—œπ—‘ π—œπ—‘π—œ 𝗦𝗔 π—§π—˜π—”π— 

Nagahulat karon ang $51.4 million kay LeBron James nga ginatanyag sang Lakers agud magpabilin ini sa team.

Suno sa ESPN, tubtob sa Sabado ang ginhatag nga tion sang Lakers para kay James sa pagdesisyon kon bala batunon sini ang kontrata agud liwat maghampang sa team sa 2024-25 season sang NBA.

Sandig sa pagsulundan sang NBA para sa masobra 38 anyos nga players, yara sa tubtob tatlo lang ka tuig ang kontrata nga matanyag sang Lakers para sa 39 anyos nga si James.

Kon batunon ni James ang 3-year contract, magabaton ini sang $162 million gikan sa Lakers.

Ginalantaw nga kon madula si James sa grupo, mangin isa ka peligro para sa Lakers ang Philadelphia 76ers nga may daku nga interest nga kuhaon ang subang ni James nga si Bronny James.






By: EPinasas

π—šπ—œπ—Ÿπ—”π—¦ π—šπ—œπ—₯π—Ÿπ—¦, π—Ÿπ—œπ—ͺ𝗔𝗧 π—‘π—”π—‘π—šπ—œπ—‘ π— π—”π——π—œπ—‘π—”π—Ÿπ—”π—š-𝗒𝗑 𝗦𝗔 𝗨18 π—”π—¦π—œπ—” 𝗖𝗨𝗣 π——π—œπ—©π—œπ—¦π—œπ—’π—‘ 𝗕Ginsiguro na sang Gilas Pilipinas Girls ang spot sa sem...
26/06/2024

π—šπ—œπ—Ÿπ—”π—¦ π—šπ—œπ—₯π—Ÿπ—¦, π—Ÿπ—œπ—ͺ𝗔𝗧 π—‘π—”π—‘π—šπ—œπ—‘ π— π—”π——π—œπ—‘π—”π—Ÿπ—”π—š-𝗒𝗑 𝗦𝗔 𝗨18 π—”π—¦π—œπ—” 𝗖𝗨𝗣 π——π—œπ—©π—œπ—¦π—œπ—’π—‘ 𝗕

Ginsiguro na sang Gilas Pilipinas Girls ang spot sa semifinals sang 2024 FIBA U18 Women’s Asia Cup Division B matapos sini pyerdihon ang Lebanon sa score nga 89-63 sa ila faceoff sa Futian Sports Park sa Shenzhen, China.

Ginpangunahan ni Naomi Panganibian ang koponan, sa diin nagbalhag ini sang 25 points, walo ka assists, pito ka rebounds, kag apat ka steals. Dako man ang bulig nanday Gabby Ramos kag Tiffany Reyes sa pagpanguna sang grupo.

Ini na ang ikaduha nga kalag-an sang Gilas matapos nila ginlutos ang Maldives sang Lunes.

Sa karon, yara na sa 2-0 sa Group B ang Gilas kag liwat magahampang sang Sabado.






By: Lynneth Eulatriz

π—¦π—˜π—©π—œ π—¦π—˜π—©π—˜π—₯π—œπ—‘π—’, π—‘π—”π—šπ—•π—œπ—¬π—” 𝗑𝗔 𝗦𝗔 𝗖𝗨𝗣 𝗒𝗙 π—π—’π—˜Nagbiya na sa OPM band nga Cup of Joe ang ila bassist nga Raphael β€œSevi” Severin...
26/06/2024

π—¦π—˜π—©π—œ π—¦π—˜π—©π—˜π—₯π—œπ—‘π—’, π—‘π—”π—šπ—•π—œπ—¬π—” 𝗑𝗔 𝗦𝗔 𝗖𝗨𝗣 𝗒𝗙 π—π—’π—˜

Nagbiya na sa OPM band nga Cup of Joe ang ila bassist nga Raphael β€œSevi” Severino matapos ang lima ka tuig.

Ini ang gin-announce sang grupo sa isa ka Instagram post, sa diin wala na nila ginpahayag pa ang rason sa pagbiya ni Sevi sa banda.

Ginpasalamatan naman sang grupo si Sevi sa nangin kontribusyon sini sa banda kag ginpahayag man ang ila paglaom nga madamo pa sang mga maayo nga butang nga malab-ot sang bassist sa future endeavors sini.

Kilala ang mga Cup of Joe sa ila mga kanta kaangay sang "Tingin," "Patutunguhan," "Misteryoso," kag "Ikaw Pa Rin Ang Pipiliin Ko".






By: Lynneth Eulatriz

3 𝗣𝗔 π—žπ—” π— π—šπ—” π—£π—œπ—‘π—’π—¬ π—”π—§π—›π—Ÿπ—˜π—§π—˜, π— π—”π—šπ—”π—£π—”π—¦π—”π—žπ—’π—£ 𝗦𝗔 𝗣𝗔π—₯π—œπ—¦ π—’π—Ÿπ—¬π— π—£π—œπ—–π—¦Nadugangan pa sang tatlo ang delegasyon sang Pilipinas nga magap...
25/06/2024

3 𝗣𝗔 π—žπ—” π— π—šπ—” π—£π—œπ—‘π—’π—¬ π—”π—§π—›π—Ÿπ—˜π—§π—˜, π— π—”π—šπ—”π—£π—”π—¦π—”π—žπ—’π—£ 𝗦𝗔 𝗣𝗔π—₯π—œπ—¦ π—’π—Ÿπ—¬π— π—£π—œπ—–π—¦

Nadugangan pa sang tatlo ang delegasyon sang Pilipinas nga magapadulong sa Paris Olympics suno sa Philippine Olympic Committee (POC).

Base sa announcement sang POC subong nga Martes, nalakip ang swimmers nga sanday Kayla Sanchez kag Harold Hatch kag judoka nga si Kiyomi Watanabe sa athletes nga nakakuha sang tickets para sa upcoming Summer Games.

Ang Fil-Canadian nga si Sanchez, ang anay kabahin sang Team Canada sa 2020 Tokyo Olympics sa diin nagkuha ini sang silver sa 4x100m freestyle kag bronze sa 4x100m medley.

Subong nga kabahin ini sang Pilipinas, magpasakop sia sa women's 100 meters freestyle swimming.

Samtang si Hatch ang qualified naman sa men's 100 butterfly kag si Watanabe ang magapasakop sa iya ikaduha na nga Olympics sa women's -63 kgs.

Sa karon, yara na 20 ang numero sang mga Pinoy athlete nga magapadulong sa Paris Olympics.






By: EPinasas

𝗖𝗛𝗔π—₯π—Ÿπ—œπ—˜ π——π—œπ—­π—’π—‘, π—ͺπ—”π—Ÿπ—” π—šπ—œπ—‘-π—˜π—«π—£π—˜π—–π—§ π—”π—‘π—š 𝗣π—₯π—’π—£π—’π—¦π—”π—Ÿ π—‘π—œ 𝗖𝗔π—₯π—Ÿπ—’ π—”π—€π—¨π—œπ—‘π—’ π—•π—”π—‘π—šπ—¨π—— π—ͺπ—”π—Ÿπ—” 𝗣𝗔 𝗦𝗔 π—œπ—¦π—” π—žπ—” π—§π—¨π—œπ—š π—”π—‘π—š π—œπ—Ÿπ—” π—₯π—˜π—Ÿπ—”π—¦π—¬π—’π—‘Ginbuyagyag sa...
25/06/2024

𝗖𝗛𝗔π—₯π—Ÿπ—œπ—˜ π——π—œπ—­π—’π—‘, π—ͺπ—”π—Ÿπ—” π—šπ—œπ—‘-π—˜π—«π—£π—˜π—–π—§ π—”π—‘π—š 𝗣π—₯π—’π—£π—’π—¦π—”π—Ÿ π—‘π—œ 𝗖𝗔π—₯π—Ÿπ—’ π—”π—€π—¨π—œπ—‘π—’ π—•π—”π—‘π—šπ—¨π—— π—ͺπ—”π—Ÿπ—” 𝗣𝗔 𝗦𝗔 π—œπ—¦π—” π—žπ—” π—§π—¨π—œπ—š π—”π—‘π—š π—œπ—Ÿπ—” π—₯π—˜π—Ÿπ—”π—¦π—¬π—’π—‘

Ginbuyagyag sang aktres nga si Charlie Dizon nga nakibot sia sa nangin proposal ni Carlo Aquino sa iya para sa kasal.

Suno sa aktres, wala sia makahibalo nga ginhatagan na si Carlos sang blessing sang iya mga ginikanan kag mga utod sa California, antes mag-propose.

Pahayag ni Charlie, samtang yara sila sa isa ka restaurant sa Thailand, nakibot sia nga gulpi lang nagluhod si Carlo sa iya atubang samtang may uyat nga ang promise ring agud hagadon sia nga magpakasal.

Pakigbahin pa sang actress, madamo na sang marriage proposal scenes ang iya nahimo para sa shows apang lain ang feeling kon sa matuod na nga kabuhi, sa diin suno pa kay Charlie, nagakurog pa ang iya tuhod sa amo nga tion.

Matandaan nga ginkasal sanday Carlo kag Charlie sang June 9 subong nga tuig.






By: Ira Mel Tanangonan, WVSU-Intern/EPinasas

π——π—’π— π—œπ—‘π—œπ—– π—₯π—’π—€π—¨π—˜ π—‘π—”π—šπ—”π—£π—”π—‘π—šπ—”π—Ÿπ—¨π—¬π—”π—š π—žπ—”π—¬ π—žπ—”π—§π—›π—₯𝗬𝗑 π—•π—˜π—₯𝗑𝗔π—₯𝗗𝗒?Ginsabat na sang actor nga si Dominic Roque ang mga huring-huring nga ...
25/06/2024

π——π—’π— π—œπ—‘π—œπ—– π—₯π—’π—€π—¨π—˜ π—‘π—”π—šπ—”π—£π—”π—‘π—šπ—”π—Ÿπ—¨π—¬π—”π—š π—žπ—”π—¬ π—žπ—”π—§π—›π—₯𝗬𝗑 π—•π—˜π—₯𝗑𝗔π—₯𝗗𝗒?

Ginsabat na sang actor nga si Dominic Roque ang mga huring-huring nga nagapangaluyag sia sa actress nga si Kathryn Bernardo.

Na-link ang duha matapos nag-post si Dominic sa iya Instagram account sang picture nila nga duwa ni Kathryn, sa diin makita nga mga ini nga naga-workout.

Bangud sini, naintriga ang pila ka netizens kag nagpamangkot kon bala may special something na sa tunga sang duwa.

Mangin ang talent manager nga si Ogie Diaz nagpahayag man nga madamo ang nagapamangkot sa iya kon bala may relasyon sanday Dominic kag Kathryn bangod masami ang mga ini nga makit-an nga magkaupod sa nagkalain-lain nga mga lugar.

Apang sa tunga sang isyu, gin-athag ni Dominic ni nga wala sia nagapangaluyag kay Kathryn.

Pahayag pa niya, ginakabig niya nga utod ang actress nga ex-girlfriend ni Daniel Padilla.

β€œKapatid ko po yan. Bros,” pahayag sang actor.
Mainit karon ang mata sang netizens kay Dominic kasunod sang controversial breakup nila sang anay nobya nga si Bea Alonzo.






By: Kyla Stephany Cerilos, West Visayas State University - Intern/ EPinasas

π—šπ—œπ—Ÿπ—”π—¦ π—šπ—œπ—₯π—Ÿπ—¦, π—šπ—œπ—‘π——π—’π— π—œπ—‘π—”π—₯ π—”π—‘π—š π— π—”π—Ÿπ——π—œπ—©π—˜π—¦ 𝗦𝗔 π—£π—”π—šπ—•π—¨π—žπ—”π—¦ π—¦π—”π—‘π—š π—œπ—Ÿπ—” π—žπ—”π— π—£π—”π—‘π—¬π—” 𝗦𝗔 π—ͺπ—’π— π—˜π—‘β€™π—¦ π—”π—¦π—œπ—” 𝗖𝗨𝗣 𝗨18Ginbuksan sang Gilas Pilipinas...
24/06/2024

π—šπ—œπ—Ÿπ—”π—¦ π—šπ—œπ—₯π—Ÿπ—¦, π—šπ—œπ—‘π——π—’π— π—œπ—‘π—”π—₯ π—”π—‘π—š π— π—”π—Ÿπ——π—œπ—©π—˜π—¦ 𝗦𝗔 π—£π—”π—šπ—•π—¨π—žπ—”π—¦ π—¦π—”π—‘π—š π—œπ—Ÿπ—” π—žπ—”π— π—£π—”π—‘π—¬π—” 𝗦𝗔 π—ͺπ—’π— π—˜π—‘β€™π—¦ π—”π—¦π—œπ—” 𝗖𝗨𝗣 𝗨18

Ginbuksan sang Gilas Pilipinas women ang kampanya sini sa 2024 FIBA Women’s Asia Cup U18 Division B campaign paagi sa isa ka dominant manner.

Ini matapos ginpakahuy-an sang young Filipina dribblers ang Maldives, 141-18, sa ila faceoff sa Futian Sports Park sa China, June 24.

Ginpangunahan ni Jolzyne Impreso ang Nationals paagi sa iya 18 points, lima ka rebounds, kag apat ka assists. May kapareho man nga points si Alicia Villanueva, samtang sanday Sophia Canindo, Gabriella Ramos, kag team captain nga si Ava Fajardo ang may tig-13 points.

Sunod nga atubangon sang Gilas ang Lebanon sa Martes, las 4:30 sang hapon.






By: EPinasas

𝗕π—₯π—œπ——π—šπ—˜π—₯𝗧𝗒𝗑 𝗦𝗧𝗔π—₯ π—¦π—œπ— π—’π—‘π—˜ π—”π—¦π—›π—Ÿπ—˜π—¬, π—šπ—œπ—‘π——π—˜π—£π—˜π—‘π—¦π—”π—›π—”π—‘ π—”π—‘π—š 𝗖𝗒-𝗔𝗖𝗧π—₯π—˜π—¦π—¦ π—‘π—šπ—” π—¦π—œ π—‘π—œπ—–π—’π—Ÿπ—” π—–π—’π—¨π—šπ—›π—Ÿπ—”π—‘ π—žπ—’π—‘π—§π—₯𝗔 𝗕𝗒𝗗𝗬-π—¦π—›π—”π— π—œπ—‘π—šNagtindog si Simon...
24/06/2024

𝗕π—₯π—œπ——π—šπ—˜π—₯𝗧𝗒𝗑 𝗦𝗧𝗔π—₯ π—¦π—œπ— π—’π—‘π—˜ π—”π—¦π—›π—Ÿπ—˜π—¬, π—šπ—œπ—‘π——π—˜π—£π—˜π—‘π—¦π—”π—›π—”π—‘ π—”π—‘π—š 𝗖𝗒-𝗔𝗖𝗧π—₯π—˜π—¦π—¦ π—‘π—šπ—” π—¦π—œ π—‘π—œπ—–π—’π—Ÿπ—” π—–π—’π—¨π—šπ—›π—Ÿπ—”π—‘ π—žπ—’π—‘π—§π—₯𝗔 𝗕𝗒𝗗𝗬-π—¦π—›π—”π— π—œπ—‘π—š

Nagtindog si Simone Ashley ukon nagapapel bilang si Kate Sharma sa series nga Bridgerton, agud depensahan ang iya co-star nga si Nicola Coughlan sa tunga sang body-shaming nga ginahaboy kontra sa actress.

Suno sa The Hollywood Reporter, sa isa ka event, ginsabat ni Simone ang discriminations kontra kay Nicola nga naga-portray naman bilang si Penelope Featherington sa third season sang series.

Pahayag ni Simone, β€œhaters are going to hate” apang nagapati sia nga indi magpaapekto diri si Nicola.

Nagpakita pa sang admiration ang actress kay Nicola sa diin suno sa iya, isa ini ka β€œgorgeous, strong, confident, kag intelligent woman” kag isa ka inspirasyon sa tanan, ilabi na sa kababainhan.

"I think Nicola is just absolutely flying. She is a gorgeous, strong, confident, intelligent woman, seeing her do this press tour and spread so much joy and inspiration to everyone especially women, all over the world. And I'm inspired by her as well," pahayag ni Simone.

Suno pa kay Simone, nagapati sia nga may β€œstrong and fruitful career” kag kabuhi nga nagahulta para kay Nicola ukon β€œPenelope”.

"She's also a really kind human being, and I think that's such a universal language that people can relate to," dugang ni Simone.

| via PhilStar





By: EPinasas

π—₯π—’π—‘π—‘π—œπ—˜ π—Ÿπ—œπ—”π—‘π—š, π—šπ—œπ—‘π—£π—”π—‘π—œπ—‘π——π—¨π—šπ—”π—‘ π—‘π—šπ—” π—ͺπ—”π—Ÿπ—” π—¦π—œπ—” π—¦π—”π—‘π—š "π—£π—˜π—₯π—¦π—’π—‘π—”π—Ÿ π——π—˜π—”π—Ÿπ—œπ—‘π—šπ—¦" π—žπ—”π—¬ 𝗛𝗔π—₯π—₯𝗬 π—₯π—’π—€π—¨π—˜Gin-athag sang kampo sang singer-actor ...
24/06/2024

π—₯π—’π—‘π—‘π—œπ—˜ π—Ÿπ—œπ—”π—‘π—š, π—šπ—œπ—‘π—£π—”π—‘π—œπ—‘π——π—¨π—šπ—”π—‘ π—‘π—šπ—” π—ͺπ—”π—Ÿπ—” π—¦π—œπ—” π—¦π—”π—‘π—š "π—£π—˜π—₯π—¦π—’π—‘π—”π—Ÿ π——π—˜π—”π—Ÿπ—œπ—‘π—šπ—¦" π—žπ—”π—¬ 𝗛𝗔π—₯π—₯𝗬 π—₯π—’π—€π—¨π—˜

Gin-athag sang kampo sang singer-actor nga si Ronnie Liang nga wala ini sang anuman nga "personal dealings" kaya anay presidential spokesman Harry Roque.

Ini matapos liwat naglapta ang video nila nga kuha sang 2022 samtang sakay ang mga ini sang pumpboat padulong sa Dinagat Island.

"Maya-maya, tignan natin kung mapapa-topless natin si Ronnie Liang," pahayag ni Roque. "Ako, magta-topless ako. See you later!"

Sa isa ka statement, ginpahayag sang abogado ni Ronnie nga si Rafael Vicente Calinsan nga padulong sa Dinagat Island ang actor agud mag-distribute sang relief goods sa mga biktima sang bagyo Odette nga kabahin sang iya duties bilang isa ka Philippine Army reservist, sa diin kaupod nila ang pila ka mga army, pulis kag officials sang LGU.

Paninundugan sang abogado, indi β€œalaga” ni Roque si Ronnie.

Sa tunga naman sang mag alegasyon nga ginahaboy sa iya, suno sa actor, "When people hear good things about you, they stay silent. When they hear bad things about you, they spread it like wildfire. But when they hear nothing about you, they make things up."

"However, it’s important to remember that you cannot control what others say about you. Instead, focus on the best version of yourself and let your actions speak for themselves," padayon sini "Over time, your character and integrity will shine through, and the people who matter most will recognize and appreciate you for who you are."

| via PhilStar





By: EPinasas

π—£π—”π—š-𝗖π—₯π—œπ— π—œπ—‘π—”π—Ÿπ—œπ—­π—˜ π—¦π—”π—‘π—š π—œπ—‘π—™π—œπ——π—˜π—Ÿπ—œπ—§π—¬, π—šπ—œπ—‘π—¦π—¨π—›π—˜π—¦π—§π—¬π—’π—‘ π—‘π—œ π—π—”π—‘π—œπ—–π—˜ π——π—˜ π—•π—˜π—Ÿπ—˜π—‘ π—žπ—’π—‘ π—œπ—‘π——π—œ 𝗣𝗔𝗕𝗒π—₯ π—”π—‘π—š π—£π—œπ—Ÿπ—œπ—£π—œπ—‘π—”π—¦ 𝗦𝗔 π——π—œπ—©π—’π—₯π—–π—˜Nagpakigbahin sa...
23/06/2024

π—£π—”π—š-𝗖π—₯π—œπ— π—œπ—‘π—”π—Ÿπ—œπ—­π—˜ π—¦π—”π—‘π—š π—œπ—‘π—™π—œπ——π—˜π—Ÿπ—œπ—§π—¬, π—šπ—œπ—‘π—¦π—¨π—›π—˜π—¦π—§π—¬π—’π—‘ π—‘π—œ π—π—”π—‘π—œπ—–π—˜ π——π—˜ π—•π—˜π—Ÿπ—˜π—‘ π—žπ—’π—‘ π—œπ—‘π——π—œ 𝗣𝗔𝗕𝗒π—₯ π—”π—‘π—š π—£π—œπ—Ÿπ—œπ—£π—œπ—‘π—”π—¦ 𝗦𝗔 π——π—œπ—©π—’π—₯π—–π—˜

Nagpakigbahin sang iya opinion ang actress nga si Janice de Belen angut sa divorce.

Suno sa actress, kon indi pabor ang Pilipinas sa absolute divorce, maayo nga kabigon na lang nga krimen ang infidelity.

Ang infidelity ukon β€œcheating” ang nagatumod sa pagka-emotionally ukon physically unfaithful sang isa ka indibidwal sa romantic partner sini.

"Kung ayaw nila ng divorce, let's criminalize infidelity πŸ€”πŸ€”πŸ€”," post niya sa X.




Address

Iloilo City
5000

Telephone

+639338790931

Website

Alerts

Be the first to know and let us send you an email when RMN Iloilo Sports & Entertainment posts news and promotions. Your email address will not be used for any other purpose, and you can unsubscribe at any time.

Contact The Business

Send a message to RMN Iloilo Sports & Entertainment:

Shortcuts

Share

Category