https://www.facebook.com/2299583516995467/

Candle Festival Candelaria,Quezon

Name: Candle Festival Candelaria,Quezon
Address: de Gala Street, Candelaria, 4323, PH
Telephone: +63425855651

Home
Philippines
Candelaria
Candle Festival Candelaria,Quezon

A festive week to honor our patron saint San Pedro Bautista and our Blessed Mother Virgin Mary through prayers and arts.

Address

De Gala Street
Candelaria
4323

Telephone

+63425855651

Website

facebook.com

Alerts

Be the first to know and let us send you an email when Candle Festival Candelaria,Quezon posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Candle Festival Candelaria,Quezon:

Shortcuts

Want your business to be the top-listed Event/venue in Candelaria?

KASAYSAYAN NG “CANDLE FESTIVAL”

Ang Pista ng Kandila (Candle Festival) ay nakaugat sa pagdiriwang ng Candlemas tuwing ika-2 ng Pebrero, apatnapung araw makaraan ang Pasko. Ito ay gumugunita sa ritwal ng Paglilinis kay Maria at sa Paghahain kay Hesus sa Templo. Ang pangyayaring ito ay isinasalarawan sa Ebanghelyo ni San Lukas, Kabanata 2, Talata 22 hanggang 40. Nang lumaon, ang tradisyon ay lumaganap sa buong sangkakristiyanuhan. Ang paggamit ng mga kandila ay ipinaliwanag ni Papa Inosente Ikalabindalwa sa kanyang sermon bilang pagpaparangal sa Mahal na Birhen bilang tagapagdala ng liwanag.

Ang tradisyon ng pagsisindi ng kandila sa mga bintana o silid ng mga Kristiyano at pagano ay hindi maituturing na siyang pinagmulan ng pangalang “Candlemas” sapagkat ito ay tumutukoy sa pagbabasbas ng mga kandila, dahilan upang ito ang maging sentro o buod ng pagdiriwang ng kapistahan.

Ang Candlemas, na napagkasunduang tukuyin bilang Candle Festival sa Candelaria, Quezon, ay binigyan ng higit pang malawak na pagdiriwang sa pangunguna ng dating lingkod-pari, Reb. Mons. Carlos Pedro A. Herrera, PC, noong 2004, sa okasyon ng sentenyal ng pagtatalaga sa Mahal na Birhen ng Candelaria bilang patrona ng bayan.

Tampok sa Candle Festival ang pagbabahay-bahay ng mga katekista upang ipaliwanag ang debosyon sa Mahal na Birhen ng Candelaria. Sa bisperas (Pebrero 1) ng kapistahan isinasagawa ang pagbabasbas ng mga kandilang nakapalamuti sa mga tahanan sa daraanan ng prusisyon (house decoration). Sa madaling-araw ng kapistahan (Pebrero 2) binabasbasan ang mga kandila sa simbahan at sa hapon ng kapistahan ginaganap ang ‘street dancing’ o turumba sa karangalan ng Mahal na Birhen, sa saliw ng ‘Totus Tuus Maria’. Ginaganap din ang ‘Glow Awards’ at ‘Candle Float Parade’. Ang una ay ang pagbibigay-parangal sa mga natatanging Candelariahin na nagbigay ng liwanag sa bayan ng Candelaria sa pamamagitan ng kanilang mga pinagtagumpayan sa kani-kanilang larangan; ang pangalawa ay ang parada ng mga naglalakihang kandilang ginawa ng mga mamamayan sa iba’t ibang barangay. Masasaksihan rin ang paglilipat o pagdalaw ng orihinal na imahen ng Birhen ng Candelaria sa Bahay Pamahalaan kung saan isinasagawa ang magdamagang bihilya. Ang ‘Gabi ng mga Balikbayan’ ay kasama rin sa programa bilang angkop na pagkilala. Ang makasaysayang pagbebendisyon at dedikasyon ng pinagandang Simbahan ng Parokya ni San Pedro Bautista noong Enero 31, 2009, ang pangunahing kaganapan sa pagdiriwang ng Candle Festival noong taong iyon.

Ang mga kulay ng kandilang ginagamit sa pagdedebosyon ay luntian (sumasagisag sa tanging kahilingan ng deboto sa Mahal na Birhen), rosas (nababanaag na katuparan ng kahilingan), p**a (mga kahilingang natupad na), lila (pakikipagkasundo o pagbabalik-loob) at puti (mga kahilingang itinataas sa Diyos matapos ang nobena o matagalang panalangin).