Prithivi rupa mavi

21/11/2025

The Open Hand Foundation को सहयोगमा आज हाम्रो श्री पृथ्वी रूपा माध्यमिक विद्यालयलाई ७ सेट कम्प्युटर प्रदान गरिएकोमा हामी हार्दिक आभार व्यक्त गर्दछौँ। शैक्षिक प्रविधिको पहुँच विस्तार र गुणस्तरीय शिक्षण–अधिगम प्रक्रियामा टेवा पुग्ने यो महत्वपूर्ण सहयोगका लागि संस्थाप्रति गहिरो कृतज्ञता प्रकट गर्दछौँ। यस सहयोगलाई विद्यालयसम्म सफलतापूर्वक ल्याउन महत्वपूर्ण भूमिका निर्वाह गर्नुभएका आदरणीय गुरु श्री नेपाल प्रकाश अधिकारी तथा यसै विद्यालयकी म्याडम अनिता पौडेल अधिकारी प्रति पनि हाम्रो तर्फबाट विशेष धन्यवाद, सम्मान र कदर व्यक्त गर्दछौँ। तपाईंहरूको निरन्तर सहयोग, सद्भाव र शैक्षिक उत्थानप्रतिको समर्पण वास्तवमै प्रशंसनीय छ।

02/02/2025

हार्दिक श्रद्वाञ्जली
श्री पृथ्वी रुपा माध्यमिक बिद्यालय व्यवस्थापन समिति पूर्व अध्यक्ष पदमा रही विगत लामो समयसम्म विद्यालयलाई योगदान गर्नुभएका , चन्दादाता, शिक्षक अभिभावक संघका अध्यक्ष, हाल सल्लाहकार सदस्य, समाजसेवी आदरणीय व्यक्तित्व श्री भद्र बहादुर सुयेल थापा को २०८१।१०।१८ गते पक्षघातका कारण आफ्नै निवासमा ७४ बर्षको उमेरमा भएको असमायिक निधनले विद्यालयले एक शिक्षाप्रेमी पथ प्रदर्शक गुमाउन पुगी अपूरणीय क्षतिको महसुस गरेको छ। यस दुःखद घडीमा विद्यालयका पूर्व विद्यार्थी उहाँका छोराहरू नारायण, किसान, विकास, वीरेन्द्र ,भीमसेन सुयेल साथै उहाँका दुई पत्नी कृष्णमाया, भगवती सुयेल चार बुहारी नाति, नातिना तथा सम्पूर्ण सुयेल परिवारलाई धैर्य धारण गर्न सक्ने शक्ति परमेश्वरले प्रदान गरुन् भन्दै उहाँको मृत आत्माको बैकुण्ठबासको कामना सहित श्रद्धाञ्जली व्यक्त गर्दछौँ।
प्रधानाध्यापक तथा विद्यालय परिवार
श्री पृथ्वी रुपा मा.वि
रुपाताल, कास्की

12/01/2025

11/01/2025

यस विद्यालयको ३९ औ वार्षिकोत्सव, अभिभावक दिवस, पुरस्कार वितरण तथा शिलालेख अनावरण कार्यक्रमका केही झलकहरु।

11/01/2025

३९ औं वार्षिकोत्सव,अभिभावक दिवस , पुरस्कार बितरण , तथा महायज्ञ शिलालेख अनावरण समारोह सुरु भइरहेको छ।

08/01/2025

आदरणीय अभिभावक ज्यूहरू,चन्दादाता ज्यूहरु, शिक्षाप्रेमी महानुभाव ज्यूहरु, शुभचिन्तक ज्यूहरू एवम् बिद्यालयका पूर्व समिति ज्यूहरू, सल्लाहकार ज्यूहरू, प्रधानाध्यापक ज्यूहरू,शिक्षक ज्यूहरू, पूर्व बिधार्थीहरू सबैलाई निमन्त्रणा पत्र पठाई सकिएको छ, यदि कुनै कारणवश पत्र प्राप्त नभएमा यसै सूचना लाई आधार मानी बिद्यालयको ३९ औं वार्षिकोत्सव,अभिभावक दिवस , पुरस्कार बितरण , तथा महायज्ञ शिलालेख अनावरण समारोहमा यहाँहरूको गरिमामय उपस्थितिको लागि हार्दिक अनुरोध गर्दछौं ।
बिधालय परिवार
श्री पृथ्वी रुपा माध्यमिक विधालय
रुपा -६,कास्की

08/11/2024

हार्दिक श्रद्वाञ्जली
श्री पृथ्वी रुपा माध्यमिक बिद्यालयका शिक्षक रामचन्द्र ओझा तथा भरत ओझाका पूजनीय पिता , शिव ओझा तथा कृष्ण सुवेदी ओझाका ससुरा बुवा श्री पृथ्वी रुपा माध्यमिक विद्यालयका चन्द्रदाता स्व:हरिलाल ओझा २०८१/०७/१८ गते ८५ बर्षको उमेरमा असामयिक निधन भएको खवरले स्तब्ध भएका छौं। दुखको यस घडीमा दिवंगत आत्माको चिरशान्तिको कामना गर्दै मृतकप्रति हार्दिक श्रद्धान्जली अर्पण गर्दछौ l साथै शोक सन्तप्त परिवारमा धैर्य धारण गर्न सक्ने शक्ति प्राप्त होस् भन्दै हार्दिक समबेदना व्यक्त गर्दछौं ।
प्रधानाध्यापक तथा विद्यालय परिवार
श्री पृथ्वी रुपा मा.वि
रुपा-६, रुपाताल, कास्की

17/09/2024

हाम्रो विद्यालयमा संघीय शिक्षण सहयाेग अनुदानकाेटा माध्यमिक तह गणित विषयको शिक्षक पदमा नियुक्त कास्की जिल्ला, पोखरा महानगरपालिका वडा न. 32, झाैरी निवासी मनिषा खड्कालाई विद्यालय परिवार को तर्फबाट हार्दिक स्वागत गर्दछौ l नवनियुक्त शिक्षक मनिषा खड्कालाई हार्दिक बधाई सहित सफल कार्यकालको अग्रिम शुभकामना ।

19/06/2024

श्री पृथ्वी रुपा माध्यमिक विद्यालयका विद्यार्थीहरुलाई , विद्यालय व्यवस्थापन समितिकी सदस्य तथा समाजसेवी श्री बेल कुमारी गुरुङज्यूले रु १० हजार बराबरको स्टेसनरी सामग्री विद्यालयमा अध्ययनरत बालबालिकाहरुलाई वितरण गर्नुभएको छ । उहाँ र उहाँको परिवारप्रति विद्यालय परिवार उच्च सम्मान गर्दछौँ।
श्री पृथ्वी माध्यमिक विद्यालय
परिवार रुपा-६, कास्की