20/06/2026
पोखरा म्याराथनको आयोजक संस्था नेपाल भूतपूर्व खेलाडी मञ्चको आयोजना र पोखरा महानगरपालिका वडा१को आर्थिक सहयोगमा अन्तर्राष्ट्रिय ओलम्पिक दिवसको उपलक्ष्यमा १८ औँ संस्करणको साप्ताहिक/मासिक दौड प्रतियोगिता अन्तर्गत वडा नम्बर १ स्तरीय आमा समूहको दौड, छात्र छात्रा खुल्ला र महिला/ पुरुष खुल्ला पाँच किलोमिटर सडक दौड सम्पन्न भएको छ। भौतिक पूर्वाधार विकास एवं यातायात व्यवस्था मन्त्रालय का मन्त्री माननीय गोविन्द नेपालीको प्रमुख आतिथ्यतामा सम्पन्न सो प्रतियोगितामा विजयी खेलाडीहरूलाई प्रमुख अतिथि लगायत वडा नम्बर १ का अध्यक्ष श्री सहारा प्रधान, प्रभु महालक्ष्मी इन्सुरेन्स का प्रदेश प्रमुख श्री पुष्कर भट्टराई लगायत वडा नम्बर १ का वडा सदस्यज्यूहरू विभिन्न संघसंस्थाका प्रमुखज्यूहरू ले मेडल प्रमाणपत्र र गिफ्ट ह्याम्पर प्रदान गर्नुभएको थियो । स्मरण रहोस् विगत ०८२ चैत महिनादेखि ०८३ फागुन महिनासम्म साप्ताहिक/मासिक दौडको प्रमुख प्रायोजन प्रभु महालक्ष्मी इन्सुरेन्सले गर्नुभएको छ। आगामी श्रावण महिनाको १९ औँ संस्करणको साप्ताहिक मासिक दौड जनप्रतिनिधि ज्यूहरू र सञ्चारकर्मीज्यूहरूका बीच हुनेछ ।
