02/11/2025
२६औं वाम्बुले राई भाषाको कविता प्रतियोगिताको सूचना
---------------------------
आदरणीय वाम्बुले भाषी कविज्यूहरू
वाम्बुले राई समाज, नेपाल (वाम्रास) संस्थाको २८औं वार्षिकोत्सवको अवसरमा ‘वाम्बुले राई भाषाको २६औं कविता प्रतियोगिता’ यही २०८२ मंसिर २० गते शनिबार ओखलढुङ्गा जिल्लाको मानेभन्ज्याङ गाउँपालिका–५ माथिल्लो रिचुवा गाउँमा हुने निर्णय भएको छ ।
-------
त्यसनिम्ति वाम्बुले भाषी कविहरूले आफ्नो रचना यथासम्भव यही मंसिर १५ गतेभित्र पठाउन अनुरोध छ ।
-------
प्रतियोगितामा सहभागी कविहरूले पालना गर्नुपर्ने नियम यस प्रकार छः
----------------------------------------------------------------
१) कविको नाम, थर स्पष्ट खुलेको हुनुपर्ने छ । प्रतियोगितामा वाम्बुले भाषा बोल्न, लेख्न, पढ्न जान्ने जोसुकै जातजातिले सहभागी हुन पाउने छ ।
-------
२) कविताको शीर्षक खुल्ला राखिएको छ । विषयवस्तुको दृष्टिकोणले कविताको सार किराती वाम्बुले राईहरू समुदायको संस्कृति, परम्परा, मुन्दुम, प्रकृति पर्यावरण, विज्ञान प्रविधि, समसामयिक सन्दर्भमा सिर्जना भएको हुनुपर्ने छ ।
-------
३) कविता वाम्बुले भाषामा बढीमा १५० शब्दको हुनुपर्नेछ । सो कविता वाचन गर्दा ३ मिनेटको हुनुपर्नेछ ।
-------
४) कविता रचना लिखित वा टाइप गरेर २०८२ मंसिर १५ गतेभित्र निम्न इमेलमा कविता पठाउनु सक्नु हुनेछ । इमेलमा समस्या भएमा भाइबर र म्यासेन्जरमा समेत पठाउनु होला ।
[email protected],
[email protected],
[email protected]
-------
५) प्रतियोगी कवि कार्यक्रम स्थलमा उपस्थित भएर कविता वाचन गर्दा मौलिक भेषभूषा लगाउनुहोस् । देश–विदेशबाट प्रतियोगितामा सहभागी हुन सक्ने छ । तर पुरस्कृत हुनका निम्ति कवि स्वयं उपस्थित भएर कविता वाचन गर्नुपर्नेछ । यसअघि प्रथम पुरस्कार प्राप्त र लिब्जु–भुम्जु पुरस्कारबाट सम्मानिक कविका कविता अप्रतियोगी रहने छन् ।
-------
६) प्रतियोगी र अप्रतियोगी सबै कविताहरूलाई संग्रहका रूपमा प्रकाशन गरिने भएकोले कविहरूले आफ्नो रचना देवनागरी लिपिमा पठाउनु पर्नेछ ।
-------
७) प्रतियोगितामा विजयी ५ जना कविलाई क्रमशः प्रथम १० हजार, द्वितीय ६ हजार, तृतीय ४ हजार तथा सान्त्वना दुईजनालाई २/२ हजार रुपैयाँ नगद तथा प्रमाण–पत्र प्रदान गरिनेछ ।
-------
८) कविता छनोट प्रक्रिया निर्णायक मण्डलको निर्णय अन्तिम हुनेछ ।
-------
९) सम्पर्कः
गणेश वाम्बुले राई–९८४१२५६४८८,
विकास सौगात–९७६६९१५५८४,
नमेशबहादुर राई– ९८६६२६०६०२२
धन्यवाद ।
-------
आयोजकः
वाम्बुले राई समाज, नेपाल (वाम्रास)
केन्द्रीय कार्यसमिति
ललितपुर, नेपाल ।
-------
व्यवस्थापनः
रिभोरुङ युवा क्लब
माथिल्लो रिचुवा, ओखलढुङ्गा
-------
सहकार्यः
नेपाल प्रज्ञा प्रतिष्ठान, काठमाडौं
-------
सहयोगः
मानेभन्ज्याङ गाउँपालिका, ओखलढुङ्गा
-------
२०८२ कात्तिक १६ गते
