01/05/2026
Pippifestivalen leitar etter fleire unge teaterinteresserte til årets framsyning!
Som alltid skal Pippifestivalen, med tilhøyrande framsyning, opp og stå i juli 2026, og vi leitar etter fleire unge som ønskjer å prøve seg på scena. Perioden i sommar er 28. juni–12. juli, og øvingane går føre seg på Skånevik Fjordhotell. Vi kickstartar det heile med ei workshop-helg på hotellet allereie 9.–10. mai kl. 12–16, der dei unge får bli kjende, leike, danse og synge saman med regissør Amalie Krogh.
Etter workshopen vil dei som framleis er interesserte i å delta i sommar, bli tildelte roller – kanskje er du ein sjarmerande blomsterseljar på marknaden eller ein røff pirat i Kaptein Langstrømpes stab? Eller begge delar! Vi leitar spesielt etter teaterglade gutar til ensemblet, men alle er velkomne.
Er du interessert, eller har du eit barn som kunne tenkje seg å delta i år, send e-post med namn, fødselsdato og eventuelle matallergiar til produsent Maud Monceyron Jonassen ([email protected]). Vi har avgrensa med plass, og vi følgjer førstemann til mølla-prinsippet!
Velkommen!
