03/01/2022
Bakgrunnen for Sykkel for vatn er Bjarne Reime og hans ønske om å feire 70-årsdagen på en litt annleis måte. Les om kva som var motviasjonen for å sykle for vatn:
Som aktiv idrettsutøvar , langrenn og langdistansespringing, i 20 år har eg alltid likt fysiske utfordringar. For vel 10 år sidan var begge hoftene utslitne . Dei nye hoftene fungerte bra, men ikkje til springing. Eg måtte difor finne nye måtar å trimme på dei årstider eg ikkje kunne gå på ski.
Etter kvart har eg vorte glad i å sykle og har nokre år hatt ein draum om å gjennomføre ein tur over ein lengre periode. Gjennom sommaren har eg fått testa ut at beina tåler ei slik påkjenning.
Samstundes ville eg ikkje at dette berre skulle bli ein "egotrip" , men at eg kunne kombinere det med innsamling til eit veldedig formål. Valet fall på Kirkens Nødhjelp sitt arbeid for reint vatn i fattige land. På dette feltet er det eit enormt behov for hjelp i mange av dei fattige landa, ikkje minst i Afrika.
Prosjektet er veldig konkret og eit felt der Kirkens Nødhjelp har vore ein av dei fremste aktørane i verda i årtider.
Kirkens Nødhjelp var frå fyrste stund svært positive til ideen om å sykle frå Norge til Gibraltar for på symbolsk vis å bringe reint vatn til Afrika. Eg ville ikkje våge å legge ut på ein slik tur aleine , difor er eg svært glad for at dei erfarne syklistane Bjørn, Olav og Sigurd har lyst til å vere med på prosjektet.
Prosjektet vart lansert under feiringa av min 70-årsdag 27. november og har fått berre positiv mottaking, så me er allereide godt igang med innsamlinga.
