Skåla Opp

23/12/2022

Skåla Opp kavalkade.
Del 2

23/12/2022

Har lagt ved ein Skåla Opp kavalkade (i to bolkar).
Del 1

22/12/2022

20/11/2022

Abu og Mayoos Norge på toppturbesøk i Loen på TV 2 i kveld kl 19:30

25/09/2022

TAKK FOR OSS, SKÅLA!😀🙁❤️

I helga vart "Skåla Opp" historie. Då samla arrangørstaben seg til avslutningsfest i Loen, og punktum for 20 års motbakkehistorie vart sett.

I samfulle 20 sesongar har frivillige i Loen idrettslag og Olden Raude Kors, saman med tilsette ved Alexandra Hotell, arrangert "Skåla Opp". Løpet som har vore eit av dei største og mest prestisjefylte motbakkeløpa i Norge.

Totalt har 25 262 deltakarar vore på toppen i samband med løpet på desse 20 åra, og dei frivillige har blitt tilgodesett med langt over to millionar kroner frå overskotet. Som har gått til vidare utvikling i lokalsamfunnet inst i Nordfjord.

Takk til Erik🥳🥳🥳

Samstundes var avslutningsfesten eit ypperleg høve til å takke Erik Brendefur for sin 20 års unike innsats for "Skåla Opp". Hotelldirektør Richard Grov heldt ein flott takketale, og overrekte både blomster og ei gigaflaske champagne til løpsgeneralen i alle desse åra.

- Vi er mektig stolte over det du har fått til. Loen har blitt marknadsført gjennom "Skåla Opp", og vi har gjennomført Skålastiprosjektet som gjer at folk i dag har ein lang betre og meir haldbar sti å gå på. Vi har fått på plass ei bok om Skåla, og no har vi håp om at stien skal bli ein nasjonal tursti. Alt dette, og mykje meir, er det du som står for Erik, kunne hotelldirektøren fasthalde.
Og i kjent stil repliserte Brendefur kjapt:
-Dette er ikkje min forteneste. Denne æra vil eg dele med alle frivillige her, understreka han som har hatt ansvar for innpå 200 frivillige til kvart arrangemnent.

Framtid🤫🤫🤫

Samstundes understreka Richard Grov at Alexandra Hotell og staben rundt "Skåla Opp" ikkje er avvikla.

- Nei, alle skal vite at vi jobbar med nye prosjekt. Førebels er ikkje noko bestemt, og det er mange idear. Men vi skal følgje med på tidsånden, og kjem snart til å komme opp med noko, sa Grov lurt.

Så for alle som har positive opplevingar i dette motbakkeløpet, så er det lurt å følgje med vidare på denne sida.

For sjølv om "Skåla Opp" er historie, så består både Skåla, stien opp og ikkje minst alle dei frivillige i Loen, Olden og Stryn.

Vel blåst, og som det vart understreka under festmiddagen:

SKÅL´A! ❤️❤️❤️

Tekst og foto: Stig Roger Eide

26/08/2022

Blant alle som fullførte årets Skåla Opp hadde vi uttrekking av ti gåvekort til nettbutikken til vår sponsor Skogstad Sport.
Her er ti heldige vinnarar:
Reinar Aaland
Harald Heimestøl
Janne R. Birkeland
Maxy Melrose
Jan Helge Olsen
Anne Elin Lunde
Vilde Marie Sein
Tom Prestegård Staavi
Jarle Reidar Torheim
Håvard Tonheim
Gratulerer!
Uavhenta gåvekort vil bli tilsendt : )

23/08/2022

No har Skåla Opp sjekka ut frå Skåla. Vi takkar sponsor Nord Helikopter og Erlend Folstad som har hjulpe oss å frakte nødvendig utstyr opp og ned kvart år, og Bergen og Hordaland Turlag som har vore ein god samarbeidspartnar!

19/08/2022

Nord-Europas tøffeste motbakkeløp, er det ofte blitt kalt. Skåla Opp ble lørdag arrangert for tyvende og siste gang. Det ble

15/08/2022

Kjære Skåla Opp entusiastar!
Tusen takk til deltakarar, funksjonærar, sponsorar, grunneigarar, Bergen og Hordaland turlag, Loen IL og Olden Raude Kross hjelpekorps for at de gjorde det tjuande og siste La Sportiva Skåla Opp laurdag 13. august 2022 til ei stor oppleving og ein gedigen motbakkeløpfest!
I trimklasse var det 462 deltakarar som fullførte, og i konkurranseklasse var det 699 deltakarar som fullførte (det var påmeldt 950). Og i tillegg hadde vi 40 barn og vaksne som gjennomførte Kongleriket Mini Skåla Opp til setra.
Fleire frå arrangørstaben har samla ein god del bilde i vedlagde album Skåla Opp 2022. Fotokreditering: Skåla Opp

493 new items added to shared album

14/08/2022

HAN BLIR ELDRE, MEN TIDENE FORBLIR UENDRA👍👍👍

Korleis er dette mogleg? Han blir eldre og eldre, men tidene hans på «Skåla Opp» blir berre betre og betre.

Sjekk denne statistikken:

2010 1.34.48
2011 1.29.28
2012 1.27.02
2013 1.28.48
2014 1.24.37
2015 1.27.28
2017 1.27.55
2019 1.29.29
2021 1.28.39
2022 1.27.57

Dette er tidene Førde-løparen Per Eivind Gurvin har brukt opp på Skåla gjennom dei siste 12 åra. (Dei åra som ikkje er omtala var løpa korta ned til Skålavatnet).

Tøffare og tøffare😀😀😀

Sjølv om han er 52 år, så ser det ut til at han har reversert tidsklokka si. Dei fleste opplever jo at det blir vanskelegare og vanskelegare å prestere like godt etter at du har bikka ein viss alder, men for Per Eivind ser det ikkje slik ut.

- Å jo, da. Dette er tøffare og tøffare for kvart år. Og det må meir og meir trening til, seier Per Eivind rett føre start på laurdag.
Og han svikta heller ikkje i år. For med tida 1.27.57 var han nok ein gong godt under 1.30.

Finne ein rygg🏃‍♀️🏃

- Eg må finne meg ein god rygg å ligge bak. Eg har sett at Anita Iversen Lilleskare brukar å halde omtrent samme tempo som meg. Så eg får sjå om eg ser ho undervegs, smiler Per Eivind og vedgår at han brukar sommaren til opptrening til «Skåla Opp».

- Så eg får vel eit lite problem no framover når det ikkje blir fleire «Skåla Opp». Då får eg sjå om eg ikkje skal finne på noko anna, seier Per Eivind som med denne tida vart nummer tre i klassen sin, berre slått av dei profilerte vinteridrettsutøvarane Roger Lillestøl og Odd-Bjørn Hjelmeset.

Tekst og foto: Stig Roger Eide

13/08/2022

SJÅ FARTA TIL VINNAREN👏👏👏

Allereie etter Sjingla sette Stian Angermund-Vik dei andre løparane fullstendig i skuggen, og Varegg-løparen stakk i frå. Sjå denne videoen som viser bergensaren si enorme fart i dei bratte partia opp mot Skålavatnet. Då låg han omtrent på passeringstidene til løyperekorden. I mål var han berre 56 sekund bak Ahmed Arslan sin legendariske løyperekord.

No ser alle kva som må til for å vinne "Skåla Opp". 😀😀😀

Video: Nils Jørgen Omberg

13/08/2022

KUNNE SMILE HEILE VEGEN OPP😀😀😀

Stian Angermund-Vik sette konkurrentane i skuggen, og var under minuttet bak den legendariske løyperekorden i Skåla Opp. I kvinneklassa vart det dobbelt svensk i toppen.

Årets Skåla Opp samla eit uvanleg tøft startfelt med fleire internasjonale toppløparar. Men både den amerikanske meistaren Joseph Gray og Italia si komande motbakkestjerne, Henri Aymonod, hadde ingen sjanse mot bergensaren Stian Angermund-Vik.

Smilte til topps😀😀😀

Han stakk rett i tet frå start, og oppe ved passering Sjingla var han i tet saman med Joseph Gray og Torbjørn Ludvigsen. Men ved passering Skålavatnet hadde han sett på turboen og leia med over minuttet. Og tida hans ved passering Skaret var så god at det lenge såg ut til at han kunne kjempe om rekordnoteringa til tyrkiske Ahmed Arslan.

Men innover Flatebreen gjekk klokka litt for raskt, og Varegg-løparen vart klokka inn på 1,08,02, som er berre 56 sekund bak løyperekorden. Avstanden bakover til Henri Aymonod og Torbjørn Ludvigsen var mellom tre og fire minutt.

Jamnare blant kvinnene👍👍👍

Dermed går Angermund-Vik inn på adelskalendaren med ein tredjeplass, då Arslan hadde to løp ned på 1,07-talet.

I kvinneklassa festa svenske Lina Elkotthelander tidleg grepet i tet, og leia heile vegen til målpasseringa. Men slutt-tida hennar var over sju minutt svakare enn Anita Håkenstad Evertsen sin legendariske rekord på 1,20.06. Svenske Johanna Åstrøm sikra svensk dobbeltsiger i kvinneklassa.

Her er link til alle resultat for årets Skåla Opp:

https://live.eqtiming.com/58796 :218543-0-1171499-1-1-

Vi kjem sjølvsagt tilbake med meir stoff frå det siste Skåla Opp i historia.

Tekst og foto: Stig Roger Eide