16/03/2026
Saknar du strikkefestivalen? Vel då kan du gle deg til ny strikkekino allereie veka etter påske.
Torsdag 9. april viser Lærdal kino den Oscar-vinnande filmen Hamnet kl. 19.30. Før kinoen vert det strikkekafé i der du kan treffa andre strikkeglade og nyta mat og drikke etter eige ynskje.
Om filmen:
Hamnet fortel om den sterke kjærleikshistoria og tragedien som inspirerte Shakespeare sitt tidlause verk, Hamlet. I knallsterke hovudrollar finn me Oscarvinnaren Jessie Buckley og Paul Mescal som Agnes og William Shakespeare. Korleis går ein vidare som foreldre når den største ulukka inntreff? Filmen har hausta eit dryss med gode kritikkar rundt den følsame og djuptgåande handteringa av eit sterkt tema.
Strikkekino er sosiale og trivelege filmforestillingar spesialtilpasset deg som gjerne vil halde pinnane i gang, og kanskje møte andre strikkarar, mens du ser ein god film. Me har litt lys på i salen under filmen, slik at du kan sjå pinnar og maskar.
PS. Du er velkomen på film utan strikketøy og.
