KnarvikMila / The Great Fjord Run

Name: KnarvikMila / The Great Fjord Run
Address: Juvikstølen 25, Knarvik, 5914ISDALSTØ, NO
Telephone: +4797757909

Hjem
Norge
Knarvik
KnarvikMila / The Great Fjord Run

Løp som passer for alle! Det har vore ei gradvis utvikling og i arbeidet med KnarvikMila har helseaspektet alltid stått i fokus.

Fløyen-Knarvik (27km tur/løp) i mai, Knarvik Maraton (maraton/halvmaraton) i juni og KnarvikMila (3km, 5km, 10km, halvmaraton, FjordViking, MiniMila/KnøtteMila, UngdomsMila og NaturMila) i september. Frå den spede byrjinga i 1983 med 10 km på programmet, har KnarvikMila utvikla seg til å bli eit stort arrangement som i tilllegg til løpa inneheld; konferansar, seminar, konsertar, messe og familiear

rangement. I dag er "Helse, kultur og trivsel" overskrifta for heile arrangementet - 365 dagar i året.

01/06/2026

No er augneblinken her.

10 nye stolpar er no tilgjengelege i Stolpejakt‑appen – og rundløypa ventar på deg.

Tåka har letta, men mystikken heng kanskje igjen i lufta. Kvar var desse bileta tekne? Kva skjuler seg bak dei første metrane? Det får du vite no – ute i terrenget.

Dette er ein tur som gir deg alt: 7 km. 550 høgdemeter. Skog. Myr. Fjell. Puls. Utsyn. Innsyn.

Stolpejakten Alver - berre litt villare, litt råare, litt meir levande.

Start dagen med eit eventyr. Stolpane er opne. Tida er inne.

31/05/2026

Éin dag igjen!

Det ligg framleis eit slør av mystikk over dei nye stolpane i Stolpejakten Alver…

Tåka som låg tung fredag ettermiddag gjorde terrenget nesten heilt ugjenkjenneleg, så du lurar kanskje fortsatt på kor turen går? I morgon kl. 06.00 får du svaret.

Då opnar vi ei rundløype som er akkurat slik vi veit du likar det: 7 km, 550 høgdemeter, skog, myr, fjell, ei god dose eventyr - og 10 nye stolpar!

Du kjem til å kjenne det i beina. Du kjem til å kjenne det i smilet. Og kanskje, berre kanskje, kjem du til å kjenne litt av den same magien som låg i tåka då stolpane vart sette ut.

Gjer deg klar. Éin dag igjen. Eventyret nærmar seg.

30/05/2026

Noko er på gang i Stolpejakten Alver…

Fredag ettermiddag vart 10 heilt nye stolpar sette ut i terrenget. Tjukk tåke låg som eit teppe over fjell og myr – og bileta avslører berre konturane av noko… uvanleg.

Kvar er dette? Kva skjuler seg bak disen? Vi avlørar ingenting, du må vente til stolpane vert tilgjengeleg i Stolpejakt-appen måndag kl. 06.00.

No kan vi berre si at du kan venta deg ein flott rundløype – ca. 7 km og 550 høgdemeter. Ein skikkeleg eventyrtur der du får alt på ein gong: skog, myr, fjell, utsyn, innsyn og akkurat passe mykje puls.

Dette er Stolpejakten Alver – berre litt villare, litt råare, litt meir mystisk.

Er du klar for å ta dei første stega inn i tåka? Måndag kl. 06.00. Eventyret ventar.

19/05/2026

Fløyen-Knarvik 2026 er gjennomført. 300 deltakere fikk en flott tur- eller løpsopplevelse fra toppen av Fløyen gjennom Åsane og helt til Knarvik.

Tilbakemeldingene er meget gode! Spesielt trekker deltakerne frem den gode stemningen våre ca. 80 frivillige funksjonærer skaper helt fra før start og til etter målgang.

Turklassen hadde også mulighet til å ta 10 ekstra stolper, med trekning av gavekort på kr. 3000 til en heldig vinner! Den heldige i år ble Evy Færevaag, som var meldt på i turklassen og tok alle 10 stolpene langs ruten.

Vinneren er varslet om trekning og gevinst!

Neste mulighet til å delta på et av våre spennende løp er Knarvik Maraton med halvmaraton og maraton som dagens utfordringer!

For mer info og påmelding; https://www.knarvikmila.no/knarvikmaraton

09/05/2026

I dag er dagen!

Fløyen–Knarvik går av stabelen, og du kan framleis hive deg med. Løp for flyten. Gå for opplevinga. Ta med familien og plukk stolpar undervegs – godfølelsen kjem uansett tempo.

Start dagen med noko som gir deg eit løft.

Meld deg på – og møt oss i løypa!

For påmelding: https://www.knarvikmila.no/flyenknarvik

08/05/2026

Grei start på arbeidsdagen med en tur på Fløyen og løypemerking fra Fløyen til Eidsvåg foran morgendagens arrangement Fløyen-Knarvik!

08/05/2026

Éin dag igjen! I morgon skjer det!

Fløyen–Knarvik ventar – og du kan framleis bli med. Løpar, turgåar, familie, vennegjeng: dette er dagen som gir energi, utsikt og ekte vårstemning.

Stolpejakta er klar, løypa er klar – det einaste som manglar, er deg.

Éin dag igjen. Grip plassen din no.

Meld deg på her; https://www.knarvikmila.no/flyenknarvik

07/05/2026

To dagar igjen til Fløyen–Knarvik!

No er det verkeleg siste sjanse til å sikre seg plass før vårens store oppleving. Enten du vil kjenne flyten i stega eller ta ein roleg tur med familien, får du den gode kjensla i både kropp og humør.

Og ja – stolpejakta er med på turen, så her får du både meistring og moro på same dag.

To dagar igjen. Meld deg på no – før det er for seint.

30/04/2026

I morgon, 1. mai kl. 0600, opnar vi 10 nye stolpar i Stolpejakten Alver og med det ein heilt ny tur for stolpejegarane.

Denne gongen blir det stolpejakt på og rundt Gaustadfjellet på Ådland på Holsnøy. Etter Krossnessundbrua tek ein til høgre forbi Litlebergen og følg skiltinga mot Ådland. Parkering er langs Ådlandsvegen, på ein grusplass søraust for Gaustadfjellet, ved stolpe 103.

Ein velvillig grunneigar har stilt grusplassen tilgjengeleg for parkering, men den kan bli stengt i samband med annan aktivitet på plassen. Oppstilling av bilar skal skje på venstre side av grusplassen.

VIKTIG: Ein anbefaler å ta desse 10 stolpene på 2 turar:

Tur 1:
Stien nordover mot stolpe 110 startar ved innkjøringa til parkeringsplassen. Stien er grei å finne og er merka med
røde merke. Stien er ikkje så mykje brukt, så enkelte stader er den litt vanskelig å finne. Stolpane på denne turen står på sørsida av Gaustadfjellet. Der ein også tar stolpe 108 på Litlafjellet. MERK! Stien opp til Litlafjellet er bratt. Den startar ved stolpe 107. Turen går same veg tilbake til parkering.

Tur 2:
Den andre turen starter også ved stolpe 103, men då går ein ca 500-600m langs Ådlandsvegen. Start av stien til Gaustadfjellet er merka på venstre side. Denne turen går til toppen av Gaustadfjellet og same veg tilbake til parkeringa..

OBS! Det er mulig å ta all stolpane på ein tur, men dette er ikkje å anbefale! Stien frå Litlafjellet(108) og til Gaustadfjellet(101) er enkelte stader svært bratt. Det er ikkje noko form for sikring. Ta IKKJE denne stien om du er litt redd før høyder. For mange vil ikkje denne stien vere eit alternativ og vi anbefalar difor å ta stolpane på to ulike turar.

Lukke til med nye turar i Stolpejakten Alver! Og husk at det kjem 10 nye stolpar 1. juni og 1. juli i nye, spanande turområder som gjer deg nye turopplevingar i Alver kommune.

13/04/2026

Er Hagel Nordhordlands sprekaste verksemd?

Økonomi- og reknskapsverksemda Hagel har over fleire år vore ein av KnarvikMilas gode samarbeidspartnarar. I 2025 brukte dei Stolpejakten som intern motivasjon til å gjere noko sunt og gøy saman og som ein intern konkurranse om å få flest stolpar og flest stolpejaktpoeng.

Dette tror vi har gjort Hagel til ein av dei sprekaste verksemda i Nordhordland - kanskje den allar sprekaste!

Er du klar for å ta utfordringa om å gjere noko tilsvarande i di eige verksemd?

Les den spanande historia frå Hagel om kordan dei gjorde Stolpejakten til ein viktig del av kvardagen og arbeidsdagen - og bli inspirert til å gjere det samme!

Adresse

Juvikstølen 25
Knarvik
5914ISDALSTØ

Telefon

+4797757909

Nettsted

https://knarvikmila.no/

Varslinger

Vær den første som vet og la oss sende deg en e-post når KnarvikMila / The Great Fjord Run legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Bedriften

Send en melding til KnarvikMila / The Great Fjord Run:

Snarveier

Vil du plassere din bedrift på toppen av Evenement/arena-listen i Knarvik?

Del

Type

Sportsarrangement