31/10/2025
Eit kapittel skal rundast av – Heilmat legg ned, men takknemda står igjen.
Hausten 2024 vart krevjande.
Våren 2025 blei prega av uflaks, sjukdom og dagar der alt gjekk i motbakke.
Marginane i denne bransjen er små – og dei som står i det kvar dag, veit at det ikkje berre handlar om rekneskap.
Det handlar om menneske, om ansvar.
Om å gi alt du har for å halde liv i noko du trur på.
Sidan 2022 har prisauke, høge råvarekostnader og endra vanar gjort det stadig vanskelegare å få hjula til å gå rundt.
Når ein har ansvar for både drift og menneske, blir det ekstra tungt når økonomien ikkje lenger strekk til.
Til slutt må ein vere ærleg med seg sjølv – og sleppe taket medan ein framleis står stødig.
Dette handlar ikkje om å gi opp, men om å gi slepp – med takk.
Sidan 2013 har eg fått vere ein del av liva dykkar i Årdal – bak kaffikoppen, bak disken, i kvardagen.
Eg har fått dele latter, stress, fest, sorg og små augeblikk som betyr meir enn de trur.
Det har vore eit privilegium å få vere ein del av fellesskapet, og å sjå korleis engasjement og samarbeid skapar varme og rørsle i ei lita bygd.
Takk til familien for støtta gjennom alt,
først og fremst Kjetil, men òg mamma, Bjørn, pappa, Linda, Stefan og onkel Steinar.
Ein ekstra takk til Gry og Gro – de har vore ryggrada i Heilmat.
De har stått i alt, halde ut når det har storma, og alltid møtt dagen med styrke, humor og arbeidsglede.
Takk òg til ungdomane som har gitt meg energi undervegs.
Det har vore utruleg fint å sjå dykk vekse, ta ansvar og finne meistring i arbeidet.
Til alle kundane våre: takk for støtta, trua og dei små kvardagspratane som gjorde alt verdt det.
Og ikkje minst – takk til alle bedriftene og samarbeidspartnarane som har stått saman med oss undervegs.
Etter mange år med innsats, ansvar og engasjement er det rett å avslutte medan grunnmuren står stødig.
Eg ser tilbake med stoltheit – og framover med ro.
💚 Ann Helen
