29/09/2026
🎻💥☀️ Neste konsert i konsertserien vår Folk i Aalesund er med den internasjonale kvartetten Purppuri !
🕖 Tid: 23.oktober kl.19.00-22.00 på Sobra Scene
☀️Aalesund Folk Festival inviterer til dansekonsert med Purppuri på Sobra Scene fredag 23. oktober – eit nordisk stjernelag som gir nytt liv til danseslåttar frå 1700-talet.
🎻Når gulna papir med gamle notenedskrifter kjem musikarane i Purppuri i hende, byrjar dansefoten å røre på seg. Med utgangspunkt i nordiske notenedskrifter frå 1700-talet hentar ensemblet fram musikk som framleis har kraft til å fylle dansegolvet.
🪩På scena står Jorun Marie Kvernberg (NO) på feler og hardingfele, Johan Hedin (SE) på oktavnøkkelharpe, Esko Järvelä (FI) på femstrengsfele og tenorgitar og Mads Kjøller Henningsen (DK) på fløyter og sekkepiper. Saman skaper dei eit tett og elegant samspel der slåttane blir vevde inn i kvarandre i lange, samanhengande økter.
🕺🏻Her møter rilar, valsar, reinlendarar, gangarar, polskaer og rekkedansar eit publikum som sjølv kan velje korleis dei vil oppleve konserten – som lyttarar, dansarar eller litt av begge delar. Purppuri ønskjer å viske ut skiljet mellom scene og dansegolv og skape ein kveld der musikk, dans og fellesskap får vekse saman.
💜Namnet Purppuri kjem frå eit potpurri av finske bryllaupsdansar frå 1700-talet. Desse kunne halde folk i dans i timevis, som ei feiring av livet og kjærleiken. Ensemblet vart opphavleg tinga av FolkOrg til opninga av Folkelarm 2025.
Dørene opnar: 18:00
Konsertstart: 19:00
Vaksen: 300 kr
Under 18 år: gratis
Billettar finn du i Tikkio ☀️
Konserten er støtta av Kulturrådet 👍🏻
Samarbeid med Foreningen Norden ☀️
