Waerse Maondjig

17/02/2026

Tsjonge jonge wat waas het een fieestje gistere oppe Waerse Maondjig. De artieste ware top, het publiek waas top en daobaovenop waas het waer auch waers genog om de waersvaorspellinge te negere. En as organisasie kenne we den auch allein mer zegge det we supertrots zeen det dit eder jaor weer een gigantaisch fieestje is woee Naer greuuts op is.
Mer det kumtj neet vanelf en det vergaete miense nog waal ens. Want neet allein de miense vanne vastelaovesvereiniging Kwiebusse en de organisaie van de waerse maondjig werke hie keihel aan, mer we zeen auch tal van anger miense enorme dank versjuljigdj, omdet we zonger die luuj niks koste. Want zonger leecht en geluid, unne sjoeene trailer as podium, of al die angere luuj die os sponsore met van alles en nog get, koste wae hieelemaol niks. En vergaet neet uchzelf as publiek. Eder jaor kome der weer keivaol opdage, waer of gein waer en des echt fantastisch, deepe dank vaor det alles, want daorom kenne wae volgendj jaor oos 2x11 jaorige jubileum viere. Dus zit mer alvast inne agenda, maondjig 8 februari 2027, merrrrr......geneet noe nog effe nao met de foto's van gistere!

16/02/2026

16/02/2026

De raegenkanse slinke sneller as de snieeuwerige sniee vaor de zon...zek det mer ens 3 kieer snel achter mekaar....Mer good, waarsjienlijk haet de raegen inne gate gekrage det wae nog waerser aan de zon blieve dinke, zoeedet we op de waerse maondjig dalik allein nog mer last hubbe van naate kaele en neet naate kaerele....dus maak van die paraplu een zonnig sjerm en neem de aonnebrandj mer met, want het geit los dalik🎉🎊🎉🎉

15/02/2026

We hubbe vandaag as organisatie van de Waerse Maondjig gevraogdj aan het zunke of die murge tisse 11.11 en pakweg 15.11 ...met oetloup van een oor effe neet de adv op kos pakke mer geweuun effe zonnestraole kos laote raegene in plaats van naate druppels en toen gaof det lekker zunke aan det det bes een good idee waas...Dus we gaon der weer een geweldige editie van make murge....dus lekker kome allemaol🎉🎉🎊🎊🎊

05/02/2026

Aover minder den twiee waeke den zeen we der weer, mer vaordet het zo ver is geneete we auch nog efkes van de foto;s van vaorig jaor! En as we nog een bietje baeje nao de weergode den sjientj auch det zunke weer lekker op oos kupke en make we der weer een sjoeen fieestje vanne!

03/02/2026

Sjudder en sjadder en sjoenkel der mer in, want oaver minder as 2 waeke...en 2 daag nao Valentijnsdaag, dus tied zat om en een jubileum te veere en daonao de hoonder weer op stek te jage....den is het weer zo ver, den geit het sjiekste evenement van Naer en haonssumstreke weer hieelemaol los.
En zek noe zelf, van dit topprogramma mot toch zelfs het lentewaerke wakker waere.....Dus we gaon oet van 20 graden en een lekker zunke.
Mer baovenal werdj het weer geneete en misjien waal nog een sjoeener fieestje as get de leste jaore al waas.
Dus zet em inne agenda want dit wilse net zo misse as roukworst inne erwtesoep!🎉🎊🎉