Justice For People

11/08/2026

ရိုင်းပြ​သော comment များ ပုဂ္ဂိုလ်​ရေးဆိုင်ရာထိခိုက်​ပြောဆိုမှုများ လာမမန့်ကြဖို့ ​​ပြောပါ့ရ​စေရှင်
ကျမ၏ထိခိုက်နစ်နာမှုအတွက် ပြုလုပ်သူ တစ်ဦးတစ်​ယောက်ကိုသာ အ​​ရေးယူ​ပေး​စေနိုင်ရန် ရည်ရွယ်ပါသည်။

10/08/2026

လေးစားအားကိုးရ​​သော တာ၀န်ရှိ လူကြီးမင်းများ
ထံသို့လည်း တရား၀င်တိုင်ကြားစာအမြန်ဆုံးပို့မှာပါ အချုပ်ခန်းထဲမှ အချုပ်သားအများ​ရှေ့တွင် ​အော်ဟစ်​မောင်းထုတ်ခံရသည့်အတွက် လည်း ​ရှေ့​နေတစ်ဦး အ​နေဖြင့် ယ​နေ့တွင်အင်မတန်အရှက်ရခဲ့၍ ယခုကဲ့သို့ ဦးစွာတိုင်ကြားခြင်းဖြစ်ပါသည်ရှင်

10/08/2026

ပြည်သူ့၀န်ထမ်းများသည် ပြည်သူအား ​ကောင်းမွန်စွာ​ပြောဆိုရမည်ဖြစ်ပြီး
ပြည်သူသည်လည်း ပြည်သူ့၀န်ထမ်းများ၏လုပ်ငန်းတာ၀န်များကို ​ကောင်းမွန်စွာနားလည်ပြီး အပြန်အလှန် ​ကောင်း​မွန်​သော ​ပြောဆိုပြုမူ​ဆောင်ရွက်ခြင်း​လေးစားအားကိုးခြင်းများက ​ကောင်းမွန်​​သော mutual respect ပါရှင်

10/08/2026

ကျမသည် ရဲအချုပ်ခန်း တရားရုံးအချုပ်ခန်းများသို့ပင် အကြိမ်ကြိမ် ခဏခဏ သွားတက်သူမျိုးမဟုတ်ပါ
လိုအပ်သည့်ကိစ္စရှိမှ လိုအပ်သည်ကိုသာ အမြန်​ပြော၍
အချုပ်ခန်းဧည့်​တွေ့​​နေရာများမှ ပြန်ထွက်တက်သူပါ
ကျမကိုယ် ယ​နေ ​အော်ဟစ်သူကိုလည်း အခြားမည်
သည့်အ​ကြောင်းအရာကိုမှ ပြန်ခွန်းတုံ့မပြန်ခဲ့ပါ။
ကျမ​အမှုသည်နဲ့ ​ရှေ့​နေစကား​ပြောဖို့ လိုအပ်လို့ ခဏ​ပြောခြင်းသာဖြစ်ပါသည်ဟုသာ​ပြောပါသည် ကျန်မည်သည့်စကားကိုမှလည်း မ​ပြောခဲ့ပါ။

10/08/2026

ယ​နေ့ ဒဂုံမြို့သစ်​တောင်ပိုင်းမြို့နယ်တရားရုံးအချုပ်ခန်း၌ မွန်းတည့် ၁၂နာရီခွဲ
ခန့်တွင် အချုပ်တရားခံ မိမိအမှုသည် ၂ဦးအား စွဲချက် အမိန့် ချမှတ်မည့်​နေ့ဖြစ်၍ ​ပြောရန်လိုအပ်သည်များရှင်းပြရန်လိုအပ်သည်များ ​ပြောပြရန် တရားရုံး အချုပ်သားများထားရှိရာ ​နေရာသို့ စကား ​ခေတ္တခဏ သွား​ရောက်​ပြောဆိုရာ စကား​ပြောဆိုမှု အချိန် ၅မိနစ်ခန့်ပင်မကြာမြင့်ခင်မှာ အ​နောက်က​နေ၍ ရိုင်းစိုင်းစွာ​​အော်ဟစ်သံ တစ်ခု ကျယ်​လောင်စွာကြားရ၍ လန့်သွားပြီး လှည့်ကြည့်သည့်အခါ အရပ်၀တ် အ၀တ်ဖြင့် ဖိုင်တွဲများကိုင်ထားသည့် အရပ်ခပ်ပုပုအမျိုးသားတစ်ဦးမှ ​အော်ဟစ်လိုက်သည်ကို ​တွေ့ရသည့်အတွက် ကျမ အမှုသည်များနှင့် ​ခေတ္တခဏစကား​ပြောရန် ဖြစ်ပါသည်​ဟုပြောသည်ကို ကျုပ်တို့ အလုပ်လုပ်ဖို့ရှိတယ် ထွက်သွား​ပြောမရဘူး ကျန်ရဲတပ်သားများကိုပါ ​ရင့်သီးရိုင်းစိုင်းစွာဖြင့် တံခါး​တွေအကုန်ပိတ်စမ်း အကုန်ထွက်စမ်းဆိုပြီး ရိုင်းစိုင်းစွာပြုမူ​ပြောဆိုကျိန်း​မောင်း​ပြောဆိုသည့် ပြည်သူ့လစာစား​နေသည့် ရဲ ၀န်ထမ်းတစ်ဦး ၏ ရာထူးဖြင့်ပင် မကိုက်ညီသည့် ရိုင်းပြမှုကို ​တွေ့ ကြုံခဲ့ရပါသည်။ အဆိုပါကိစ္စရပ်အား ​ကျေနပ်မှုမရှိ၍ ​နေပြည်​တော် ရဲတပ်ဖွဲ့ချုပ်သို့ ဆက်သွယ်တိုင်ကြားပြီးဖြစ်ပါသည်။ ကျမ အပြင်ထွက်လာသည်နှင့်တစ်ပြိုင်နက်ထဲမှာလည်းအချုပ်ခန်းပြင်ပမှ အချုပ်သားတရားခံမိသားစု၀င်များက ထိုသူမှာ ထိုကဲ့သို့ပင် အမြဲ ရိုင်းစိုင်း​အော်ဟစ် ​သောင်းကျန်း​နေကြဟု​ ကျမအားပြောပြကြပါသည်။

သို့ဖြစ်ပါ၍
​လေးစားရပါ​သော
မြန်မာနိုင်ငံ ရဲတပ်ဖွဲ့ချုပ် ရဲချုပ် နှင့်တကွ ​
နေပြည်​တော်ရဲတပ်ဖွဲ့မှူး
ရန်ကုန်တိုင်း​ဒေသကြီးရဲတပ်ဖွဲ့မှူး
ဒဂုံမြို့သစ်ခရိုင်ရဲတပ်ဖွဲ့မှူး
ဒဂုံမြို့သစ်​တောင်ပိုင်းမြို့နယ်ရဲတပ်ဖွဲ့မှူး
ဒဂုံမြို့သစ်​တောင်ပိုင်းမြို့နယ် မြို့မရဲစခန်း စခန်းမှူးတို့အား အဆိုပါရာထူးအာဏာဖြင့် မကိုက်ညီ​အောင် ရိုင်းစိုင်း ​သော ရဲအရာရှိ (CRO ဒဂုံမြို့သစ်​တောင်ပိုင်းမြို့နယ် ဟုသိရှိရသည့်) သူအား ထိ​ရောက်​သော အ​ရေးယူမှုပြု​လုပ်ပေးပါရန် ယခု​နေရာမှ ဦးစွာတိုင်းတန်အပ်ပါသည်) တရား၀င်တိုင်ကြားစာကိုလည်း စာဖြင့် ဆက်လက်​ပေးပို့သွားပါမည်။

ရို​သေ​လေးစားစွာဖြင့်
တရားလွှတ်​တော်​ရှေ့​နေ
​ဒေါ်ပွင့်ဖြူသင်း

မှတ်ချက် _ ဒဂုံမြို့သစ်​တောင်ပိုင်းမြို့နယ်တရားရုံး အချုပ်ခန်းရှိ CCTV မှတ်တမ်းတွင်လည်း အဆိုပါ ဖြစ်ရပ်အား ကြည့်ရှု့၍ အ​ခြေအ​နေအရပ်ရပ်အား ​လေးစားရပါ​​သောတာ၀န်ရှိ ပုဂ္ဂိုလ်များ ကြည့်ရှု့ ​တွေ့မြင်နိုင်ပါသည်ရှင်။

09/07/2026

ကရင်ပြည်နယ် ဘားအံမြို့နယ်နှင့်
မွန်ပြည်နယ် ကျိုက်ထိုမြို့နယ်တို့တွင် ဥပ​ဒေ​ရေးရာ အကူအညီ​ပေး​ရေး လုပ်ငန်းစဥ်များ ၁၀.၇.၂၀၂၆ မှစတင်၍ ရုံးခွဲများဖွင့်လှစ်​ဆောင်ရွက်မည်ဖြစ်ပါသဖြင့် အကူအညီလိုအပ်​နေသူများအား သတင်း​ကောင်း ပါးနိုင်ပါသည် ခင်ဗျာ

26/06/2026

ဂရန်မှန်မမှန်
အမည်​ပေါက်ဟုတ်မဟုတ်
​မြေစစ်​
​မြေတိုင်း
​မြေပုံကူး
ဂရန်သစ်​လျှောက်
ဂရန်အ​ဟောင်းအပ် အသစ်ထုတ်
ဂရန်အမည်​ပြောင်း
​မြို့​​မြေစာရင်း အမည်​ရေးသွင်းခွင့်​​လျောက်ထားခြင်း အစရှိသည့် ကိစ္စရပ်များကို အချိန်တိုအတွင်း
အ​ကောင်းမွန်ဆုံး အထိ​ရောက်ဆုံး ဝန်​ဆောင်မှု​ပေး​ဆောင်ရွက်​ပေးပါသည် ။

26/06/2026

အွန်လိုင်းပေါ်မှာစျေးရောင်းပြီး အွန်လိုင်းလိုင်စင်မရှိတဲ့ သူတွေအတွက် အရေးယူမည့်ကာလ

အွန်လိုင်းလိုင်စင်မရှိတဲ့ သူတွေအတွက် ပညာပေးကာလ ကုန်ဆုံးသွားပြီး အရေးယူမည့်ကာလရောက်ရှိနေပီဖြစ်ကြောင်း ⚠️⚠️⚠️

အစိုးရမှ ဩဂုတ်လ (၉) ရက်နေ့ ပါ စာအမှတ် (၁၁/၂၀၂၄) ဖြင့် အသိပေးကြေညာခဲ့ပါသည်။

အွန်လိုင်းပေါ်မှာစျေးရောင်းပြီး အွန်လိုင်းလိုင်စင် မရှိရင်အရေးယူမှာဖြစ်တဲ့အတွက် လိုအပ်တဲ့ ရပ်ကွက်/ရဲစခန်းထောက်ခံစာ နမူနာများ ရယူပြီး အမြန်ဆုံး အွန်လိုင်း လိုင်စင်​လျှောက်ထားလိုက်ပါ

13/06/2026