20/05/2024
ဘာလိုလိုနဲ့ IMW လည်း တစ်နှစ်တင်းတင်းပြည့်ပြီ။ IMW ရဲ့ ရည်ရွယ်ချက်ကတော့ ရှင်းပါတယ်။ Underground Underground နဲ့ လူငယ် Band တွေရဲ့ တန်ဖိုးကို မသိမသာဖျက်ဆီးနေတဲ့လူတွေကို "ငါတို့လူငယ်တွေ ဒီလိုလုပ်လို့ရတယ်ကွ" ဆိုတာကိုပြချင်လို့ အာခံချင်လို့ ပြီးတော့ လူငယ် Band တွေရဲ့ တန်ဖိုးကို လူငယ်တွေအချင်းချင်းပဲ မြှင့်လို့ရတယ်ဆိုတာ ယုံကြည်လို့။။ ခေတ်အဆက်ဆက် ဘယ်ကောင်ထည့်ခဲ့မှန်းမသိတဲ့ "Music သမားဆိုရင် အမြဲတမ်းမွဲနေရမယ်"ဆိုတဲ့ ဂျင်းကိုလည်းတော်တော်လေးမုန်းတယ်။ အဲ့ဒီဂျင်းတွေကို မေ့လိုက်ပါ မိတ်ဆွေ။ Music သမားမှန်ရင် သူ့အရည်အချင်းအပေါ်မူတည်ပြီး သူ့တန်ဖိုးနဲ့သူရှိနေရမယ်လို့ ယုံကြည်ပါတယ်။ IMW ကို ယုံယုံကြည်ကြည်နဲ့ လက်တွဲပေးတဲ့ Band တွေရော တခဲနက်လာရောက်အားပေးကြခဲ့တဲ့သူတွေ ကိုရော ကျေးဇူးအထူးတင်ပါတယ်။ အစကတော့ မိုးမလာခင် Vol.3 လုပ်ဖို့ စဥ်းစားပါသေးတယ်။ အခြေအနေအရပ်ရပ်ကြောင့် မိုးအကုန်တော့လုပ်ဖို့မှန်းထားတယ်။ အဲ့တော့ မိုးအကုန် ဆောင်းအကူးကြရင် ပြန်တွေ့ကြတာပေါ့။
(အောက်ကပုံနှစ်ပုံကတော့ ပြီးခဲ့တဲ့ပွဲနှစ်ပွဲရဲ့ Poster တွေပါ။ Artist ကတော့ Dee Doo ဖြစ်ပါတယ်။)
