17/11/2025
ПОВИК ЗА УЧЕСНИЦИ!📽️
Дводневен ХАКАТОН ЗА ФИЛМСКИ МАРКЕТИНГ @ СИНЕДЕЈС
со маркетинг експерти од Alphapanda и Luckytime!
Имаш идеја, филм или страст за визуелни приказни?
Сакаш да научиш како изгледа видлива, впечатлива и незаборавна кампања на филм?
Приклучи се на дводневниот хакатон за филмски маркетинг кој ќе се одржи од 4 до 6 декември во Младински културен центар Скопје, во рамките на Фестивалот на европски филм Синедејс!
Овој интензивен тренинг е наменет за млади филмски автори, продуценти, филмски ентузијасти, како и студенти или професионалци по филм, комуникации и маркетинг кои сакаат да научат како да изградат успешна стратегија за промоција — од идеја до публика.
Под менторство на експерти од Luckytime и Alphapanda кои се водечки европски агенции за филмски маркетинг, ќе се учи преку реални примери, практични вежби и тимска работа. Денот завршува со презентации, анализа и feedback сесија.
Траење: околу 6 часа дневно (со паузи и многу креативна енергија!)
Како да се пријавиш❓
Пополни ја апликацијата
👇
https://docs.google.com/forms/d/e/1FAIpQLSdda-6ZC4FPBfkdkc4MYyvUlw-IYzU5W5VyKwxnGXynhf_CkA/viewform?fbzx=-1168945769833031588
ВАЖНО: Краен рок за пријава: 21 ноември 2025‼️
Бројот на учесници е строго ограничен, затоа испрати ја својата мотивација за учество и идеи на време!
Избраните учесници ќе добијат известување по е-пошта до 25 ноември.
Alphapanda [https://www.alphapanda.com/] е маркетинг агенција базирана во Берлин (со тимови и во Варшава, Лозана и Милано) која од 2011-та година развива експертиза во сите фази на филмскиот маркетинг и социјални медиуми. Работи со широк спектар на проекти — од холивудски блокбастери до независни документации, со услуги како: стратегија, креатива, социјални мрежи и дигитални кампањи. Нивни клиенти се Warner Bros.,20th Century Fox, Bankside Films, Beta Film, Verleih, Curzon, BFI, NEON, The Match Factory,Luce Cinecittà, Kino Świat, Autlook Film Sales, Under the Milky Way, European Film Awards.
Luckytime [https://luckytime.fr/ e aгенција од Париз специјализирана за дигитален маркетинг и комуникација во сферата на кино-, аудиовизуелната продукција, културата и забавата. Нивните услуги вклучуваат иницијална стратегија до оперативното спроведување и оптимизација, како и нудат целосен спектар на директна поддршка преку: анализа, креативна продукција, видео, стратегија за социјални мрежи. Нивни клиенти се CNC (Францускиот национален центар за кинематографија), AFCAE (Асоцијација на продуценти и дистрибутери на филмови во Франција),францускиот канал StudioCanal како и најголемите дистрибутери на филм во Франција - MK2,Pyramide,Jour2Fête и многу други.
Настанот е финансиран од програмата “European film festival support” под иницијатива на Европската унија, а под имплементација на Cineuropa.org, Institut français и Goethe-Institut.
Целта на проектот е да се поддржи создавањето и да се унапреди квалитетот на фестивалите на филм од Европската унија, кои се организираат од делегациите на Европската унија ширум светот.
