15/12/2025
ملي كايتجمع الإيغو و استهلاك المخد،رات مع قلة الوعي كايعطيو بحال هاد الصور فلموفمون المغربي، ماكايهمش واش صداع بين جوج كروبات أعداء ولا كايشجعو نفس الفريق المهم هو قاعدة وحدة لي ماكاتبدلش هي عقلية لازون محكومة ونجرو بنادم لعندنا باش نعمرو لاكيس…
ماشي القاصرين هوما سبب الشغب، بنادم لي كبير وبلحيتو ولي البعض منهم لاباز ديال واحد الكروب X هوما لي هازين الجناوا و الفيزي وخارجين بمبدأ يصيفطو بنادم لسبيطار، قمة العفن والتلوث وضعف الشخصية والرجولة هو تهز جنوية وتدرم بيها على بنادم حيت عندك اختلاف معاه فشي انتماء، ونهار تدار شي كومبة زيرو اسلحة المخير فهادو مايهز شي دقة، فلوقت لي الكروبات كايأديرو بنادم نقي و واعي الكروبات فهاد البلاد كايقلبو على العكس باش يبقاو يحطوهم فصفوف الأمامية فصراع الأحياء، موفمون موسخ ولاو كايبانو فيه صحاب لكوبرا هوما القدوة حيت كايتشدو وكايترسمو فإطوندار وكايتشعل عليهم لفلام نهار كايخرجو، ماتلوموش دراري لي غايتعزلو ويختارو يكونو Independent حيت بغاو يعيشوها كيما هي ولكن الغالب الله…
