26/01/2025
واحد العبرة فالحياة خاصك تستافد منها من قصة خالد فوهامي و نهائي تونس ف2004
خالد فوهامي كان حارس المنتخب الوطني فكأس أمم أفريقيا 2004 بتونس.
خالد فوهامي آنذاك وصل مع المنتخب الوطني للمشهد الختامي من البطولة بحيث كان النهائي أمام منتخب تونس مستضيف الدورة.
خالد فوهامي ارتكب خطأ فاللقاء النهائي بحيث أنه فشل بالإمساك بإحدى الكرات السهلة نوعا ما و رجعات أمام المهاجم التونسي لي قدر يسجلها فالشباك و يمنح اللقب لتونس.
حاليا أي واحد غا تجبد ليه إسم خالد فوهامي ولا تحط الصورة ديالو غا يقول ليك و بدون شعور راه خرج علينا ف2004 كي بحال إيلا المنتخب المغربي مشا باش يلعب النهائي مباشرة بدون ما يلعب دور المجموعات و الربع و النصف
هاد الناس نساو بلي خالد فوهامي كان من الأسباب المباشرة لي خلاتنا نشوفو المنتخب ديالنا فالنهائي بالتصديات ديالو
خالد فوهامي إيلا رجعتو لماتش الجزائر فالربع 3-1 غا تشوفو شحال من كرة صعبة تصدى ليها و نفس الشيء في مباراة النصف نهائي و مباريات الدور الأول.
من 2004 إلى غاية يومنا هذا إسم خالد فوهامي مربوط دائما بهداك الخطأ مع العلم أن أوليه فيركان في نهائي كأس العالم 2002 أمام البرازيل إرتكب خطأ أكثر فداحة و رغم ذلك فاش كي تجبد إسم أوليه فيركان كي جي فبالك أسطورة عالمية فحراسة المرمى.
العبرة هي أن مهما تكون مزيان و مهما دير جهدك كاااااامل باش ترضي واحد الناس را النهار لي غير تغلط ولو بدون قصد ما غا يتفكرو ليك حتى شي حاجة زوينة وفينما تجبد سميتك ولا يشوفوك يتفمرو غير هداك الخطأ.
