21/01/2022
حال البارصا ولا كيشفي العديان هادي هيا الحقيقة المرة من فرقة كتخلع الكبار قبل الصغار لفرقة كتكرفس قدام صغار قبل الكبار ، وكيبقى لهادشي بزاف ديال الأسباب ولي منها :
الأزمة المالية الخانقة ولي سباب فيها سوء التدبير من طرف الإدارة السابقة والصفقات بزبالة ديال الفلوس وراواتب الطالعة بزاف للاعبين معطاوش حتى شي إظافة تدكر
من بين الأسباب هوا رحيل ميسي لي حتى هوا أتر على الفرقة ماديا ومعنويا وكروية من جميع نواحي
كترة تغيير المدربين وعدم دراسة نوع المدرب المناسب للمنظومة ديال الفريق وللاعبين
الأبقار المقدسة وسياسة ديال الفريق في حماية كل واحد من كتالونية واخا سالاو كرويا وولاو عالة على الفريق بأخطاء كارثية وبدون أي إضافة
وبزاف ديال الحوايج المباشرة والغير مباشرة لي داخلة في هاد الأسباب لي خلات الفرق على هاد الحال
البارصا هاد عام
خارج دوري الأبطال ❌
خارج كأس السوبر ❌
خارج كأس الملك ❌
ومركز بعيد في الدوري وافصى طموح هوا ضمان مركز لي غادي إهلهم لدوري الأبطال العام الجاي
وحتى من اليوروبا ليغ المسابقة الوحيدة لي باقي قادرين انافسو عليها هاد العام القرعة طيحاتهم ضد نابولي
على العموم كيفما كان الحال فراه أيا فريق كيفما كان كيدوز من مرحلة فراغ والبارصا في سدد بناء فريق للمستقبل هاد البناء اقدر إطول إقدر اسالي دغيا وترجع الفرقة لتوهج ديالك ✌⚽
