صوت الشعب الودادي

صوت الشعب الودادي كل ما يخص الوداد الرياضي ��
(1)

ترتيب الدوري يؤكد أن التنافس على اللقب و المراكز الافريقية سيبقى حتى آخر جولة ٠ بالأمس كان أول ظهور رسمي للطاقم المرافق ...
01/05/2026

ترتيب الدوري يؤكد أن التنافس على اللقب و المراكز الافريقية سيبقى حتى آخر جولة ٠ بالأمس كان أول ظهور رسمي للطاقم المرافق للمدرب الجديد لنادي الوداد الرياضي حمودة بنشريفة...✍️ أحسن حاجة في الطاقم التقني الجديد هو المعد البدني إدريس واجو سيد ناضي تبارك الله كيحك اللعابة ولكن للأسف جا في ظرفية خايبة ٠ عودة موفقة إن شاء الله للمعد البدني إدريس واجو خدم مع طوشاك خدينا البطولة و خدم مع عموتة و خدينا العصبة و البطولة و خدم مع الركراكي و خدينا العصبة و البطولة الحمد لله لقينا الحل ديال الإعداد البدني معد بدني عندو خدمة نقية و صارم مثل عموتة و الركراكي و طوشاك ماشاء الله تبارك الله سندعم الابن البار بنشريفة و طاقمه .. فهو آخر آمالنا هذا الموسم . المساعد هو يوسف أشامي الذي جاور العديد من المدربين كالسكيتيوي في الحسنية و في الوداد كان رفقة زوران و البنزرتي و موكوينا يعود الآن كمساعد مدرب أكيد سندعمهم لكن إياكم والإنبطاح 🤝 للسمسار رسالة للمدرب الجديد بن شريفة : ايلا ما كنتيش قد المسؤولية، تنحى و خلي سميتك مزيانة مع الجمهور . بنشريفة ودادي و ولد الوداد نتمناو يكون راجل و يشد الفرقة و يلعب لي يستاهل و أتمنى من القلب يخدم التاويداديت ديالو و مينباطحش للرئيس، آه تقنيا ناقص و لكن را كانت له تجارب مع فرق تراهن على تكوين و بيع اللاعبين و أهم تجربة له كانت رفقة البنزرتي نتمناو يكون خدا منو شي حاجة لي تقدر تنفعنا حاليا ٠ البطولة مزال طويييلة المنافسين معندهمش بحال اللعابة لي عندك و اما الماص را غي فيل طالع فوق شجرة من أول خسارة غادي يغبر ليهم الآثار و تقدر تشد الصدارة بشرط متزيدش تضيع النقط ٠ بالتوفيق لبنشريفة و الناس لي معاه، كنتمنى من الجمهور يعطيه الدعم و المساندة الكاملة حيت كلشي مزال ملعوب و النقطة المهمة حاليا هي المنخرطين يديرو الحل و يكون جمع عام فنهاية الموسم و نشوفو شي رئيس قاد يهز هاد الفرقة للقدام و يرجع الهيبة لكانت لهاد النادي العظيم ٠ نتا كإبن الدار كلشي عارف كيفاش كنتي كاتقاتل كلاعب للوداد، دبا مرحلة جديدة، ماشي التجربة التدريبية المتواضعة ديالك لي خالعانا بالدرجة الاولى، و لكن أنك تكون كمن سبقوك: منبطح للرئيس البهلوان، و تخليه يهبط لمستودع الملابس و يتحكم فيك أ فقراراتك و تخلي أطراف أخرى لي تحكم ليك فالتشكيلة و الاختيارات . فإما أنك تفرض الكلمة ديالك و الأسلوب ديالك و كل واحد يحتارم الاختصاص ديالو، أو تنحى و ما تشاركش فهاد المهازل لأن الجمهور سيحملك المسؤولية . الرئيس الكلون راه مجرد غريب ماشي ودادي و حرق ورقتو معانا ، شوف نتا كيفاش باغي تبقا علاقتك مع الجمهور .... نتمناو نهار الأحد تكون الإنطلاقة الحقيقية للنادي ❤️ رسالة للجماهير 📌 مباراة واحدة لا ناقة للوداد فيها ولا جمل، وأحداث لا تمت بصلة لشؤونه، كانت كافية لتصرف أنظار شريحة من جماهير الوداد عما هو أجدر بالاهتمام والمتابعة. في وقت يمر فيه الفريق بظرفية بالغة الدقة تستوجب من كل وداديٍّ غيور أن يلتف حول فريقه، وأن يقف صفاً واحداً في مواجهة كل مسير تسوّل له نفسه النيل بالنادي و تخريب مساره، للأسف نرى بعض هذه الجماهير تنشغل بمتابعة ما لا يعنيها، ومواكبة ما لا فائدة ترجى منه في هذا التوقيت بالذات . إن الانتماء الحقيقي لا يُقاس بالكلام في أوقات الرخاء ، بل يُختبر في لحظات الشدة . وما شاهدناه من إنشغال ببعض جماهيرنا بمباراة الغير وأحداثهم، بينما فريقنا في أمسّ الحاجة إلى السند والمؤازرة، يطرح تساؤلاً جدياً حول مفهوم الولاء وترتيب الأولويات . الوداد الرياضي اليوم بحاجة إلى جمهوره لا إلى متفرجين على شأن الآخرين . ميساج واضح ...فريقنا اولا و أخيرآا 🔴⚪💯

الــوداد يعلن رسمياً إنفصاله عن كارتيرون بالتراضي و تعيين بنشريفة مدرباً جديداً رفقة كل من أشامي ـ الجرموني ء واجو ✍🏽✅🔴 ...
30/04/2026

الــوداد يعلن رسمياً إنفصاله عن كارتيرون بالتراضي و تعيين بنشريفة مدرباً جديداً رفقة كل من أشامي ـ الجرموني ء واجو ✍🏽✅🔴 من طريقة اختيار المدربين يبين ليك كيف باغي يسير فريق من حجم الوداد الرياضي هاد العام زيرو لقب ٠٠ هادشي ماشي تشاؤم و نتمناو تمشي معاه النتائج و لكن أشك أنه غيفرض رأيه على الرئيس و يزمط السماسرة و الله أعلم لكن المؤكد أنه فريق كبير خاو مكتب قوي و له مدرب كير بطاقم إحترافي غير هذا كتبقى تقميرة ٠٠ سعيد الناصيري باش تعرف كيفهم في كرة أول عام في رئاسة الوداد جاب مدرب كبير لي هو توشاك و جاب ليه لاعبين حريفية في البطولة ( النقاش/السعيدي/نصير/ الكردي /رابح/) و جدد لركائز الفريق من بينهم الأجانب مثل فابريس كوني ، و أضاف لهم ولاد الفريق مثل الهجهوج و القاسمي و الحسوني و داري و المترجي و المنتدبين الكرتي و أصباحي إتباعا .... هاد شي كامل الرئيس السمسار دار العكس دياله صيفط الركائز و جاب مدرب بدون ألقاب في العام الأول له ، و العام الثاني باش يصلح الأخطاء دياله دار العكس صيفط فريق و جاب فريق آخر مع مدرب ثاني بدون ألقاب 🤦🏻 فكانت النتيجة موسمين بدون لقب بنتائج كارثية 👋🏻
سعيد الناصيري مع الوداد ⚪🔴 :
7 سنوات =8 ألقاب
5 دوري محلي + 2 دوري ابطال افريقيا + 1 كأس سوبر افريقي
من الوداد في المرتبة 520 عالمية 2013
الى المرتبة 77 عالميا سنة 2022
من المرتبة 27 افريقيا الى المرتبة 1 افريقيا
من قيمة الوداد 5 ملايير سنتم 2013
الى قيمة الوداد 14 مليار سنتم 2022
من رحلات البحث عن ضمان المشاركة في دوري الأبطال الى المرشح الاول لنيل اللقب كل موسم ✨

🔴 الرئيس الهاوي يلعب آخر أوراقه … في طريقه لإجراء تغيير على مستوى المدرب وطاقمه التقني، مع توجه نحو طاقم مغربي خالص 🇲🇦 📝...
30/04/2026

🔴 الرئيس الهاوي يلعب آخر أوراقه … في طريقه لإجراء تغيير على مستوى المدرب وطاقمه التقني، مع توجه نحو طاقم مغربي خالص 🇲🇦 📝 الفكرة الحالية عند إدارة الرئيس الفاشل هي تولي بنشريفة قيادة الفريق بمساعدة صلاح الدين السعيدي او يوسف اشامي و المعد البدني هو القيدوم إدريس واجو و مدرب الحراس طارق الجرموني . في انتظار الرسمي ٠٠ بنشريفة نحترمه كلاعب وابن الوداد، لكن ما هي المؤهلات والخبرة التي تخوله لقيادة فريق بحجم الوداد كمدرب ؟ هذا الموسم يبدو أنه يعيدنا إلى سيناريو “موسم البرناكي”، عندما تم انتداب بنعسكر، الذي يفتقد للتجربة الكافية لتولي تدريب الوداد في مرحلة حساسة كهذه، والنتيجة كانت قاسية . من يجب أن يغير هو الرئيس ، لأن طريقة تسييره و تفضيل مصالحه على مصلحة النادي هي السبب الأعظم . تدبيره للمرحلة كان كارثي مند توليه الرئاسة ، لست أهل المهمة و لست فردا من العائلة ٠ أكيد نفس الهضرة كتعاود وراء كل هزيمة للوداد كدوز يومين كيتنسى كولشي ... هادشي كامل ولا كيجيني هدرة خاوية معندها حتى فائدة …الفائدة الحالية هي رحيل الرئيس و مكتبه الفاشل و حاشيته من محيط الوداد الرياضي بصفة نهائية … لي خاص يتناقش اليوم ، هو إمتى و كيفاش يمشي و شكون لي غيجي في بلاصتو !؟ شي حاجة اخرى صراحة غير كنخربقوا ٠٠ هاد الجهد لي كنضيعوا … يمشيو يقلبوا ليه على رئيس في مستوى الوداد الرياضي ٠ اما الدراما و قلت ليك و قال ليا و قلت ليكم و الآانا الزايدة و كل وتحد متعصب للرأي ديالو و ضغضغة المشاعر … ماشي وقتها و ماشي من شيمنا حيت هادي غير لغة الاستسلام باغي تبقى تكذب بها على راسك !؟ جمهور الوداد كبير و اليوم خاص يكون كبير حتى في الازمة … يناقش الحلول و كيفية الخروج الوداد من هاد الازمة ٠٠ لا يوجد اي مدرب كبير سيقبل تولي المهمة الان في هذه الظروف الكارثية، لذلك مفروض ان نكمل الموسم مع طاقم مؤقت و بعد ترتيب البيت و طرد الفاشل و إدارته يجب ان تتعاقد الادارة الجديدة مع مدرب كبير يجهز الفريق للموسم المقبل ولا يجب ان نكرر نفس الاخطاء سواء في اختيار الإدارة أو المدرب ٠ جمهور الوداد اليوم و بالخصوص المنخرطين خاص يقلبوا على رئيس في المستوى ٠ شي حاجة اخرى غير كنكذبوا على راسنا ، الوداد محتاجة حلول ، ماشي دراما و اغاني حزينة و مقالات ديال دراما ٠ للأسف "المحيط" شبعان عفن و طمع و مصالح . الله ادير شي تاويل ديال الخير لهاد النادي العظيم 💔😑

ماذا ينتظر هذا الرئيس الهاوي السمسار و مكتبه الفاشل لتقديم الإستقالة ؟؟ أي تأخر في الرحيل سيدفع النادي ثمنه الموسم القاد...
30/04/2026

ماذا ينتظر هذا الرئيس الهاوي السمسار و مكتبه الفاشل لتقديم الإستقالة ؟؟ أي تأخر في الرحيل سيدفع النادي ثمنه الموسم القادم . كل شي بان ما بقى ما يتخبى ..... اغلبية اللاعبين الكرارس ديال واحد جوج وكلاء و زامطين الرئيس كدخلوا صحا .. الرئيس والمكتب الى مزبلة التاريخ ... التاريخ لا يرحم اي واحد كيستفذ من الوداد ... دوينا قبل ماتوقع الكارثة وكان كاين الوقت باش يصلح البهلوان مايمكن إصلاحه تخاصمنا مع صحابنا بسباب هاد الرئيس الهاوي وبنادم دق ناقوس الخطر ودوا وعطا حلول وعبر على الرأي ديالوا ولكن شكون فاق ليك من نعاس تفقص نتا مرض موت كاع... السمسار فرق الجماهيم و قسم المنخرطين فيما بينهم خلق الفتنة بين اللعابة في مستودع الملابس و خلق العداوة للوداد مع فرق البطولة .. ولازال شرشبيل يتمدد ؟؟تاريخ ديال هاد الفرقة غايبقا يتبهدل مع هاد خونا نهار على نهار والقادم أسوء ... الديربي هاهو جاي غي الله يستر ويحفضك فرقة عامرة بزماكرية كل واحد من قنط ماعرفينش شنو واقع أصلا وفين كيلعبو... ؟! الميكروب وجه النحس ابو الفتح وحق الرب تا عيب يلعب فالواك هو أ لمتفتف ديال الوافي زرك من زروكية ... لا لاعبين لا رئيسلا تا شي حاجة كتفرح ٠ دابة خاص الناس تنوض تحرك وتخدم وتقلب على رئيس عندو قيمة وهيبة ديال رئيس... را غي من المكتب لداير معاه وناس لمدور بيه يبان ليك شكون ولا كيدخل الوداد وشكون ولا كياخد قرار فالوداد ٠ بغاو يرجعونا فحال شي تواركة ولا برشيد ولا ماعرت كاع شكون حنا...كلشي ولا ساهل... كل من هب ودب ولا يسير فالوداد ويلعب فالوداد ويكون مدرب و باغي يكون رئيس ؟؟ واحد الفئة ديال الجمهور تاهوما الله يسمح ليهم وصافي مني كتسمع الأسماء المتداولة والاقتراحات لكيعطيو كتبقا غي تشوف... اودي الله يزيدنا فالصبر كي كنا وكي ولينا كاع لفراقي ولاو كيزعمو علينا فتيرانا صغرنا بزآاف هاد الكلون الله ياخد فيه الحق ... مغاذرة كارتيرون بدون تراضي وإنفصال من طرف واحد سيغرق خزينة النادي ... تجديد لكل من أبو الفتح والمرابط وإعطاء منحة خاصة لهم وعدم دفع رواتب لكل من صبار والهنوري و بوشتة وإدعاء أنهم مصابيين سيغرق خزينة النادي .. إمضاء مع زياش بالملايين وفي العقد يوجد الملايير مع إقامته في أفخم فنادق المغرب سيغرق خزينة النادي .. رفض كل من فيريرا و آرثور و الرايحي بيعهم لدوري الليبي و تركهم في دكة البدلاء سيغرق خزينة النادي .. إمضاء عقد مع صانع اللألبسة الرياضية من تونس وتقول أنها من كاپپا سيغرق خزينة النادي ... توزيع بطائق Vيپ لبعض المنخرطين المنبطحين بدل بيعها سيغرق خزينة النادي !!؟؟ مرفوقًا بصورة الرئيس التاريخي للوداد الرياضي اللاعب السابق النادي إسماعيل الحداد، على حسابه رسالة خاصة لهشام أيت منا:" القائد هو الذي يُجيد لعبة إزالة الضغط عن الفرسان...✍️ الكابو السابق عبد الله فاليح في ستوري عبر الانستجرام ✅️ المنطق يقول إن المرحلة المقبلة، ابتداءً من الغد، يجب أن تشهد استقالات داخل البيت الودادي، سواء من بعض أعضاء المكتب المسير أو من المدير الرياضي أو من كل من كان له دور في الوصول بالفريق إلى هذا الوضع الصعب. غير ذلك لن يكون سوى عبث حقيقي، واستمرار في تجاهل حجم الأزمة التي يعيشها الوداد اليوم .

خاطينا كاميرا العراسات ؟ هدف البايرن الرابع نفس لقطة أمرابط الأولى ترتقي و الثانية لا ترتقي 👍🏽❌ ماذا استفاد النادي من بع...
28/04/2026

خاطينا كاميرا العراسات ؟ هدف البايرن الرابع نفس لقطة أمرابط الأولى ترتقي و الثانية لا ترتقي 👍🏽❌ ماذا استفاد النادي من بعدما تأكد الجميع أنه هدف صحيح إلى متى سيستمر التحكيم الهزيل في التسبب في ضياع النقط ٠ الموسم الماضي باعترافهم تسببوا في ضياع النقط و الآن نرى نفس العبث ٠

الهدوء في الظرفية الحاليةالوداد يحتاج في الوقت الراهن الى تلاحم كل المكونات ، هناك من ينتقد بحسن نية على غرار ما يحدث حا...
28/04/2026

الهدوء في الظرفية الحالية
الوداد يحتاج في الوقت الراهن الى تلاحم كل المكونات ، هناك من ينتقد بحسن نية على غرار ما يحدث حاليا في مصر مع الاهلي مثلا او ريال مدريد في إسبانيا وغيرها من الأندية الكبيرة . متخليش رئيس ولا كروسة ينسيك أنك تتشجع أكبر نادي ف المغرب ... حاضرون إن شاء الله يوم غذ الأربعاء من أجل الشعار . عارفين العيب في من أ الخوت و كيهمنا غ اللوغو ديال أعز فرقة في الدنيا و خاصنا ضروري كيفما كانت الظروف نبقاو خلف نادي الوداد الرياضي ولنتحد فيما بيننا نحن كجماهير .. غدا ان شاء الله لاعبة الوداد مع السادسة اللي مساعداه الظروف دونور ينادي ... من أصل 14 مباراة، سيلعب الوداد 9 مباريات في دونور مقابل 5 مباريات خارج الميدان، وهو ما يشكل أفضلية مهمة من حيث عامل الملعب والجماهير . الفرق الكبيرة دائما معرضة للضغط وهذه ظاهرة صحية، لان مجرد الحديث عن القلعة الحمراء يوميا وصباح مساء اكبر دليل على قوة و عراقة النادي ولن يتزعزع بمن يقتات من الأزمات . فقط وجب توخي الحذر من بعض الأطراف التي تمارس الابتزاز لغاية في نفس يعقوب، لان من ينتظر سقوط الصرح الاحمر فهو مختل عقليا كمن ينتظر سقوط سور الصين العظيم ٠٠ شتان بين من يملك التاريخ ومن لا تاريخ له .... هناك نوع من البشر يجد نشوة في الاحتفال بشتات العائلات عوض الاحتفال مع عائلته بالافراح و المناسبات . اما عائلة الوداد الرياضي كمن تعرض لسحر التفرقة، لكن مرور الزمن دائما ما ينقلب السحر على الساحر.و الساحر في النهاية مصيره مزبلة التاريخ . الدعم دابا واجب على كل واحد قادر يحضر يوم غذ الأربعاء ٠٠ حنا ما كندعموش لعابة ولا المسيرين حنا كندعمو النادي، كندعمو الشعار، كندعمو الوداد الرياضي. هادو كيمشيو ويجيو... ولكن الوداد هي لي باقية. لي قادر يجي، الواجب كيعيط عليه.. الحساب و الانتقاد نخليوه من بعد... اما دابا ؟ التيران كيعيط.. والوداد كتسناك .. عاش الوداد الرياضي 🔴⚪

الأهلي المصري في طريقه لعدم التأهل لعصبة الأبطال الموسم القادم بعد هزيمته بتلاثية أمام بيراميدز ٠٠ الظرفية لكتعيش الأهلي...
27/04/2026

الأهلي المصري في طريقه لعدم التأهل لعصبة الأبطال الموسم القادم بعد هزيمته بتلاثية أمام بيراميدز ٠٠ الظرفية لكتعيش الأهلي لاتختلف كثيرا على الوداد هاد السنة برغم أنهم أفضل منا في شي أمور لكن هناك قواسم مشتركة هو قيام بإنتذابات من أجل تسمى درتي إنتذابات حيت تم جلب أسماء كبيرة كزيزو و عاشور و تريزيغيه و بنشرقي و بنرمضان إلخ لم يقدموا شيء للنادي هكذا الأمر بالنسبة للوداد الرياضي و الأمر المشترك كثيرا هو تجديد الثقة في المدرب ٠ الأهلي جددت الثقة في مدرب بالرغم من أن الجماهير كلها ضده و النتيجة أقصاهم بشوهة في دوري الأبطال و اليوم إنهزموا بفضيحة أخرى و بنسبة كبيرة يضيعون لقب تاني و نفس الأمر يقع للوداد كل الجماهير كانت ضد إستمرار بنفاشل و الرئيس خلاه و قصانا و جاب مدرب آخر من نهار لول وعارفاه الجماهير لايناسب الوداد لكن الرئيس يصر على دعمه ضد في الجمهور ولعل كلام الناطق غير رسمي اليوم يوضح ذلك تجديد الثقة في مدرب هجمة مدرهاش ضد الفتح وهجمة واحدة ضد ماص و الكوكب و 2 نقاط من أصل 12 معناه أن طموح الرئيس ليس اللقب وحتى لو فاز هاد المدرب ماتش جاي أو بعده فإنه ضد خصم قوي غادي يعورها لأنه مدرب خواف خوفه يصل للاعبين وكبداو يجرو في رجليهم ٠٠ غادي نلخصوا كولشي : ء الرئيس غلط ملي خلا بن هاشم مدرب بعد هزيمة العين المذلة
2 ء الرئيس غلط ملي خلا بن هاشم يعزل الطاقم التقني ( النقاش ضعيف ء المعد البدني ضعيف و رجاوي ء محلل الأداء رجاوي و بزآاف ) دون نسيان القرارات غير مفهومة من الرئيس وتقديم المصلحة الخاصة على مصلحة النادي بيع الركائز و استبعاد فريرا ليس له أي منطق في الكرة وايضا الخروج باش تدوي على مشكل داخلي كان بإمكانك تخليه بينك أو بين اللاعب ولكن نتا دائما كتختار باش تبان في الواجهة أو نتا لي عندك الصح أو نتا الواعر . و اختيار كارتيرون على عموتة و نابي كتبين بلي نتا عندك دخل فالتشكيل الرئيسي أو أيضا متجيش تقوليا بلي أمرابط معندوش شي كالة فالنادي حيت ميمكنش بداك اللعب اكمل 85 دقيقة أما أنا فكنقول بلي المدرب يتحمل جزء من هده العبتية حيت ميمكنش تحلو المسؤولية كاملة لأن حنا معارفينش ماوراء الستار .
3 ء الرئيس ما جابش أظهرة فالمستوى
4 ء الرئيس ما جابش حارس إحتياطي فالمستوى و رجع المحمدي لي ناقص بزآف
5 ء الرئيس كان يقيل بن هاشم بعد مقابلة الديربي فالذهاب لي بان بأنه ضعيف وزاد أكدها ضد كل من بران و الجيش لكن للأسف خلاه تخشانا فحيط
الحل : عند جمهور الوداد لا أقل و لا أكثر ، الجراد دارو نفس ملي شافو الوداد عندها المشاكل رغم أن عندهم إختلاسات ديال أكثر من ثلاث ملايير و لي مسكتهم النتائج السلبية ديال الوداد و النتائج الإيجابية ديالهم ضد فالجراد و صحافة الأظرفة و طابلة و خامية و ضد فالمدرب السابق و ضد فالمساعد الضعيف ديالو و الطاقم التقني الردجاوي لي كان عندنا خاصنا نشجعو الفرقة و نشجعو اللاعبين بمن فيهم بوشتة الأعرج ٠ الله يرحم الواليدين خاصنا نجمعو شملنا و نهزو فرقتنا ٠٠ ندعو جميع الأنصار الوداديين للحضور يوم الأربعاء من أجل مساندة فريقنا الغالي ٠ لقد انتهت فترة الفراغ و التشتت، وكل نقطة أصبحت مهمة. ابتداءً من مباراة الأربعاء القادم، يجب أن نكون جميعًا خلف فريقنا لتشجيعه على الفوز وعدم التفريط في أي نقطة ٠ هذه ستكون الانطلاقة لرؤية ودادنا الكبير الذي اعتدنا عليه في السابق إن شاء الله ٠ الجمهور من حقو ينتاقد حيت كيشوف الفرقة غادا فالخسران ولكن ماخصوش يطبع مع الخسارة و يقاطع التيران الوداد محتاجة تربح ماتش واحد باش اللعابة يرجعو الثقة و إن شاء الله يكون خير يوم الأربعاء بحول الله مانهبطوش يدينا جمهورها راس مالها ❤️ عاش نادي الوداد الرياضي ❤️🤍ديما وداد حتال الموت ❤ تعيش الحمرا🔴⚪️ المجد للملثم 👊

🔹️عودة الرباعي أبو الفتح و بوشتة، الهنوري بانياغوا إلى التداريب الجماعية خلال تداريب اليوم 📺🔴⚪️ 🎙️ الناطق الرسمي للوداد ...
27/04/2026

🔹️عودة الرباعي أبو الفتح و بوشتة، الهنوري بانياغوا إلى التداريب الجماعية خلال تداريب اليوم 📺🔴⚪️ 🎙️ الناطق الرسمي للوداد الرياضي:" حنا كإدارة وكجمهور ما راضيينش على النتائج الحالية ديال الفريق، من بعد مقابلة الكوكب المراكشي، درنا اجتماع مع هرماش وناقشنا فيه شنو خاص الفريق، وشنو هي الإشكالات لي كايواجهها باش نلقاو الحلول فـأقرب وقت ... 🔴🎙️: " الهدف ديالنا هاد الموسم مع المدرب كارتيرون هو التتويج بلقب البطولة وفي حالة غير ذلك غادي يتم فسخ العقد معه فور نهاية الموسم..." يبدو أن الإدارة متشبتة بالمدرب فل تتحمل مسؤوليتها لأنه من غير الفوز بالبطولة هذا الموسم كما قال الفصيل فستغادر معه أنت أيضا أيها الرئيس ٠ للأسف بنفاشل دعمناه ولكن ملي قبل إتم بيع لورش وعزيز كي واعارة الزمراوي واونزو تم غسلت يدي كنا كنوصلوا عند الخصم ونضغطوا عليه عندهم بسهولة وأسيدي بيع وزيد بيع ولكن نجيب ما أحسن واش جبتي احسن من هؤلاء اللاعبين لا ..... أكيد الكل غاضب و هذا هو العادي و المنطقي و للأسف ثم وضع الثقة في رئيس أبان عن عشوائية و ضعف و تسمسير و عدم القدرة على إتخاد القرار في الوقت المناسب و حتى المكتب المسير ضعيف بدون أي إضافة شاهد مشفش حاجة ؟؟ الآن لي عطى الله هو هذا ٠ الجماهير و الفصيل قاموا بالمطلوب و نبهوا الرئيس لكي يقوم بإيجاد الحلول بعد الإقصاء لكنه تعنت مرة أخرى و جلب مدرب إنتهى و الحماق أن بعض اللاعبين لايقدمون أي إضافة و نراهم رسميين و نزول الرئيس كل مقابلة قبل و بين شوطي المقابلة لمستودع الملابس يدخل الشك حول فرض هاته الأسماء للعب ؟؟ الآن طلب وحيد للجماهير والمنخرطين على الخصوص : الله يرحم الوالدين في هذه الظرفية الوداد الرياضي محتاج لينا كاملين نخليو الخلافات جانبا ونتجمعوا ونديروا يد وحدة راه النادي أمانة في رقبتنا الله يرحم الوالدين .... وبعض الوجوه التي تخرج ليل نهار و بعض الشبه صحفيين الذين نعرف إنتمائهم و أصحاب طابلة و خامية مصلحة الوداد آخر همهم . لأن البعض يريد الشتات لهذا النادي وهذا لن يحصل بمشيئة الله لأن للنادي أمة تحميه و جامي إطيح علامها و هناك آخرون مرتزقة كيجريو وراء ميمي الأدسنس هو همهم فالكل أصبح يعلم داك التشويش ديال "الله يحسن العوان" مديروش معانا حنايا عايقين بيكم ٠٠ الوداد عندها رجالاتها، وعندها جمهورها الحمد لله كولشي عارف فين كاين الخلل ، وما محتاجينش لهاد البيادق لي باغيين يخرّبوها وهم يدّعون أنهم كينصحونا . سيروا قلبوا ليكم على حاجة اخرى . هادشي ديالكم حافظينو ٠ الجمهور الودادي عايق وفايق و عارف شكون كيبغي الخير للفرقة، وشكون غير كيتسنى طيحة باش يبدا يضرب فيها و يهدمها .. كخلاصة الإخوان مزال 14 ماتش 9 منهم فدونور يعني مكاينش المستحيل خاص بنادم يتفكر 2017 وسيناريوات لي وقعو فيها، حاليا الفرقة كادوز من واحد المرحلة لي صعيبة بزآآف غاديين وكيفقدو الثقة للأسف ماتش ورا ماتش 6 المتشات ماربحنا فيهم حتا واحد وهادشي ماشي مزيان و كنتمنا الوينرز يديرو شي زيارة لبنجلون ٠ خصنا نصبرو حتى لنهاية الموسم و آنذاك لكل حادث حديث ، إلى ما كانت حتى نتيجة لي هي الفوز بالبطولة ، تكون استقالة جماعية وتدار انتخابات تليق بالنادي و يأتي أناس بمشروع واضح الأهم هو أننا حنا اللي نبنيو النادي،وماشي أي واحد يجي يعطي رأيو ويأثر علينا، وهاد الشي خاصو الصبر والوحدة.الجمهور الحقيقي هو اللي كيبقى واقف مع النادي فالأوقات الصعيبة قبل الزينة. . يد في يد، نقدروا نرجعو الوداد للمكانة اللي كتستاهل . الجمهور من حقو ينتاقد حيت كيشوف الفرقة غادا فالخسران ولكن ماخصوش يطبع مع الخسارة و يقاطع التيران الوداد محتاجة تربح ماتش واحد باش اللعابة يرجعو الثقة و إن شاء الله يكون خير يوم الأربعاء بحول الله مانهبطوش يدينا جمهورها راس مالها ❤️ عاش نادي الوداد الرياضي ❤️🤍

بين الأمس واليوم . المسؤول الأول على هاد الحالة لي وصلنا ليها و هو الرئيس ديال الضحك 😡😡 لي حساب ليه التسيير فالمحمدية نف...
26/04/2026

بين الأمس واليوم . المسؤول الأول على هاد الحالة لي وصلنا ليها و هو الرئيس ديال الضحك 😡😡 لي حساب ليه التسيير فالمحمدية نفسو فالوداد جا خسر الملايير فالخوا الخاوي و شي مادرناه حادك غا فالتصريحات و الخرجات الإعلامية الغير محسوبة و شي هضرة ديال دراري الصغار، السمسار البهلوان من بعد ما وقع للناصري بدأ بالتخطيط وهاد الموضوع راه كان هضر عليه المدرب عادل رمزي آنداك غير بنادم مكانش فاهم شنو كيقصد حيت هو هضر بالعامية ومجبدش الأسماء حيت حنا إلى بغيتي بنادم يفهم خاص تقولو فلان ها شنو كيدير وها شنو كيدير ٠ في البداية تم تشتيت الفريق و أبرز اللاعبين فرضو عليهم مغادرة النادي بطريقة أو بأخرى بحال جبران والعملود و حيمود و أبرز الركائز وهادشي حتى هو قلناه في حينه ٠٠ الخطة الثانية بدأت بجس النبض و بيع اللاعبين بدأت ببونا عمار و حركاس و الشادلي و كانت حصيلة الموسم كارثية بانتدابات فاشلة بمبالغ فلكية دون أي إضافة ؟؟؟ هذا الموسم إستبشرنا خيرا بقدوم إنتدابات معقلنة قدمت الإضافة كان الإشكال واضحا و نبهت له الجماهير و الغيورين عن النادي بأن السطاجيير بنفاشل لا يصلح لقيادة نادي عريق كالوداد و هو إعترف بذلك و أن الفريق كان يحتاج مدرب محنك للفوز بالألقاب شريطة الإحتفاظ على الركائز و جلب ظهيرين و مدافع و مهاجم لكن السمسار بمباركة البيدق بنفاشل كانو مخططين باش إريبوا كولشي و نجحوا في ذلك الله إياخد فيهم الحق ٠٠ الخطة الثالثة هي عدم إنقاد الموسم بعد الإقصاء ضد آسفي و المجيء بمدرب إنتهى مدرب غادي بيك الحيط من الأول الإختيار كان خاطئ والماتش الاول بان انه بعيد كل البعد عن تدريب الوداد 4 الماتشات جايب 2 نقط وباقي غايضيع النقط والفريق غايتراجع لوسط الترتيب ... بالأمس قام بالاعتماد على سبعة لاعبين بنزعة دفاعية طيلة 90 دقيقة أمام خصم متواضع يبقى خياراً تقنياً غير مبرّر، ويعكس قراءة حذرة أكثر من اللازم للمباراة . ومنذ قدوم هذا المدرب، لا تزال بصمته غائبة، في ظل تواصل مسلسل إهدار النقاط . على مستوى الأداء، تبدو المنظومة مختلّة بشكل لافت، فالهجوم بلا فعالية، خط وسط عاجز عن الربط وصناعة اللعب، وأظهرة بعيدة تماماً عن تقديم الإضافة، ما يعكس أزمة حقيقية داخل الفريق . الوداديين و لا من يقدرون صرح الوداد سيرضيهم موسم صفري جديد...كارتيرون قال أنه ورث فريقا مفلسا بدنيا... بالأمس قال أن الوداد غير مرشح لشيء...باتريس بلا انتصار وكارتيرون يمشي مشية الحلزون ... و الرئيس السمسار ماكينش فهاد العالم ماعندوش ردة فعل كما العادة هذا ما يوضح بالملموس أنه جاء ليخرب النادي لأنه غير معقول ما نشاهده أبسط الأمور ماكيديرهاش يعني كاينة نية مبيتة .... و الخطة الرابعة هي لي خدامين عليها حالياً وراهم وصلو للهدف بنسبة ٪80 وهي استنزاف الفريق ماليا باش يدخل في أزمة طويلة وميقدرش يخرج منها لسنوات ويخلي ليهم الساحة خاوية اقصد بركان والجيش وحاليا حتى الماص غادي تكون معاهم ٠ خوتي راس مال الفرقة هما حنا و السارية لي متكيين عليها هما الكروووب .. الفريق يحتضر عرق بعرق .. خاصنا حل من الآخر ٠ مع احترامي لبرلمان الوداد كل باسمه .. ميمكنش نعولوا عليكم من حدكم مفرقين ... والميساج ديال البارح في الكورفا الصهد وصل للرئيس الهاوي ومكتبه الفاشل .. ملي قلت الوداد تحتضر هذا الرئيس خاصو يمشي وخا يدي كأس العالم ..الخوت الوداد غارقة وبالجهد ... الوداد تحتاج إلى مبادرات و قرارات قوية في كل الجوانب، لي قدر يدير شي حاجة يديرها ٠

احتلآآآآآآآآل ودادي لمدينة مراكش🦁🔥🥇حنا على موعد مع اكبر تنقل جماهيري هاد العام لملعب مراكش الكبير ٠ بنظام وانتظام نجيبو ...
25/04/2026

احتلآآآآآآآآل ودادي لمدينة مراكش🦁🔥🥇حنا على موعد مع اكبر تنقل جماهيري هاد العام لملعب مراكش الكبير ٠ بنظام وانتظام نجيبو اهم طروا بوان هاد العام ٠ الآن يبدأ التنافس الحقيقي في الدوري الاحترافي لذلك أول مباراة في مرحلة الإياب بمراكش أمام الكوكب المراكشي يجب أن نحقق فيها نتيجة إيجابية تعطي دفعة معنوية للفريق و تعيد الثقة لكل الفعاليات الودادية ٠ شحال من مرة طحنا ووقفنا . التاريخ كيشهد ، والمنطق كيقول: الفريق الكبير كيبين راسو فالوقت الصعيب . للإشارة غيابات الــوداد خلال مباراة الليلة 📝🔴 ء الهنوري و الصبار و مويزيس و بوشتة و أبو الفتح . رسالة للاعبين ديالنا... المنطق كيقول الكرة كتعطي للي كيعطيها. حنا ما طالبينش المستحيل . تقاتلو معانا فالتيران ديرو جهدكم بينو لينا الغيرة على هاد التوني . باغين نشوفو 11 راجل فوق الميدان. كونوا رجال 👊❤ ننتظر منكم الأفضل إن شاء الله 🤲✊🏽❤️ ننتظر كحال جماهير الوداد الرياضي عودة البسمة و الثقة للنادي و عودة الانتصارات و روح العائلة غنساو لي فات ونشوفو القدام كوراج ⚪🔴✌️كلنا وداديين الخير فيما اختاره الله و نتمنى أن يكون القادم أفضل بإذن الله 🤲🙏 تعيش الحمرا وجمهورها 👊🫶 مربوحة إن شاء الله 🤲🙏

عشب أرضية ملعب بنجلون بحلة رائعة ✅ الــوداد الراضي يخـوض آخِـر حصـة تدريبية ببنجلـون قبل شـد الرحـال صوب مراكش مساء اليو...
24/04/2026

عشب أرضية ملعب بنجلون بحلة رائعة ✅ الــوداد الراضي يخـوض آخِـر حصـة تدريبية ببنجلـون قبل شـد الرحـال صوب مراكش مساء اليوم لملاقاة الكوكب غداً السبت ❤️💪💯 فيرناندو خـوسي مساعد كارتيرون على طريقة بيتشـو طـــال الإنتظـــار ⏳⚽ الوداد عيد وطني❤ المشاكل ديال المدينة كاملة تحلو الوداد تتحل الأزمات .. تتخلص اللاعبين .. تتصفي الأجواء 😅👋🏻 كونوا رجال 👊❤ ننتظر منكم الأفضل إن شاء الله 🤲✊🏽❤️ ننتظر كحال جماهير الوداد الرياضي عودة البسمة و الثقة للنادي و عودة الانتصارات و روح العائلة غنساو لي فات ونشوفو القدام كوراج ⚪🔴✌️كلنا وداديين الخير فيما اختاره الله و نتمنى أن يكون القادم أفضل بإذن الله 🤲🙏 تعيش الحمرا وجمهورها 👊🫶 مربوحة إن شاء الله 🤲🙏

Address

Ancienne Medina
Casablanca
20000

Website

https://youtube.com/channel/UC1bUsyWdk06bBSELgMrrldg

Alerts

Be the first to know and let us send you an email when صوت الشعب الودادي posts news and promotions. Your email address will not be used for any other purpose, and you can unsubscribe at any time.

Contact The Business

Send a message to صوت الشعب الودادي:

Share

Category