09/07/2022
الثلاتية الودادية ! ***
* ( قصيدة اولية قبل فوز الوداد بكاس العرش )
واش فخباركوم الثلاتية ،
ماشي ثلاتية نجيب مجفوظ ،
سلسلة روايات مصريه ،
بين القصرين ،
وقصر الشوق ،
و السكرية ،
نزيدها لكم فالذاكرة الثقافية ،
و نوصيكم تقراو شوية ،
باش تديرو فالراس مزية ،
اللي هي المهمة و الاساسية !
هذ اسيادي الثلاتية الودادية ،
نقولها ليكم بالطريقة المحفوظية ،
بطولة الحمرين ،
و الكاس المعتوق ،
و البطولة الإفرقية ،
إلا جمعاتها الحمرا فعام واحد
غدي تخلي الرواة يرويو ،
و الحكاواتيين يحكيوا ،
قصص التتويج الثلاتية ،
نهديوها للكبار و الصغار ،
ولوليدات اللي ما زال فالطريق ،
اللي كيبنيوا طموحاتهم افكل مجال ،
الرياضية الكروية الثقافية و العلمية ،
نعلموهم ان الفوز كيجر للفوز و الريادية ،
و الفشل كيجر للغشل و الإنتكاصية ،
والا كتاب و تحققت الثلاتية البطولية ،
ما نتوقفوش عند الثلاتية الودادية ،
و نزيدو بالحمرا للكرة العالمية ،
وببلادنا للتقدم و الريادة العالمية .
ت ) عزيز حجبي
