وەرەتاو تیڤی زاڕۆڵا

وەرەتاو تیڤی زاڕۆڵا Warataw•Tv•Zarola
📺 تەلەفزیۉنو وەرەتاوو زاڕۆڵا،
🎙 پەی زاڕۆڵە چەم گەشەکاو هەورامانی و گۉرانی 💡
👦🏻- هۉنە - کوڵە ڕازیٛ - گۉرانیی 👩🏻

18/05/2026

ریکلام …

18/05/2026

کناچڵا بەیدیٛ بەیدیٛ
قوڵیٛش وەنە هوٛر ماڵدیٛ
فرە دیٛرەن، میوە یاواین
وەختو ساناڵە ناواین

دویٛتا لوٛدیٛ خوڵە باردیٛ
وەلیم خوڵەی سیاوە ناردیٛ
خوٛڵەکیٛ با چەرمیٛ بوٛ
پەی دلیٛ ساناڵەکیٛ بوٛ

دویٛ تەر ئەچا کناچا
پیٛوە خوڵەکیٛ بویٛچا
دویٛ تەرتا، ئاوی بارا
خوڵەکیٛش پەنە بدارا

خوڵەکیٛ با خاس فیسیوٛوە
ساناڵەکیٛ تەنوٛوە
ئەر بێو خاس نەفیسیوٛوە
دویٛ ڕویٛ دماتەر ترەکوٛوە

دیٛرەن هوٛرماڵدیٛ قوٛڵیٛ
باردیٛ ئا سیرە کوٛڵیٛ
پیٛوەرە تا متاومیٛ
ساناڵەکیٛ بناومیٛ

شەوقی شەیدا

16/05/2026

سەرامێ ڕادین و ڕۆئیایی — بەشو ( ١ )

16/05/2026

کۉڵە رازەو قاڵاو و ڕەواسە،

13/05/2026

زاڕۆڵا ، زاڕۆڵا
مشناسدی ژمارەکا
تاوی پەیم پژماریشا
بو با پیوە واچمیشا

یووە و دوی یووە و دوی
یووە و دوی فرە ئاسانا
مشو زاڕۆڵی خاس بزانا
یەری و چوار ، دماتەر مەیا
پیسەنی واڵەو برایا

زاڕۆڵا ، زاڕۆڵا
مشناسدی ژمارەکا
تاوی پەیم پژماریشا
بو با پیوە واچمیشا

پەنج و شش ، ئینینی
ئاسان فیرشا بیمی
حەوت و هەشت فرە یویی مشا
بە خاسی بیدی فیرشا
نو و دە ، نو دە ،
پەی فێر بیەیی هەوڵ دە


زاڕۆڵا ، زاڕۆڵا
مشناسدی ژمارەکا
تاوی پەیم پژماریشا
بو با پیوە واچمیشا

ڕۆیا مەڵازادە

11/05/2026

ئیٛشەو لوامیٛ میٛمانی
پەی یانەو لالوٛ گیانی
میٛمانیٛشا فریٛ بیٛنیٛ
پیٛوە کیٛڵیٛ کەریٛنیٛ
پشکیلانی کەریٛنیٛ
چایی و مەژگە وەریٛنیٛ
*************
پشکیلانی کیٛڵیٛنە
کیٛڵیٛوەی قەڎیمیەنە
پیێکیٛ گلیٛریٛ باوە
کیٛڵیٛ جە یوی بەراوە
کڵاویٛ وەڵا کەراوە
چیٛوش دلیٛنە شاراوە
***************
حەرکەسیٛوشا بیٛزوٛشۆ
ماچا ئانە بەردەنشۆ
شەوێ وەشە بەراسەر
خەمیٛ دڵیشا کەرا بەر
ئینیٛنە پشکیلانی
پەی پیریەنەو جوانی

شەوقی شەیدا

ئی کیڵی ( گەمە ) لاو شمە چیشش پەنە ماچدی ؟
09/05/2026

ئی کیڵی ( گەمە ) لاو شمە چیشش پەنە ماچدی ؟

08/05/2026

کوڵە رازەو وەرە هاروهاجەکی ….

#وەرە

07/05/2026

هەراڵە برەیمی ولەو هۆرامانی
سەرەوەتەن ئەشوٛم ئیٛژایش بزانی
*************
بیٛ هەقڵا کەسیٛو هوٛرەش بکیٛشوٛ
پەی شیٛونای ژیوگەی زیڵیش نەئیٛشوٛ
*************
با پاریٛزنمیٛش بە گردیماوە
تا کەشەکاوە شنیاو مەناوە
***********
با ڕا بگیٛرمیٛ ئەچا گیٛڵیارا
هەراڵە برەیمی بیٛخۆ بەرمارا
**************
حەرکەس پاریٛزنوٛش هوٛرەش مەکیٛشوٛ
جە خوڎای موازمیٛ حیچش نە ئیٛشوٛ

شەوقی شەیدا

#هەورامان #هەورامی

Address

Khurmal
Khurmal
46006

Website

Alerts

Be the first to know and let us send you an email when وەرەتاو تیڤی زاڕۆڵا posts news and promotions. Your email address will not be used for any other purpose, and you can unsubscribe at any time.

Shortcuts

Share

Category