Samudra Centre for Indian Contemporary Performing Arts

Samudra Centre for Indian Contemporary Performing Arts Samudra Centre for Indian Contemporary Performing Arts

'''
31/12/2025

'''

*വനിതാ തിയേറ്റർ*പാങ്ങോട് ഗ്രാമപഞ്ചായത്ത് സംഘടിപ്പിച്ച നൃത്ത സംഗീത നാടകം. *പെൺ ചുവട്* സമൂഹത്തിൽ സ്ത്രീകൾ അനുഭവിക്കുന്...
29/07/2025

*വനിതാ തിയേറ്റർ*
പാങ്ങോട് ഗ്രാമപഞ്ചായത്ത് സംഘടിപ്പിച്ച നൃത്ത സംഗീത നാടകം.
*പെൺ ചുവട്*
സമൂഹത്തിൽ സ്ത്രീകൾ അനുഭവിക്കുന്ന വേദനകളും യാതനകളും ചൂഷണങ്ങളും പീഡനങ്ങളും വിളിച്ചു പറയുന്ന....കഥ.
ഇതിന് അടിമപ്പെടാതെ ഇങ്ങനെയൊരു കാലഘട്ടത്തിന്
ഇനി നാം തലകുനിക്കാതെ പഠനത്തിലും എഴുത്തിലും കലയിലും കൃഷിയിലും തുടങ്ങി ഒരു പോരാളിയെപ്പോലെ സർവ്വ മേഖലയിലും പെൺ സ്പർശം വിളിച്ചോതുന്ന കഥ. അടിമത്തത്തിൽ നിന്നും സ്ത്രീ പുരുഷ സമത്വത്തിലേക്ക് എന്ന സന്ദേശവും താക്കീതും നൽകി രസകരമായി നാടകം പൂർണമാകുന്ന കഥ.
"പെൺ ഉണർവ്"
ശ്രീ.ഭരതന്നൂർ
ഷമീർ, ശ്രീ.അശുപക് സംവിധാനത്തിൽ അംഗൻവാടി ടീച്ചേർസ്, ആശാ വർക്കേഴ്സ്, ഹരിത കർമ്മസേന ,തൊഴിലുറപ്പ് ജീവനക്കാർ, കോളേജ് വിദ്യാർത്ഥിനികൾ ഉൾപ്പടെ പങ്കെടുത്ത നാടകത്തിന് ഗ്രാമപഞ്ചായത്തിന്റെ എല്ലാ അംഗങ്ങളുടെയും പഞ്ചായത്ത്‌ ജീവനക്കാരുടെയും സമീപനവും സഹായവും പ്രോത്സാഹനവും
ജാതി മത രാഷ്ട്രീയം ഇല്ലാതെ ഒരേ മനസ്സോടെ അവർക്കും
നമുക്കുമൊപ്പം നിന്ന് സഹകരണം നൽകിയതിൽ നമുടെ സ്നേഹവും ബഹുമാനവും അറിയിക്കുകയാണ്.ഇതിനൊക്കെ കരുതലായി നിന്ന
ഈ കൂട്ടായ്മയുടെ അമരക്കാരനായ പാങ്ങോട് ഗ്രാമ പഞ്ചായത്ത്‌ പ്രസിഡന്റ്‌ ശ്രീ.M. M. ഷാഫി അവർകളെ ഈ അവസരത്തിൽ പ്രത്യേകം നമ്മുടെ സ്നേഹാദരവ് അറിയിക്കുന്നു.
കൂടാതെ ഗാന രചയിതാക്കളായ
ശ്രീ. വിനോദ് വൈശാഖി,
സനേഷ് ഭരതന്നൂർ അവർകൾക്കും സംഗീതം നിർവഹിച്ച ശ്രീ.നഫ്ലാ കൊച്ചിൻ അവർകൾക്കും നാടക രചയിതാക്കൾക്കും നമ്മുടെ സ്നേഹവും നന്ദിയും അറിയിക്കുന്നു.
അഭിനയത്രികൾക്കും നർത്തകർക്കും മറ്റ് പിന്നിൽ പ്രവർത്തിച്ചവർക്കും സ്നേഹവും ആശംസയും
നേർന്നു കൊണ്ട്
ഒപ്പം ഈ നാടകത്തിലെ നൃത്ത
സംവിധാനത്തിന് ഞങ്ങളെ ക്ഷണിച്ച ശ്രീ.ഭരതന്നൂർ ഷമീർ അവർകൾക്ക് നമ്മുടെ പ്രതേക നന്ദി, നമസ്ക്കാരം. 🙏
madhu gopinath,
Vakkom sajeev.

03/05/2025

*സമുദ്ര സമ്മർ ക്യാമ്പ് 2025*
*സിനിമാറ്റിക്*
*ഡാൻസ്* . *ശ്രീ.ഷൈജു ദാസ്.*
വിവിധ ഇന്ത്യൻ ശാസ്ത്രീയ നൃത്തങ്ങൾക്ക് പുറമേ 'സിനിമാറ്റിക് നൃത്തവും സ്റ്റേജും' എന്ന വിഷയത്തെ ആസ്പദമാക്കി ശ്രീ. ഷൈജു ദാസിന്റെ ക്ലാസ് കുട്ടികൾക്ക് ഏറെ ഹൃദ്യവും സന്തോഷവും ഉണർത്തി. സംഗീതവും വാദ്യോപകരണവും
വേറിട്ട രീതിയിലും രണ്ടും ഇഴുകിച്ചേർന്നു ആസ്വാദകർക്ക് ആസ്വാദ്യമാകും വിധം ശരീരത്തെ നിയന്ത്രിതമായി ചലിപ്പിച്ച് എന്നാൽ ആഹ്ലാദവും ജനിപ്പിക്കും വിധം നൃത്തം പരിശീലിപ്പിച്ച് കുട്ടികളുടെ ഹൃദയത്തിൽ ഇടം നേടിയ ശ്രീ. ഷൈജു ദാസ്.
*ശ്രീ. ഷൈജുദാസ്*
കുട്ടിക്കാലം മുതൽ സിനിമാറ്റിക് നൃത്തത്തിൽ ഇഷ്ടം തോന്നിയ ശ്രീ. ഷൈജു ദാസ് സ്കൂളിലും കോളേജിലും പരിപാടികളിൽ പങ്കെടുക്കുകയും ഷാഡോസ് എന്ന ഡാൻസ് കമ്പനിയിൽ ചേരുകയും ശേഷം സ്വന്തമായി നൃത്ത സംവിധാനം ചെയ്യുവാനും തുടങ്ങി. അക്കാഡമിക് വിദ്യാഭ്യാസം കഴിഞ്ഞ് മെഡിക്കൽ
റപ്രസന്റേറ്റീവായി ജോലി നോക്കിയിരുന്ന ശ്രീ. ഷൈജു ദാസ് നൃത്തത്തോടുള്ള കമ്പം കൂടി ജോലി ഉപേക്ഷിച്ചു നൃത്തത്തിൽ കൂടുതൽ ശ്രദ്ധചെലുത്തി. സിനിമാറ്റിക് നൃത്ത പരിപാടിക്ക് പുറമേ സമുദ്ര സെന്റർ ഫോർ ഇന്ത്യൻ കണ്ടമ്പററി പെർഫോമിങ്ങ് ആർട്സിൽ ജോയിൻ ചെയ്തു.
അതോടൊപ്പം മുൻ ഗുരുക്കന്മ്മാർ നൽകിയ 'ഷാഡോസ് ' എന്ന പേരിൽ സ്വന്തമായ സ്ഥാപനം, കൊല്ലം കേന്ദ്രമാക്കി പ്രവർത്തനം ആരംഭിച്ചു.ഇന്ത്യയിലും ഇതര
സംഥാനങ്ങളിലുമുടനീളം സിനിമ നൃത്ത പരിപാടികൾ അവതരിപ്പിച്ചു വരുന്ന
കൊല്ലം, ഷാഡോസ്, ശ്രീ. ഷൈജു ദാസിന്
സമുദ്രയുടെ സ്നേഹവും നന്ദിയും 👍

02/05/2025

സമുദ്ര സമ്മർ ക്യാമ്പ് 2025
*നാടകം,വായനാ ശീലം*
*ശ്രീ. സന്തോഷ്‌ സോപാനം*
സംഗീത നാടക നടന കലയുടെ പ്രാഥമിക പാഠങ്ങൾ മനസ്സിലാക്കിയ നമ്മുടെ കുട്ടികളെ നാട്യധർമ്മിയിൽ ഒരു നാടകം രൂപപ്പെടുത്തുന്ന രീതിയാണ് ശ്രീ. സന്തോഷ് സോപാനം കലാ പരിശീലന കളരിയിൽ തുടങ്ങി വച്ചത്. വായനാശീലം വളർത്തുന്നതോടെ മാനസിക വികാസവും ജീവിതചര്യകളുടെ വീഴ്ചയിൽ വരുന്ന തളർച്ചയും തകർച്ചയും വിശദീകരിച്ച് വരും തലമുറയുടെ പുരോഗതിയ്ക്ക് വേണ്ട ആത്മബലവും നൽകി. വിവിധ നൃത്തരൂപങ്ങൾ നാടൻ കലാരൂപങ്ങൾ ക്ഷേത്ര കലകൾ അനുഷ്ഠാനകലകൾ തുടങ്ങിയവയിൽ നിന്നുമുള്ള സൗന്ദര്യ ഘടകങ്ങൾ ഉൾക്കൊള്ളിച്ചുകൊണ്ട് എങ്ങനെ ഒരു നാടകം ചെയ്യാമെന്ന ചിന്തയിലാഴ്ത്തിയതി ലൂടെ പുസ്തക വായനയുടെ പ്രാധാന്യവും
നാടകത്തോടുള്ള ഇഷ്ടവും കുട്ടികൾക്ക് ഏറെ പ്രചോദനം നൽകി ശ്രീ. സന്തോഷ്‌ സോപാനം.
*ശ്രീ.സന്തോഷ്‌*
*സോപാനം*
കാവാലം നാരായണ പണിക്കർ, ഷാജഹാൻ കഴക്കൂട്ടം തുടങ്ങി പ്രമുഖ നാടക ഗുരുക്കന്മാരുടെ കീഴിൽ പഠിച്ച ശ്രീ. സന്തോഷ് സോപാനം രചനയിലും സംവിധാനത്തിലും അവതരണത്തിലും ഇപ്പോഴും പ്രയാണം തുടരുന്നു.
ശ്രീ. സന്തോഷ്‌ സോപാനത്തിന്
സമുദ്രയുടെ നന്ദി 🙏

01/05/2025

*സമുദ്ര സമ്മർ ക്യാമ്പ്-2025*
അഞ്ചാം ദിവസം (2 nd half)
ലൈറ്റ് ഡിസൈൻ ആന്റ് എക്സിക്യൂഷൻ.
*ശ്രീ.ശ്രീകാന്ത് കാമിയോ*.
കാര്യഗൗരവം മനസ്സിലാക്കി നിയന്ത്രിതമായും വളരെ സൂക്ഷ്മമായും കൈകാര്യം ചെയ്യേണ്ട ഒരു മേഖല കൂടിയാണ് പ്രകാശ വിതാനം. സ്റ്റേജിൽ നിൽക്കുന്ന അവതാരകർ (performer) അറിഞ്ഞിരിക്കേണ്ട അത്യാവിശ്യം ചില പ്രധാന കാര്യങ്ങൾ കൗതുകത്തോടെ കുട്ടികൾക്കും മുതിർന്നവർക്കും പങ്കുവെച്ചു. ലൈറ്റിങ്ങിന്റെ ഉറവിടം മനസ്സിലാക്കി അവതാരകർ ചെയ്യേണ്ടതും അവർക്ക് ശരിയാകും വിധം ഒരു പെർഫോമര്‍ മനസ്സിലാക്കി ആവശ്യപ്പെടേണ്ടതുമായ കാര്യങ്ങൾ വ്യക്തമായി പകർന്നു നൽകി ശ്രീ.ശ്രീകാന്ത് കാമിയോ.
*ശ്രീ. ശ്രീകാന്ത് കാമിയോ*
പഠനകാലത്ത് നാടകത്തിലും നാടൻപാട്ടിലുമൊക്കെ കമ്പം ഉണ്ടായിരുന്ന ശ്രീ. ശ്രീകാന്ത്, തിരുവനന്തപുരം അഭിനയ നാടകവേദിയിൽ ചേർന്നു. വർഷങ്ങൾക്കു
ശേഷം നാടകത്തിലെ ലൈറ്റിംഗ് സാധ്യതകളെക്കുറിച്ച് കൂടുതൽ മനസ്സിലാക്കാനും ചിന്തിക്കാനും പ്രവർത്തിക്കാനും തുടങ്ങി. തുടർന്ന് സോപാനം, സൂര്യ, സമുദ്ര തുടങ്ങി സംഗീത നാടക നൃത്ത കമ്പനികൾക്ക് പുറമേ ലോകമെമ്പാടുമുള്ള മറ്റ് പ്രസിദ്ധ കലാ പരിപാടികൾക്ക് ലൈറ്റ് രൂപകൽപ്പനയും നിർവഹണവും വഹിച്ചു. കേന്ദ്ര സാംസ്കാരിക വകുപ്പിന്റെ ബിസ്മില്ലാഖാൻ അവാർഡ്,കേന്ദ്ര സംഗീത നാടക അക്കാദമി അവാർഡ് തുടങ്ങി അനേകം പുരസ്‌കാരങ്ങൾക്ക് അർഹനായ
ശ്രീ. ശ്രീകാന്ത്, ഇന്ത്യയിലെ ആദ്യത്തെ ലൈറ്റിംഗ് പഠന കേന്ദ്രമായ 'കാമിയോ ലൈറ്റിംഗ് ഡിസൈനിങ് ആന്റ് എക്സിക്യൂഷൻ ഇൻസ്റ്റിട്യൂഷൻ ('cameo' lighting designing and ex*****on institution, trivandrum)എന്ന സ്ഥാപനത്തിന് തുടക്കം കുറിച്ചു. കേരളത്തിലും ഇന്ത്യയിലെ ഇതര സംസ്ഥാനത്തുമായി ഒട്ടനവധി ശിഷ്യസമ്പത്തുകളെ വാർത്തെടുത്തുകൊണ്ടിരിക്കുന്ന
ശ്രീ. ശ്രീകാന്തിന്
സമുദ്രയുടെ നന്ദി 🙏

01/05/2025

*സമുദ്ര സമ്മർ ക്യാമ്പ് 2025*
അഞ്ചാം ദിവസം (1)
ഇന്ത്യൻ ശാസ്ത്രീയ നൃത്തരൂപങ്ങളിൽ ഒന്നായ ഉത്തർപ്രദേശിലെ പ്രധാന നൃത്തരൂപമാണ് 'കഥക് '
കൈ ചലനങ്ങളും ശരീര ചലനങ്ങളും വഴക്കവും കൂടാതെ പ്രധാനമായും താളാത്മകമായ കാൽപ്പാടുകളും മുഖഭാവങ്ങളും ഒത്തുചേർന്ന് മനോഹരമായ ചലനങ്ങൾകൊണ്ട് കഥ പറയുന്ന 'കഥക്' നൃത്തം , വളരെ മനോഹരമായി വന്ദനത്തിൽ തുടങ്ങി പ്രാഥമിക പാഠങ്ങൾ കുട്ടികൾക്ക് പകർന്ന് പരിശീലിപ്പിച്ച്, ശേഷം കുട്ടികൾക്ക് വേണ്ടി ശ്രീമതി. ഭാവന ടീച്ചർ അവതരിപ്പിച്ച നൃത്തവും ഏറെ പ്രചോദനം നൽകി.
*ശ്രീ ഭാവന*
*ടീച്ചറിന്*
സമുദ്രയുടെ നന്ദി 🙏

30/04/2025

സമുദ്ര സമ്മർ ക്യാമ്പ് 2025
നാലാം ദിവസം
*കളരിപ്പയറ്റും ആരോഗ്യവും*
*ശ്രീ അഭിജിത്ത് ഗുരുക്കൾ*
ആചാര്യന്മാർ പ്രകൃതിയെ നിരീക്ഷിച്ച് പക്ഷിമൃഗാദികളുടെ പ്രതിരോധ ചലനങ്ങളിൽ നിന്നും സ്വയം പ്രതിരോധമാർഗം പഠിച്ചെടുത്ത് രക്ഷനേടാൻ ആയിരുന്നു പ്രാപ്തരാക്കിയിരുന്നതെ ങ്കിൽ ഇന്ന് രോഗങ്ങളിൽ നിന്നും രക്ഷനേടി ആരോഗ്യമുള്ള ശരീരവും ഉറച്ച മനസ്സും ആത്മീയ ചൈതന്യം കൈവരിക്കുന്നതിന് കളരിപ്പയറ്റ് പരിശീലനം എങ്ങനെ സഹായിക്കുന്നുവെന്നും
ശരിയായ വ്യായാമം ശരിയായ ഭക്ഷണക്രമം ശരിയായ വിശ്രമം എന്നിവയുടെ ആവശ്യം എന്തെന്നും എങ്ങനെ അവ നടപ്പിലാക്കാം എന്നും ശ്രീ.അഭിജിത്ത് ഗുരുക്കൾ മനസ്സിലാക്കി കൊടുത്തു. പ്രാഥമിക പാഠങ്ങൾക്ക് പുറമേ ചുവടുകളും വടിവുകളും പരിശീലിപ്പിച്ചും പറഞ്ഞു മനസ്സിലാക്കിയും വിവിധ ആയുധങ്ങളുടെ പ്രയോഗവും ആയുധം ഇല്ലാതെയുള്ള പയറ്റുമുറകളും കാട്ടിക്കൊടുത്ത്, ആയോധനകല
സ്വായത്തമാക്കുന്നതിലൂടെ പാലിക്കേണ്ട നിയമങ്ങളും മനസ്സിലാക്കി കുട്ടികൾക്ക് ആത്മവിശ്വാസം ഉണർത്തി ശ്രീ. അഭിജിത്ത് ഗുരുക്കൾ.
*ശ്രീ അഭിജിത്ത് ഗുരുക്കൾ*
കുട്ടിക്കാലം മുതൽ വടക്കൻ കളരി സമ്പ്രദായത്തിൽ പഠിച്ചു തുടങ്ങി തുടർന്ന് കളരി മർമ്മ ചികിത്സാ രീതികളും സ്വായത്തമാക്കിയ ശ്രീ.അഭിജിത്ത് നിരവധി കളരിപ്പയറ്റ് പരിപാടികൾ അവതരിപ്പിക്കുകയും 2010 -ൽ ഡൽഹിയിൽ നടന്ന കോമൺ വെൽത്ത് ഗെയിംസിലും 2021-ൽ ഹരിയാനയിൽ നടന്ന എസ്ബിഐ ഇന്ത്യ യൂത്ത് ഗെയിംസിന്റെ ഓപ്പണിംഗ് സെർമണിയിലും കളരിപ്പയറ്റിന്റെ ഭാഗമായി പങ്കെടുത്തിട്ടുണ്ട്. ചെന്നൈ കേന്ദ്രമാക്കി 'തേജസ് കളരി മർമ്മ ചികിത്സാ സെന്റർ' എന്ന സ്ഥാപനവും നടത്തിവരുന്നു.
കൂടാതെ തിരുവനന്തപുരം 'വർക്കലയിൽ ഓജസ്വി കളരി മാർഷ്യൽ ആർട്സ് സ്കൂൾ' ('ojaswi' kalari martial arts school, varkala)e
ഗുരുക്കളായി തുടരുന്ന
ശ്രീ. അഭിജിത്
ഗുരുക്കൾക്ക്
സമുദ്രയുടെ നന്ദി 🙏

27/04/2025

പാട്ടും കളിയും കഥയുമൊക്കെയായി ഒരു നാടകം എങ്ങനെ ചെയ്യാം എന്ന വലിയ പാഠം വളരെ ലളിതമായി പഠിപ്പിക്കുന്നതിലൂടെ അവരുടെ സർഗ്ഗപരമായ കഴിവിനെ ഉണർത്തി കുട്ടികളുടെ മനം കവർന്ന ശ്രീ. സാം ജോർജ്.
ആരുടെയും മുന്നിൽ സംസാരിക്കാൻ ചമ്മലായിരുന്ന നമുക്ക് ഇപ്പോൾ കുറച്ചുകൂടി ആത്മവിശ്വാസം വന്നു എന്നും കൊട്ടും പാട്ടും നാടകവും ഒക്കെ ചെയ്യാൻ നമുക്ക് എല്ലാവർക്കും പറ്റുമെന്ന വിശ്വാസം ഉണ്ടെന്നും ഒരു കഥ എങ്ങനെ പറയണമെന്നും ഒക്കെ ക്ലാസ് കഴിഞ്ഞ്, കളിച്ച് ചിരിച്ച് ഇറങ്ങിയ കുട്ടികളുടെ അഭിപ്രായത്തിനൊപ്പം,
ഒരു കൂട്ടംപേർ -സാം ജോർജ് സാർ ഇപ്പോൾ നമ്മുടെ കൂട്ടുകാരൻ കൂടിയാണെന്നും അതുകൊണ്ടുതന്നെ ഒരു ചമ്മലും കൂടാതെ സംസാരിക്കാനും നാടകം കളിക്കാനും ഒക്കെ കഴിഞ്ഞു എന്നും ഇനിയും നാടകം കളിക്കണമെന്ന താൽപര്യം പ്രകടമാക്കി കുട്ടികളുടെ സന്തോഷം പങ്കുവച്ചു.
*ഡ്രാമ പ്രാക്ടീഷണർ*
***നാടക നടനായും സംവിധായകനായും ഇന്ത്യയ്ക്ക് അകത്തും പുറത്തുമായി ഒട്ടനവധി നാടകോത്സവങ്ങളിൽ പങ്കെടുത്തിട്ടുണ്ട് ശ്രീ. സാം. ലോകത്തെ ഏറ്റവും വലിയ നാടക ഫെസ്റ്റിവലായ ഫ്രാൻസിലെ
ഇഗ്നോൻ ഫെസ്റ്റിവലിൽ പങ്കെടുക്കുകയുണ്ടായി. കൂടാതെ 2013 ൽ ഇദ്ദേഹം സംവിധാനം ചെയ്ത ഏതോ ചിറകടിയൊച്ചകൾ എന്ന നാടകം ഭാരത് രംഗ് മഹോത്സവത്തിൽ തെരഞ്ഞെടുക്കപ്പെട്ടു. കാഴ്ച പരിമിതർക്ക് മാത്രമായുള്ള ഇന്ത്യയിലെ ആദ്യത്തെ നാടക ശില്പശാലയ്ക്ക് നേതൃത്വം നൽകി,കേരള പോലീസിന്റെ ശിഷ്യ സൗഹൃദ പോലീസ് പദ്ധതികളിൽ സ്റ്റേറ്റ് ലെവൽ ട്രെയിനർ ആയി പ്രവർത്തിക്കുന്ന ശ്രീ. സാം ഇപ്പോഴും നിരവധി നാടക പ്രവത്തന ങ്ങൾക്കും സിനിമ മേഖലയിലും പരിശീലനം
നൽകി വരുന്നു.
*ശ്രീ. സാം ജോർജിന് സമുദ്രയുടെ നന്ദി*.🙏

26/04/2025

*സമുദ്ര സമ്മർ ക്യാമ്പ് 2025* ന്റെ ആദ്യ ദിവസമായ ഇന്നലെ ശ്രീ കാവാലം സജീവും (സംഗീതം) ശ്രീ കലാമണ്ഡലം അനന്ദും (ചെണ്ട) ഉദ്ഘാടനം നിർവഹിച്ചു. ഇരുവർക്കുമൊപ്പം സാന്ത്വനം പാലിയേറ്റീവ് കെയർ സെക്രട്ടറി ശ്രീ. സജി വക്കം, S.S നടന
സഭ നാടകസമിതി ഡയറക്ടർ ശ്രീ കടയ്ക്കാവൂർ അജബോസ്, മണിദേവാലയം വൃദ്ധസദനം ഡയറക്ടർ ശ്രീ. അജിൽ മണിമുത്ത് എന്നിവരും ചേർന്ന് ഭദ്രദീപം തെളിയിച്ച് ക്യാമ്പിനു തുടക്കം കുറിച്ചു.
*വരുമോരോ
എതിരും നീ പറയാതെ മനമേ...
ദുരിതങ്ങൾ വളരുമ്പോൾ തളരാതെ മനമേ...
പിന്നിട്ടവഴി
യോർത്ത്
തളരാതെ മനമേ...
ഇനിയുള്ള
വഴിയോർത്ത്
വിരളാതെ മനമേ*-
എന്ന് തുടങ്ങുന്ന അർത്ഥവത്തായ ആദ്യ മോട്ടിവേഷൻ ഗാനത്തോടെ കുട്ടികൾക്ക് ആത്മബലം നൽകി സംഗീതത്തിന്റെ അടിസ്ഥാന പാഠവും സപ്ത സ്വരങ്ങളുടെ അനന്തസാധ്യതകളെ കുറിച്ചുള്ള അറിവും ചുരുങ്ങിയ സമയം കൊണ്ട് കുട്ടികളുടെ മനസ്സിലേക്ക് പകർത്തി ആവേശ തിരയിളക്കിയ തിരുവനന്തപുരം കാവാലം സ്കൂൾ ഓഫ് മ്യൂസിക് ഡയറക്ടർ ശ്രീ. കാവാലം സജീവ് സ്വദേശത്തും വിദേശത്തുമായി ഒട്ടനവധി സംഗീത പരിപാടികളും അതിലേറെ ശിഷ്യ സാമ്പത്തുമായി പ്രയാണം തുടരുന്നു.
*ചെണ്ട*
കേരളത്തിന്റെ തനതായ ഒരു വാദ്യോപകരണമാണ് ചെണ്ട. അസുരവാദ്യം എന്നറിയപ്പെടുന്ന ചെണ്ടയുടെ ശബ്ദത്തിനും പ്രത്യേകതകളുണ്ട്.മറ്റു വാദ്യോപകരണ രീതിയിൽ നിന്നും വളരെ വ്യത്യസ്തമായ ചൊല്ലുകളും പ്രാഥമിക പാഠങ്ങൾ, കല്ലിൽ കൊട്ടി തുടങ്ങുന്ന പഠന രീതികളും കുട്ടികളെ ആദ്യമൊന്ന് ആശയകുഴപ്പമുണ്ടാക്കിയെങ്കിലും വളരെ കുറച്ചു സമയത്തെ പഠനം കൊണ്ട്തന്നെ കൂടുതൽ പഠിക്കാനുള്ള താല്പര്യവും
ആവേശവും ആനന്ദവും കുട്ടികളുടെ മനസ്സിൽ എത്തിക്കാൻ കഴിഞ്ഞത് ശ്രീ. ആനന്ദിന്റെ അത്ഭുത കൈകൾ തന്നെയാണ്.
ശ്രീമതി മൃണാളിനി സാരഭായ്, മല്ലിക സാരഭായ് എന്നിവരുടെ 'ദർപ്പണ' അക്കാഡമി(ഗുജറാത്ത്),
പ്രശസ്ത നർത്തകി ദാക്ഷാ സേതിന്റെ ആർത്തി റിസർച്ച് സെന്റർ, സമുദ്ര സെന്റർ ഫോർ ഇന്ത്യൻ കണ്ടംപററി പെർ ഫോമിങ് ആർട്സ് തുടങ്ങിയ സ്ഥാപനങ്ങളിൽ പ്രവർത്തിച്ചു ലോകമെമ്പാടും പരിപാടികൾ അവതരിപ്പി ച്ച് പ്രശംസ നേടിയ ശ്രീ. കലാമണ്ഡലം ആനന്ദ് പാഠ്യപദ്ധതിയുമായി ഇപ്പോഴും തുടരുന്നു.
ഇരുവർക്കും
സമുദ്രയുടെ നന്ദി 🙏

Address

Govt. Hospital Road, Vakkom. P. O
Thiruvananthapuram
695308

Telephone

+91 98473 24192

Website

http://www.youtube.com/watch?v=MmotVi7yakI, http://www.youtube.com/watch?v=e2vxvTAkTeY

Alerts

Be the first to know and let us send you an email when Samudra Centre for Indian Contemporary Performing Arts posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Samudra Centre for Indian Contemporary Performing Arts:

Shortcuts

Share