05/01/2026
रंगायतन महोत्सव - २०२६
*उत्सव मानाचा, नव्या जोमाचा !*
रंगायतन महोत्सव.... नाट्यप्रेमींसाठीची नाट्य आराधनाच! गेलं एक तप हा सोहळा सलग चालू असणाऱ्या या रंगायतनची ट्रॉफी आपल्या संघाकडे असणं ही अभिमानाची बाब. शिवाय ती ट्रॉफी,तिचा रंग, डिझाईन सारं असं मनात ठसलेलं... मात्र आता यात होतोय थोडासा सकारात्मक बदल. हा महोत्सव जिथे होतो त्या गडकरी रंगायतनमधेच बदल होऊन त्यानं एक देखणं रूप धारण केलंय. जणू काही जुनी परंपरा सांभाळणारी नवी वास्तूच! मग आम्ही विचार केला रंगायतन कात टाकतेय तर मग महोत्सवानंही कात टाकायला काय हरकत आहे? त्यामुळे स्पर्धा, नियम, प्राथमिक फेरी, अंतिम फेरी सगळं तेच ठेवलंय, बदल केलाय तो फक्त ट्रॉफीमध्ये! आता या बदललेल्या ट्रॉफीमध्ये बदललेल्या गडकरीचं प्रतिबिंब पाहायला मिळणार आहे. कालच नटश्रेष्ठ श्री. दिलीप प्रभावळकर यांच्या हस्ते या ट्रॉफीचं अनावरण ही झालंय. तुमच्या क्षमतांना आव्हान देणारी ट्रॉफी यंदा नव्या, देखण्या रूपात स्वरूपात येतेय एवढंच!
बाकी या ट्रॉफीपर्यंत तुम्ही कसे पोहोचताय हे पाहण्यासाठी अर्थातच आयोजक, प्रायोजक, सर्व रसिक प्रेक्षक उत्सुक आहेतच. तेव्हा नक्की या, आम्ही वाट पाहतोय एका नव्या बदलासह!
रंगायतन महोत्सव… उत्सव मानाचा, नव्या जोमाचा ...
.palande @ .panchall5 @
