Konkani Bhasha Mandal, Goa

15/05/2026

कोंकणी भाशा मंडळाचे वावुरपी समितीचो आदलो वांगडी तन्मय महेश प्रभूदेसाय, हांका अचकीत मरण आयिल्ल्यान कोंकणी भाशा मंडळांन दुख्ख उक्तायलां. तन्मयान कोंकणी भाशा मंडळाचो सांगें म्हाल प्रतिनिधी म्हूण वावर केला. कोंकणी भाशा मंडळाची शणै गोंयबाब कथामाळ सर्त, गोवा युवा महोत्सव हांच्या आयोजनांत सक्रीय वांटो आसतालो. कोंकणी भाशा मंडळान एक तरनाटो युवा कार्यकर्तो आयज वगडायलो अशा उतरांनी कोंकणी भाशा मंडळान तांकां आर्गां ओंपल्यांत.
तन्मय रिवणच्या उत्कर्ष हायस्कूलांत कर्मचारी आशिल्लो तशेंच रिवणच्या साबार सांस्कृतीक आनी सामाजीक मळार वावुरतालो. तन्मयाचें अशा अचकीत मरणान सगळ्यांक दुख्ख जालां. ताच्या घरच्यांक दुख्ख सोंसपाक बळगें मेळूं अशी आर्गां भाशा मंडळान ओंपल्यात.

29/04/2026

सुहास दलाल हे कोंकणीचे एक निश्ठावंत सेवक आनी कार्यकर्ते आशिल्ले, तांणी केल्लो वावर तरनाट्यांक सदांकाळ उर्बा दितलो अश्या उतरांनी कोंकणी भाशा मंडळान आनी अखिल भारतीय कोंकणी परिशदेन केलां तांच्या मरणान दुख्ख उक्तायलां.
सुहासबाबाचो कोंकणी खातीरचो वावर भोव मोलादीक. 'परमळ' ह्या नेमाळ्या वरवीं आनी आपल्या कुशळ संघटन कौशल्यान तांणी खेरीतपणान जनमत कौलाच्या काळांत आनी उपरांत केला तो वावर सदांच यादींत उरतलो. ते एक स्पश्ट वक्ते, निर्भीड आनी निसुवार्थी वावुरपी कार्यकर्ते आशिल्ले. तशेंच लेखक, अनुवादक, संपादक म्हूण तांणी वावर केला.
विश्व कोंकणी केंद्राचो भोव प्रतिश्ठीत विमला वि. पै विश्व कोंकणी विशेष पुरस्कार तांकां फावो जाल्लो. गोवा कोंकणी अकादेमीचो शणै गोंयबाब कोंकणी भाशा सेवा पुरस्कार, तशेंच कोंकणी भाशा मंडळाचो सेवा पुरस्कार फावो जाल्लो. अखिल भारतीय कोंकणी परिशदेन मडगांव घडून आयिल्ल्या 33व्या अधिवेशनांत तांच्या वावराची दखल घेवन तांचो भोवमान केल्लो.
कोंकणी भक्ती संगितांत तांणी केल्लो वावर मोलाचो. तांणी चवथी खातीर गणेशपुजा कोंकणींतल्यान बरोवन प्रकाशीत केल्ल्या.
कोंकणी भाशा मंडळ आनी अखिल भारतीय कोंकणी परिशदेन तांच्या मरणान दुख्ख उक्तायलां.

22/04/2026

कोंकणी भाशा मंडळाची साबार बसका आयतार 26 एप्रील 2026दिसा सकाळच्या 10वरांचेर कोंकणी भवनांत जातली.
विशय:2026-2029 खातीरची वावुरपी समिती जाहीर करप
तुमी सगळ्यानी हे बसकेक हाजीर रावचें अशें आवाहन.

06/03/2026

कोंकणी शिक्षण, साहित्य, संघटन, सहकार आदी मळांचेर भोव मोलादीक योगदान दिल्ले जेश्ठ शिक्षक आनी माजी मुख्याध्यापक श्री जॉन मॅन्डोन्सा हांकां अचकीत आयिल्ल्या मरणाचेर कोंकणी भाशा मंडळ आनी अखिल भारतीय कोंकणी परिशदेन दुख्ख परगटायलां.

जॉन मॅन्डोन्सा हाणी कोंकणी शिक्षणाच्या मळार विशेश योगदान दिल्लें. गोंय शालान्त मंडळाच्या कोंकणी अभ्यास मंडळाचे वांगडी म्हूण ताणी साबार वर्सां वावर केला. मंडळान तयार केल्ल्या साबार पाठ्यपुस्तकांच्या निर्मितींत तांचो मुखेल वाटो आशिल्लो. कोंकणी भाशा मंडळान 2007 वर्सा फेलिक्स कार्दोज शिक्षक पुरस्कार भेटोवन तांच्या वावराचो भोवमान केल्लो. कोंकणी भाशा मंडळाचे ते निमणे मेरेन सक्रीय वांगडी आशिल्ले. घाट माथ्यावेल्या आनी गोंयच्या कोंकणी समाजा मदीं पूल बांदपाचें काम ताणी तळमळीन केल्लें. समतेचे ते खर पुरस्कर्ते आशिल्ले.

तांच्या मरणाचेर कोंकणी भाशा मंडळाची अध्यक्ष रत्नमाला दिवकार, सचीव मंगलदास भट आनी अखिल भारतीय कोंकणी परिशदेचे कार्यकारी अध्यक्ष चेतन आचार्य हाणी तांकां आर्गां ओपल्यांत.

24/02/2026

23/02/2026

माशें हांगा निराकार शिक्षण संस्था, मल्लिकार्जुन आनी चेतन मंजू देसाय म्हाविद्यालयाच्या जोड पालवान कोंकणी भाशा मंडळान चित्रंगी मेळावो आयोजीत केलो.

23/02/2026

माशें हांगा निराकार शिक्षण संस्था, मल्लिकार्जुनाचे आनी चेतन मंजू देसाय म्हाविद्यालयाच्या जोड पालवान कोंकणी भाशा मंडळान चित्रंगी मेळावा आयोजीत केलो.

20/02/2026

चित्रंगी 2026

19/02/2026

चित्रंगी मेळावो
थळ- निराकार शाळा सभाघर,माशें,काणकोण-गोंय

तारीक 21 आनी 22 फेब्रुवारी
3 ते 3.30-नांव नोंदणी आनी च्या

उक्तावण सुवाळो 3.30 ते 5
मुखेल सोयरो-प्रकाश काम
शिश्यवृत्ती भेटवण

मुलाखत 5 ते 6.00
सायोनारा टॅलीस
बायलांचे सशक्तीकरण-कायदे आनी त्रुटी
मुलाखत घेवपी-अनुषा आल्मेदा

6 ते 7 अभिमान-पत्र भेटवण

7.00 ते 8.30
साहित्य सादरीकरण
9 .00 क जेवण

22 फेब्रुवारी 2026
1)परिसंवाद 9.30 ते 10.30
वेचणुकेत 33%रखिवता आनी योग्य बायलांक संदी
वक्ते-सिसील राॅड्रीग्स,सियोला वाझ
रेश्मा बांदोडकार

2)परिसंवाद-10.30 ते 11.30
सामाजीक वावरांत बायलांचो सहभाग
तलुला डी.सिल्वा,मॅलीसा सिमोयस
सुलक्षा गांवस

3)11.30 ते 1.00
उगतें मळब
म्हाविद्यालयांतल्या विद्यार्थ्यांनी केल्ल्या रिल्साचेर भासाभास

4)जेवण-1 ते 2.30 जेवण

5) 2.30 ते 3.30 समारोप सुवाळो.
मुखेल सोयरी -सुनीता सावंत
हेर मानेस्त -वैजंती प्रभू.