ETF CHESS

25/12/2025

📵📚 शिक्षकांनी शालेय वेळेत मोबाईल-व्हॉट्सॲप वापरू नये; महाराष्ट्र राज्य प्राथमिक शिक्षक समितीचे आवाहन

शाळांमधील प्रत्यक्ष अध्यापन बाजूला पडून शिक्षकांवर वाढत चाललेला ऑनलाईन माहिती भरण्याचा जाच आता गंभीर स्वरूप घेत असल्याचे चित्र आहे. विविध शासकीय योजना, उपक्रम, अहवाल आणि माहिती संकलनासाठी शिक्षकांना स्वतःच्या खाजगी मोबाईलचा वापर करण्यास भाग पाडले जात आहे, यामुळे अध्यापन प्रक्रियेवर विपरीत परिणाम होत असल्याची तीव्र नाराजी शिक्षक संघटनांनी व्यक्त केली आहे.

📲 सतत येणाऱ्या व्हॉट्सॲप संदेशांमुळे
▪️ मोबाईल हँग होणे
▪️ वैयक्तिक इंटरनेट डाटा खर्च होणे
▪️ मानसिक ताण वाढणे
▪️ विद्यार्थ्यांकडे दुर्लक्ष होणे
अशी परिस्थिती निर्माण होत असल्याचे सांगण्यात आले आहे.

🗣️ महाराष्ट्र राज्य प्राथमिक शिक्षक समितीचे राज्याध्यक्ष विजय कोंबे यांनी स्पष्ट भूमिका मांडत शिक्षकांना आवाहन केले आहे की,
👉 शालेय वेळेत व्हॉट्सॲपसह कोणत्याही ऑनलाईन माध्यमांचा वापर करू नये.

📉 त्यांनी खंत व्यक्त करत सांगितले की, गेल्या काही वर्षांत शालेय शिक्षण विभागाकडून सातत्याने माहिती भरण्याचे आदेश दिले जात आहेत. प्रत्यक्ष अध्यापन मागे पडत असताना, निकाल जाहीर झाल्यावर मात्र गुणवत्ता कमी असल्याचा ठपका शिक्षकांवर ठेवला जातो.

👀 शाळेत मोबाईलवर काम करताना विद्यार्थी व पालकांमध्ये गैरसमज निर्माण होतो.
❌ शिक्षक शिकवत नाहीत, मोबाईलवरच व्यस्त असतात असा चुकीचा संदेश समाजात जात असून, यामुळे शिक्षकांची सामाजिक व व्यावसायिक प्रतिमा मलीन होत असल्याचेही कोंबे यांनी स्पष्ट केले.

🚫 बहुतांश माहिती मागणी ही अनधिकृत व्हॉट्सॲप ग्रुप्सद्वारे होत असल्याने, अशा ग्रुपमधून शिक्षकांनी बाहेर पडावे आणि कोणत्याही दबावाखाली पुन्हा सहभागी होऊ नये, असेही आवाहन करण्यात आले आहे.

✅ उपाय म्हणून
🔹 शाळेच्या वेळेत इंटरनेट बंद ठेवणे
🔹 व्हॉट्सॲपवरील ‘Read’ पर्याय बंद करणे
🔹 अध्यापनाच्या वेळेत ऑनलाईन कामास स्पष्ट नकार देणे
🔹 अत्यावश्यक परिस्थितीत फक्त दूरध्वनीद्वारे संपर्क

🕰️ शाळेची वेळ संपल्यानंतर प्रशासनिक संदेश पाठवले जाऊ नयेत, असा ‘Right to Disconnect’ वापरणे ही आजची गरज असल्याचे सांगत,
💪 “साहेब काय म्हणतील” या भीतीपलीकडे जाऊन शिक्षकांनी एकत्रितपणे ठाम भूमिका घ्यावी, असे आवाहन शिक्षक समितीने केले आहे.

✊📘 शिक्षक म्हणजे मोबाईलवर काम करणारे कर्मचारी नव्हेत, तर समाजाचे भविष्य घडवणारे आधारस्तंभ आहेत!

22/12/2025

आज दुसऱ्या दिवशी मुक्कामी आळंदी देवाची.....

26/07/2024

25/09/2022

Let's go
Jalna

24/09/2022

३ रुपयांच्या तिकीटावर ३ कोटींचा व्यवसाय करणारा “अशी ही बनवाबनवी” ! २३ सप्टेंबर १९८८.

आजच्या दिवशीच हा चित्रपट प्रसिद्ध झाला आणि एका इतिहासाची नोंद झाली. अनेकदा लढाया करणाऱ्या योद्धांना माहित नसतं आपण जे करतोय ते इतकं मोठ्ठं आहे की त्याची नोंद पुढे इतिहासात घेतली जाईल.

काहीस असंच काम “बनवाबनवी”च्या सर्व लोकांनी करुन दाखवलं. एवढी वर्ष झाली तरीही अज्जून ना लिंबू कलरच्या साडीचा रंग उतरला ना सत्तर रुपये जिवंत झाले !!

हा चित्रपट मधला तुमचा आवडता डायलॉग कोणता ??

#बनवाबनवी #अशीहीबनवाबनवी

#म #मराठी

24/09/2022

चलो जालना,!! चलो जालना!! चलो जालना!!!!!!!!!
*विविध मागण्यासाठी शिक्षकांचा भव्य मोर्चा*
सर्व शिक्षक कर्मचाऱ्यांना आवाहन करण्यात येते की उद्या दिनांक 25 /9 /2022 रोजी रविवारी विविध मागण्यासाठी शिक्षकांचा भव्य मोर्चा आयोजित केला आहे या मोर्चासाठी सर्वांनी उपस्थित राहण्याचे आवाहन करण्यात येत आहे
मराठवाडा शिक्षक संघ जालना द्वारा आयोजित शिक्षकांच्या विविध मागण्यांसाठी संघटनेचे नेते श्री सूर्यकांत विश्वासराव यांच्या नेतृत्वात (राष्ट्रपिता महात्मा गांधी ) येथून जिल्हाधिकाऱ्यालया पर्यंत अत्यंत नियोजनबद्ध मोर्चाचे आयोजन करण्यात आले आहे. मोर्चामध्ये शिक्षक कर्मचाऱ्यांची जुनी पेन्शन योजना तात्काळ मंजूर करण्यात यावी विनाअनुदानित शिक्षकांना त्वरित अनुदान देण्यात यावे शिक्षकांकडील असे शैक्षणिक कामाचा बोजा कमी करण्यात यावा. शिक्षककर्मचाऱ्यांची मुख्यालयी राहण्याचे अट रद्द करण्यात यावी . यासह विविध मागण्यांसाठी जिल्हाधिकारी कार्यालयावर भव्य मोर्चाचे आयोजन करण्यात आलेले असून सकाळी ठीक अकरा वाजता मोर्चा चमन जालना ते जिल्हाधिकार्यालय यादरम्यान होणार आहे तरी सर्व शिक्षकांनी कर्मचाऱ्यांनी मोर्चामध्ये मोठ्या संख्येने सहभागी होऊन आपली
एकजूट दाखवावी असे आवाहन मराठवाडा शिक्षक संघाचे तालुकाध्यक्ष श्री सुधाकर डोईफोडे यांनी केले....