01/05/2023
د روان(۲۰۲۳) کال شپږیزې لیګ په تړاو؛
دا چې کرکټ بورډ ملي اداره ده نو ساتنه او پرمختګ یې مونږ ته لومړیتوب لري
مونږ دشپږیزې کرکټ لیګ امتیاز لرونکي( مالکان) تل هڅه کړې چې د شپږیزې حیثیت او وقار لوړ وساتو او هېوادوالو ته د خوښیو زمینه برابره کړو
د دې ترڅنګ د لوبغاړو اقتصادي ملاتړ، د لوبغاړو د ظرفیتونو لوړول او د کرکټ ډګر ته ښه لوبغاړي ور وپېژنو دا زمونږ د ټولو مهم اهداف دي
همدارنګه هڅه مو کړې چې، د افغانستان کرکټ په تړاو په نړیواله کچه د کرکټ نړیوالې شورا او نورو ارګانونو منفي نظرونه مثبت طرف ته واړوو
مونږ (د شپږیزې دلوبډلو امتیاز لرونکي) په پوره معنی سږکال هم د شپږیزې تر سره کولو ته بشپړ چمتووالی لرو او غواړو چې راتلونکي شپږیزه لیګ په ښه شان ترسره کړو.
دا چې کرکټ بورډ د لوبډلو مالکانو سره د درې پړاوونو ترسره کولو قرارداد کړی چې له همدې امله تېر کال ټولو مالکانو په ډېرو سختو اقتصادي شرایطو کې د کرکټ بورډ ملاتړ کړی دی، نو کرکټ بورډ باید د لوبډلو مالکانو سره شوي قرارداد ته ژمن پاتې شي
دشپږیزې د نهم پړاو چې تمه وه (می) میاشت کې ترسره شي، خو له بده مرغه ترسره نشوه، اوس باید زر تر زره د شپږیزې د ډرافټ مراسم ترسره شي او سر له اوسه ورته یوه بله مناسبه نېټه وټاکل شي
مونږ وړاندیز کوو چې،
د شپږیزې د لا ښه ترسره کولو لپاره په ګډه کار او مشورې وشي، په بهترینه او ښه کیفیت سره پروډکشن او بروډکاسټ ورته تیار شي او د تېر پړاو د تېروتنو او خراب کیفیت مخه یې ونیول شي
همدارنګه د لوبډلو مالي ملاتړ کوونکو او دهغوی استازو ښې مېلمه پالنې ته پوره پام وشي تر څو په راتلونکي کې مالي ملاتړ کونکي او خصوصي سکتور وهڅول شي چې د کرکټ په ډګر کې مالي ملاتړ ته لا نور زړه ښه کړي چې دا چاره به د کرکټ پرمختګ لپاره ډېرې ښې پایلې ولري
