CWISA 俊和學生創新獎

CWISA 俊和學生創新獎 CWISA 俊和學生創新獎

16/04/2026

活動回顧 ✨ 「俊和學生創新獎」頒獎典禮
第四屆「俊和學生創新獎」頒獎典禮圓滿結束，各隊伍積極參與，讓我們見證了眾多優秀的創新項目誕生。典禮當日，土木工程拓展署署長方學誠太平紳士蒞臨致詞，肯定同學的努力與成果。💪🏻

近二十萬港元現金獎已悉數頒予金、銀、銅及優異獎得主 🏆 ，表揚其創新概念。俊和建築控股有限公司主席李家粦測量師透過片段勉勵同學繼續探索，再次祝賀所有得獎隊伍。
------------------------------------
兩年一度嘅「 CWISA 俊和學生創新獎 」對象為香港以至大灣區的大專院校學生 🧑‍🎓，旨在發掘年輕一代嘅創新能力，激勵參加者開發創新工程解決方案，冠軍隊伍除咗可贏取高達100,000港元現金獎之外💵，更能夠獲得資源或投資以實現其創新理念。請密切留意專頁 ❗️ 留意我哋最新動向⭐

#俊和學生創新獎 #大學生 #工程師 #工程

今屆「俊和學生創新獎」嘅金獎團隊代表早前同俊和管理層進行交流，講解項目內容，以促進知識同經驗嘅分享🤝🏻。金獎團隊喺會上講解得獎項目內容，希望運用低碳凝固膠取代香港最新填海技術 DCM 中運用到嘅高碳傳統水泥，目標從材料源頭減碳，達到可持續發...
05/12/2025

今屆「俊和學生創新獎」嘅金獎團隊代表早前同俊和管理層進行交流，講解項目內容，以促進知識同經驗嘅分享🤝🏻。
金獎團隊喺會上講解得獎項目內容，希望運用低碳凝固膠取代香港最新填海技術 DCM 中運用到嘅高碳傳統水泥，目標從材料源頭減碳，達到可持續發展。俊和管理層亦為項目提供寶貴意見，令同學可持續改良計劃，建立出可行嘅低碳建材商業藍圖。
相信所有團隊喺整個比賽過程都有所得著🌟，CWISA將繼續鼓勵同推動學生們追求創新，喺未來開發更多工程解決方案👍🏻。

————————————————
兩年一度嘅「 CWISA 俊和學生創新獎 」🏆 對象為香港以至大灣區的大專院校學生 🧑‍🎓，旨在發掘年輕一代嘅創新能力，激勵參加者開發創新工程解決方案，冠軍隊伍除咗可贏取高達100,000港元現金獎之外💵，更能夠獲得資源或投資以實現其創新理念。請密切留意專頁 ❗️留意我哋最新動向⭐
—————————————
查詢 / 聯絡：
IG: chunwo_isa
網址︰ www.cwisa.com
電話：+852 3159 2982
WhatsApp： +852 5720 8261
Wechat：俊和學生創新獎
電郵：[email protected]
#俊和學生創新獎 #大學生 #學生獎 #大學生活 #工程師 #工程 #得獎

【專訪】第四屆「俊和學生創新獎」最具商業潛力獎🏅得主🏆得獎隊伍：智能樓宇應急系統Generation Alpha Building Emergency System🏫大專院校：香港大學、香港城市大學以及理工大學嘅跨校團隊🔸項目簡介：智能樓宇...
25/08/2025

【專訪】第四屆「俊和學生創新獎」最具商業潛力獎🏅得主

🏆得獎隊伍：智能樓宇應急系統
Generation Alpha Building Emergency System
🏫大專院校：香港大學、香港城市大學以及理工大學嘅跨校團隊

🔸項目簡介：
智能樓宇應急系統 (GABES) 利用自主研發嘅 AI 火災感應器，減少火警誤鳴，並即時通知物管人員準確嘅火警位置🔥，提供快速而有效嘅應急管理。系統遍佈全樓嘅動態逃生指示牌，配合專利技術，引導居民安全撤離，大大提升生存機會。呢個項目幫助物管提升消防安全水平，有效減少火災損失，為居民打造全球最先進嘅消防保障，守護生命同財產！🔒

🔸項目對社會嘅貢獻：
我哋嘅火警應急方案有別於一般傳統消防系統，更加準確、方便、高效，令物業管理員隨時掌握消防安全狀況。搭配可視化管理平台同專屬帳戶系統，打造智能消防生態圈。系統唔止適用一座樓，仲可以擴展至多幢樓、整個地產發展，甚至跨區管理，為智慧城市消防安全打好穩固基礎！🚒🔥

🔸團隊參加「俊和學生創新獎」期間遇到嘅挑戰：
研發初期，團隊主要於實驗室埋頭苦幹。中後期先發現將技術由學術層面轉化為實際應用，當中存在唔少商業挑戰，同時面對業界對技術嘅質疑。由於學術界與商業世界嘅運作唔同，我哋搵咗有經驗嘅業界專家幫手，完善商業模式及技術細節，令項目更加成熟！💡

🔸參加「俊和學生創新獎」對團隊嘅得著：
團隊獲得大會導師嘅全力支援，幫助我哋快速又準確理解前線同管理層對物業管理嘅實際需要。直接同前輩交流，令我哋更有效優化技術同商業模式，導師就好似照亮我哋方向嘅明燈，推動項目大大進步！

🔸團隊對未來嘅願景：
隨住全球科技快速發展，我哋深信消防安全都要與時並進，用創新科技提升城市安全。團隊會繼續發揮專業，盡快將項目「落地」，以科技造福社會，守護城市！

#俊和學生創新獎 #大學生 #工程師 #工程 #得獎 #智能樓宇應急系統

【專訪】第四屆「俊和學生創新獎」銅獎🥉及最佳可持續方案獎🏅得主🏆得獎隊伍：人工智慧控制的空氣制氫與自清潔一體化系統AI-Driven Self-cleaning Air-to-Hydrogen System🏫大專院校：香港城市大學🔸項目簡介...
21/08/2025

【專訪】第四屆「俊和學生創新獎」銅獎🥉及最佳可持續方案獎🏅得主

🏆得獎隊伍：人工智慧控制的空氣制氫與自清潔一體化系統
AI-Driven Self-cleaning Air-to-Hydrogen System

🏫大專院校：香港城市大學

🔸項目簡介：
人工智慧驅動的自清潔空氣制氫 (SCATH) 系統，透過結合空氣製水、太陽能光催化與AI自清潔技術，實現零碳、零水耗嘅氫氣生產。系統中嘅多功能納米纖維膜，夜晚吸入空氣嘅水分，白天靠太陽能催化，將水分變成氫氣同飲用水。系統用人工智能即時監控濕度、溫度同表面污染，並動態調整運行條件。人工智慧驅動的自清潔機制使用最少的水去除顆粒沉積物，以保持高效嘅光催化制氫能力。

系統做到零液態水用量、零碳排放，高效生產氫氣同清潔水，適應力強，好適合做流動能源站同智慧城市基建！💧

🔸項目對社會嘅貢獻：
呢個系統有 4 大優點：
1. 幫助解決水資源問題，特別啱乾旱或離網地區
2. 生產綠色可再生能源
3. 減碳同時提升能源安全及獨立
4. 推動科技創新同產業發展

🔸團隊參加「俊和學生創新獎」期間遇到嘅挑戰：
研發項目都遇到唔少挑戰！最難忘係戶外做空氣集水產氫試驗時，在陽光曝曬嘅情況下🔥，全程陪住設備觀察同記錄。另外，選材同合成需要閱讀好多文獻、做大量實驗，先至搵到啱嘅材料，最終成功完成項目，好有成就感！💪

🔸參加「俊和學生創新獎」對團隊嘅得著：
團隊在比賽期間學到好多新知識，仲學到商業化嘅實用技巧。多謝俊和評委及評審嘅細心指導，令我哋呢啲PhD學生更了解產品嘅價值同意義，收穫滿滿！

🔸團隊對未來嘅願景：
團隊喺未來會廣泛推廣呢個系統，為社會創造更多價值，同時為可持續發展出一分力！

#俊和學生創新獎 #大學生 #工程師 #工程 #得獎

【專訪】第四屆「俊和學生創新獎」銀獎🥈及最具社會效益獎🏅得主🏆得獎隊伍：稻一 RiceFort🏫大專院校：香港中文大學、香港大學、香港科技大學及理工大學嘅跨校團隊🔸項目簡介：「稻一」利用農業廢料稻殼製作可持續、環保且高質量嘅纖維板，主要用於...
18/08/2025

【專訪】第四屆「俊和學生創新獎」銀獎🥈及最具社會效益獎🏅得主

🏆得獎隊伍：稻一 RiceFort
🏫大專院校：香港中文大學、香港大學、香港科技大學及理工大學嘅跨校團隊

🔸項目簡介：
「稻一」利用農業廢料稻殼製作可持續、環保且高質量嘅纖維板，主要用於家具及建築裝飾，減少木材使用，保護森林資源，為下一代打造可持續未來。

🔸項目對社會嘅貢獻：
首先，減少稻殼焚燒，從而大大降低對空氣質素嘅污染，為環境保護出一分力。其次，推廣低碳建材，回應全球氣候變化嘅挑戰，支持可持續發展。我哋亦積極提供培訓同就業機會，幫助弱勢社群融入社會，提升佢哋嘅生活質素。

🔸團隊參加「俊和學生創新獎」期間遇到嘅挑戰：
團隊成員努力協調時間，平衡比賽同學業，真係好唔容易。另外，呢次比賽令我哋對行業有更深了解，同時知道自己仲有好多地方要學習。

🔸參加「俊和學生創新獎」對團隊嘅得著：
團隊收穫良多，一方面獲得專業評審委員嘅寶貴技術建議，幫助改善產品設計；另一方面亦有機會同其他團隊交流，擴闊創新思維。

🔸團隊對未來嘅願景：
希望將「稻一」纖維板推向國際市場，為解決環保問題出一分力。

#俊和學生創新獎 #大學生 #工程師 #工程 #得獎

【專訪】第四屆「俊和學生創新獎」金獎 🥇得主🏆得獎隊伍：低碳凝固膠 Renewable Material Coagulant🏫大專院校：香港理工大學🔸項目簡介：「低碳凝固膠」使用建築廢料製成綠色水泥，目標取代香港最新填海技術 DCM 中運用...
12/08/2025

【專訪】第四屆「俊和學生創新獎」金獎 🥇得主

🏆得獎隊伍：低碳凝固膠 Renewable Material Coagulant
🏫大專院校：香港理工大學

🔸項目簡介：
「低碳凝固膠」使用建築廢料製成綠色水泥，目標取代香港最新填海技術 DCM 中運用到嘅高碳傳統水泥。我們認為建造業不止係「起樓」，更應該思考如何令城市長遠可持續發展，希望從材料源頭減碳，為未來鋪路！

🔸團隊參加「俊和學生創新獎」期間遇到嘅挑戰：
一開始對商業發展方向好迷惘，幸好有評委指點，加埋詳細資料搜集，團隊終於搵到合適方向。

🔸參加「俊和學生創新獎」對團隊嘅得著：
比賽期間獲得 mentor 同評審嘅寶貴意見，逐步建立出可行嘅低碳建材商業藍圖。

🔸項目對社會嘅貢獻：
項目積極支持聯合國可持續發展目標 (SDGs)，同時配合香港政府《氣候行動藍圖2050》，透過推廣低碳材料同創新技術，助力淨零排放，希望以行動回應氣候變化挑戰，共同打造更可持續嘅未來。

🔸團隊對未來嘅願景：
希望新材料日後可用於「明日大嶼」等大型工程，減少政府工程嘅碳排放及建材開支，令香港可以釋放資源投放喺教育同醫療等更需要嘅地方。

#俊和學生創新獎 #大學生 #工程師 #工程 #得獎

06/08/2025

決賽精彩回顧✨

來自香港以至大灣區嘅大專及大學生，透過運用AI、機械人、AR/VR技術，提出創新嘅工程解決方案。多位業界領袖擔任評審團，嚴謹挑選出具潛力嘅項目⭐。

一齊睇下評審對參賽作品嘅意見，同埋學生喺比賽過程中有咩收穫啦！

#俊和學生創新獎 #大學生 #學生獎 #大學生活 #工程師 #工程

頒獎禮充滿歡笑與感動🎉 一班年青人全情投入運用創新思維開發工程解決方案，發揮無窮潛力，為社區同環境帶嚟新意念。衷心感謝評審同嘉賓一齊見證學生嘅努力👍！ #俊和學生創新獎 #大學生 #學生獎 #大學生活 #工程師 ...
31/07/2025

頒獎禮充滿歡笑與感動🎉

一班年青人全情投入運用創新思維開發工程解決方案，發揮無窮潛力，為社區同環境帶嚟新意念。

衷心感謝評審同嘉賓一齊見證學生嘅努力👍！

#俊和學生創新獎 #大學生 #學生獎 #大學生活 #工程師 #工程

🎉 第四屆「俊和學生創新獎」頒獎禮昨日順利舉行！🎊我哋好榮幸邀請評審團及俊和代表頒獎，以表揚得獎隊伍傑出嘅創新工程項目。金、銀、銅及優異獎得主共獲頒近二十萬現金獎。🥇金獎由香港理工大學團隊嘅項目「低碳凝固膠」(Renewable Mater...
29/07/2025

🎉 第四屆「俊和學生創新獎」頒獎禮昨日順利舉行！🎊

我哋好榮幸邀請評審團及俊和代表頒獎，以表揚得獎隊伍傑出嘅創新工程項目。金、銀、銅及優異獎得主共獲頒近二十萬現金獎。

🥇金獎由香港理工大學團隊嘅項目「低碳凝固膠」(Renewable Material Coagulant) 奪得，項目利用工業副產品製成低碳固化劑，成功取代傳統水泥，應用喺地基加固工程，減少超過 80% 碳排放，為綠色建築與土地復修帶來革命性突破。

🥈銀獎及🏅最具社會效益獎得主來自香港中文大學、香港大學、香港科技大學及理工大學嘅跨校團隊，項目「稻一」(RiceFort) 將廢棄稻殼升級再造成為環保纖維板，應用於家具及建材，具備高效能、低成本、循環再造等優勢。

🥉銅獎及🏅最佳可持續方案獎由香港城市大學團隊嘅項目「人工智慧控制的空氣制氫與自清潔一體化系統」(AI-Driven Self-cleaning Air-to-Hydrogen System) 奪得，透過結合空氣製水、太陽能光催化與AI自清潔技術，實現零碳、零水耗嘅氫氣生產系統，尤其適用於乾旱偏遠地區。

🏅最具商業潛力獎由香港大學、香港城市大學以及理工大學嘅跨校團隊嘅項目「智能樓宇應急系統」(Generation Alpha Building Emergency System) 奪得，利用低誤報率嘅 AIoT 火警偵測技術，為香港嘅舊樓同密集都市打造智慧消防新方案。

我哋將會陸續訪問得獎隊伍，分享佢哋嘅設計理念同創作故事，敬請留意！

#俊和學生創新獎 #大學生 #學生獎 #大學生活 #工程師 #工程

Address

香港九龍長沙灣瓊林街 83號 A座 27樓
Hong Kong

Website

Alerts

Be the first to know and let us send you an email when CWISA 俊和學生創新獎 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to CWISA 俊和學生創新獎:

Shortcuts

Share

Category