Futbolli,Sporti Me I Bukur Ne Bote.

11/04/2014

23/01/2014

Beckenbauer: Lahm mund të lërë në stol Schweinsteiger.

Franz Beckenbauer beson se Philiph Lahm mund ta lerë jashtë formacionit të Bayernit, Bastian Schweinsteiger-in në gjysmën e dytë të sezonit 2013-2014. Lahm, i cili u vendos në qëndër të mesfushës bavareze nga trajneri Pep Guardiola pikërisht pasi Shvajni u dëmtua, ka terguar një nivel mbreslenës në atë rol edhe pse nuk është pozicioni i tij natyral në fushë. Megjithatë tashmë Schweinsteiger është rikuperuar plotësisht dhe kërkon të marrë sërish në dorë frenat e mesfushës së Bajernit të Mynihut, po kjo gjë sipas kaizerit është shumë e vështirë që të ndodhë.

“Unë besoj se Lahm mund ta lerë Shvajnin jashtë 11-shes titullare të Bayernit. Philiph mund të luajë në çdo pozicion të fushës përveç atij të portierit. Megjithatë ai që do të vendosë do të jetë Guardiola dhe kjo gjë do të varet edhe nga gjendja fizike e Schweinsteiger. Unë shpresoj shumë që Shvajni të luajë një pjesë të dytë sezoni po në atë formë të mirë si vitin e kaluar.”

Bajerni i Mynihut do të fillojë fazën e dytë të Bundesligës këtë të Premte në mbrëmje ndaj Borussia Monchengladbach. Për momentin ata kryesojnë kampionatin gjerman me 44 pikë pas 16 takimeve.

23/01/2014

Kolumbia humbet Falcaon për Botërorin.

Kolumbia merr një goditje të rëndë për Botërorin 2014 pasi sulmuesi kryesor Radamel Falcao do të mungojë për shkak të një dëmtimi të rëndë të pësuar në ndeshjen e Kupës së Francës kundër Chasselay. Sulmuesi i Monacos do të qëndrojë rreth 6 muaj larg fushave të blerta. Lajmin e bën të ditur mjeku i skuadrës, Jose Carlos Norona që shton se bomber duhet t’i nënshtrohet ndërhyrjes kirurgjikale në gju. Rezonanca magnetike konfirmoi këputjen e ligamenteve, një dëmtim i rëndë ky që kërkon minimalisht 6 muaj pushim për t’u rikuperuar plotësisht.

Me mungesën e Radamel Falcaos, Kolumbia humbet ndjeshëm në sulmin e saj, duke rrezikuar të zhvillojë një botëror të dobët. Ish-sulmuesi i Atleticos së Madridit ishte një nga lojtarët më të favorizuar për të fituar edhe “Këpucën e Artë” në evenimentin që do të startojë në Brazil gjatë muajit Qershor. Falcao u transferua nga madrilenët për te Monaco gjatë merkatos së verës duke u bërë edhe blerja e parë e madhe e skuadrës nga Principata që tashmë është hedhur në sulm për ta zëvendësuar. Alternativa e mundshme e kolumbianit është malazezi i Juventusit, Mirko Vucinic.

22/01/2014

Milan e Barça zbresin sonte në fushë....

Futbolli i mesjavës vazhdon me çerekfinalet e Kupave në Itali e Spanjë, mbrëmje që thërret në skenë Milanin e Barcelonën. Përtej Adriatikut për kuqezinjtë, protagonistë deri më tani të një kampionati zhgënjyes, Kupa e Italisë është kthyer në shtegun më të mirë për të kapur një kualifikim në kompeticionet Europiane. Për këtë arsye sfida e kësaj mbrëmjeje me Udinesen vlen shumë më tepër se një biletë në gjysmëfinalet e Kupës dhe në San Siro nuk do të shohim rotacionin klasik të praktikuar aq shpesh nga skuadrat italiane në Kupë. Me Abiatin mes shtyllave, ndersa përpara vec Balotellit do te jene dhe Kaka, Robinho e Birsa. Do të jetë ndeshja e dytë me Clarence Seedorf në stolin kuqezi pas fitores ndaj Veronës në fundjavë, dhe Milani do të kërkojë të shtrojë rrugën për ti ndryshuar fytyrën sezonit përballë friulianëve të Gudiolin që do të jenë një kockë e fortë për tu thyer pasi me vendin e 15 në kampionat edhe për të Kupa është barka e shpëtimit të sezonit.

Jashtëzakonisht interesante sfida spanjolle, me Barcelonën që vetëm 3 ditë pasi i la dy pikë Realit të Madridit rikthehet në Cidad de Valencia për tu hakmarrë ndaj Levantes së Joaquin Caparros që e ndali në fundjavën e kampionatit . Edhe pse ndeshja do të shenjohet nga rotacioni i shumëfishtë që do të realizojnë të dy trajnerët, e sigurt është se stili i Levantes e aq më pak i Barcelonës nuk do të ndryshojë edhe pse do të luajnë lojtarët që janë aktivizuar më pak, aq sa në formacionin e Levances mund të ketë plot 10 ndryshime në krahasim me skuadrën që ndali 1-1 Barcelonën, pasi në fushë nga ai formacion sot mund të jetë vetëm Loukas Vyntra. Në krahun tjetër ai do të momodifikojë as planet e Tata Martinos që pritet të hedhë nga minuta e parë në fushë vetëm titullarë të asaj sfide, Xavi, Pedro, Busquets dhe një Leo Messi që do të luajë sot në fushën e levantes ndeshjen e tij të 400 zyrtare me fanellën e Barcelonës. 400 ndeshje gjatë të cilave ka akumuluar eksperiencë, minuta objektiva, dribling e asiste. Gjithshka të nevojshme për tu rritur si lojtar, golashënues e lider, por kur merr topin e pregatitet të përballet me kundërhtarët për yllin argjentinas është gjithmonë e njëjta gjë, i përulur dhe kompetitiv, fëmija që luan për kënaqësinë e futbollit dhe të atyre që e ndjekin. Në moshën 26 vjecare e me realizimin e një kurikulumi që në moshën e tij askush nuk kishte mundur as ta ëndërronyte, ai që konsiderohet futbollisti më i mirë në botë që nga viti 2009, është një talent që ka ende shumë për të thënë në fushë, duke filluar nga sot.

22/01/2014

Rooney nuk do të rinovojë me Man. United.

Pas disa muajve akulli, në fund të sezonit do të vijë divorci. Wayne Rooney, 29-vjeçar do të lërë Manchester United. Pas 10 vjetësh, 295 ndeshjeve, 150 golave dhe gjithë trofeve të fituar në Angli e Europë vjen edhe fundi. Qendërsulmuesi ia ka bërë të qartë klubit se nuk ka aspak ndër mend të rinovojë kontratën, sido që të shkojnë gjërat që tani e deri në Qershor. Sipas “Daily Telegraph”, në të ardhmen e Wayne Rooney, kontrata aktuale e të cilit me “Djajtë e kuq” skadon në 2015-ën, është Reali i Madridit, me një ofertë prej rreth 30 milionë Eurosh për Manchester United dhe një kontratë prej katër vitesh për futbollistin.

Në fund të sezonit Reali do të bëjë lëvizjen vendimtare për të transferuar në Spanjë kampionin anglez, por nuk do të jetë e lehtë pasi iu duhet të përballen me konkurencën e Chelsea-t, me Mourinhon që nuk ka ngurruar ta shfaqë publikisht interesin për qendërsulmuesin. Rooney e konsideron tashmë të përfunduar kohën e tij në “Old Trafford” dhe nuk do të ndryshojë opinion edhe përballë ambicieve të rinovuara të Manchester United, e as nëse në ekipin e Moyes transferohet këtë javë Juan Mata nga Chelsea, për të cilin “Djajtë e kuq” janë të gatshëm të paguajnë 40 milionë Euro.

22/01/2014

I love this game :)

22/01/2014

FIFA: Në rrezik ndeshjet e Botërorit në Curitiba.

Ashpërsohen tonet nga ana e FIFA-s, që paralajmëron Brazilin se ndeshjet në stadiumin e Curitiba mund të mos zhvillohen, në rast se nuk përshpejtohet puna për mbarimin e objektit në kohë. Sekretari i përgjithshëm, Jerome Valcke zhvilloi inspektimin e radhës në vendin organizator të Botërorit 2014, nga ku foli me optimizëm, por edhe me tone kritike.

“Brazili nuk ka tjetër zgjidhje, duhet të jetë patjetër gati në kohë për këtë event të madh. Në 2007-ën, brazilianët kërkuan mbështetjen e të gjithë botës për të organizuar Kampionatin Botëror këtë vit. 31 skuadra nga e gjithë bota, mijëra tifozë dhe rreth 7 mijë gazetarë priten të mbërrijnë për Botërorin, prandaj të gjithë bashkë duhet të punojmë sa më shumë”.

Valcke gjithashtu pohoi se puna në stadimin “Arena da Baixada” është seriozisht prapa me planin dhe një vendim nëse ndeshjet në Curitiba do të luhen, do të merret përfundimisht më 18 Shkurt. Situata në përgjithësi është vërtet alarmante. Kur mbeten më pak se 5 muaj nga starti i Kampionatit Botëror, në 6 nga 12 stadiumet e parashikuar në kalendar, punimet nuk kanë përfunduar ende. Në stadiumin e Curitiba me kapacitet 42 mijë vende, pritet të luajë edhe Spanja, kampione në fuqi e Botës.

22/01/2014

Argjentina, Tevez drejt rikthimit në kombëtare !

Sezoni fantastik me fanellën e Juventusit, mund t’i dhurojë Carlitos Tevez rikthimin në kombëtare. Për Apashin folën presidenti i Federatës Argjentinase të Futbollit, Grondona, dhe trajneri Sabella, i cili gjatë detyrës së tij në krye të stolit të La Selecion, nuk e ka grumbulluar kurrë sulmuesin e Juventusit.

“Tevez është një lojtar i jashtëzakonshëm, me famë botërore, - deklaroi Grondona, -, Mund të grumbullohet për ai që do të vendosë do të jetë trajneri”. Për përse pikërisht tani lindin shkëndijat e shpresës. Natyrisht pasi para është një takim prestigjioz si Botërori brazilian, ku Argjentina nuk do të dështojë sërish. Dhe Tevez në këtë sezon, ka dhën prova pjekurie dhe vazhdimësie. Edhe disa drejtues të tjerë të Federatës kanë lëvizur për të shtyrë përpara cështjen. Mungesa e mundshme e Tevez në miqësoren e 5 marsit me Rumaninë, nuk do të thitë asgjë, pasi ai nuk është një nga ata lojtarë që duhen vënë në provë”, deklaron njëri prej tyre i cili preferon të mbetet anonim për të përditëshmen “Ole Clarin”.

Në ditët e kaluara një bashkëbisedim informal, mes Grondonas dhe Sabellas mund të ketë hapur rrugën e rikthimit të Apash*t me kombëtaren argjentinase. Edhe president ii Federatës argjentinase pak kohë më parë ishte shprehur skeptik për Tevez, por tani ka ndryshuar mendon dhe ja ka komunikuar dicka të tillë edhe trajnerit. Vetë Tevez pothuajse i kishte humbur shpresat, dicka që e shfaqi publikisht kur deklaroi, “Edhe nëse shënoj 130 gola me Juventusin nuk më cojnë në botëror. Edhe pse Argjentina ka përpara futbollistë klasi si Messi, Higuain, Lavezzi e Di Maria Tevez tani mund të shpresojë. Ndeshja e fundit që ka luajtur me kombëtaren, ( ajo ku gaboi një penallti që i kushtoi Argjentinës eleminimin nga Kupa e Amerikës me Uruguajin), daton në vitin 2011.

22/01/2014

Man. United duhet të paguajë 40 mln Paund për Juan Mata !

22/01/2014

Milan, Seedorf u tregon derën disa lojtarëve.

Revolucioni tekniko-taktik në shtëpinë e Milanit, mund të jetë më i zhurmshëm nga sa pritej. Largimet nga Milanello ishin parashikuar prej kohësh, por me mbërritjen e Seedorf dhe kalimin në sistemin e lojës 4-2-4, emrat që mund të largohen janë më shumë nga sa pritej. Jo vetëm Mexes që i pëlqen Fiorentinës dhe Monacos, por edhe Muntari e De Jong që kërkohen në Angli. Për sa i përket përforcimeve të mundshme, spikat hipteza Blerim Dzemaili.

Ditët e fundit të merkatos do ti shërbejnë Milanit dhe Seedorf për të detajuar një rrugë precise për tu ndjekur edhe në këndvështrimin e sezonit të ardhshëm. Vec të tjerash ndryshimi i modulit, me rikthimin në prioritet të teknikës që fiton ndaj muskujve, imponon disa modifikime të grupit. Dhe interesi nga jashtë Italisë për futbollistët kuqezinj nuk mungon. I pari që mund të lërë Milanin është Philippe Mexes, stoli kundër Veronës shenjoi historinë e tij me fanellën kuqezi , por tani mbetet për tu parë nëse do të transferohet te Fiorentina apo te Monaco e Ranierit.

Situata më e komplikuar dhe intriguese i përket mesfushës, repartit më të përfshirë nga ndryshimi i mentalitetit. I preferuari i Allegrit, Sulley Muntari ka patur kërkesa nga Premier League. Hull City e kërkon dhe Milani, nëse lojtari do të jetë dakord duket se ka si synim të hyjë në tratativa për sh*tjen. Më e vështire që të largohet Nigel de Jong. Në selinë e Milanit kanë rregjistruar interesin konkret të Liverpool që e do holandezin për të zëvendësuar të dëmtuarin Lucas Leiva. Vetëm përballë një oferte tunduese palët do të ulen në një tavolinë por për Seedorf, bashkëatdhetari i tij mbetet një lojtar i dobishëm për tu vënë përkrah kualitetit të Montolivos. Në fund edhe agjenti i Nocerinos, por kërkon ti gjejë një sistemim klientit të tij në kampionatin anglez. Në frontin e blerjeve ndërkohë në orët e fundit nga Zvicra spikat me forcë hipoteza Dzemaili, Sic raporton portal 4-4-2.com, mesfushori i Napolit i pëlqen shumë Clarence Seedorf që e ka vënë në krye të listës së përforcimeve.

22/01/2014

Kupa e Mbretit, Real Madrid një hap drejt gjysmëfinales.

Espanyol-Real Madrid në Kupën e Mbretit ishte një fotokopje e sfidës së kampionatit, me Realin që sërish doli fitues në “Cornelia El Prat”, duke hedhur hapin e parë drejt raundit tjetër të kompeticionit. Los blancos, këtë herë me veshje portokalli, gjetën dritën jeshile për në rrjetë me anë të francezit Karim Benzema, që realizoi golin e fitores së tyre në minutën e 25-të. Në El Clasicon në miniaturë, Espanyol sërish rezultoi shumë i vogël për t’i bërë ballë gjigantit kryeqytetas, duke shfaqur të njëjtën sëmundje si nëntë ditë më parë, atë të konkretizimit përpara portës.

Reali duke dashur të ruante bateritë dhe për kampionatin e mori me shumë lehtësi ndeshjen, duke i lënë iniciativën katalanasve. Vendasit të shtyrë dhe nga publiku e kërkuan deri në fund golin, madje duke shpërdoruar dhe një rast të pabesueshëm në minutën e 90-të ndërsa patën dhe dy pretendime për 11-metërsh. Gjithsesi dhe nëse shifrat do të kishin ndryshuar në 1-1, vështirë se Espanyol mund të pretendonte për një kualifikim duke qënë se sfida e kthimit do të luhet në “Santiago Bernabeu”. Për t’u përmendur gjithashtu në fitoren e Realit dhe prania e Iker Casillas në fushë, që dhe pse nuk ka qënë titullar sistematik arriti të vendosë rekord të ri personal duke zgjatur në 525 minuta paprekshmërinë e rrjetës së tij, sigurisht për ato herë që është aktivizuar.

22/01/2014

Ronaldo dëshiron të drejtojë Federatën Brazilane të Futbollit.

Në karrierën e tij ka fituar gjithçka si futbollist dhe cilësohet si një nga më të mëdhenjtë e të gjitha kohërave në futbollin botëror, por braziliani Ronaldo nuk kërkon të ndalet këtu. Fenomeni, i cili është larguar nga futbolli i luajtur prej disa vitesh ka shprehur dëshirën që në të ardhmen të drejtojë Federatën Brazilane të Futbollit. Në një intervistë të dhënë për mediat e vendit të tij, dy herë fituesi i Topit të Artë theksoi se marrja e presidencës së Federatës më të fuqishme futbollistike në botë është një mundësi që nuk e përjashton: “Jam në futboll prej një jete dhe e di sesi funksionojnë gjërat në këtë sport.

Nuk është një sfidë që më tremb përkundrazi e di se mund ta bëj shumë mirë këtë punë. Në një të ardhme do e mendoj seriozisht të kandidoj për postin e presidentit”. Ronaldo aktualisht është përfshirë në politikat sportive, pasi prej katër vjetësh është anëtar i komitetit organizativ për Botërorin e Brazil 2014.