ვისაც სამშობლო გვიყვარს, გვეამაყება ჩვენი ქართული წარმომავლობა, ვინც ვასრულებთ პატრიარქის კურთხევას და ყოველ დღეს, ვიწყებთ ლოცვით ,,უფალო სამშობლო დაგვილოცე,, გვეამაყება ჩვენი წინაპრების განვლილი გზა ,,აწმყო ხომ შობილია წარსულიდან,,
საზეპიროდ გვაქვს პატრიარქის ნათქვამი ,,ქართველი რომ ხარ", ეს უკვე საკმარისია იყო ბედნიერი,,
მამულიშვილნო, დებო და ძმებო, შემოგვიერთდით, გავერთიანდეთ ერთი იდეით,
რომელიც მე, კახაბერ გაბინაშვილმა და ლევან კეჭაყმაძემ გადავწყვიტეთ და იურიდიულად დავაფუძნეთ სრულიად სახალხო დღესასწაული ,,ქართული სულის ზეიმი,, მოგიწოდებთ: წელიწადში ერთხელ გამოვიდეთ ქუჩაში წინასწარ შეთანხმებულ დროს, ადგილას, ვიზეიმოთ ჩვენი ქართველობა, მამულიშვილობა. აუცილებლად ეროვნული სამოსით შემოსილები ვისაც გვაქ ამის შესაძლებლობა, მოვაწყოთ მსვლელობა ხალხული სიმღერით და ცეკვით, საბრძოლო ხელოვნების წარმოჩენით, საეკლესიო გალობით.
ჩვენ თუ გულრწფელად გვინდა ევროპა, ვაჩვენოთ ევროპას როგორ გვეამაყება საუკუნეებით ნაძერწი კულტურა. ეროვნულ სამოსში თუ ფოლკლორში გამოსახული. ჩემთვის ჩოხა განსხვავებული სულია ჩვენი წინაპრების.
სწორედ ასეთ კულტურას ვუწყობს დაუსრულებელ ოვაციებს, ვუკრავს ტაშს. გავიხსენოთ სუხიშვილების საამაყო წარმატება ლასკალას სცენაზე და სულ ახლახან ვატიკანში სამების გუნდის უზომოდ დიდი წარმატება და ასე შემდეგ, ჩამონათვალი დიდია, საამაყო ბევრი, მადლობა ღმერთს ქართველი ვარ.
