Quel est le site Web ?

Na7kiw koora - نحكيو كورة

Accueil
France
Paris
Na7kiw koora - نحكيو كورة

Itinéraire Site Web Contacter l'entreprise

ناقد كروي و صانع محتوى رياضي في الملاعب
LFC ♥️ صفحة رياضية لتحليل أهم المباريات العالمية و لتقديم أهم نصائح لعبة الفانتازي!

16/10/2026

بعد موسم في الدوري الايطالي كنت نتصور الحقيقة انو فاردي اعتزل الكرة في 39 عام .. اليوم نلقاه اساسي مع بيرنلي و لا سجل هدف ماركة متاعو ، ثعلب 18 … طلب كرة ممتاز و السهل في الانهاء … جيمي واحد من ابرز المهاجمين الى تعداو على الدوري الانجليزي الممتاز …

16/10/2026

🚨🚗🔥 إيلون ماسك يحبّ يبدّل قواعد اللعبة!

عرضت شركة Tesla سيارة رياضية جديدة تسمى Roadster يالتعاون مع شكرة spaceX

تخيّل كرهبة موش كان تجري على الطريق… أمّا زادة تطلع في الهواء! 😱🚀

الفكرة تعتمد على دافعات مستوحاة من تكنولوجيا الصواريخ، تدفع الكرهبة للفوق بقوّة! غاز مضغوط يخرج بقوّة من دافعات خاصّة، يدفع الكرهبة للفوق، ونظام تحكّم يساعدها تبدّل اتجاهها في الهواء! 🔥

#تكنولوجيا #المستقبل 🚀

16/10/2026

حسب ذا اتليتيك ريال مدريد يتوجه للمحكمة الرياضية TAD بشأن عقوبة فيني لمدة 4 جولات

14/10/2026

انا التصرفيات متع الفروخ هذه نكرها … و خاصة كيف تجي قدام مدرب يدافع عليك صباح و ليل رغم انك انت خارج الخدمة …

فينسوس هو المتسبب رقم واحد في اقالة الونسوا ، زيدان ماهوش عبقري و ما ينجمش في اول تجربة ليه يهز ثلاثة ابطال مع الريال و عندوا فيستيار فيها مشاكل و هذا الى خلاه ينجح … مورينو يحب يكمل و يوصل لازم ينضف … اولها العلاقة مع البرازيلي هذا …. في بلاصتو يشد البنك ، يفهم انو ماهوش ملاعبي اساسي في الريال و البلاصة لازم يحارب عليها … غير هذا الريال في هاوية و تو ترجعوا لكلامي…

فيني اليوم تعاقب اربعة مباريات بعد التصرف الاخير مع الحكم … شكون الخاسر في الاخر ؟

14/10/2026

اربعة في الاتحاد مش اي فريق يجي يعملها ، رغم انو السيتي عمل ردة فعل في الشوط الثاني لكن لم تكن كافية …

ليلة جميلة في ذات الاذنين الشامخة … كان تحبوا نحكيو على التفاصيل الى صارت اكتبوا في التعليقات، خاطر الحقيقة البوست الطويل ما يجيبش تفاعل و زايد ..

14/10/2026

اغلاط في الكرات الثابتة خلات روما تخسر المباراة ، لكن على كل روما معادش الفريق الى تمشي تربحوا بسهولة في الابطال ، روما راجع للواجهة بقوة ، و ديما نقول الاستثمار في المدرب اهم من الملاعبية و باريس ابرز مثال…

تو نجيو للريال من اول الموسم نقول انو مورينو بلا كورة ما صلح شيء من العبث الى صاير الاعوام الاخرة و الفريق هو نفس الحال ، على الرغم من حبي لمورينو الا انو بدون اضافة لحد الان …

قرارات فردية غالطة صحيح كيما لقطة فيني انا المدرب هو مطالب يصلح ، فيني يحب يعمل حاجة ما تجيش في الكرة ، بلا سكان يحب يسب الكرة لصاحبوا ، في منطقة خطيرة ، ملاعبي مركز يفهم انو الكرة هذه في منطقة حساسة جدا … تتفك تمشي مرتدة وقت فريقك en déséquilibre و هذا الى صار و مالين ما يرحمش …

هدف مالين الثاني الحقيقة ، ما فهمتش الخط متع الريال كيفاه ، فضيحة … تشاوميني خارج يكسر ، فالفيدري موخر .. عبث هذا الكل …

ردة فعل الريال باهية ، ثلاثة كرات من توزيعات تتسجل ، هذا شيء جيد اكيد iلكن الى متى الضعف الدفاعي؟ الفريق يحتاج التطور اكثر بأسرع وقت ممكن !!

14/10/2026

الحقيقة في الاطراح الكبار نخير ديما اني نتفرج في لويس انريكي مع باريس خاطر كون متأكد حتى كان خسر فما درس تكتيكي باش تخرج بيه و باش تشوف افكار واضحة …
بخلاف انو يعطي في حرية للاطراف نوعا ما ، لكن عامل افكار باش يوصل بيها لاخر ثلث بسهولة و بأقل ما يمكن …

مثلا ناخذوا مع بعضنا الهدف الثالث … الكرة تتفك ماركينوس يلقى حكيمي في انصاف المساحات ، حكيمي يلقى اكيلوش على الخط ، ياقف على الكرة ، يعطي كرة عرضية لزايير ايمري ، و الى يخلي كرة تتعدى لفيتينها يسجل هدف عالمي …

تعرف هذا اش معناها ؟ يعني باريس قبل ما يفك الكرة مطبق فكرة الدفاع الوقائي كيما يلزم ، اول ما يفك كورة كل ملاعبي يكون عندوا خيارات تمرير عديدة و بلاش حتى مجهود …

ناخذوا تو باريس بلا كورة وقت السيتي وصل لاخر ثلث ، انريكي كان يلخي ماركينوس يخرج على ريان شرقي على حامل الكرة ، المان تو مان متع هالاند باتشو، انريكي عاطي فيه الثقة ، لكن التفصيلة المهمة اهو فيتينها يسكر بلاصة ماركيونس بالوقت …

الحاصل برشا افكار و ما توفاش في بوست فايسبوك ، انا الحقيقة مستمتع بإنريكي …مع شوية شفقة على السيتي … ما يستاهلش البهدلة هذه الكل …

14/10/2026

درس للسيتي من انريكي 👏❤️

14/10/2026

هههههههههههههه …. ملا كورة هههههه

14/10/2026

ولعت القمة … ملا حطة دوي ❤️ … الكاليتي يا صاحبي … هذا الى يفرق بين لاعب كبير و لاعب عادي

Adresse

Paris

Site Web

https://www.youtube.com/channel/UCWtd0SnWFNsfb-tPsYgIInQ, http://nahkiwkoora.com/

Notifications

Soyez le premier à savoir et laissez-nous vous envoyer un courriel lorsque Na7kiw koora - نحكيو كورة publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.