Lunes 16:00 - 01:00 Miércoles 16:00 - 01:00 Jueves 16:00 - 17:00 Viernes 16:00 - 03:00 Sábado 16:00 - 03:00 Domingo 11:30 - 01:00

¿Qué es el sitio web?

https://www.facebook.com/103109915456868/

A Cofradía - Taberna Cultural

Casa
España
Villanueva de Arosa
A Cofradía - Taberna Cultural

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de A Cofradía - Taberna Cultural, Sala de eventos y espectáculos, Praza do Parque 2, Villanueva de Arosa.

26/05/2026

🔥🚬 JAY & THE SMOKING MACHINES na Cofradía 🚬🔥

O domingo 31 pechamos maio cunha desas bandas que entenden o rock&roll como unha linguaxe aberta, salvaxe e sen fronteiras. Dende Redondela chega .and.the.smoking.machines , un power trío que mestura blues, rhythm & blues, soul, garage e ritmos exóticos nun repertorio imposible de encadrar 🎸🔥

A súa música soa a guitarras chirriantes, baixos con alma e baterías hipnóticas. Unha amalgama ecléctica construída a partir dese pozo infinito que é o blues: ás veces escuro e cru, outras luminoso e bailable, pero sempre cheo de personalidade ⚡️🌪️

Eles mesmos definen o seu son como:
💨 “un monstro de Frankenstein afumado de riffs de guitarra e un irresistible beat de batería”.

Á fronte está Jay (Jeroen Mesker), cantante de blues nacido en Amsterdam e curtido durante máis de 25 anos na escena rock&roll europea. O destino acabou traéndoo a Galicia, onde conecta con Alberto López e Lui Pérez nunha química musical inmediata. Desa conexión nace unha banda que soa coma se levase toda a vida tocando xunta 🌍🖤

O resultado é un directo intenso, elegante e tremendamente vivo. Música feita dende as tripas, perfecta para despedir maio e o domingo patas arriba! 🔥🍻

📍 A Cofradía · Vilanova de Arousa
🗓️ Domingo 31 de maio
🕗 20:00h

🎟 Entrada inversa

06/05/2026

🎉🔥 DOMINGO 10 · V ANIVERSARIO EL FLEXI 🔥🎉

Hai datas que non son un evento máis… son celebración. E o 10 de maio é unha súper especial.

👉 O V aniversario de arranca o sábado en Vilagarcía… e continúa o domingo na Cofradía cun plan deses que se viven de principio a fin!

🌞 Dende as 13:00h, sesión vermú:
🍽️ paella + 🍻 bo ambiente + 🎧 VINYL SET a cargo de & .rairo , poñendo a banda sonora perfecta para un mediodía de festa e comunidade!

💥 E cando o corpo xa estea quente… chega o golpe final:

⚡THE FUZILLIS (UK) ⚡️
son unha auténtica apisonadora de rock’n’roll salvaxe, garage e rhythm & blues a toda velocidade. Esta banda británica leva anos facendo arder salas e festivais por toda Europa cun directo explosivo, sen descanso, onde cada tema é un chute de enerxía pura.

Guitarras afiadas, ritmo desbocado e unha actitude que bebe do mellor do rock clásico pasado polo filtro do punk.
🔥 Un show frenético, suado e irreverente que promete poñer A Cofradía patas arriba.

🎷🎸 Non vai ser só un concerto… é deses momentos que quedan.

📍 A Cofradía · Vilanova de Arousa
🗓️ Domingo 10 de maio
🕐 Dende as 13:00h (paella + DJs)
🕠 17:30h · THE FUZILLIS

🎟 Entrada inversa

05/05/2026

⚡🌙 VENRES 8 · YAREA ~ MOMENTOS ALHAMBRA ~ 🌙⚡️

Temos o luxo de anunciar a visita de nun formato moi especial: acústico, máis espido, máis íntimo e máis directo. Unha oportunidade única para descubrir de preto unha das voces máis persoais da nova escena estatal.

A súa proposta móvese entre o pop alternativo, a electrónica emocional e a canción contemporánea, construíndo atmosferas delicadas onde a voz e a palabra levan todo o peso. Letras honestas, fráxiles e afiadas que falan de identidade, relacións e inquedanzas xeracionais… sen artificios e con moita sensibilidade.

✨ Este concerto forma parte do ciclo , unha aposta por experiencias musicais coidadas, próximas e especiais, onde o importante é parar, escoitar e deixar que a música pase. ✨

Nun momento de claro crecemento, YAREA está a consolidarse como unha artista cun discurso propio e unha conexión moi especial co público. E neste formato acústico, esa conexión multiplícase.
🌌 Un deses directos para escoitar… e sentir. Non o perdas!

📍 A Cofradía · Vilanova de Arousa
🗓️ Venres 8 de maio
🚪 Apertura de portas: 21:30h
🕥 Concerto: 22:30h

🎟 17€ anticipada / 21€ taquilla

indie VilanovadeArousa

04/05/2026

🔥🌿 MAIO chega cargado á Cofradía! 🌿🔥
Seguimos avanzando na tempada cun mes de diversidade, comunidade e moito directo. Aquí vai o que se vén 👇

🗓️ Sábado 2 · SESIONES RECOVER
Xa arrancamos maio cun dos nosos formatos máis especiais!

🗓️ Venres 8 · YAREA
~ MOMENTOS ALHAMBRA ~
Dentro do ciclo recibimos a , unha das voces máis persoais da nova escena estatal. Yarea constrúe un universo íntimo e contemporáneo onde o pop alternativo, a electrónica e a emoción conviven con naturalidade.
Un directo delicado e potente ao mesmo tempo, deses que conectan dende dentro.
🎟 17€ ant. / 21€ taq.

🗓️ Domingo 10 · THE FUZILLIS (Londres) + VINYL SET
~ V ANIVERSARIO EL FLEXI ~
🔥 Día moi especial na casa 🔥
Celebramos o V Aniversario do noso local irmán cunha xornada completa: sesión vermú con pinchadas a vinilo a cargo de e .rairo , ambiente de festa dende o mediodía… e remate por todo o alto!

Chegan dende Londres , unha máquina de rock’n’roll salvaxe e acelerado, cun son que bebe do rhythm & blues máis primitivo, o garage e o punk clásico. Un directo incendiario, sen pausa e sen concesións.
Un deses concertos que se viven co corpo enteiro!
🎟 Entrada inversa

🗓️ Sábado 16 · FELIX SLIM (USA) + David LH
~ BLUES & RÍAS ~
Seguimos co ciclo Blues & Rías cunha proposta de auténtico sabor americano. , músico nacido en Florida, trae un blues cru, elegante e profundamente arraigado na tradición, cunha forma de tocar que conecta co delta, o ragtime e o folk máis clásico.
Acompañado por LH, suman unha noite de raíces, e puro blues!
🎟 12€ ant. / 15€ taq.

🗓️ Domingo 31 · JAY & THE SMOKING MACHINES
Pechamos o mes cunha proposta que mira ao soul, ao funk e ao rhythm & blues máis grooveiro. .and.the.smoking.machines traen un directo cálido, elegante e bailable, perfecto para despedir maio coa pista acesa e o corpo en movemento!
🎟 Entrada inversa

🌟 Maio na Cofradía é isto: formatos únicos, ciclos que medran, conexión internacional e celebración colectiva!

🎫 ENTRADAS ANTICIPADAS NOS LINKS DA BIO E NO LOCAL
📍 A Cofradía – Taberna Cultural · Vilanova de Arousa

30/04/2026

🎛️🔥 SESIONES RECOVER · Nº6 🔥🎛️
📆 Sábado 2 de maio
📍 A Cofradía – Taberna Cultural

Volve unha das noites máis especiais da casa… ⚡️

Despois de varias sesións que foron auténticas viaxes colectivas, regresa coa súa esencia intacta:
👉🏼 unha banda actuando coma se fose un DJ,
👉🏼 reinterpretando a música en directo,
👉🏼 e levando a sesión por un fluxo continuo sen pausas.

💿⚡ Un formato híbrido onde todo encaixa: house, drum & bass, jersey club mestúranse con sons máis orgánicos como afrobeat, cumbia ou reggae 🌍🥁, nunha sesión viva, cambiante e feita para bailar sen parar.

🎶 Nesta #6 edición repite a fórmula que xa sabemos que funciona:
🎸 unha banda base de luxo (Pedro Grego, Julio Visi, Manu Díaz, José Visi + convidadxs) que irá construíndo a sesión en tempo real…
🔥 e rematando a noite, DJ sets de .dust + , levando todo cara o club e mantendo a pista acesa ata o final.

💥 Improvisación, conexión e moita enerxía compartida.
💃🏽🕺🏽 Música sen etiquetas, baile sen pausa.

🕙 Comezo: 22:00h

🔊 Sesiones Recover volve tomar A Cofradía!!!

22/04/2026

🌀⚡ VENRES 24 · NOITE HÍBRIDA NA COFRA ⚡🌀

Hai días de concerto… e días para perderse sen etiquetas. Este é un deles!

🗓️ Venres 24 de abril
👉🏼 MARTES MAL + SAVVNA + DJ MANUELAO

🔥 chegan cun son cru e contemporáneo, movéndose entre o post-punk, o indie máis escuro e esa enerxía que pide sala e proximidade. Directo tenso, eléctrico e sen adornos!

⚡ engaden outra capa á noite: electrónica visceral, texturas e intensidade que medra pouco a pouco ata meterte de cheo na viaxe.

🎧 E cando penses que todo rematou… entra en xogo DJ , mantendo a pista ardendo e levando a sesión a máis pulsacións.

💥 Tres propostas distintas, un mesmo fío: ritmo, atmósfera e noite longa!!!

🕺🏽 Isto non vai de estilos. Vai de deixarse levar!

📍 A Cofradía · Vilanova de Arousa
🗓️ Venres 24 de abril
🕙 Dende as 22:00h
🎟 Entrada inversa

VilanovadeArousa TemperanClub ParabensPedrinho

20/04/2026

🔥⚡ DRUGOS NA COFRADÍA ⚡🔥

🗓️ Sábado 25 de abril

Dende Xixón, con base en Madrid, chega , unha das bandas máis en forma do novo rock estatal. Un proxecto que leva anos medrando paso a paso ata converterse nunha referencia real dunha xeración que volve poñer as guitarras no centro, sen perder frescura nin identidade.

💿 Veñen presentar o seu último traballo, “Haz ruido mientras puedas” (2026), un disco que supón un salto claro en todo: sons máis compactos, máis directos e máis contundentes. Guitarras refinadas, bases sólidas e cancións que van ao gran, sen rodeos. Un álbum que soa a momento e a consolidación.

🔥 En directo, iso tradúcese nunha descarga sen pausa: intensidade, conexión co público e esa sensación de que cada tema empuxa ao seguinte. Non hai artificio, non hai pose. Só música feita con intención e con verdade.

💥 A súa xira está deixando salas cheas e concertos que medran noite tras noite. Velos en sala pequena agora é un deses privilexios que dentro dun tempo se recordan.

Unha data marcada en vermello para esta tempada, apura a conseguir a túa entrada porque voan!

📍 A Cofradía · Vilanova de Arousa
🗓️ Sábado 25 de abril
🕥 22:00h
🎟 15€ anticipada (link na bio/ no local) / 18€ taquilla

15/04/2026

⚡️🌊 A Cofradía prepárase para unha descarga de garage e surf rock 🌊⚡️

Directamente desde a escena máis salvaxe e despreocupada, traen á nosa casa unha mestura explosiva de garage, rock’n’roll e actitude sen filtros. Un directo feito para g***r sen freos, onde a enerxía manda e cada tema soa como unha descarga directa á pista. 🔥

🎸 Guitarras afiadas, compás constante e ese espírito gamberro que tanto nos gusta por aquí. Unha desas bandas que non veñen a cumprir… veñen a liala!

🌊 E para completar a viaxe, estarán acompañados de The Sr. Surf y la Backing Band, unha proposta cunha traxectoria de máis de 30 anos dentro da escena, consolidándose como un referente do surf rock instrumental
Co seu son cargado de reverberación, melodías profundas e unha identidade que mestura o clásico co contemporáneo, constrúen unha experiencia envolvente: un auténtico paseo por paisaxes sonoras, intensidade e liberdade.

💥 Dúas propostas que encaixan á perfección para unha noite que vai do garage máis crú ás ondas hipnóticas do surf rock.

📅 Venres 17 abril
🕥 22:30h
🎟️ Entrada inversa

📍 A Cofradía — Vilanova de Arousa

08/04/2026

⚡️🇵🇹 JEPARDS AO VIVO NA COFRADÍA 🇵🇹⚡️
Dende Portugal chega unha das bandas máis frescas do novo rock alternativo:
Nados en Fafe e criados entre ensaios improvisados e tardes sen plan, construíron un son que mestura indie, garage e actitude punk, mirando claramente a referentes como The Strokes, Pixies ou os primeiros Arctic Monkeys.

🎸 A súa música ten ese punto cru e espontáneo que conecta rápido: guitarras nerviosas, melodías pegadizas e un espírito despreocupado que se transforma en enerxía pura en directo.

💿 Co seu primeiro LP “A Study on the Behaviors of the Inebriated” chamaron a atención da escena portuguesa, sendo considerado por moitos un dos discos do ano e levándoos a tocar en salas clave e festivais.
💫 Chegan agora presentando o seu novo álbum, “Pretty Kitsch!”, un paso adiante no seu son: máis compacto, máis directo e cunha enerxía que medra dende o primeiro tema ata o último!

📍 A Cofradía · Vilanova de Arousa
🗓️ Sábado 11 de abril
🕥 22:30h
🎟 Entrada inversa

VilanovadeArousa

06/04/2026

🔥🥑 AWAKATE chega á Cofradía 🥑🔥

🗓️ Venres 10 de abril recibimos unha das propostas máis frescas e explosivas da mestizaxe urbana estatal… e ademais da man de 🚐💥

Dende Murcia, leva anos construíndo un son propio onde conviven rap, electrónica, ritmos latinos e folclore do sureste cunha naturalidade brutal. Un proxecto colectivo que entende a música como festa, pero tamén como discurso, mesturando enerxía bailable con mensaxe e identidade.

🔥 No seu directo todo encaixa: bases contundentes, voces que flúen entre estilos e unha conexión co público que medra tema tras tema. Non hai pausas, non hai baixadas… só unha viaxe constante cara arriba!

🌍 Un son que bebe do urbano pero que rompe etiquetas, pasando polo hip hop, afro, latin vibes ou electrónica, sempre cun enfoque aberto e mestizo.

💥 AWAKATE é unha banda en pleno momento de expansión, levando o seu directo por todo o estado e deixando pegada en cada parada.

📍 A Cofradía · Vilanova de Arousa
🗓️ Venres 10 de abril
🕙 22:30h (apertura de portas>21:30h)
🎟 8€ anticipada / 12€ taquilla
(anticipadas online e no local)
VilanovadeArousa

Dirección

Praza Do Parque 2
Villanueva De Arosa
36620

Horario de Apertura

Lunes	16:00 - 01:00
Miércoles	16:00 - 01:00
Jueves	16:00 - 17:00
Viernes	16:00 - 03:00
Sábado	16:00 - 03:00
Domingo	11:30 - 01:00

Página web

facebook.com

Notificaciones

Sé el primero en enterarse y déjanos enviarle un correo electrónico cuando A Cofradía - Taberna Cultural publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.