05/08/2026
🫑 Cando remata a Festa do Pemento, quedan as fotografías, os recordos e os momentos compartidos. Pero detrás de todo iso hai persoas.
Persoas que levan meses preparando cada detalle, que regalan o seu tempo, que traballan sen descanso e que poñen toda a súa ilusión para que A Arnoia volva vivir unha fin de semana inesquecible.
A vós, voluntarios e voluntarias, grazas. Grazas por estar sempre cando fai falta, por crer nesta festa e por facer dela moito máis ca un evento: unha tradición que une a todo un pobo.
Nunca haberá palabras suficientes para agradecer todo o que facedes, pero queremos que saibades que cada sorriso, cada aplauso e cada recuncho desta festa tamén leva un pouco de vós.
Esta festa é grande porque detrás dela hai xente inmensa. Grazas de corazón. 💚
