26/10/2026
Compartimos algúns dos mellores momentos da nosa primeira ruta deste cuadrimestre, celebrada o sábado 24 de outubro polo fermoso Val do Río Barbantiño, en Amoeiro.
Unha xornada especialmente emotiva, na que celebramos a III Ruta en Lembranza de W***y (José García-Calvo Rodríguez), mantendo vivo o seu recordo a través do sendeirismo, da amizade e dos camiños compartidos.
Queremos agradecer de corazón a todas as persoas participantes a súa presenza, o entusiasmo e o magnífico ambiente durante todo o percorrido.
O noso agradecemento especial a +Deporte La Región e ao diario La Región, pola súa colaboración nesta terceira edición, así como á Universidade de Vigo, mUVers, por seguir apostando por estas actividades que nos permiten descubrir e poñer en valor o noso patrimonio natural, histórico e cultural.
Grazas tamén ao equipo de monitores/as e a todas as persoas que fixeron posible esta fermosa xornada.
Comezamos un novo curso cheo de ilusión, novos destinos e moitos quilómetros por compartir.
Porque hai persoas que nunca deixan de camiñar ao noso lado, mesmo cando xa non están.
Por W***y e por todos os camiños que aínda nos quedan por percorrer.
Aquí vos deixamos unha selección de fotografías desta xornada. Agardamos que vos gusten!
***y
