30/05/2024
| Presentación do VI Mar de Muros Tríatlon "Trofeo Iván Raña"
O Concello de Muros acolleu na mañá de onte a presentación da VI edición do ‘Triatlón Mar de Muros. Trofeo Iván Raña’, que se celebrará ese sábado coa participación de 150 atletas, o número máximo permitido.
Participaron na presentación a alcaldesa de Muros, María Lago; a tenente de alcaldesa, Caridad González; o concelleiro de Deportes, Damián Torea; a concelleira de Seguridade Cidadán, Sandra Maneiro; a concelleira de Igualdade, Maruxa Martínez; Juan Carlos Ageitos Sampedro, delegado comarcal da Federación Galega de Triatlón, e Francisco Abelardo Lestón Lago, técnico de deportes do concello.
A proba terá lugar este sábado, 1 de xuño, na vila de Muros e contará coa participación de máis de 150 triatletas.
ESTACIONAMENTO E CORTE DE ESTRADA
Ademais, estará prohibido o estacionamento desde as 15.00 horas do venres ata as 19.30 horas do sábado na zona portuaria de Muros (achégase plano)
A estrada comarcal AC550 permanecerá cortada ao tráfico entre os puntos quilométricos 40,500 a 36,800 en dirección Muros - Cee, puntos que se corresponden coa zona da lonxa vella (Muros) e co cruce do convento de Louro, entre as 16:45 e as 18:30 horas do sábado.
