10/05/2016
Agardámosvos o próximo martes 17 de Maio, ás 20:30, no café-bar A Bolera (Moaña)
O I Ciclo de Barferencias promovido pola Asociación Cultural A Ghudalla, ten como obxectivo levar o saber fóra dos marcos máis tradicionais do mundo académico para divulgar e trasladar este coñecemento directamente aos bares. Nesta primeira edición do ciclo de BARferencias, tituladas “Ecoloxía e desenvolvemento: novos paradigmas”, presentaremos dúas conferencias nun ambiente distendido, onde a participación do público será sempre benvida.
En primeiro lugar, David Conde Seoane (cultivador de cáñamo) presentará a súa charla “Reconquistando o cáñamo”, na que fará un pequeno percorrido pola historia desta planta e nos revelará algunhas das súas múltiples aplicacións na actualidade. Pola súa banda, Iria García e Xulián Chapela (Xiro Atlantic Denim) presentarán “Moda e Sustentabilidade”, onde ademáis de falarnos da súa experiencia emprendedora, nos amosarán as oportunidades e vantaxes que nos ofrecen a moda sostíbel e os texidos ecolóxicos na actualidade.
Agardámosvos o próximo martes 17 de Maio, ás 20:30, no café-bar A Bolera (Moaña)
