Castelo Conta

31/10/2026

🌿 Iria do Castelo e Antía Otero comezaron a investigación para o desenvolvemento do libro número cero da colección da Bolsa de Creación Castelo Conta x Castelo Studio.

O xoves pola tarde reuníronse coa veciñanza baixo os castiñeiros do Campo da Capela de San Ramón para escoitar falar de cousas das que só a xente de alí pode falar 💭

Na conversa apareceron as vacas que coñecían o camiño de volta, os milagres dos carballos cerqueiros, os remedios populares, as abellas que vivían dentro da casa, e ata a presenza dos números impares en moitas destas historias.

Lendas, crenzas e lembranzas que forman parte da memoria de Castelo e que agora comezan a tomar forma nunha obra que escribirá Antía Otero e ilustrará Iria do Castelo, e que se presentará antes da próxima edición do Castelo Conta 📖

📸 AIGI BOGA

31/10/2026

🌿 Iria do Castelo e Antía Otero comezaron a investigación para o desenvolvemento do libro número cero da colección da Bolsa de Creación Castelo Conta x Castelo Studio.

Reuníronse cos veciños durante a tarde de onte, baixo os castiñeiros do campo da Capela de San Ramón, para escoitalos falar de cousas das que só a xente de alí pode falar.

As vacas que coñecían o camiño de volta, os carballos milagre atentos, os remedios populares, as abellas que vivían dentro das casas ou o misterio dos números impares. Estas lembranzas e relatos que forman parte da memoria de Castelo comezarán agora a tomar forma nunha obra poética e ilustrada arredor dos mitos e lendas do Xalo.

Iria do Castelo e Antía Otero comezan o libro número cero da Bolsa de Creación Castelo Conta x Castelo Studio cun encontro coa veciñanza.

23/10/2026

🫂 As mulleres de Vilaño, Baroña e Castelo volveron reunirse arredor de 'Mulleres que Contan' para compartir o vivido despois da estrea do documental e pensar como dar continuidade ao proxecto en 2027.

Un encontro no que contamos coa presenza de Mercy Ruiz, teatróloga, docente e investigadora das artes escénicas que viaxou desde A Habana (Cuba) para achegar o seu gran de area á proposta.

Mercy acompañou a Hadriana durante a xornada, con dinámicas arredor dos coidados, reflexións, xogos, risas e novas ideas para seguir fortalecendo os vínculos entre territorios 🌿

As mulleres de Vilaño, Baroña e Castelo reúnense nun novo obradoiro de Mulleres que Contan para planificar a continuidade do proxecto en 2027

23/10/2026

🫂 O pasado mércores, Adro de Vilaño acolleu o primeiro obradoiro de ‘Mulleres que Contan’ despois da estrea do documental.

As mulleres de Vilaño, Baroña e Castelo volveron reunirse para compartir o vivido, participar en dinámicas arredor dos coidados e pensar como queren darlle continuidade ao proxecto en 2027 💭

Da man de MercedesRuiz, teatróloga, docente e investigadora das artes escénicas e vivas, que viaxou desde A Habana para achegar a súa experiencia ao proceso, o encontro tamén foi un espazo para falar dos límites, das cargas que asumimos e de como nos relacionamos coas demais.

Houbo tempo para reflexionar, pero tamén para rir, moverse e pasalo ben. Algunhas das dinámicas trouxeron de volta a diversión dos xogos da infancia, nunha xornada que rematou arredor dun anaco de larpeira e unha cunca de café. Entre conversas, as participantes comezaron a imaxinar os próximos encontros e as maneiras de manter o contacto entre territorios 🌿

Unha xornada para seguir fortalecendo os vínculos creados durante o proceso e que tamén nos lembra que Mulleres que Contan transforma a maneira en que, desde fóra, escoitamos e miramos ás mulleres que temos máis preto.

📸 AIGI BOGA

19/10/2026

🌿 Que queda nun territorio cando remata un evento?

O próximo sábado, Álvaro Pérez Becerra, secretario da Asociación Cultural Castelo Conta, participará no foro de 'A Media do Camiño', en Vilaza (Monterrei), dentro da mesa Eventos que deixan pegada: do pico de visitantes ao legado territorial.

Un encontro para compartir experiencias e reflexionar sobre como os eventos culturais e deportivos poden contribuír á actividade dos lugares nos que se desenvolven e deixar algo máis alá dos días de celebración.

Desde a experiencia do Castelo Conta, falaremos desa relación entre eventos, comunidade e territorio 🫂

Participamos no Foro A Media do Camiño, para compartir a nosa experiencia sobre o papel dos eventos na dinamización do territorio rural.

06/10/2026

⛰️ Do Monte Xalo... a unha final europea!

A aplicación Monte Xalo, integrada no proxecto Aranguelos, foi seleccionada entre os sete finalistas da convocatoria de ideas de investimento de MetaHeritage, centrada en patrimonio dixital, tecnoloxía e turismo cultural.

📲 O proxecto naceu para achegar o monte a todas as persoas e permitir descubrir, mentres se percorre, os camiños, a natureza, o patrimonio e as historias que forman parte deste lugar.

Agora, esa ferramenta creada desde o tecido asociativo de Castelo comparte espazo con proxectos de diferentes lugares de Europa que tamén buscan novas maneiras de achegarse ao patrimonio a través da innovación 🌿

02/10/2026

👀 Detrás desta … hai moito máis do que se ve!

Meses de traballo, moitas mans e tamén empresas, entidades e institucións que deciden acompañarnos e que, desde os seus ámbitos, fan posible que a programación vaia collendo forma.

Estrella Galicia, Deleite, Clínica Médico Dental Pardiñas, Méndez-Rojo, cafes_lua, Máis Enerxía, Cartón Atlántica, Alvac, Concello de Culleredo, Deputación da Coruña e Xunta de Galicia, a través do Xacobeo 2027, estiveron este ano ao noso carón.

Están na Taberna, nas barras, nos escenarios, en Xente Miúda, nos Contos de Castelo, nunha cata, nunha alborada ou nese detalle que ás veces apenas se ve, pero que tamén fai festa.

E como aquí non nos gusta facer as cousas porque si, procuramos que cada colaboración teña sentido dentro do que acontece en Castelo.

Grazas por acompañarnos un ano máis 🫂

📸 AIGI BOGA

🌿

02/10/2026

Hai unha parte do Castelo Conta que non sempre se ve cando comezan os concertos, se enche a Taberna ou se abren as portas da Polideportiva.

Está nas empresas, entidades e institucións que nos acompañan durante todo o proceso e que este ano volveron formar parte da festa: Estrella Galicia, Cabreiroá, Deleite, Clínica Pardiñas, Méndez-Rojo, Cafés Lúa, Máis Enerxía, Cartón Atlántica, Alvac, Ecos do Sur, FAXPG, Asociación Parkinson Galicia, Concello de Culleredo, Deputación da Coruña e Xunta de Galicia, a través de Xacobeo 2027.

Algunhas levan anos connosco e outras fóronse incorporando co tempo. Están nas barras, na Taberna, nos escenarios, na programación infantil, nunha cata, nunha actividade ou nese pequeno detalle que fai que todo estea a punto.

Unha parte do traballo que queda detrás desta 🌿

Coñece as empresas, entidades e institucións que acompañaron o Castelo Conta 2026 e contribuíron a facer posible a edición.

18/09/2026

🎬 Hai apenas unhas semanas, as voces de seis territorios rurais reuníanse por primeira vez nunha única película. 'Mulleres que Contan' estreábase no despois de máis dun ano de encontros, conversas e historias compartidas arredor dos coidados, a memoria e as experiencias das súas protagonistas.

Esta tarde, o documental continúa o seu percorrido e volve á pantalla por primeira vez desde aquela estrea. Faino en Ponte Ulla (Vedra), no marco da primeira parada de A Lacena Pequena, cunha xornada dedicada ás mulleres e aos coidados 🌾

16/09/2026

Hai cousas sen as que non se pode entender o Castelo Conta, e o humor é unha delas!

Esta festa naceu arredor dos monólogos, das historias e das ganas de xuntarnos para botar uns contos. E se hoxe seguimos facendo a Noite do Castelo Conta, once edicións despois, é tamén porque ao longo deste camiño houbo moitas cómicas, cómicos e artistas que decidiron vir a Castelo, compartir escenario e facer humor connosco.

Algunhas caras levan aquí desde o principio e outras foron chegando polo camiño, pero todas forman parte, dalgunha maneira, desta historia que seguimos escribindo cada ano 🗣️

E nela, tamén hai outras persoas e equipos que fan posible que a Noite sexa como é. Hai varias edicións que colaboramos coa FAXPG, e coas intérpretes de lingua de signos, para facer que a programación sexa cada vez máis accesible e que o humor poida chegar a todo o público. E tamén coa GaliFunk Brass, que un ano máis puxo a música para acompañar o espectáculo 🎺

Así que este é un deses agradecementos que non poden faltar: grazas por vir, por confiar e por axudarnos a que a comedia siga sendo unha das razóns polas que nos xuntamos en Castelo 🫂

📸 AIGI BOGA

🌿