Omix Coiros

25/10/2026

A Escola de Música e Baile Tradicional de Coirós participou esta fin de semana, convidada pola agrupación Berriztasuna Taldea, no festival Hiru Jauzitan, celebrado en Portugalete, no País Vasco.
A escola formou parte da programación do sábado 24 de outubro cunha actuación de baile tradicional ás 20.00 horas, no marco dunha xornada adicada á música e á danza tradicionais.
O encontro permitiu á Escola de Música e Baile Tradicional de Coirós compartir a súa música e os seus bailes con outras agrupacións, nunha iniciativa que contribúe ao intercambio cultural e á difusión das tradicións populares.
Noraboa a todo o grupo!!

19/10/2026

🎃👻 SAMAÍN EN COIRÓS: UNHA TARDE DE MEDO E MOITA DIVERSIÓN! 🕸️🦇

Nenas e nenos poderán g***r dunha tarde terrorificamente divertida con actividades para a cativada: obradoiro de cicatrices, túnel do terror e actividades de dinamización. 🧟‍♀️🩸

📅 Horario: de 17:00 a 19:00 h
📍 Lugar: campo da festa de Coirós
🎟️ Prazas limitadas: 50, preferencia empadroadas
📝 Inscrición obrigatoria a través do formulario web.

⚠️ Menores de 8 anos deberán estar acompañadas por unha persoa adulta

19/10/2026

🎭 III Mostra de teatro para persoas adultas:

👉Continuamos coa mostra, e nesta ocasión recibiremos a Malasombra producións con "De algo hai que morrer", unha conferencia fúnebre-cómico-teatral na que dous peculiares científicos, o profesor Jeckill e o profesor Hyde, divulgan as súas investigacións sobre un tema que afecta a toda a poboción: a morte. Se preguntan se vivir está sobrevalorado, cómo sería o mundo se fosemos inmortais ou se a morte avisa antes de chegar.

🗓 Domingo 25 de outubro
📍 Centro social de Coirós
🕗 18:30 horas

Entrada de balde e ata completar aforo

Espectáculo incluído na rede cultural da Deputación da Coruña

09/10/2026

07/10/2026

Maña, xoves, comezan as actividades da escola de música e baile tradicional.
Por mor das obras no centro social de Queirís, as actividades levaranse a cabo no centro social de Coirós

Bo comezo!!

07/10/2026

Mañá, xoves, comezamos coas actividades da escola de música e baile tradicional.
Bo comezo!

06/10/2026

🏆🥔 O TERCEIRO PREMIO VEU PARA COIRÓS! 🥔🏆

No marco do XIX Concurso Nacional de Tortilla de Patacas celebrado en Alicante, o terceiro premio foi para unha representación do noso concello. 🥉👏

Un recoñecemento que pon o nome de Coirós no mapa gastronómico e que nos enche de orgullo. Porque detrás dunha boa tortilla hai produto, tradición, talento e, sobre todo, moita ilusión. 💙

👏 Parabéns ao noso representante, Carlos Boado, de por este merecido recoñecemento que o sitúa no podio nacional!

05/10/2026

🏁🚗 Coirós, presente no Rali Rías Altas Histórico! 🏆

Esta fin de semana disputouse na nosa comarca o Rali Rías Altas Histórico, proba puntuable para o Campionato de España de Rallyes Históricos.

O Concello de Coirós estivo representado polos nosos veciños José Luis Maroño e Víctor Filgueira, que completaron unha gran actuación nunha proba especialmente esixente e competitiva. 👏🇪🇸

🔹 José Luis Maroño acadou a 8.ª posición da clasificación xeral e a 4.ª posición na categoría Pre-2000.

🔹 Víctor Filgueira finalizou na 13.ª posición da xeral, conseguindo ademais a 8.ª posición na categoría Pre-2000.

💪 Dous grandes resultados nunha categoría moi competida, que poñen de manifesto o bo nivel dos nosos pilotos.

👏 Desde o Concello de Coirós queremos felicitar a José Luis e Víctor polo seu traballo, esforzo e compromiso, e agradecerlles por levar o nome do noso municipio por toda Galicia e polo ámbito nacional.

Parabéns aos dous e moitos éxitos nas vindeiras probas! 🏁💙

02/10/2026

🎭 III MOSTRA DE TEATRO PARA PERSOAS ADULTAS 🎭

Este outono, o Centro Social de Coirós énchese de teatro! 🍂🎬

📅 11 de outubro -Neura, de Ste Xeito Produccións
📅 25 de outubro- De algo hai que morrer, de Malasombra Produccións
📅 8 de novembro -Bicos con lingua, de Talía Teatro
📅 22 de novembro -Rosalía, a filla do mar (obra completa), de Pena Furada Teatro, grupo local de Coirós ❤️

📍 Centro Social de Coirós
🕡 18:30 h
🎟️ Entrada de balde, por orde de chegada

Catro tardes para desfrutar do teatro en galego, coñecer o traballo das nosas compañías e, especialmente, apoiar e g***r do talento local de Pena Furada Teatro. 🎭❤️

Espectáculos subvencionados pola Deputación da Coruña

30/09/2026

📌📌 Axudas municipais para libros, material escolar e transporte (prazo do 1 ó 20 de outubro)

O Concello de Coirós abre o prazo para solicitar as axudas municipais correspondentes ao curso 2026/2027, destinadas a apoiar ás familias e facilitar o acceso e a continuidade nos estudos.

📚 Axudas para libros e material escolar
Dirixidas ao alumnado matriculado no segundo ciclo de Educación Infantil. A contía máxima é de 150 € por alumno/a, cun crédito total de 6.000 €.

🚌 Axudas ao transporte para estudos fóra de Coirós
Destinadas ás persoas empadroadas no Concello que cursen estudos fóra do termo municipal. As axudas inclúen Bacharelato, ciclos formativos, estudos universitarios e Escola Oficial de Idiomas, así como un réxime específico para persoas con discapacidade. As contías dependen da localidade do centro de estudos e poden chegar ata 900 €. O crédito total da convocatoria é de 5.500 €.

📅 Prazo de solicitude: do 1 ao 20 de outubro de 2026, ambos incluídos.

As solicitudes poderán presentarse no Rexistro Xeral do Concello, na sede electrónica municipal ou polos medios previstos na normativa administrativa.

Para o cálculo da renda familiar tomarase como referencia o exercicio fiscal 2025.

As persoas interesadas deberán consultar as bases reguladoras e a documentación que debe acompañar á solicitude antes de presentala.

Mais información na web: www.concellocoiros.com